صادووووووه مع مزوني

[التيمان]

هههههههههههههههههههههههه



انا اضحك ساى

انا لى يوم من الايام فى صادووووووه

انتو حاتموتو من الضحك

[مزوني]

والله انتو يا التيمان وقعتكم كبيره خالص

على العموم تشكروا كتير لي متابعتكم

وخلونا نترقب سوياً الأخت المشرفه العزيزة علينا جميعا

وكان ليها تقلها في المنتدى واستطاعات من خلال فتره فتره بسيطه

أن تكون قاعده جماهيريه كبيره .. ارقبو معاي ضيفتنا

الغاليه

سالي

[مزوني]

السلام عليكم

طبعا زي ما وعدتكم الليله حلقه مع عضوة شيقه

اشتهرت بي مواضيعها الجميله والشيقه والمفيده والرائعه

طبعا بدون مقدمات ردها هي برضو ماكان بالحاجه الهينه

قامت بنسخ جزء من رسالتي وتمت عليه بي كلامها ووضح عليها البرووووووووود

ولا أنا بتهيأ لي كدا ماعارف

المهم ما علينا نتابع حلقت ضيفتنا اليوم

لكن معليش بي صراحه كدا وصلني كلام من أكتر من زول انك مطلعه فيني كلام ما ياهو وبي صراحه
زعلتيني شديييييييييد انو انا هل سبيت لي زول قدامك او قطعت فيهو؟؟
وبعدين تعالي هنا هو انا سبيت زول قدامك ولا جبت سيرة زول في شينه
عليك الله يا ريت لو تردي لي سريع لأني والله بالجد كدا قافله معاي عدييييييييل
وبعدين لشنو تنقلي عني كلام ما ياهو وانا اصلا ماحصل نطقتو بلساني مع العلم بأني ما كنت مصدق الاشاعات الكنت سامعها عنك
الاخ العزيز مزوني
سلامي ليك واليومين الفاتو ما كنت منتظمه في دخولي للمنتدي
المهم ده شنو البتقول فيهو ده معقوله بس
اقول شي مزوني بدون زعل من طرفك ولا طرفي
انت تقول لي الكلام السمعتو طوالي وانا قسم بالله وتعدم اولادي بقول ليك اذا قلتو او لا
انا حلفته ليك
وبعدين انت اكبر من كده اعتقد
وتعال هنا ده منو عليك الله العاوز يفتن بينا
مزوني لا الله الا الله
اخر كلام توريني الكلام الوصلك شنو وحارد ليك طوالي
وياريت تكون معاي صريح مزوني
ومنتظره ردك

لكن الحصل شنو بعد عرفت بالمقلب

هنا ظهرت الحكمه مع اني كنت بتوقع حاجه تانيه خالص

ولكن!!! يالله نشوف مع رد غاليتنا سالي

الاخ مزوني
عذراً ان تأخر ردى لرسالتك لظرف إستثنائ ،،، لاجدك استثناءً طاهراً يعبق كلامي ،،،
بلاشك يا مازن بكل ابداعاتك التى عرفناها,, عن سوى ان كان فى محيط, منتديات ودمدني الواسعه او فى تلك المحاور البعيده ودائما ما نرى هذه الابداعات ,,وخفه دمك,, وتواجدك الدائم,,
يشهد له فيها الجميع حتى شخصى الضعيف وقد اكون احد المواكبين له وحقيقى,,كل ما كتبته في رسالتك الاولي استفزايه بحته لحدي ما وصلتني التانيه.
مقلبك ظريف بس مردود ليك في يوم من الايام اخي
اقعد بعافيه

الأخت سالي
كنتي ضيفه عزيزة علي انا شخصيا واستمعت معاك بالجد كدا

ودمتي ذخرا لنا

وربنا يديك الصحه والعافيه

[saly]

