مشاهدونا الكرام
نرحب بكم فى حلقة اليوم ... على الهوا .. وضيف حلقتنا لهذا اليوم
شخصيه .. كروماكوزيه .. أثارت فى الأيام الأخيره جدلا منقطع النظير
مما جعله شهير جدا فى عالم المنتديات بعد أن كان شخصيه مغموره فى الكوره
أيها المشاهدون الأفاضل معكم وبإسمكم أرحب بأيمن هوا ، هيييي ، أيمن الكوز ، هيييي أيمن عبدالله
_ أهلا بيك أخ أيمن فى برنامج على الهوا
_ أهلا وسهلا وبرحب بالمشاهدين الأعزاء
_ أخ أيمن ، فى الفتره الأخيره أثرت جدل واسع النطاق بحكاية حجب موقع الراكوبه ، حدثنا عن البدايه
_ والله فى الحقيقه ممكن تقول عليها شلاقه منى سااااى
_ كيف يعنى ؟ أشرح
_ طبعا ذى ما إنت تفضلت وذكرت فى المقدمه أنو أنا بتاع كوره وكدا وبكون متواجد فى المنتدى الرياضى والعام والنفاج
ومرات بحوم فى المنتديات التانيه وخاصه الراكوبه ولقيت فيها حاجات ما عجبتنى ، أهااا ... قوم يا أيمن
أعمل فيها مستشار الأمن القومى لدول الخليج وراسل هيئة الإتصالات السعوديه بخصوص الراكوبه
لحد ما تم حجب الراكوبه بالسعوديه
_ أهااا
_ أهااا .. يجينى ليك حرمشه حقى يتدبّى وقال لى لو نشرت الكلام دا فى المنتدى العام على الطلاق يكون موضوع
يكسر الدنيا جت ، وقلت كدا شمرت لى يدينى ويا الكيبورد جاك بلا ونشرت الموضوع
_ أهااا
_ أهاا .. حكمة الله الموضوع ردو عليّ فيهو كم واحد وناس شويه وقرب يدردق النجيله
حتى أنا قلت لحرمشه وينو كسير الدنيا ؟ عاين الموضوع الناس ولا شغالين بيهو وقرب يموت
_ أهااا
_ أهااا .. حرمشه قال لى أصبر ، أصبر وقام طوالى ضرب تلفون لحراميش ناس هناى
وطلب منو خدمه إنو يحرمش عليهم فى موضوعى دا وفعلا حرمشو والرابط مشى الراكوبه
والنار ولعت وعينك ما تشوف إلا النووووور
_ هع هع هع
_ هه هه هه هه
_ طيب ، إنتا لما نشرت الموضوع دا أصلو ما فكرت إنو يصل الراكوبه ويعمل الضجه دى كلها
_ والله الحق ولا بالغلط ما فكرت إنو ح يتعدى المنتدى العام ، ولا حتى فكرت إنو فى ناس معانا
هنى بحبو الراكوبه وممكن يردمونى
_ هع هع هع ، طيب ، طيلة أيام الأزمه حسينا بكل ردودك إنك مزنوق ومعصور لكن كنت بتكابر وبتراوغ
وكان واضح إنك مورّط ، مش كان ممكن تكتب بوست إعتزار للجميع والإعتزار يرفع المقام ولا ينزله
_ والله سؤال وجيه جدا ، لكن تقول شنو مع حرمشه ؟ ومش كدا دا فى ناس أخير منهم حرمشه
كلما أقرب أجر واطى يزنّو لى ، خليك صنديد وهييييييييع وعفينا منك لما جيت واقع على خشيمى
_ هع هع هع ، طيب ناخد إتصال ، عم محجوب أتفضل
_ أووووه أيمن هوا منور الشاشه والله
_ بنور يا حجبه
_ قلت ليك ، إنتا الوداك تهبش عش الدبابير شنو ؟
_ شلاقه ، وحات الله شلاقه بسسسس
_ طيب ، نزار الصغيرونى أتفضل
_ قلت لى جيت تكحلها عميتها ؟ هه هه هه
_ هه هه هه هه
_ بحيرى مراوح أتفضل
_ عليك الله هسى يا أيمن أكان بقيت بتاع حنان وبكا ذى علونى ما كان أخير ليك ؟
_ اااى والله
_ علونى أتفضل
_ إنتا البوديك تتحاوم شنو ؟ ما كنت كويس ولافى فى المنتدى حقنا ذى مراوح بحيرى
_ والله صدقت لكن كلو من حرمشه ياخ
_ أم النفاج أتفضلى
_ يا أيمن يا ولدى ولا يهمك والعتره بتصلح المشى وعين وأصابت
_ تسلمى يا أم النفاج
_ السيد رئيس مجلس الإداره أتفضل
_ أيمن السلام عليكم
_ وعليكم السلام
_ والله يا أيمن الأزمه التى تسببت بها كان لها محاسن ومساوئ
ونحن فى مجلس الإداره والمشرفين إستفدنا منها كثيرا من أجل الجوده
والتجويد كما أتمنى من الأعضاء الكرام أن يكونوا قد إستفادوا منها والتفكير فى المواضيع
من كل الزوايا قبل إعتماد نشرها لكن بالجد هى أزمه غير مسبوقه
_ أشكرك يا ريس وإن شاء الله ح نعمل بوصيتك ونصيحتك
_ أبوسفروق أتفضل
_ هييييييييييييع ، عفيت منك ، جبت ضقلها يكركب ؟
_ ما غشيتونى إنتو ، قال أتفق معك يا أيمن قال .. هسى جابت ليها كركبه ؟
_ هع هع هع ، مايسه أتفضلى
_ أيمن إزيك ؟
_ الحمد لله
_ هل عندك تانى مشاريع لحجب مواقع أخرى ؟
_ تانى ؟ حرّم لا حجب ولا حجاب ولا عمه
_ هع هع هع ، ريمون أتفضلى
_ يا خلف الله ما عذبتنا
_ هع هع هع ، هه هه هه هه
_ عاشق الترحال أتفضل
_ أيمن هوا ، صورة شيخنا مالك شلتها سرييييييييييع ؟
_ يا زول شيخك دا هو ذاتو هوا
_ هع هع هع ، طيب نوقف الإتصالات لضيق الوقت ، حدثنا هل أثر هذا الحدث
عليك بصفه شخصيه ؟
_ أكيد طبعا ، وحات الله حمانى النوم ، وبقيت ولا باكل وسارح ومهموم وحتى تلفونى غيرت رقمو
_ طيب ، لو رجع بيك الزمن للوراء إلى اللحظه اللى كتبت فيها موضوع الحجب
وخلاص ختيت مؤشر الماوس على أيقونة أعتمد الموضوع الجديد ، ح تضغط عليها ؟
_ أضغط عليها ؟ حرّم ح أضغط على السيويتش حق الكهربه وأقفل الكمبيوتر من الحيطه
_ أيها المشاهدون الكرام ، كان معكم أيمن هوا على الهوا وهذا مطاميرووو يحيكم
رد مع اقتباس
المشاركة الأصلية كتبت بواسطة عنكوليب
المفضلات