أكان ما رقدتوها لى صلطه ما إرتحتو مُش ؟
غايتو حاسدين جنس حساده يا حولاااااااااااااااا
يا حليله كانت ذى العروس ، جسم ولون وعيون
تقومو تطقوها لى عين تسكتو قلبها الحنين فد مره ؟
دا منو دا فيكم الوقف لى قلبها دا ؟
يوم السبت جاين أنا وهى من البيت للجزيره فى أمان الله
واللى فى الشارع جت يكنتكو ليها
وهى تقدل بس الناها فى مشيتها ، عاد ما شايله شيل
وضامه اللابتوب حقها على صدرها ذى طالبة الثانويه العامه
ولما خلاص وصلنا بوابة أمن ميناء الدخول للجزيره وقفت
وسلمت عليهم ولما كنت عاوز أتحرك أكان لقيت ليك قلبها الطيب وقف
وبقيت أجقلب وعملت ليها دلك وما نفع وتنفس صناعى ما نفع
ووصلت ليها دم من وريد من متبرعه وما نفع
ومن الساعه 3 بعد الضُهر بنعش فيها وهى كاضمه بالطريقه الصاح
لحد الساعه 7 مساء مواعيد آخر باخره للجزيره
قمت ومعاى رجال الأمن دفرناها ووقفناها فى فسحه ساااى
كررررر على هسى ليها 4 أيام واقفه فى الحر بالنهار والصقط بالليل
وكلو منكم إنتو ديل .. من يوم عرفتونى بقيت بشغلها باللابتوب
غطستو حجرها وجبتو خبرها
ومن يوم الليله أى إختراع وإبداع بدسو منكم وما بكلمكم بيهو
رد مع اقتباس
المشاركة الأصلية كتبت بواسطة ود المطامير
المفضلات