صباح الخير
اشعر ان هذا العالم يمكن ان يكون حُلواً معكم ،،، وانه سيكون حُلواً جددددداً حينما نضع بصماتنا على جوهر الكلام
والشفافيه يا رائع حينما تنساب من بين الحروف ،، فانها تعلن ميلاد القضيه ،، قضية الترفيه عن النفس بعيدا عن الجديه ،،، قضية الرؤيه التجديديه لمسار الترويح عن النفس وادخال البسمه في قلوب الاعضاء ،،،، لابد من انعكاس صورنا فى داخل مرآة روح الكلام والرد ،، ولا بد ولا بد ولا بد ،،، الكثير الكثير يا مازن هنا ،،، دعك من كلامي يا فتى ودعنى لاقول لك بكل الإلفه جزيل الشكر علي الاستضافه

[خالد حمد موسى]

الزول السمح مزوني

مشكور جدا علي برنامجك الشيق صادوووه لكن اعمل حسابك

زي مامقلبته البشرية دي امانه ماراجيك يوم اوتمرق بي وين

شوف الناس دي كلها قومتها اوقعدتها ماخليت ليك زول كدا مااديته حقة

لكن برضو بحيك ياغالي علي روح الدعابه الفيك وبرضو فكرة ولااحلي

وطبعا مافي زول اتي بها قبلك ونشكر جزيل الشكر بس كمان

خليك حريف شويه كدا ونسق الرسالة من عندك ياقلب

مع خالص التحايا ...

[نيازى كشك]

ههههههههههههههههههههههههههههها
برنامج رائع
حس انا بقيت ا دخل كل يوم عشان اشوف الجديد
ونحن فى انظار المزيد

[التيمان]

ههههههههههههههههههههههههههههههه


الدور شكلو جاينى انا

[مزوني]

العزيزة سالي

والله عقدتيني عدييييييييييييل بي ردك الحلو خالص

وربنا يديم عليك الصحه والعافيه
--------------------------
حبيبي خلودي

والله انت حبيب الروح والاخ والتوأم الغالي

ربنا يقدؤنا على رد جمايلك ولو بالبسيط منها

وأبقى منتظر دورك يا حبيب

-------------------------------------

التيمان انتو شفقانين كدا مالكم

شيلو الصبر والحاله انتو فضيحتكم حتكون كبييييييييييييييره

[مزوني]

وخلونا يا حبايبنا

نفسح المجال لي عضو غايب عناا عساه يظهر انشاءالله

ونسأل الله العلي القدير انو يكون غايب لي خيرو

والله والله والله أنصحكم ما تفوتوه حاجه روعه

نترقب سويا الحبيب الغالي

الوفي

[مزوني]

سلاااااااااااااااااااااااااااااااام
شنو يا جماعه شايف الموضوع ما لاقي تشجيع
والله أنا براي مزنوق امتحانات لكن عشان عين تكرم مية عين
وانا بجازف وبخش ليكم وانا قاعد على الهبشه الموضوع دا لو مالايق بيكم أو عاجبكم
والله عادي يا حبايب ممكن أنساه ليكم ولا رايكم شنو؟؟؟؟
على العموم أنا بواصل وبنتظر أول إشاره من أصبه أول أمير من أمراء المنتدى
اوكي
وربنا يديكم الصحه والعافيه

[مزوني]

هلا و غلا بكل الحلوين

طبعا زي ما وعدتكم حلقتنا الليله مع الحبيب الغالي

الوفي

طبعا الزول بالجد كدا زعل زعل مبالغه ولو كنت عارف انو حيزعل مني قدر دا

والله ماكان عملت اللعبه دي من أساسو طبعا ؟؟؟؟؟؟؟؟؟؟؟؟؟؟؟

ولا أقول ما نكتر نخليكم مع الرد


لا حول ولا قوة الا بالله
اولا السلام عليكم ورحمه الله تعالى وبركاته
تانيا الكلام ده ما حصل نهائيا واتمنى انو توريني منو القال ليك الكلام ده والله يسامحك يا مزوني
انا على فكره يعني ختها معلومه عندك انا كرهي وعماي القيل والقال
يعني ما نقال كلام وحتفاهم معاك في وقت تاني يا اخوي وشكرا ليك لظنك الحلو فيني انت والقال ليك انو انا قلت كدى بالجد شكرا ليك
ولو سمحت ما تقول لي فاهم تاني لانو ابوي وامي ما قالوها لي فما منتظر زول زيك حتى لو كنت اعز انسان في حياتي انو يقول لي فاهم وكلي احترام ليك بس اتمنى انك تعرف كيف تحل مشكلتك بأسلوب جيد

