$$ واحد ثقيل $$

[بحيرى]

جيت من الخلاء ....
الواطه لسه نهار ....
لمه ليك فينى واحد شليق شلاقه _ ذكرنى طمورتى _ سايق ليهو موتر .... قال الا اوصلنى محل انا ماشى ....
يا زول .... قال السماء ده قريب ... مافى اى طريقه .... يا ود الناس ..... حرم الليله الا اوصلك ...
فى سرى قلت الله امشى اليوم ده على خير ....
يا زول العربيه هنديك ليها واقفه .... قال الا اركب معاهو الموتر علشان اشوف سواقتو بقت كيف ...!!
اللهم طولك يا روح .... استغفرت واتوكلت على الدائم ويا روح ما بعدك روح ....
وهاك يا ابنصات ..... معااااااااك معلم يا فرده ....
الزول ده طاير بالموتر تقول جابو ليهو خبر موت هسه دى ...
ياخى ده زى البمثل ليهو فى فلم هندى وماشى انتقم من الخائن ...
شمال فى يمين .... يمين فى شمال ..... جينا مارين بالمستشفى .....
عينى للمرأه حامل _ كرشها تقول خاته فيها قدرة فول _ قاطعه الظلت ...
وزولى ماشى عليها بالموتر دقرى ..... معاك معلم يااااخ ...
بالله المرأه شدة ما كرشها منفوخه تقول تلد فى الظلط ده هسه ....
وزولى تقول موصنوا عليها .... دقرى زى القطر ..
وانا اقول ليهو يازول .... يا زول .... المرأه يا بنى آدم ....
وحاتكم تقول راكب مع زول تانى ... يا جماعه دى شبكت شنو دى ...؟
بالله الزول ده لمه ليك فى المرأه دى شالها فوق وخبت بيها الواطه وخبت ليك الموتر فى المرأه وخبتنى ليك بالموتر وخبتنا كلنا بيهو هو ذاتو .... يعنى فلم هندى بث ....
انا بقيت ما فارز روحى من الموتر ولا من المرأه ولا من صاحبى المعلم ده .....
بث زى الحرامى اللموا فيهو ناس الفريق وهااااااك يا خبت ....
ما تعرف الحرامى من الزول الما حرامى ....
مشتتين فى الواطه تقول الجماعه ديل دقشوهم بى ضراب بلى ....
هسه تقولوا ليى الدخل البلى هنا شنو ...؟
جنكم تنظروا وتمسكوا ليكم فى حاجات هايفه ...
اجمل مافى الموضوع بنطلونى انشرط .... بقيت من الواطه ما قادر اقوم ....
انا ذاتى ما عارف نفسى .... هسه اكورك ... ولا اخجل ..... ولا اسوى شنو ...؟
الزول ده لمه فينى زى الملاريا الخبيثه .... فجأه كده تجيك تشنجات ......
كرهت السودان وكرهت المواتر وكرهت الهند ذاتها ...
وبعد شويه عينك ما تشوف الا النور .... الناس دى تقول كلموها فى الرادى ....
تقول شافونا فى الجزيره الاخباريه .... الواحد بسأل فيك سؤال منكر ونكير ...
الجماعه ديل تقول مقاولنهم علينا .... تقول مدنهم ورقة الاسئله ....
ها زول كيف انت .... ها زول انشاء الله عوجه مافى ... ها زول علك بخير ...
وانا ارد لى كل زول براهو ... وما داير اقوم من الواطه ....
والجماعه اشولوا واقوموا فينى بالقصب .... وانا التقول الواطه دى زارعنى فيها ....
ها ناس امهلوا .... دقيقه .... انا بقوم براى ....
ثمح ما تقوم .... بالله التقول قاعد ليهم فى راسهم ....ها ناس امهلو دقيقه ....
عليكم الله شوفوا الوقعت فيها .....
الواحد بقى ذى الزول البصحوهو الصباح بدرى وهو ماداير اقوم من النوم ...
عطشت ......
النشرب لى مويه ابل بيها ريقى ... تنشفوا للزول ريقوا بالاسئله الكتيره دى ....
انا من ما مايسه دى جابتنى فى الكركر ده ... وانا ايى زول الاقيهو اقوم اسألنى ..
انا عامل حادث .... والناس بتسأل فينى ..... التقول انا استاذ رياضيات ....
انا من يوم الكركر داك اشيل واشرب فى المويه ...
كان شفت لى زول ساااى اشرب لى مويه .... بخت جك المويه اول حتين افتح النفاج ....
واحد ثقيل قال لى ....شكلك داير تبقى ماسوره ....
بالله جبتوا لينا سيرت المويه .... نسيتونا الموضوع ذاتو ....
انتو تنسوا الزول اسمو ...
هو الموضوع عن شنو ...؟

