جمع راسين فى الحلال؟

[بدر الدين احمد الطائف]

عمل الخير عمل عظيم جداً (جمع رأسين في الحلال).
لو تقدم شخص للزواج من احدى الفتيات تربطك بها صلة قرابة او يهمك امرها وطلب رايك فى هذا الموضوع.
بعد البحث والتحرى عن الشخص المعنى اكتشفت بما لايدع مجال للشك ان هذا الشخص مدمن للخمر (سكير).
ماذا انت فاعل وما هو رايك.
مع العلم ان الفتاة تريد الارتباط بهذا الشخص بالرغم من علمها بادمانه .
وماذا سيحدث اذا قمت بالموافقة عليه وفشلت العلاقة الزوجية بسبب ادمانه وهل يعتبر الجمع بينهما حلالا.

[مايسة]

تحياتي استاذ بدر الدين

صراحة الوضع حساس -
ولكن رأى شخصي السكر والإدمان عليه من أصعب الأشياء في العلاقة الزوجية -

وتقريبا الكثيرين لديهم معارف وأقارب مرو بهكذا تجارب -

ما سأفعله هو الجلوس مع هذه الفتاه والتحدث اليها ووعظها (بمعنى أفتح ليها عيونا) - وبعد ذلك لها الخيار -

اما ماذا سيحدث بعد ذلك اذا فشلت العلاقة - فسؤال تصعب الإجابه عليه - إذ يعتمد عليهما الأثنين

تحياتي مرة أخرى

[مولانا جلال]

تسهيل وتيسير امر الزواج والعمل على التوفيق بين شخصين من الامور التى يحث عليها الدين الاسلامى وهذا الامر حينما جاء من المولى عز وجل لم يفرق بين الصالح والطالح والمحسن والمسئ لكن العمل على ذلك افضل لمن علمت صلاحه لذلك خص المولى عز وجل الصالح بالذكر فى قوله تعالى ( وانكحوا الايامى منكم والصالحين من عبادكم ) والايامى مفردها ايم والايم من لازوج له من الرجال والنساء ويدخل فيه الصالح وغيره واضفة الاية مرة ثانية الصالح لتاكيد ان الصلاح شرط لتعجيل الزواج ن ولايضيرك سلوك من عملت على تزويجه ان انت وضحت الامر للفتاة قبل الزواج وقد يكون الزواج سببا فى صلاحة

[بابكر]

صراحة ,, أنا لاأوافق أبدا على شارب الخمر حتى لو كان آخر رجل فى الدنيا ,, وهذا عن تجربه ,, فشارب الخمر , لايتورع فى ضرب زوجته ,, وإهانتها أمام أى شخص ,, ,بالله كيف يكون حاله إذا أنجب ,, وأى قدوة سيكون ؟؟؟؟ لعن الله شاربها ,, واللعنه هى الطرد من رحمة الله ,,

[مدنيّة]

بدر مساء سوداني

--------
حتة انه الجمع بينهم حلال او حرام
مابقدر افتي فيها

--------
هي عارفة ومصرة عليه
لو العلاقة فشلت
ذنبي انا شنو!!


---------
شكرا بدر

[بدر الدين احمد الطائف]

ما سأفعله هو الجلوس مع هذه الفتاه والتحدث اليها ووعظها (بمعنى أفتح ليها عيونا) - وبعد ذلك لها الخيار -

شكرا مايسة.
اتفق معك تماما فى ما قلتى لابد من الجلوس والمناصحه.

[بدر الدين احمد الطائف]

تسهيل وتيسير امر الزواج والعمل على التوفيق بين شخصين من الامور التى يحث عليها الدين الاسلامى وهذا الامر حينما جاء من المولى عز وجل لم يفرق بين الصالح والطالح والمحسن والمسئ لكن العمل على ذلك افضل لمن علمت صلاحه لذلك خص المولى عز وجل الصالح بالذكر فى قوله تعالى ( وانكحوا الايامى منكم والصالحين من عبادكم ) والايامى مفردها ايم والايم من لازوج له من الرجال والنساء ويدخل فيه الصالح وغيره واضفة الاية مرة ثانية الصالح لتاكيد ان الصلاح شرط لتعجيل الزواج ن ولايضيرك سلوك من عملت على تزويجه ان انت وضحت الامر للفتاة قبل الزواج وقد يكون الزواج سببا فى صلاحة

مولانا جلال
نشكرك على الاضافة المفيدة الثرة.
واعتقد كذلك اننا متفين فى تلك الجزئية المرتبطه بتوضيح الامرللفتاة وما سيترتب عليه بعد الزواج.