وانا بالجد ما متذكرك زاتو عشان اقول فيك ولا اقول عنك

وحسبي الله ونعم الوكيل فيك يا مزوني
شكرا ليك
اخوك الوفي

لكن ردت فعلو كانت شنو بعد ما عرف بالمقلب

ولا يهمك اعتبر الموضوع في طي الكتمان
ولكن انا عرفتك على فكره هي صحي مرت علي ولكن ما صدقتها كنت منتظر ردك حتى اشوف واقعد للموضوع سمممممممممممح
يلا يا صياد تم باقي ناسك
اخوك الوفي يا وفي انت

طبعا والد طلع ناكرني حطب وما خاتيني في الحسبان لكن ماعلينا يا غالي

انت كدا عاجبني

وشكرا ليك كتير يا حبيب وما عدمناك ابدا ابدا

[الشريف الهندي]

بسم الله الرحمن الرحيم
العزيز الغالي / مزوني بتاع المقالب
الحقيقه مقلب جميل جدا لكن اتاريك انت كمان واقع في مقلب
طبعا ياجماعه لما مازن عمل فيني الحكايه دي ،،،،، بالجد كنت تعبان وماكنت مرتاح نهائيا لقرائتي هذه الكلمات التي كتبها لأني ما باحتمل زعل أي واحد فيكم
وكنت من الدهشه والزعل برجف وما قادر اسيطر على ايدي علشان اقدر ارد عليهو وكنت بأكتب وبمسح واستمر الحال هذا حتى تذكرت الحلم الكان بيتصف بيهو ابوي أطال الله في عمره فكان دائما يحافظ على أعصابه كثيرا في حالات الزعل ،،،
وكل ما وتر أعصابي من كلام مازن أنو مياخد موقف منى والاسوء اني ماقادر افهم أي حاجه وحصوصا مازن تبوء في دواخلي أماكن لا يدخلها الا الملوك والامراء والعظماء فلم أكن أحتمل أن أجده زعلان منى المهم اثناء زعلتي وتوتري الشديد لا حظته دخل الماسنجر فسلمت عليهو فلم يرد !!!!! عجب والله ــ للدرجه دي وقام بحظري من قائمته ولحسن الحظ أني كنت ضايفه في ما سنجري الاخر ولما دخلت عليهو وتاني سلمت في اللحظه ديك كنت كتبت الرد الكافي الشافي ولكن لم يترسل في بريدو الخاص لطول الرد ثم جزئنه الى جزئين وارسلت الاول وفي تلك اللحظه دخلت عليهو بالماسنجر التاني وسلمت أيضا لكن كانت رسالتي وصلته وبدأ يشرح لي الموقف يادوب تنفست الصعداء ،،وارتحت ،، وقلت ليهو السكري زاد وطبعا شال هم شديد ولما بدا يكفر لي قلت ليهو صادوووووووووووه طبعا الحمد لله ماعندي سكري زي ما اشار مازن واتاريهو شرب مني مقلب وهو لسه ماحاسي ،،،،،، لكن للاسف بوظ على مفاجئه كنت ارسم لها من زمن بعيد ،،،
فأنا مقيم حاليا بالهند وكنت اريد ان اعرف عنوانه وازوره وطبعا وهنالك أفاجئه
وطبعا قدرت اصل لرقم تلفونه ويوم المقلب البقا على طوالي اتصلت عليهو واتخربت المفاجئه