[فتح الله عبداللطيف]

كان شفت لى زول ساااى اشرب لى مويه .... بخت جك المويه اول حتين افتح النفاج ....واحد ثقيل قال لى ....شكلك داير تبقى ماسوره ....
[quote]
بالجد القال ليك انت ماسوره ده ماعارف انت البتركب المواسير ياخي بالغت معاي دي ماسووووووووووووووووووووووره من امها والله

[mahagoub]

ما قلت ليك الحب صعيب
والككر ده انت ما من ناسوا
كدى خلينا فى حكايتنا
المرا ولدت ولا لسه

[ابو عبد الرحمن]

سلامة يا راجل . تاني عشان تعرف تركب مع منو ؟؟؟ موتر قايل نفسك ( شاشي كابور )
مالك ومال المواتر هو الزمن ده الواحد ماشي برجلوا ساي الله يستر . غايتو ...........
الكرامة سريع يا بحيري .

[الاستاذة]

والله دي سلامة كبيرة
اها ماقلت لينا ماتكون لسة قاعد في الواطه

[أحمد عمر ( MOODY )]

بحيري يااااااا .. صالح
و الله مشتاقين .. و فاقدنّك




معاك .. بنرجع تااااني نجاوب لي ناس المكتب
سؤالهم السغيل بتاع
بتتضحك من الصباااااااح كده .. مالك .. ؟

[مدناوية]

بحيري .. بس قاعد لينا للمحن ..



هسي ما وريتنا قمته كيف من الأرض؟؟؟

[mahagoub]

انت يا ولد
ما ظاهر مالك ؟
ما تكون القصه حقيقيه ؟
وراقد متعسم

[بحيرى]

بالجد القال ليك انت ماسوره ده ماعارف انت البتركب المواسير ياخي بالغت معاي دي ماسووووووووووووووووووووووره من امها والله [/quote]

يعنى قصدك تقول انا السباك .....!!
والله بالغت انت والله ....
انت الظاهر زول الموتر ده بتعرفو كويس .... ولا اكون من باقى اهلك ....
هسه تقول لى انا ذاتى مقطوع من شجره ...!!

[بحيرى]

ما قلت ليك الحب صعيب
والككر ده انت ما من ناسوا
كدى خلينا فى حكايتنا
المرا ولدت ولا لسه

والله يا عمك مشتاقين ....
شفت البقت على ....
بقيت بولد ....!!
آخر الزمن ....
اكون بعد الكركر ده بقيت اخصائى نساء وتوليد ...!!

[بحيرى]

سلامة يا راجل . تاني عشان تعرف تركب مع منو ؟؟؟ موتر قايل نفسك ( شاشي كابور )
مالك ومال المواتر هو الزمن ده الواحد ماشي برجلوا ساي الله يستر . غايتو ...........
الكرامة سريع يا بحيري .

ابو عبد الرحمن يا حبيبنا ....
والله مشتاقين زنقه زنقه يا زنقو ....
اعمل حسابك .... انا الايام دى مركب مكنة بطل هندى ....
يعنى عادى ممكن اطير ... وانط ليكم من حته لحته ...!!

[مايسة]

الف سلامة والله -
غايتو بسألك زي سيد النفاج(استاذ محجوب) المرة ولدت ولا كيف
---------
انت شكلك شلاقة عاداك مما اتقدمته لبتو وانت ما طبيعي- قال ككر قال

[mahagoub]

والله يا عمك مشتاقين ....
شفت البقت على ....
بقيت بولد ....!!
آخر الزمن ....
اكون بعد الكركر ده بقيت اخصائى نساء وتوليد ...!!

بقيت بحيرى بولد
وبحيرى بدون ولد

[بحيرى]

والله دي سلامة كبيرة
اها ماقلت لينا ماتكون لسة قاعد في الواطه

الله يسلمك يا استاذه ....
والله تصدقى الواطه دى سمحمه جنس ثماحه ....!!
انا اول مره اعرف انو الواطه دى سمحه بالشكل ده ....
من شدة ما عجبتنى ..... القومه غلبتنى .....
اقوم امشى وين انا .... انا حالتى دى ماظنيت بتقومنى ....
معزور .... معزور .....

