لمن يهمه الامر ..الاسماء الحقيقية لاعضاء المنتدى

[saly]

عنوان مثير للفضول ؟؟
ربما لا اعرف الاسماء الحقيقية لمعظم اعضاء المنتدى ... ولكن هذه اسماؤهم كما قرأتهم .. وكما احسست بهم ...
فهاكم احساسي وشاركوني مسمياتي .. ولمن يرغب في الاعتراض على اسمه له هذا الحق خلال سبعة ايام من تاريخه والا سوف يعتبر اسم معتمد ولا يجوز التغيير بعد الفترة المحددة ..
وبسم الله نبدا
كبيرنا بابكر الادمن .... قائد الاسطول,,, القائد الهمام,,,, ابو الكل.
ابوروان .... المايسترو حبيب الكل
وحيد ...الرائع ...
ابوريلان.... المبدع..
ابراهيم ... المدهش ..
سوباوي ... المرهف ...
مزوني... الزول الظريف ...
حمدتو ... الحكيم ,,,,الصبق الأصيل
عزيز عيسي ,,,, الفنان
قارئ الشخصيات ... بتاع المشاكل...
كاظم,,,,عاشق الشجن ...
لواء.,,,,,ناسج الحروف ...
ولي,,,, خفيف الروح ..
امير عبد الباقي,,,, الهجين ,,,, لانه حمل لمحة من واحد من هؤلاء ...
خالد هاشم,,, ....................................

البنات الحلوات وردات المنتدى ...
اميمه عشريه... الخرافيه ,,,الجميله ,,,الزوق,,, اللطافه ,,,الرقيقه ,,, الملهمه
توتا... المشرقة ..زهرة
عشوشه,,, الحنينة,,,.ورده
ساندرا ,,,,العسوله ,,, عبير
اما سالي فبترك ليكم انتم تختارو لي اسمي او ممكن تخلوه كده

والبقيه جايكم ما نسيتكم

[الزبير محمد عبدالفضيل]

ههههههههههه ليه يا سالي تنسي سفيرررررررررررررررررر المنتدي ((((( السفير ))))) هذي بحق عليك انك نسيتي السفير


واشكرك علي هذا التذكير باسماء المنتدي

[مزوني]

ياخي انتي الظرافه واللذه والرقه كلها يا سالي
وانتي بالذات كان قلن فيك شنو وشنو ما بديك حقك
لكن بقول ليك
الحروف في وصفك انتي ** بتبقى ماياها الحروف
بتبقى زي عرس النجوم ** ضوايا في أجلى الظروف
مخضرة زي فرح السنابل ** منتشره في كل الجروف

[Mr Lonely]

بالجد غلبني البقولو فيك

الله يديك العافيه يا غاليه

[عشوشه]

سالى ما عرفت اقول شنو بس بالجد اخجلتينى
انت الرائعه بلا حدود

[اميمه عشريه]

يعني قصدك شنو .....؟ الواحد راسو يبقي قدر الهجمه وتاني ما نقدر نقعد قدام الجهاز ولا شنو والله خجلتنيا عديل ..بشكر ذوقك عزيزتي ...

اما انت فدعي الاحاسيس تعبر وحدها وتصل اليك الكلمات لا تجدي ......

[عزيز عيسى]

العزيزة سالي،

بالجد رائعة.. ومشكورة كثير علي مجهوداتك في تسمية اعضاء المنتدى.. أنا في رأيي الأسماء تنطبق تماما علي أصحابها..
وبقترح نسميك.. روح المنتدى لأنه فكرتك دي ذكية جدا ومافيش حدا سبقك عليها..
وقدرتي كيف تجيبي الناس..
بتقولي علي شخصي الضعيف (فنان).. لكن ما حددتي.. مغنواتي مثلا ولا نوع تاني من الفن.. ولو مغنواتي تصدقي اليومين دي عندي
موهبة جبارة جدا.. بغني غناء رهيب وعجيب وبأنفعال كمان.. لحدى ما المدام قالت ياربي الراجل دا جن ولا الحصل ليهو شنو؟..
لكن ما وجدت لي معجبين ولا مشجعين.. ولا حتى ناس يتبنوا موهبتي.. عارفه كنت بغني فين.. (في الحمام.. كل يوم الصباح)..

