رثاء الراحل الفنان محمود عبد العزيز
==================
كلمات الشاعر : احمد الريح العليش( زحزحة)
الحان وتوزيع : صلاح كرار
غناء :الفنان غريب الله الطاهر
======================
نجمة وعيون وطريق ... بالتضحيات ممدود
قدر الوساع والضيق
نبكيك يامحمود .. نبكيك يامحمود
*** *** ***
يازول ملان احساس ... ياحسنا المفقود
علي قدر ماغنيت ... حاتضل امل موعود
نتلاقي في الاوتار ... بين الكمان والعود
نتلاقي في الزكري
نتلاقي يامحمود .. نتلاقي يامحمود
*** *** ***
ياشعب ياطيب .. ياشعب ياطيب
كالاغنيات مولود ... ايه الفضل طيب
حيره وطريق مسدود
دثرنا ياحبيِب من الليالي السود
غتينا بين ميمين بين مصطفي ومحمود
غتينا بين ميمين بين مصطفي ومحمود
*** *** ***
ياشادي ياغناي ... بيك الوطن معهود
حس الكمان والناي ... حيظل عليك مشدود
ذي القمر ضواي ... ماليهو أي حدود
مافتِ من دنياي .. مافتِ يامحمود
*** *** ***
يالمة الاحباب ... يازول وفي ومحمود
ماتبقي زيف وخراب ... قُتليها ابقي صعود
اغراب وراك اغراب ... صحراء ويباس وجمود
تمتم مسنكب وراب ... كل الطرب محمود
*** *** ***
خلفت فينا انين ... وجعة وجرح ممدود
وسنين تفوت وسنين ... وشخصك يظل موجود
ياسكت التايهين ... سيد الكرم والجود
نطراك ونطري حنين ... مابين ركوع وسجود
ياشعب قول امين .. الجنة يامحمود
ياشعب قول امين .. الجنة يامحمود
ياشعب قول امين .. الجنة يامحمود
*** *** ***
رد مع اقتباس
[/IMG]
المشاركة الأصلية كتبت بواسطة صداح سنهوري
المفضلات