[بحيرى]

بحيري يااااااا .. صالح
و الله مشتاقين .. و فاقدنّك
معاك .. بنرجع تااااني نجاوب لي ناس المكتب
سؤالهم السغيل بتاع
بتتضحك من الصباااااااح كده .. مالك .. ؟

مودى ... ولله الشوق كميات ....
انت البضحكك من الصباح شنو ...؟
هسه الموضوع ده بضحك .... جاى تشمت فينى بث ....
ده كلو منك انت ....
تنق فينى الكركر .... الكركر .... ورح الجماعه مستننك ....
لمن قتست حجرى ....!!

[بحيرى]

بحيري .. بس قاعد لينا للمحن ..



هسي ما وريتنا قمته كيف من الأرض؟؟؟

مدناويه .... ازيك ...
انا لى هسه فى الارض ....
اقوم امشى وين يعنى فى الصقط ده .....
هسه ده وكت الزول اقوم فيه من الارض ....!!
انا بقيت زاحف .... يعنى من ذوات الزحف ....

[بنت الرفاعي]

ألف سلامة
وكويس جات في القماش.

[بحيرى]

الف سلامة والله -
غايتو بسألك زي سيد النفاج(استاذ محجوب) المرة ولدت ولا كيف
---------
انت شكلك شلاقة عاداك مما اتقدمته لبتو وانت ما طبيعي- قال ككر قال

مايسه .... كيفنك
والله برضو ممكن .... اكون ابو النسب ده عادانى .....
ولا احتمال المسافر كتبنى ولا عمل لى عمل فى العشش ....
انا كنت فاكرك انتى .... لكن طلعتى بريئه .... الى حين اشعار آخر ....
قايتو لو ناس البوليس سألونى بجيب سيرتك ....!!

[بحيرى]

ألف سلامة
وكويس جات في القماش.

ازيك يا دكتوره ....
والله سلامه كبيره .....
لكن القماش ما بتعوض ...
انا بالطريقه دى تانى جلاليب بث .....!!

[المسافر]

من واقع القصة أعلاه ، هناك أسئلة مهمة :
1- إن شاء الله الموتر ما جاتو عوجة .
2- البنطلون ( عادي ولا جينز ) .
3- المرة ولدت ولد ولا بت .

[محمد الواثق]

ههههههههههههههههههههههه
صالح والله الف سلامة
بعرفهم انا بتاعين المواتر ديل
الله يبعدك منهم خصوصاً
معز عجب اسي قولي معز الوحيد الما عندو موتور

[أحمد عمر ( MOODY )]

مودى ... ولله الشوق كميات ....
انت البضحكك من الصباح شنو ...؟
هسه الموضوع ده بضحك .... جاى تشمت فينى بث ....
ده كلو منك انت ....
تنق فينى الكركر .... الكركر .... ورح الجماعه مستننك ....
لمن قتست حجرى ....!!

المثل بقول ليك
كان مسكت ما تفك .. و كان فكّيت ما تندم



إنت فكّيت المكنكش فيهو مالك ؟؟

[بحيرى]

من واقع القصة أعلاه ، هناك أسئلة مهمة :
1- إن شاء الله الموتر ما جاتو عوجة .
2- البنطلون ( عادي ولا جينز ) .
3- المرة ولدت ولد ولا بت .

يا مسافر ....
عليك الله جاى من هناك تقول لى الموتر كيف .... قبطى انا ...!!
ياخى اقول ليك انا فى الواطه القومه غالبانى ....
تقول لى البنطلون وما البنطلون ...
انا الناس لامه فينى ذى الضابح لى بقره ....
تقول لى المرأه جابت بت ولا ولد .....
والله حقو الزول اقوم ابوظ ليك خطوبتك الجديده دى هسه ....!!

[بحيرى]

ههههههههههههههههههههههه
صالح والله الف سلامة
بعرفهم انا بتاعين المواتر ديل
الله يبعدك منهم خصوصاً
معز عجب اسي قولي معز الوحيد الما عندو موتور

يا بطه ....
والله المواتر دى بقت مشكله ....
معز عجب مشى فى الواطه ما قادر امشى .... خلي اسوق ليهو موتر ...!!!

[بحيرى]

المثل بقول ليك
كان مسكت ما تفك .. و كان فكّيت ما تندم
إنت فكّيت المكنكش فيهو مالك ؟؟

يا زول ....
انت ما مؤمن ....
اقول الزول ده مشرط اديل كده ....!
تقول لى امسك وفك وكان فكيت جيب الباقى ....!!
يا زول انحنا فى طبليه ..... اقول ليك حادث .. حادث .... تقول لى عندك فكه...!!