رجاء من مشرف جديد لنج ..

[ريمون]

يا ناس المنتدي الحلوين ..
لما الزول يبقي مشرف بيكون في وجه المدفع ..
اي كلام يقولوا بيتحسب عليهو ..
بس .. نحن هنا في منتدانا .. بيتنا التاني .. ما زي كل الناس ..
يعني شخصيتي كعضو ورؤيتئ للامور ما بتتلغي لمجرد اني بقيت مشرف ..
في ناس حاده وناس هادئه وناس وسطيه وكده ..
لو كان مفروض المشرف يصبوهو في قالب واحد فالاشراف موت .. ونحن لازلنا احياء ..
لذلك التمس من الاعضاء التعامل بنفس الاريحيه الزمان ..
ختوا في المشرفين الثقه واتعاملوا معاهم بحسن النيه ..

[mahagoub]

فى حد قال غير كده المشرف عضو عادى
لكن يتدخل فى حالة وجود خلل ما
وليس الفه واقف بالباب

[ريمون]

فى حد قال غير كده المشرف عضو عادى
لكن يتدخل فى حالة وجود خلل ما
وليس الفه واقف بالباب

كلك فهم يا عمنا ..
بس لما يكون في نقاش عام صعب انو وجهه نظره تعامل معاملة عضو عادي ..
لكن ببعض من سعة الصدر وشئ من المحبه وحسن النيه الامور بتبقي اسهل ..

[بدر الدين محمد]

اولا : يا ريمون كلامك دا فيه استشعار للمسؤولية .. الله يعينك
ثانيا: العام من اصعب المنتديات لكثرة الحركة فيه عايز وجود دائم ومتابعة
ثالثا: اشعار الكاتب بوجود المشرف دائما بالدخول وادراج التعليق باعتبارك عضو عادي وباعتبارك مشرف
رابعا: الحياد في توجيه البوستات والرد على الجميع سواسية
واكيد بتفقدي شئ من الحرية

والله الموفق

[ايمن عبد الله]

ريمون .. اعتقد من وجهة نظري انك شاحنة نفسك اكثر من اللازم .. زي لعيبة المباراة النهائية ..
انا واحد من الناس والله التعامل عااادي مع الجميع والله مافي اي شي .. واعتقد ان الاعضاء كلهم كذلك ..

انسي انك مشرفة .. ولا تفكري انه في ناس بفهموك غلط ولا تشيلي الهم ده كله .. خليك زي ما انتي ..
واكيد مع الايام ح تتعودي ..

لكن الخلاك تقولي كده شنو ؟ في حاجة يا ريمون خلتك تكتبي الكلام ده .. هل في حد ضايقك ؟

[ريمون]

انا لما اشارك في المنتدي ما بكون متذكرة اصلا اني مشرف ما عدا فيما يخص شغل الاشراف في العام ..
وده ذاتو ما فيهو مشكله لانو والحمد لله معاي اتنين وانا بثق في رائهم جدا وبشاورهم وبخطرهم لو شفت حاجه ..
يعني حتي شغل الاشراف بالنسبه لي جماعي ..
مضايقه من زول ولو عملها انا ما بشوفها يا ايمن ..
المنتدي ده بيتي ..
نحن بنتعامل بالروح الحلوه الجوانا ..
انا بس عاوز كمان زيادة اريحيه ..
عشان ما نشوه جمال المنتدي وروحه ..
لانو انا ما حاقدر اكون غير نفسي ..
واعتقد الكلام بينطبق علي كل المشرفين المعاي ..

[عنكوليب]

ريمون ،،،
كثير من الأعضاء ممكن يكونوا مشرفين بحكم معرفتهم ودرايتهم بأمور تتعلق بالمنتدى
والتعامل بها ومعها ،، وأعتقد انتي جديرة بموقعك الأن لأنه لم يأت من فراغ
والذين أقروا بك لهم باع طويل في هذه المسائل ،،، فما تاخدي في خاطرك بسرعة
وحكمي رأيك تمام، ولا تتعاملي بردود الأفعال ، وثقي بنفسك ، فانت أهل لهذا المنصب ،،

حييتي صغيرتي ،،،
وربنا يديم الخير علينا كلنا يارب ،،،
وانتي ياكي ريمونتي مهما طال الزمان ،،

[آلاء عبد الرحمن]