مساء ، صباح الجمال

[مدنيّة]

مساء الجمااااااااااااااااااااااااال

ياسلااااااااااااام يوسف علي الذوق دا
وربنا يرحم محمود يارب
--------
الوسيم القلبي رادو
الجمال حاز انفرادو
مالو لو مرّة افتكرني
مالو لو أنجز ميعادو

******

ليه نساني .. أو تناسى
لاهو جامل لاهو آسى
وقلبي بي التعذيب أبادو
منّي شالو وما أعادو

******

شفتو كان في توب حدادو
وكل حواسي عليهو نادو
استجاب لي نداي وجاوب
كان عواطف وكان تجاوب
عزّ من بعدو التلاقي
رغم قربو واشتياقي
طرفي متزايد سهادو
وخلي جافا الرقاد مهادو

*******

إيه يكون في نظري زادو
غير خصالو واعتدادو
مهما يجفو في قربو أطمع
ما بطيق لي غيرو أسمع

أسألوهو إذا تبسّم
واتركوهو إذا تألّـم
واجبي حتّــم أصون ودادو
مهما زاد صدّوا وعنادو

[انور النور محمد]

مسامحك يا حبيبي
مسامحك يا حبيبي مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..

[انور النور محمد]

مساااااااااااااااااااااااااااااااااااااااء الجمال

[آلاء عبد الرحمن]

[مايسة]

مدون في غنية اسمها دقات قلبي بتخيل
والكاتب حقها اسماعيل خورشيد يمكن

لو لقيتيها جيبيها ثمح

[ساريه]

مساء الجماااااااااااااااااااااااااااال..
اشتقنا ليك يا مدون يا حبيبه ..

.

[ساريه]

من خارج الحدود .... نعناع الجنينه ... أو عشق البنات ... للكنج محمد منير ..


http://www.youtube.com/watch?v=GYSZoPe88uM

[ياسر عمر الامين]

مساء الجمااااااااااااااااااااااااااااااااااااال...

[ياسر عمر الامين]

من بعد ما عز المزار
الكلمات الشاعر عبد العال السيد
الألحان والغناء مصطفى سيد أحمد

من بعد ما عز المزار
والليل سها وملت نجومه الانتظار
والشوق شؤب حزن المواويل وإنجرح خاطر النهار

***********************************

وبقيت أعاين في الوجوه
وأسأل عليك وسط الزحام قبال أتوه
إمكن ألاقي البشبهك
ما الليل براح والشوق تعالي بيندهك

**************************

شايلاه وين النيل معاك
عصفورة جنحاته النجوم وأنا بي وراك
بسأل عليك مدن مدن
وأعصر سلافة الليل حزن
بسأل عليك في المنفى في مرفأ السفن
إمكن طيوفك أخريات الليل تمر
تملا البراحات للحزين طول العمر

***************************

ما نحنا بينا الأمنيات والتضحيات
بينا المعزات والعزابات في الحياة
بين الهوى وإخلاص على قلبي إنطوى
وكلام كتير قلناه آخر الليل سوى
إنو راح نتلاقا لو طال النوى
لكن كلامنا الكان وكان
خايف يكون شـالو الهـوى

***************************

[ياسر عمر الامين]

مسااااااااااااااااااااااااااااااء الجمال...

[ياسر عمر الامين]

[حاتم عمر]

شكرررررا يا سيد المعلمين وانت الجمال سيدو
وربنا يرحم مصطفى رحمة واسعة

[ياسر عمر الامين]

مسااااااااااااااااااااااااااااااااااااء الجمال...

[ياسر عمر الامين]

قمر الزمان
الشاعر صلاح حاج سعيد
الالحان والغناء مصطفى سيد احمد

كتبت ليك لا بيني بينك ريده لا قصة غرام
اخترت ليك اجمل حروف
واصدق فواصل نادره في لغة الكلام
لا قصدي الهو معاك بكلمات غنى
لا شعري ليك مرجيحه من شعر الغمام
وكتبت ليك والله يا قمر الزمان
شان جيتي بالزمن المحنه
وشفت في عينيك حس اهلي القدام
وكتبت ليك

**************************

كتبت ليك وانا جاي من زمن الشقا
المرسوم على وش الثواني مظلله
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى وكتر العزوف والاغتراب
صارت حروف مترهله لحظات أسيفه ومهمله

*****************************

وكتبت ليك وكتبت ليك
ووقفت ليك لامن لقيتك جايه في قلب الطريق
ولمحت فيك راحة المشاوير البعيده
ولفحة النسمه الحنينه الجاية من جوف المضيق
حسيت عجايب الدنيا اتلمت
بقت جاياني من عصر سحيق
عينيك حس اطفال بنادو القمره للغايب يعود
وجبينك الضواي حجا الحبوبه في الزمن السعيد
يا قمره اقلبي السنسنه الحمره شوفي ليه ما جا
وانا في قساوه الموحش الزمن المكهرب بالحريق
انا حيلتي ايه قول لي يا قمر الزمان غير اتكي واحلم معاك
واحضن اماسي الصحو والامل البريق
قولي لي يا قمر الزمان انا حيلتي ايه قولي لي يا قمر الزمان

*****************************************

[ساريه]

صباح الجمااااااااااااااااال

[ساريه]

أقراك مره صاح ..... عاطف خيرى

عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق ..

