ما بين الصورة الرمزية والتوقيع حكاية ... أم هو مزاج

[الجندي المجهول]

ما بين الصورة الرمزية والتوقيع حكاية ... أم هو مزاج

مدخل رقم (1) لكل انسان في هذه الدنيا (مزاج) بغض النظر عن نوعية هذا المزاج ومرات بيكون مبسوط ومرات بيكون (عكر) ...
مجرد سؤال هل لاختيارك توقيع معين سواء (نص/كتابة) أو صورة علاقة بمزاجك العام وكذلك الصورة الرمزية ماذا يحكمها في اختيارك ..
مدخل للخروج (1)
الصورة الرمزية الخاصة بكرومبووووو لها (وقع في نفسي) وقصة طريفة ساعود وارويها ( بي مزاج عالي جداً باذن الله) والتوقيع اسفل الشاشة (الشخص الذي كلما ذهب للامام تم احضاره للخلف ليبدأ من جديد) مع وجود نص قرآني .....
وقفة : في بعض المنتديات الاخرى وخاصة منتدى كورة الصورة الرمزية والتوقيعات( تموتك من الطرافة التي بها) وبصراحة في زميل عزيز في ذلك المنتدى واضع صورته وهو يحمل زجاجة حجم عائلي سفن اب نكاية في المريخ لانه انهزم من الوحدات بسبعة اهداف وزميل آخر يحمل صورة فريق مازيمبي وكتب عليه (مازيمبي الجنني) نكاية في الهلال بصراحة (موضوع التوقيعات والصورة الرمزية دا عالم غريب وعن نفسي كلما تمعنت في الصورة او التوقيع احس بأنني اعرف صاحبها جيداً وارسم له صورة ( يا صابت يا خابت) وفي الآخر يظل الود بيننا ما حيينا
وباذن الله لي عودة
تخريمة : ياخ في زول عامل ليهو توقيع شديد (شدة) بصراحة عاوز استلفو منو بس ( ما استعملوا هنا)

وتقبلوا تحياتي ،،

[حاتم مرزوق]

موضوعك كارب يا جندى
واصلوأنا جاييك بالتقيلة

[حاتم عمر]

الجندي سلامات حاااارة ، احس فعلاً في علاقة بين التوقيع وشخصية صاحبه واعتقد انه هذا مثبت في علم النفس الظاهر عليك سيكولوجيتك عالية شديد هل تصدق با جندي انا ما عامل اي توقيع لا اسفل الشاشة ولا امامها لانه حتى الان لم اجد ما يناسبني ولحاجات تانية حامياني .
واذا عدتم عدنا
احييك على الموضوع ومنتظر التقيل من المبدع حاتم مرزوق

[ZANOON]

حبيبنا الغالي
اوع تخش شمال ههههههه
فعلا دايما مايكون هناك رابط بالنسبه للتوقيع والشخصيه
شخصيا اضع صوره ابني مصعب ربنا يحفظه انشاءالله
بالنسبه للتوقيع فوضعت دعاء سيدنا يونس (ذوالنون)وهو من الدعاء الذي يفرج الهم والغم

[الجندي المجهول]

موضوعك كارب يا جندى
واصلوأنا جاييك بالتقيلة

حبيبنا حاتم مرزوووق تحياتي ،،،
وانا منتظر (التقيلة)

وادينا منتظرين

[الجندي المجهول]

الجندي سلامات حاااارة ، احس فعلاً في علاقة بين التوقيع وشخصية صاحبه واعتقد انه هذا مثبت في علم النفس الظاهر عليك سيكولوجيتك عالية شديد هل تصدق با جندي انا ما عامل اي توقيع لا اسفل الشاشة ولا امامها لانه حتى الان لم اجد ما يناسبني ولحاجات تانية حامياني .
واذا عدتم عدنا
احييك على الموضوع ومنتظر التقيل من المبدع حاتم مرزوق