وعلى العموم مشكور يالغالي و الفكره بالجد حلوه شديد ويلا يا حبايب بيــــــــــــــنا للمزيد
ودمتم بألف خير أحبابنا اهل المنتدى
ويلا ورينا المزيد من ردود أفعال الغلين علينا

[مزوني]

هههههههههههههههههههههههااااااااااااااااااااااااااا ااااااااااااااي

يعني كدا يا حبيبو ؟؟؟ مااااااشي الجايات أكتر من الرايحات

وعلى العموم إنشاءالله أنا بخش معاك في تحدي يا حبيب

أول ما أخلص الامتحانات حتلقاني وشششش في اسكندر أباد

مع اني ما بعرفها وما جيتها غير مره وحده بس لكن عشانك !!

كلو بهون يا عسل وانت حبيب وغالي علي يا أصيل ودمت أخاً وحبيبا

للأبد

خلونا يا جماعه نترقب سوياً رد أختنا الغاليه

الغايبه عننا برضو لي فتره نتمنى نت المولى عز وجل

انو يكون لي خير

ننتظر سوياً العزيزة

روبي

[التيمان]

هههههههههههههههههههه



اى جيب ارحانحنا مستنين

[ياسر فقيري]

الرائع مزوني .. الظاهر إني جيت متأخر .. لكن والله مبالغة في الاصطياد تهنئة خالصة من القلب لك وأنت تنير سماوات المنتديات فلك مني كل الود والتقدير أيها الرائع

[مزوني]

الأحبه التيمان تسلمو كتييييييييييير
والله يخليكم للشمارات

العزيز الغالي ياسر فقيري والله فقدتك في البرنامج وكنت انت واحد من الناس المنمر عليها
لكن الله شافك بي غيابك لكن ماعليك الجايات أكتر من الرايحات ومرحب بيك يا حبيب يا غالي

ونبشركم يا حلوين ان العدد زاد اتنين تاني
يعني العدد اصبح 33

[مزوني]

طبعا اليوم موعدنا مع اختنا العزيزة روبي زي ما وعدتكم

وطبعا كلنا عارف شعور الانسان لما يقولوا ليه اني سامع فيك كلام

طبعا اندهاش وزعل و و و و فما بالك لما تكون بنت !!!!!!!!!!

كلا يجنن طبعا خلونا نشوف ردت فعل روبي

في شنو بس يامازن فهمني
انا مافاهمه منك ولا حاجه والله انت بتتكلم عن شنو
واي كلام واي اشاعات دي المطلعنها فيني لو سمحت ضروري ترد علي وبشكل واضح
ومنو القاليك انا مطلعه فيك كلام اصلا انا عمري ماجبت سيرتك مع زول بالطريقه دي
لو سمحت ترد على كل شؤال وبصراحه وبسرعه
مع تحياتي
روبي

طيب الحصل شنو بعد ما عرفت بالمقلب !!!!!!!!!!!!!!؟؟؟؟؟؟؟؟؟؟؟؟

ههههههههههههه
يااخ حرام عليك والله
انا مخي قعد يودي ويجيب بوظت اعصابي
وخليتني اشك في عضو لكن انا ماغلطانه عليه لانه بعمل الحركات دي حقيقي
ههههههههههههههههههههه
لكن حلو وملعوبه
طبعا حالتي ماتتوصف لما قريت رسالتك الاولى
ههههههههههههه
مع تحياتي
روبي

شكوووووك دايما شكوك

ربنا يستر علينا وعليكم

وشكرا ليك كتير أختي روبي ونورتي الشاشه

وربنا يديك العافيه يا غاليه

[الشريف الهندي]

قلت ليك ياحبيب بوظته اعصاب الجماعه الله يهديك لكن برضو حلوه

تحياتي وبعدين روبي الظاهر عليك زودت ليها في الكلام وطلعتها مطلعين فيها كلام برضو لا حزل ولا قوه الا بالله
وتسلم كمان مره يالغالي

