كده ما حلو

[ابوالنور]

كده ما حلو

[ريمون]

كده ما حلو

هو شنو ؟؟؟؟
ولا نكون طالبنك ؟؟؟

[ضياء الدين احمد]

حضرت الشريط ولاشنو يا ابو النور

[بحيرى]

والله حاسى بيك حتقول كده ....

[محمد الجزولى]

كده ما حلو

والله يا ابو النور انا من زمان قلت كده
بس ساكت يا أخوي

[بت أم درمان]

كده ما حلو

اصلو كلام القصير ما بتسمع

[محب]

لالالا ماحلو وانت خليك على كده

[mahagoub]

هو فى احلا من كده

[تغريدا]

أى والله شين شااااااااااااااااااديد

[ودسمير]

ومن وين نجيب السكر الغااااااااااااااااالى شان يبقى حلو ؟!!

[ابوالنور]

هو شنو ؟؟؟؟
ولا نكون طالبنك ؟؟؟

مشتاقين يا عثل
و عليك الله اعفي لينا
لقيانها فرصة للاندياح في رحابكم و ما صدقنا
و يديك العافية كان عافية لينا و لا ما عفيتي. . . ياخ قلنا نتفشة
جنس فشة ! . . .
اها نسيت اقول ليك
الحب كتمو بعمل ورم في القلب

[ابوالنور]

حضرت الشريط ولاشنو يا ابو النور

ضياء حبيبنا ليك وحشة وحاة الله وينك يا زول
و الله عندي كلام كتير خلاس لكن دايرين ندي فرصة للشباب الباقين
اها يا شباب وينكم ؟ . . .
المايك معاكم
كمان كان اضايقنا بنجي نبراكم
اها تجوا و لا نجي ؟ . . . الخ
انت مش في ابو ظبي ؟

[ابوالنور]

والله حاسى بيك حتقول كده ....

شوف يا بحيري اخوي
وكتين غابو عننا اصحاب /ة
و تركو محزوناً خاوٍ بلا انخاب وما تسألني تقول لي يعني شنو انخاب نظام غافية وكده
فذهبت اتلصص السُقيا من فارغ الاكواب دي جات زي ما هي عطش شديد
و قلت كدي النشوف ذاكرتي . . اها دي كانت شخبتات و تنفيض ذاكرة مصاب بقلق روتيني مزمن و معدي بعيد عن السامعين
اها من الناس الهنا دا ، انا وانت و حسن ظنك بي ح بنجري تعديل بسيط و المافي شنو

[ابوالنور]

والله يا ابو النور انا من زمان قلت كده
بس ساكت يا أخوي

نسكت كيفين عاد يا ودالجزولي اخوي
وفى بعض ظنى أن بعض الغائبين هم حضورا ولكنهم توقفوا عن الدخول للمشاركة وابداء الآراء علنا واكتفوا بالدردشة المهلكة أحيانا وبعضهم ربما ينفرد بموبايله ليقول للآخر .. شفت بالله فلسفت فلان ده عامل فيها ...ولى شفت بالله ده كاتب شنو .. ويكون الرد ياخوى ما الموقع ده خليناه ليهم .. ندخل نتفرج ونطلع ... أعلم يقينا أن لسان حال البعض يقول ذلك .. ومعاول الهدم كثيرة .. ودعوة أجددها ليتخلى كل منا ماعلق بنفسه من فلان وعلان ورأيه فى الآخرين ولأننا نحتاج الجميع فليرجع الجميع وأهلا بمن أخطأ ومن أصاب فالرجوع الى الحق فضيلة والرجوع الى ودمدني ما أجمله .. فهذا المنتدي بأحضانه المشرعة دوما نمحو ونصافح .. لكن هل ياترى ستصفح وستغفر الأجيال القادمة ان رأتنا مقصرين هنا .. لا أعتقد .
فى الحديث الشريف:
أتق الله حيثما كنت وأتبع الحسنة السيئة تمحها وخالق الناس بخلق حسن .. وفى كلام المفسرين أن (حيث ما .. أو حيثما كنت) تعنى ظرف مكان وهذا أفضل مكان يتواجد فيه جمعنا .. فلنتقى الله فى أنفسنا وفى غيرنا .. ولنفعل من الحسنات ما يدارى مابنا من سوء ولنخالق بعضنا بأحسن مانريد لأنفسنا ...

