سودانير(الناقل الوطني) إلي أين؟؟؟قضية للنقاش ..

[الفخيييم]

ورد في الأنباء أن الناقل الوطني
سودانير عليه مطالبات مالية باهظه
من ما حدا بأمارة دبي منع طائرات
سودانير من الهبوط في مطارها بداعي
الاموال المتلتله في ذمة ناقلنا الوطني
من رسوم ارضية ووقود وخلافه !!!
وحاليا الركاب ينزلوا في الشارقه وباقي
المشوار ليموزين يعني معاناة منقطعة
النظير علي المواطن السوداني !!!
برأيك ما الذي يحدث وماهي الحلول
الناجعه لتلك القضية المهمة ؟؟؟


تخريمة: لا تقولوا عضنا الدهر بنابه
ليت ما حل بنا به ...

[samia]

الفرج العاجل ياأرحم الراحمين للسودان وأهل السودان وجميع السودانيين

[مايسة]

السلام عليكم الفخيم

عندما تقل او تنعدم المخصصات للجماعة لهم ولأسرهم
عندها يمكن -بقول يمكن- ينصلح جزء من الحال

---------------------
حمدلله على السلامة

[الجندي المجهول]

الحبيب الفخيييييييم

انت سالت سؤال وجيه وقلت سودانير إلى أين

الاجابة في الأسفل
.
.
.
.


.
.
.
.
.
.
.


الزوال بكل أسف
تخريمة : يا حبيبنا والله قبل فترة اتصل على أحد الاقارب وطلب مني ان اوصله إلى المطار فرحبت بكل سرور وقال لي انت ما تنتظر خلاص امشي تتصور الطائرة ما سافرت في المواعيد المحددة لانها ( ما اتملت) انا قلت الشئ (باص جبرة) ولا شنو
تخريمة 2 : هي اصلاً منتهية والشريف الما شريف عمر بدر ( تم الناقصة) وحريف حرفنة التقول ( سكسك) ياخ انا بعرف انو سكسك وقلة وكندورة ( بحاوروك في الجير) في اللاين ( دا طلع احرف منهم) باع اللاين زاتو ( خط لندن)
واعرش على كدا ،،

[محمد حسين (المميز)]

[الفخيييم]

الفرج العاجل ياأرحم الراحمين للسودان وأهل السودان وجميع السودانيين

ىميييييييييين يا رب العالمين لأن
المواطن عاني كثيرا...

[الفخيييم]

السلام عليكم الفخيم

عندما تقل او تنعدم المخصصات للجماعة لهم ولأسرهم
عندها يمكن -بقول يمكن- ينصلح جزء من الحال

---------------------
حمدلله على السلامة

الاستاذة مايسة ازيك وربنا
يسلمك ..
الجماعه قالوا اعلنوا سياسة التقشف
يبقي مفترض المخصصات
تكون قلت ولكنني لا اصدق تصريحات
المسعولين !!!!
الناقل الوطني فقد الكثير من اراضيه
مزيدا من المعاناة لهذا الشعب الأبي ..

[الفخيييم]

جندينا ارجنتينا منور يا حبيب ...
السياسات الحمقاء للمسئولين
الحكوميين هي التي دمرت
الناقل الوطني حظر وكلام فارغ
ولا احساس بمعاناة الشعب الصابر
نحن في بلد لا تكرم شعبها ومظلوم
من ذوي القربي وأي مسئول عايز
يشبكنا استهداف ومتربصين فاكرننا
أغبياء وسذج !!!

تخريمه: الشريف طلع شريف والله
كده انا ما مبسوط منو!!!

[الفخيييم]

حبيبنا المميز تحياتي ،،،
هذا أبلغ تصوير لما آل
إليه حال سودانير ..