الشريف الهندي

[غفران]

وينك يا مزوني وقفت صادوه ولا شنو

[toty]

3aref ya mazooni ana wasalatni al resala al tanya laken alola ma wasalatni laken ma moshkea w shokran 3ala alfekra al 7elwa dy

[مزوني]

العزيز الشريف لك كل الود والتحايا وانت متابع جيد

وغالبا حتكون معفي من المقلب الجاي هههههههههه
أوعى تصدق

الغاليه غفران البرنامج ما حيقيييييييييف في فضايح لازم تتنكت

العزيزة توتي ليك التحيه وانتي معانا هنا يا غاليه و أبقي منتظره دورك جاي قريب

وما عدمناك

ونترقب مع بعض رد حبيبنا الغالي عم عزيز

[مزوني]

يا جماعه انتو عارفين والله ما عندي اي مقدمات أقولها

لكن بالجد كدا حاجه تحفه أخليكم معاها
الغالي والعزيز علينا جدا العم عزيز

،تحياتي وأشواقي

حاولت الرد عليك في منتدى ودمدني.. لكن الرسالة رفضت تتحول..

علي العموم.. والله عقدتني وخوفتني عدييل.. يا زول انت بتتكلم جد لأنو ليس من عادتي أن أتحدث من وراء ظهر الاخوان.. وأكره القطيعة والنميمة. ما بتذكر اني جبت سيرتك في مناسبة مع الاخوان. الشخص الوحيد الذي تحدثت عنه من خلال المسنجر كان الاخ خالد هاشم.. ودا كان مع الاخ أبوروان.
ذكرت للأخ أبوروان بأن الاخ خالد هاشم ما بيدخل ويعلق علي مواضيعي في المنتدى ماعارف ليه. حتى في المسنجر ما برد. وكل ما أدخل عليه يقوم يخرج فجأة.. زعلان مني في حاجة لا سمح الله.. وطلبت من الاخ أبوروان يتصل بخالد يوصل ليه زعلتي ويكلمه بالحاصل.. بعد داك اتصل بي الاخ خالد في المكتب وما حصلني.. قمت أنا من جانبي الاتصال بالاخ خالد وتحدثنا بالتلفون معه وباقي أفراد اسرته الكريمة.. وذكر لي بأنو لديه مشاكل فنية في الجهاز بالعمل، وما قادر يدخل.. لكن خلاف ذلك ما حصل جبت سيرة أي شخص آخر.
انت عارف انك انسان عزيز علي وبعزك كثير. وقبل يومين تحدثت معاك عبر المسنجر ولو في شمار ولا قطيعة كان ذكرتها ليك.. وما ممكن أجرحك بأي كلمة، وكل الذي ذكرته عنك من خلال البوست التالي، أرجو مراجعته ولا أدري انك قرأته أم لا:

http://wadmadani.com/vb/showthread.php?t=8310

كما أرجو المصارحة وافادتي حول الكلام الذي قيل لأنو والله اقلقني كثير. ولم أجد تفسير لذلك سواء إنها مجرد إشاعة أطلقها أحد الأخوان.. يريد من خلالها خلق نوع من سوء التفاهم بين الاخوان في المنتدى.. لأنني وبكل صراحة ما برضى إني اسيء أو أجرح أي واحد من الاخوان بكلمة.. وزي ما قلت إن بعض الظن إثم. ويجب أن نتوخي الحذر الشديد في مثل هذه الامور الخطيرة.. وفي انتظار ردك السريع.