[بدر الدين احمد الطائف]

صراحة ,, أنا لاأوافق أبدا على شارب الخمر حتى لو كان آخر رجل فى الدنيا ,, وهذا عن تجربه ,, فشارب الخمر , لايتورع فى ضرب زوجته ,, وإهانتها أمام أى شخص ,, ,بالله كيف يكون حاله إذا أنجب ,, وأى قدوة سيكون ؟؟؟؟ لعن الله شاربها ,, واللعنه هى الطرد من رحمة الله ,,

الحبيب بابكر
احترم رايك كثيرا لما تراه من مسائ تحدث فى العلاقات الزوجية والتى يكون سببها شرب الخمر.
فى الجانب الاخر تجد ان الفتاة لاترى هذا العيب او لا تهتم كثيرا لما سيحدث بعد الزواج الاهم عندها الارتباط بهذا الشخص الذى تحبه وتعلقت به عاطفيا ولايهمها النتائج.

[بدر الدين احمد الطائف]

بدر مساء سوداني

--------
حتة انه الجمع بينهم حلال او حرام
مابقدر افتي فيها

--------
هي عارفة ومصرة عليه
لو العلاقة فشلت
ذنبي انا شنو!!


---------
شكرا بدر

صباحك ذين يا مدينة
ذنبك ان ترى اسباب الفشل امامك ولا تحاولى حتى ان تزيليها.
اضعف الايمان النصيحه.

[محمد النويري-الفقراء]

حبيبنا بدر الدين انا رائ الشخصي ممكن اتقاضي عن اي صفات إلا السكر لان السكر والخمر ام الكبائر يعني ممكن في لحظة سكر تتوقع منه اي شي عشان كده انا رائي عدم المواقفة على الرغم من ان هناك من يقول لك انه سوف يهتدئ وإمكن تكون هدايتو على يدي زوجتو كلام جميل ورنان لكن تطبيقو صعب ..

[حاتم عمر]

تسلم يا بدر التمام على الموضوع الجميل ،،، انا في رأي ان ابرئ ذمتي واقولها لها عديييل وبصراحة وباسلوب نصح جميل واذا اصرت تتحمل نتيجة فعلتها ، وادعو لها بالتوفيق ،
طيب يا بدر لو واحد بدأ (الشربة) بعد العرس - الحل شنو ؟؟؟؟؟؟؟؟ ربنا يهديه

[بدر الدين احمد الطائف]

هناك من يقول لك انه سوف يهتدئ وإمكن تكون هدايتو على يدي زوجتو كلام جميل ورنان لكن تطبيقو صعب ..

محمد تحياتى النواضر لك.

برضو راى يا محمد وممكن يصيب وممكن يخيب ولو خاب بتبقى الفجعية كبيرة.

[بدر الدين احمد الطائف]

تسلم يا بدر التمام على الموضوع الجميل ،،، انا في رأي ان ابرئ ذمتي واقولها لها عديييل وبصراحة وباسلوب نصح جميل واذا اصرت تتحمل نتيجة فعلتها ، وادعو لها بالتوفيق ،
طيب يا بدر لو واحد بدأ (الشربة) بعد العرس - الحل شنو ؟؟؟؟؟؟؟؟ ربنا يهديه

حاتم
الجزئية الفوق اتفقنا فوقه .
لكن الحته التحت دى حيرتنى فيها .
غايتو لو حصل بيكون السبب من الحيكومة.
تشكر يا حبيب على المشاركة الجميلة.

[بحيرى]

شكراً بدرالدين على هذا الموضوع ....
فلقد لمست وتراً حساساً ....
فالصراحة فى مثل هذه المواضيع مطلوبة ..... فى الحل الاوحد ولا يوجد غيرها حل ....
فالحياة الزوجية تعتمد على الثقة والصدق ... فإن انعدما فعلى الدنيا السلام ....

[بدر الدين احمد الطائف]

شكراً بدرالدين على هذا الموضوع ....
فلقد لمست وتراً حساساً ....
فالصراحة فى مثل هذه المواضيع مطلوبة ..... فى الحل الاوحد ولا يوجد غيرها حل ....
فالحياة الزوجية تعتمد على الثقة والصدق ... فإن انعدما فعلى الدنيا السلام ....

تشكر اخى بحيرى
على المشاركه والاضافة.

[ams2000]

اولا ما اعتقد انوا حاجه زي دي عاوزه تفكير ملي ولو شخصيا مريت بتجربه زي دي لا قدر الله فالحديث الشريف واضح لقول رسولنا الكريم صلوات الله وسلامه عليه بان إن جاءكم من ترضونه ديينه وخلقه فزوجوه ولا اظن ان احدا يرضي من شارب الخمر دينا او خلقا ولو ان الامر بيدي كان تكون اختي او بنتي فلن اقبل وساعارض وبشده ولن اقبل باضعف الايمان كابداء الراي والسكوت بعد ذلك واعتقد انه يجب علي الكل ان يكون هذا ديدنه لان الاسره السليمه يجب ان يكون اساسها سليما واسالوا من تزوجن من شاربي الخمر كيف هو حالهن ستجدوهن وبلا استثناء تعيسات غير سعيدات يعانين ايما معاناه