ولك مني كل الود،

عزيز

[madaniboy]

سالي : اميرة المنتدى
ويسلموو
مع خالص ودي
فاقد حنان

[saly]

السفير ما تزعل والله ما نسيتك ما كتبت اني جاياكم تاني شويه شويه صحتك بتهمنا

مزوني تسلم اخوي علي اطرائك الجميل

مستر وحيد ما تخجل قول اي شي منك حلو

عشوشه انت والله الاخجلت تواضعي

اميميه انا اعتقد كتبت ليك نقطه بس من بحرك ما تتواضعي اكتر

عزيز عيسي بالله العظيم قلت لي صوتك حلو غايتو الا نسمعو عشان نقرر بس كلمه فنان انا كتبتها ليك عشان هي شامله كل النواحي اعتقد فاهم قصدي


فاقد انا ما نسيتك والله اسمك متزكراه و حتلقي تعليقي تحت و شكرا اخوي علي اطرائك لي

[saly]

السفير,,,,, سفير مدني

خالد حمد موسي ,,,,, الطروب

غابه الابنوس ,,,,, الوجيه

خالد هاشم ,,,,, اللآبد ( معليش ما تزعل )

waheeb ,,,, ابو الهدوء

ابو المهتدي ,,,, رجل المستحيل

مهيره ,,,, بت عبود

shashi,,,,, الغامض

الوفي ,,,,,, وفي

فاقد حنان ,,,, اخر العنقود

صالح ابو شوارب,,,,,, ابو شيبه

صدقي ,,,,, انامل الذهب


ولي عوده مره تانيه

[خالد هاشم علي]

سالي ياغالية...
انا مافهمت تصنيفي ؟؟؟
ولا ممنوع من التصريف والاعراب؟؟؟؟هههههههههههههههههههههههههههه
شكلك كده ماعرفتي مويتي؟؟ او( رقم صفر الذي لا يعرف حقيقتة احد..)..هههههههههههههههههههه
والله ياسالي انا ابسط مماتتصوري ...
وممكن تقولي علي .. خالد هاشم البسيييييييييييييييييييييييييييييييييط
وتسلمي علي فكرتك اللذيذة دي اللي ازالت الرتابة والروتين من المنتدي .. وده العهد بيك دائما...

[كاظم]

سالي الرقيقة جدا والذوق .. والله انتي تستاهلي ياخدو اجمل مافي الاسماء دي ويعجنوها مع بعض ويطعموها وياخدو ليك اسم منها ..
لك دائما احترامي

[saly]

سالي ياغالية...
انا مافهمت تصنيفي ؟؟؟
ولا ممنوع من التصريف والاعراب؟؟؟؟هههههههههههههههههههههههههههه
شكلك كده ماعرفتي مويتي؟؟ او( رقم صفر الذي لا يعرف حقيقتة احد..)..هههههههههههههههههههه
والله ياسالي انا ابسط مماتتصوري ...
وممكن تقولي علي .. خالد هاشم البسيييييييييييييييييييييييييييييييييط
وتسلمي علي فكرتك اللذيذة دي اللي ازالت الرتابة والروتين من المنتدي .. وده العهد بيك دائما...