ولك كل الحب والتقدير،

عزيز


لكن المصيبه كلها بعد ما عرف المقلب


والله العظيم يا مزوني أنا لي أكثر من ثلاثة ساعات في المكتب بفكر توترت وتألمت ألم شديد جدا وما قدرت اشتغل خالص وبراجع في نفسي وبقول يا ربي أنا لساني فلت وقلت حاجة ما داري عنها خلت الاخوان يزعلوا مني بالطريقة دي.. لو ما لحقت رديت علي بسرعة أنا كنت مجهز موضوع عن استقالتي من المنتدى وكنت علي وشك انزلو وهو كالاتي:

الاخوان والاخوات الاعزاء،

أرجو منكم جميعا العفو والعافية.. وسامحوني اذا بدرت مني كلمة أسأت الى أي فرد منكم وذلك من خلال المواضيع التي كتبها في المنتدى.. أستودعكم الله وأترككم في رعايته.. مع فائق حبي وتقديري واحترامي للجميع.

لكن الحمد لله جاءت علي خير.. وقدرت تصطادني.

ممكن الآن أتنفس الصعداء..

ولك مني كل الود،

والعفو والعافيه يا عمنا يا راقي
ولك العتبى حتى ترضى

[lamis]

والله يا مزوني برنامجك دا جرس الناس عديل كدا
لكن ابدعت

تسلم و تدووم

اختك لميس

[مزوني]

الأخت الغاليه لميس

الابداع مابجي من زول واحد الابداع بجي من الجميع

ولولا الله ومعونتكم لي ما كان البرنامج وماكان مزوني

وليكم مني كل الحب والتقدير

ونترقب سوياً الأخت الغاليه نهله حيدر

[مزوني]

بسم الله الرحمن الرحيم

أولا وبكل صراحه اختي الغاليه نهله حيدر هي الزوله الوحيده اللي ندمتني

اني عملت البرنامج دا وبي صراحه ردها أثر علي جدا جدا وسواني عديييييييل

ومنها نفسي مرقت من اللعبه وطبعا القصه أنا بدخل أكتر شي بليل وهي طبعا

بي حكم عملها في الاعداديه بتشتغل بالصباح وطلبت مني ؟؟؟؟؟؟؟؟

نخليكم مع رسايلها المؤلمه وأواصل ليكم بعدها انشاءالله

انت جادى فى كلامك ده قايتو لو جادى مافى اى كلام زى ده حصل منى وبعدين انا اقول لمنو والكلام السمعتوا عنى شنو مالك داير تخلينى انسحب من المجله انا جنى وجن الحاجات دى حسى فى الشغل بكرها حتى الشى الوحيد القلته عنو انو نظيف من الحاجات دى القاه كده الحاصل شنو فى الدنيا

اولا: الكلام السمعتوا عنى شنو اتحدى اى مخلوق لو يقول فينى شى لانى صريحه اكتر من اللازم وما عندى والحمد لله اى شى
ثانيا : سمعته شنو ومن منو الكلام المفروض انا قلتوا عنك والله حيرتى عديييييييييييييييل وما قادره حتى اجمع
ارجو الرد فوراً

وتبعتها بالرساله التانيه دي

بالجد الموضوع شنو
انا حتى ما بعرفك حاقول فيك شنو

ارجو الرد العاجل الان

وأخيراً كان الألم الحقيقي

7
7
7
7
7
7
7
7
شنو ما رديت لى انا والله لما قريت رسالتك افتكرتك حتقول انا 2006 وخلى 2005 تنفعك اتوقعته اجابه زى دى لكن ما اتوقعت انك تكون جادى للدرجه دى تتكلم الحقيقة ولا انسحب من المجله
لو ما رديت بعد نص ساعه حانسحب وزنبى عليك

وانا حسه فعلا يا جماعه حاسي بالذنب وأتمنى من أي زول يعرفها معرفه شخصيه أو عندو إيميلها يحاول يفهمها لي الحاصل أو ممكن يوصل ليها
في الإعداديه للمتواجدين في مدني هي شغاله تقريبا بتعرفها البنت الشغاله في لاب النت والأدهى من دا كلو انها قرت رسالتي اللي وريتها في بالمقلب لكن ماردت عليها ويا ليت البقدر يوصل ليها يبلغها أسفي الشديييييييييد واعتذاري على اللي حصل وكمان تحياتي وبكون شاكر ليكم كتير جدا جدا وتقبلو خالص تحياتي