[ود سعدابى]

عمل الخير عمل عظيم جداً (جمع رأسين في الحلال).
لو تقدم شخص للزواج من احدى الفتيات تربطك بها صلة قرابة او يهمك امرها وطلب رايك فى هذا الموضوع.
بعد البحث والتحرى عن الشخص المعنى اكتشفت بما لايدع مجال للشك ان هذا الشخص مدمن للخمر (سكير).
ماذا انت فاعل وما هو رايك.
مع العلم ان الفتاة تريد الارتباط بهذا الشخص بالرغم من علمها بادمانه .
وماذا سيحدث اذا قمت بالموافقة عليه وفشلت العلاقة الزوجية بسبب ادمانه وهل يعتبر الجمع بينهما حلالا.

غااايتو انا من ناااحيتى بكون عملت العلى يعنى الزول دا على الاقل مسلم

بكون خاااتى فى راسى احتمال الزواااج يعدلو يسيب البسووى فوقو دا !!

اما ان فشلت الزيجة بسبب الادمااان دا

طااالما انو البت دى عااارفة انو هو سكير ومدمن
دى مااا من نتيجة اختيااارى انا!!
دا من نتيجة اختيااارها هى

[ودسمير]

رسولنا الحبيب المصطفى ( ص ) لم يترك شئيا للصدف ...

قال : من اتاكم ترضون دينه وخلقه فزوجوه .... الى اخر الحديث ..

اما عن رائي : انا البشرب سجائر عندى فوقو رأى ...

[محمد النويري-الفقراء]

محمد تحياتى النواضر لك.

برضو راى يا محمد وممكن يصيب وممكن يخيب ولو خاب بتبقى الفجعية كبيرة.

ايوة رائ لكن انا شايف انو حيخيب وحيجيب وحيخيب .. لانو السكر إدمان والإدمان ممكن الواحد يشفى منه بس داير عزيمة وإرادة قوية لو اتوجدت في الزول . ودا بسوقنا لرأي جديد وهو مدي جدية الراجل وهل هو انسان عندو شخصية ولا أي زول ممكن اسوقو محل ما هو ماشي ؟ يعني ممكن بعد ما اتوب اجوهو اصحابو الزمان وإسوقو تاني ؟ إذن ما استفدنا شي ..

[بدر الدين احمد الطائف]

اولا ما اعتقد انوا حاجه زي دي عاوزه تفكير ملي ولو شخصيا مريت بتجربه زي دي لا قدر الله فالحديث الشريف واضح لقول رسولنا الكريم صلوات الله وسلامه عليه بان إن جاءكم من ترضونه ديينه وخلقه فزوجوه ولا اظن ان احدا يرضي من شارب الخمر دينا او خلقا ولو ان الامر بيدي كان تكون اختي او بنتي فلن اقبل وساعارض وبشده ولن اقبل باضعف الايمان كابداء الراي والسكوت بعد ذلك واعتقد انه يجب علي الكل ان يكون هذا ديدنه لان الاسره السليمه يجب ان يكون اساسها سليما واسالوا من تزوجن من شاربي الخمر كيف هو حالهن ستجدوهن وبلا استثناء تعيسات غير سعيدات يعانين ايما معاناه

اماس 2000
فى السابق كانت الفتاة وفى اغلب الاحيان تاخذ براى ابيها وولى امرها.
الان اصبحت الفتاة شريك اساسى فى اتخاذ القرار.
شكرا للمشاركه

[بدر الدين احمد الطائف]

غااايتو انا من ناااحيتى بكون عملت العلى يعنى الزول دا على الاقل مسلم

بكون خاااتى فى راسى احتمال الزواااج يعدلو يسيب البسووى فوقو دا !!

اما ان فشلت الزيجة بسبب الادمااان دا

طااالما انو البت دى عااارفة انو هو سكير ومدمن
دى مااا من نتيجة اختيااارى انا!!
دا من نتيجة اختيااارها هى

ودسعدابى
يازول ما قصرته تب.
وبنتفق معاك ورايك سمح.

[بدر الدين احمد الطائف]

رسولنا الحبيب المصطفى ( ص ) لم يترك شئيا للصدف ...

قال : من اتاكم ترضون دينه وخلقه فزوجوه .... الى اخر الحديث ..

اما عن رائي : انا البشرب سجائر عندى فوقو رأى ...

يادفعة
اللهم صلى على الحبيب المصطفى.
انا شخصيا بكره السجاير وبكره شراب السجاير.
لكن صاحبى شديد مدخن الله يشفيه من ما ابتلاه نعمل شنو يا دفعة.

[ودسمير]

يادفعة
اللهم صلى على الحبيب المصطفى.
انا شخصيا بكره السجاير وبكره شراب السجاير.
لكن صاحبى شديد مدخن الله يشفيه من ما ابتلاه نعمل شنو يا دفعة.

الله يهدينا ويهديه ...