تعرف شي ياخالد هاشم في الاول كتبت ليك نقط لاني احترته اكتب شنو في وصفك


لكن جيت و رجعت تحت و كتبت ليك عن اسمك و الظاهر ما قريت تحت تعليقي بتاع اليوم ( والله تعرف من دون الاسماء الانا اخترتو ليك الآبد ده و خايفه من رده فعلك )

كده لمن تشوفو مره تانيه و ترد لي ( الله يستر بعدين )

[saly]

سالي الرقيقة جدا والذوق .. والله انتي تستاهلي ياخدو اجمل مافي الاسماء دي ويعجنوها مع بعض ويطعموها وياخدو ليك اسم منها ..
لك دائما احترامي

كاظم
صاحب القلب الكبير والروح الحلوة يكاد البوست يرقص طربا بولوجك .لك اصدق احساس ومليون تحية وسلام الزول سوداني اصيل.

[ruby]

وانا ليه نسيتيني؟؟؟؟؟؟؟؟؟؟؟؟؟؟؟؟؟
يلا انا اختار ليك اسم
فراشة المنتدى
تستاهلي صراحه

[سوباوي]

الزاهية .. سالي ..

سمحة جميلة وكلك زينة

أقسم .. أجزم .. أحلف .. أقول وحياتك ...

سمحة والله قادر ..

وكل الدنيا بتحلف بحياتك ...

... سالي لك كل والود والود أجزله .. أرشح لك اسم "الحنينة" ولك مدة 48 ساعة للأعتراض وإلا سيكون

الاسم ساري المفعول ..

تحياتي ،،،

[دراكولا]

عشان الواحد جديد هنا نسيتو
ولا امكن عشان مامؤثر في المنتدي وكتاباتي قليلة
ولا امكن عشان الاسم شوية غريب
بس عايز اقول انا من احن مدينة واحلي مدينة وناسها كلهم رائعين مدني دي في روحنا وفي دمنا
والواحد لو بخرج عن المالوف ممكن اقول مدني دي سودانا

واكيد انت ماقاصدة النسيان دا بس بذكرك بدراكولا من جديد
وشكرا كتير يارائعة

[عبيد خالد صديق]

وهاك دي مني ياسالي وان شاءالله اكون اعطيت كل واحد حقة

ابوبكر الأدمن ( حبيب الكل )

بابكر الصول ( الراجل الفاضل )

ابوالمهتدي ( سيد الااخلاق )

عزيز عيسي ( الراجل المرح والزه لزيز )

خالد هاشم ( البساطه والرقه )

ابوروان ( رائع )

ابوريلان ( مبدع ومرح )

صدقي ( فنان ومبدع )

ابراهيم ( رجل نكته ورائع )

مزوني ( الطيبة والااخلاق العالية )

خالد حمد ( الهدوء والصعوبات الفنية )

فاقد حنان ( مرح )

وهيب ( قمة الهدوء )

ضياءالدين ( سيدالزوق وقمة في الاخلاق )

حمدتو ( راجل نبيل والااسم في محله )

السفير ( سفير ودمدني والمنتدي )

محمد احمد ( رائع )

سوباوي ( المرهف )

114 ( الحكيم قمة الاابداع)

صالح ابوشوراب ( الطيبة والااخلاق )

يتبع,,

طبعا بالنسبة للرجال فقط اما النساء فالمعزه لكل اخواتنا في المنتدي

وان شاءالله اكون اعطيت كل احد حقه والسماح من الجميع

[خالد هاشم علي]

سالي ياغالية انتي...
انا فعلا ماقريت ردك التاني وبالمناسبة انا دايرك تاخدي راحتك علي الاخر لاني والحمد لله مابعرف حاجة اسمها زعل نهائي وخصوصا من ناس عزاز علي وعسل زي اخواني في المنتديات..

لكن مافهمت معني تسميتي ( الآبد) ...
وحتي بي عدم فهمي ليهو ده برضه مقبول منك وزي اللوز...

تسلمي ياغالية مليووووووووووووووووووووووووووووووووووووووووووون مرة ولا عدمناك

[saly]

سالي ياغالية انتي...
انا فعلا ماقريت ردك التاني وبالمناسبة انا دايرك تاخدي راحتك علي الاخر لاني والحمد لله مابعرف حاجة اسمها زعل نهائي وخصوصا من ناس عزاز علي وعسل زي اخواني في المنتديات..