حبيبنا حاتم الطائي (اشواقنا)
اكيد هنالك رابط واتفق معك كثيراً فيما ذكرت

واهو منتظر معاك حاتم مروووووق (بالتقيلة)

[الجندي المجهول]

حبيبنا الغالي
اوع تخش شمال ههههههه
فعلا دايما مايكون هناك رابط بالنسبه للتوقيع والشخصيه
شخصيا اضع صوره ابني مصعب ربنا يحفظه انشاءالله
بالنسبه للتوقيع فوضعت دعاء سيدنا يونس (ذوالنون)وهو من الدعاء الذي يفرج الهم والغم

العزيز جداً ذو النون اشواقي الكثيرة ........................
اسال الله ان يحفظ مصعب وجميع اهله وبصراحة توقيع جميل وصورة رمزية جميلة كذلك (سجلت الكابتن دا سيد الاتيام ولا لسه)

تخريمة : ياخ رسل لي رقم تلفونك (الارقام العندي كلها اتلحست + الايميل برضو اتهكر) وتحياتي للحبيب هشام الهادي

[مايسة]

تحياتي الجندي -

أرى بأن هناك أكيد صلة بين الصورة الرمزية والتوقيع والشخص -
عن نفسي عملت بتغيير الكثير من الصور الرمزية ولكنى ثبت على هذه - وبالنسبة للتوقيع كل مرة أقوم بالتغيير - على الاقل يكون فيه رساله ربما تصل لأي شخص -


تخريمة: التوقيع العجبك دا - أنسخو طوالي -
ومبروك فخر المنتديات

[مدنيّة]

الجندي سلامات

--------
صورتي الرمزية تتحدث عن نفسها
ولاي مدي انا بعشق المريخ

التوقيع
من خلال تجاربي (العميقة)في الحياة
وصلت للقناعات المكتوب في التوقيع


--------
شكرا الجندي

[Amin Idries]

الجندي سلامات حاااارة ، احس فعلاً في علاقة بين التوقيع وشخصية صاحبه واعتقد انه هذا مثبت في علم النفس الظاهر عليك سيكولوجيتك عالية شديد هل تصدق با جندي انا ما عامل اي توقيع لا اسفل الشاشة ولا امامها لانه حتى الان لم اجد ما يناسبني ولحاجات تانية حامياني .
واذا عدتم عدنا
احييك على الموضوع ومنتظر التقيل من المبدع حاتم مرزوق

لأنك ما عندك سيكلوجية و أنا أحد الذين يعرفون الحاجات التانية الحاميك

[Amin Idries]

ألاخ الجندي لك التحية و أنت تتحفنا كل يوم بما هو جميل
و الصراحة دة كلام كبار أنا ما قدره

[بحيرى]

تخريمة : ياخ في زول عامل ليهو توقيع شديد (شدة) بصراحة عاوز استلفو منو بس ( ما استعملوا هنا)

يعنى البوست ده كلو والقومه والقعده دى كلها ....
علشان تشحد .... هاهاهاهاها ....
والله لكن لقيتك ملك اللف والدوران ....
على العموم ما عندك مشكله .... الزول ممكن اديك التوقيع .... لكن البقنع الديك شنو .....؟!!!

[بحيرى]

بالنسبه للتوقيع فوضعت دعاء سيدنا يونس (ذوالنون)وهو من الدعاء الذي يفرج الهم والغم

والعجب ده .... راجى استجابة الدعاء ولا شنو .....!!!

[ZANOON]

والعجب ده .... راجى استجابة الدعاء ولا شنو .....!!!

بحيري حبيييييييبنا والله
دا راجي منك فد اشاره
يالجندي جاك واحد من الثلاثي الرهيب
بحيري *ابو النور*ود سمير
تقعد معاهم تطلع مافاهم اي شي
شله شنو دي ياربي؟
قال انا وين؟