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض

*******

طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح

*********

سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس

*******

ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

.. صبحت مناحاتك ..

... نشيد

[ياسر عمر الامين]

وحيات المحبة
الشاعر محمد يوسف موسى
الألحان السنى الضوى
الغناء ثنائى العاصمه

وحيات المحبه واشواقي وحناني
وحبي ليك نابع من روحي وكياني
وترجع ياحبيبي وترجع لي تاني
وترجع تملا قلبي بالحب والاماني
ياحبيبي ياحبيبي ياحبيبي ياحبيي

***************************

وحيات المحنه والعاطفه النبيله
وليالي التلاقي وذكراها الجميله
وحيات شوقي ليك وقلبي البين ايديك
وماكان بعدي عنك لو بايدي حيله
ياحبيبي ياحبيبي ياحبيبي ياحبيبي

**************************

وما بنساك وربي لو لحظات شويه
وحبك مالى قلبى وباين في عنيا
ودربي بلاك اظلم وربي وحاتك اعلم
وانت بحالي داري وماسايل عليا
ياحبيبي ياحبيبي يا حبيبي يا حبيبي

*****************************

وشوف الدنيا زاهيه بالحب والحنيين
وكـــم قلبي وقلبك فيها مؤمـــلين
وديك أيام جميله وكانت يا حــليله
تعال نبنيها تاني عشره تدوم سنين
ياحبيبي ياحبيبي ياحبيبي ياحبيبي

*************************************

[ساريه]

مساء الجمااااااااااااااااااااال

[ساريه]

إهداء خاااااااااص للحبيبه مدون ...

أنت عارف أنا بحبك وبحلف بك
ولا ماك عارف بالمره

أنت صارف عني مده
أنا خايف تتحدى
طمني تعال نبدأ
التعارف والتآلف والمودة
يا حبيبي من فضلك
طاوعني جاملني لا تخالف
واحده مره

أنا شايف المحاسن
الطرائف في صمتك
و في كلامك
وفي عيونك في ابتسامتك
في خدودك في قوامك
أنت جالس وأنت ماشي
وأنت واقف
وأنت نايم صغير غرير الطرف حالم
ما ك عارف طرفي جفا المنام
آلف الحب والوئام
مع الجمال بالعواطف
في غرامك استمر

متين أصادف
رضاك عليّ توالف
أراك مناي حياتي حبك المحبة
حبيبنا مره .. زورنا مره
بلاك أشوف النور ظلام
وأضوق طعم كل حاجه مُره
وزورنا مره
مما رأيتك بالقرب مني
هل تدري إني بسعد أظني
أحس بي عظمه وشأن كبير
افرح كتير فرح كبير
وأكاد أطير من الفرح
بالأمل أحيا وأحالف المسرة

[هيثم عبدالعال]

[ياسر عمر الامين]

مساااااااااااااااااااااااااااااء الجمال...

[ياسر عمر الامين]

نحن ما ناسك
الكلمات أبو آمنة حامد
ألحان وغناء صالح الضي

لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتسامتو وهناهو
في شجونو ما بنعاتبك
لو بتلقى ما بنعاتبك

********************

ياما جيناك وياما بابك
لوبحس دقات قلوبنا
كان حكالك كان بكالك
نحن ما ناسك ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك ماناسك

انت ما علمتنا علمتنا
الحب بسمة صافية
فيها عزة وفيها بهجة
بتستجير بعاطفة دافية
نحن عشناها بشعورنا
وبعواطفنا الرحيبة
انت ما ضيعت أرواحنا
في صحارى التيه
ما ترجع تجيبها ليه
لية تلوعنا وتسيبه ليه
نحن ما ناسك ما ناسك

***************************

[مدنيّة]

صباح الجماااااااااااااااااااال

[مدنيّة]

[مدنيّة]

مساااااااااااااااااااااااااااااااااااااااء الجمال

والله ياانور بزيارتك بوست الجمال نور
وايامك كلها ملانة جمال يارب