لكن مافهمت معني تسميتي ( الآبد) ...
وحتي بي عدم فهمي ليهو ده برضه مقبول منك وزي اللوز...

تسلمي ياغالية مليووووووووووووووووووووووووووووووووووووووووووون مرة ولا عدمناك

خايفه بعد تعرف المعني تقوم تغير رايك و يحلني بله منك بعدين

[صالح ابوشوارب]

شكرا يا سالي على الاسم الجديد انشاء الله تسمي ولد بتك

لكن بما انك سميتي اولاد وبنات المنتدى باسماء جديدة

ورجعتينا مواليد وقمتي بالسماية فانا حاسميك اسم حاشاور

فيه ابو روان واقول ليك

--------------------------

الاخ خالد هاشم

والله اسم الآبد دا سألت عليه وهاك المعني


......... الحلو ما مسيخ ؟؟؟؟؟

--------------------------------------------------


اما الاخ عبيد شكرا يا حبيب دا من اصلك الطيب
-----------------------------------------------

ابو شيبة

[saly]

سالي الرقيقة جدا والذوق .. والله انتي تستاهلي ياخدو اجمل مافي الاسماء دي ويعجنوها مع بعض ويطعموها وياخدو ليك اسم منها ..
لك دائما احترامي

كاظم ,,,,,,, الرهيف ,,,,,, عاشق الشجن,,,,,,, المبدع ,,,,,,,,, الرقيق ,,,,,,,,,, الحساس,,,,,, الزوق
لك تحياتي

وشاكره تعقيبك

[saly]

وانا ليه نسيتيني؟؟؟؟؟؟؟؟؟؟؟؟؟؟؟؟؟
يلا انا اختار ليك اسم
فراشة المنتدى
تستاهلي صراحه

روبي
انساكي انتي انتي بتتنسي ما انتي في روحنا و دمنا سافرنا في عينيك و قسيتي

انزلي تحت و بتلقي اسمك

[saly]

عشان الواحد جديد هنا نسيتو
ولا امكن عشان مامؤثر في المنتدي وكتاباتي قليلة
ولا امكن عشان الاسم شوية غريب
بس عايز اقول انا من احن مدينة واحلي مدينة وناسها كلهم رائعين مدني دي في روحنا وفي دمنا
والواحد لو بخرج عن المالوف ممكن اقول مدني دي سودانا

واكيد انت ماقاصدة النسيان دا بس بذكرك بدراكولا من جديد
وشكرا كتير يارائعة

دراكولا
زي ما قال ابوروان اسمك براهو يخوف اسع عليك الله اكتب ليك مصاص دماء ولا شنو ولا شنو

وما حكايه تاثير انا كتبت فوق لشخصيات وانا متاكده فيهم اسماء مافي حد سمع بيها لانها بتشارك بالقليل

ما تاخد في خاطرك وبتلاقي اسمك تحت برضو

[saly]

شكرا يا سالي على الاسم الجديد انشاء الله تسمي ولد بتك

لكن بما انك سميتي اولاد وبنات المنتدى باسماء جديدة

ورجعتينا مواليد وقمتي بالسماية فانا حاسميك اسم حاشاور

فيه ابو روان واقول ليك

--------------------------

الاخ خالد هاشم

والله اسم الآبد دا سألت عليه وهاك المعني


......... الحلو ما مسيخ ؟؟؟؟؟

--------------------------------------------------


اما الاخ عبيد شكرا يا حبيب دا من اصلك الطيب
-----------------------------------------------

ابو شيبة

اوعه اوعه تستشير ابو روان ده زول مرات بتاع محن يقوم يختار ليك اسم كده ولا كده

وبعدين للمعلوميه انا نسيت حرف في اسم خالد ده انا كنت قاصده كلمه اللابد يعني نسيت حرف اللام يلا اسال وورينا معناه