وجمعه مباركه عليك يا رب

[ابوالنور]

اصلو كلام القصير ما بتسمع

انتي عارفه يا بت ام در اختي

فى مدينة وادمدنى العريقة وبعد أن تتخطى مكتبة مضوى فى طريقك الى البحر أو أحد دواوين الحكومة .. بمجرد أن تتخطى مربع المكتبة وتنعطف فى نفس صالتها يمينا تجد رجلا بسيطا مهنته تصليح أحذية كرة القدم (الكدارات) اسمه التوم ابراهيم سنهورى (النمر) تجد اسمه معلقا فى لوحة مكتوب عليها هذه الأبيات :ـ
اذا شئت أن تحيا كريما من الأذى
وعيشك موفور وعرضك صين
لسانك لا تذكر به عورة امرىء
فكلك عورات وللناس ألسن
وعينك ان أبدت اليك معائبا
فصنها وقل ياعين للناس أعين
وعاشر بمعروف وسامح من اعتدى
وفارق .. ولكن بالتى هى أحسن
تخرج منه وقد أصلح لك ما أفسدته (أرجل الباكات) وبين جوانحك منه اهداء بلا ثمن أن تحمل معك هذه القيم الانسانية ومنها ما يصلح لأن يكون مبدأ فى الحياة ...

[ابوالنور]

لالالا ماحلو وانت خليك على كده

العزيز الغالي محب ... الحمد لله الوكت الفاضى بقى مابكفينا عشان نمر على المواضيع والمشاركات رغم وجود الكثيرمن المواضيع لكن مادام مرقنا من مرحلة فقر الدم لسوء التغذية أكيد حنوصل لمرحلة التجويد

[ود المطامير]

نسكت كيفين عاد يا ودالجزولي اخوي
وفى بعض ظنى أن بعض الغائبين هم حضورا ولكنهم توقفوا عن الدخول للمشاركة وابداء الآراء علنا واكتفوا بالدردشة المهلكة أحيانا وبعضهم ربما ينفرد بموبايله ليقول للآخر .. شفت بالله فلسفت فلان ده عامل فيها ...ولى شفت بالله ده كاتب شنو .. ويكون الرد ياخوى ما الموقع ده خليناه ليهم .. ندخل نتفرج ونطلع ... أعلم يقينا أن لسان حال البعض يقول ذلك .. ومعاول الهدم كثيرة .. ودعوة أجددها ليتخلى كل منا ماعلق بنفسه من فلان وعلان ورأيه فى الآخرين ولأننا نحتاج الجميع فليرجع الجميع وأهلا بمن أخطأ ومن أصاب فالرجوع الى الحق فضيلة والرجوع الى ودمدني ما أجمله .. فهذا المنتدي بأحضانه المشرعة دوما نمحو ونصافح .. لكن هل ياترى ستصفح وستغفر الأجيال القادمة ان رأتنا مقصرين هنا .. لا أعتقد .
فى الحديث الشريف:
أتق الله حيثما كنت وأتبع الحسنة السيئة تمحها وخالق الناس بخلق حسن .. وفى كلام المفسرين أن (حيث ما .. أو حيثما كنت) تعنى ظرف مكان وهذا أفضل مكان يتواجد فيه جمعنا .. فلنتقى الله فى أنفسنا وفى غيرنا .. ولنفعل من الحسنات ما يدارى مابنا من سوء ولنخالق بعضنا بأحسن مانريد لأنفسنا ...

وجمعه مباركه عليك يا رب

من أجمل ما قرأت
يديك العافيه يا الحبيب
وجمعه مباركه

[ابوالنور]

هو فى احلا من كده

أكيد
اين انت وانت اين (نجيكم تكوركوا نكورك ليكم ماتجوا)

[ابوالنور]

أى والله شين شااااااااااااااااااديد

لا يااااااااااااااااخ
ولا زلنا ننتظر عودة الروح لهذا المنتدي الذي كان اكثر اركان الشبكه حركة وحيوية وتفاعلا وموضوعية

[ابوالنور]

ومن وين نجيب السكر الغااااااااااااااااالى شان يبقى حلو ؟!!

دى ما شمس الضحا الأعلى
ومشيه حنينه تحت الضل
وتكية ضريه فوق رمله
دى أحلام جاريه متبهله
وما ممكن تقيف الا
الا دي طبعا بخليها ليك تكملا براك يا ود سمير

هي الحلاوة دي الا بالسكر وحاة الله الحلاوة طبع ما طعم

[ابوالنور]

من أجمل ما قرأت
يديك العافيه يا الحبيب
وجمعه مباركه

العزيز متاميرو كما تقول اللخت اياهو
لا أود أن نتعامل مع الأمر بحساسية فقط دعنا نكون واقعيين قليلاً في النقد وخاصة للذات هو أكثر أنواع النقد فاعلية وأثر وهو الذي نحن بصدده فنحن ننقد ذاتنا في الغير
وعليك كمان يا رب مباركه الجمعه

[ابوالنور]

نتوقف
نفكر
نضعُ الخيارات ونفترضها
نناقشُ الأمر

[ودسمير]

دى ما شمس الضحا الأعلى
ومشيه حنينه تحت الضل
وتكية ضريه فوق رمله
دى أحلام جاريه متبهله
وما ممكن تقيف الا
الا دي طبعا بخليها ليك تكملا براك يا ود سمير

هي الحلاوة دي الا بالسكر وحاة الله الحلاوة طبع ما طعم

وما ممكن تقيف الا على قمرا لينا هلَ

[ابوالنور]

وما ممكن تقيف الا على قمرا لينا هلَ

صباح الورد ود سمير
تاااانكيو
علي التمومه ويلي نفتش القمر

[صلاح ودالطاهر]

انتي عارفه يا بت ام در اختي

فى مدينة وادمدنى العريقة وبعد أن تتخطى مكتبة مضوى فى طريقك الى البحر أو أحد دواوين الحكومة .. بمجرد أن تتخطى مربع المكتبة وتنعطف فى نفس صالتها يمينا تجد رجلا بسيطا مهنته تصليح أحذية كرة القدم (الكدارات) اسمه التوم ابراهيم سنهورى (النمر) تجد اسمه معلقا فى لوحة مكتوب عليها هذه الأبيات :ـ
اذا شئت أن تحيا كريما من الأذى
وعيشك موفور وعرضك صين
لسانك لا تذكر به عورة امرىء
فكلك عورات وللناس ألسن
وعينك ان أبدت اليك معائبا
فصنها وقل ياعين للناس أعين
وعاشر بمعروف وسامح من اعتدى
وفارق .. ولكن بالتى هى أحسن
تخرج منه وقد أصلح لك ما أفسدته (أرجل الباكات) وبين جوانحك منه اهداء بلا ثمن أن تحمل معك هذه القيم الانسانية ومنها ما يصلح لأن يكون مبدأ فى الحياة ...

ابني ابو النور لك التحية والتقدير تعرف كنت عندما اخرج من منزلنا في القسم الاول ابان الزمن الجميل وانا ذهب الي السوق حيث دكان والدي في سوق الخضار امر ببرندة مكتبة الفجر التي يجلس جوارها العم التوم النمر ونسأل الله ان يمد في ايامه على الطاعة يكتب هذا الرجل حكم في غاية الدقة ولقد وضع لوحة كتب فيها اجمل كلمات وهي

الدنيا مدرسة
واستاذها الظروف
وفصولها المجتمع
وقلمها الامل
وحبرها الدموع
وكتابها حياة الانسان