________________________________________
[FONT=book antiqua][B]أ
[____دارجيتنا اللهيجة السكرة___]
أخي مصطفى يا نكهة البوح الشفيف والفضفضة البريئة خلاس اعتمدناك مثالاً بارعاً، يا من تحمل إزميل فدياس و روحاً عبقرية، فخلينا نخرق الروتين بوقفات تمحيص و تأمل مع صيغ تضمينا السمح.دا.. حيث هناك كثير مز العبارلات التي يستعصى فهمها بالمعنى الشائع بين الأمم.
#فمثلاً لا حصراً قاعدين تقول للواحد مشتاقبن يرد ليك: تشتاق ليك العافية. نقصد إنها ما تفارقك. يعني دوماً بخير ولكن لو تمعناها ملياً نلقاها أقرب للمريض الكسيح المشتهي العافية.
#برضو لمان نقول الحاري و لا المتعشي؛ و الحاري هو الموعود بعشاء مدنكل و المتعشي هو الماكل تب و ربما نايم. فكيف يستقيم أن نفضل عليه حالماً بعصيدة بربدة، و ملاحا في الريف. و لدى حبوبتي تصويب وجيه لهذا المقال بأن أصل المثل هو (الحاري و لا المتعشم) , و المتعشم هنا من يظن ظنا بأن تنزل عليه مائدة من السماء ، يعني زي هفت ليهو في راسو ساااه ، و بكدا ممكن يكون المثل مبلوع شوية.
#كمان عندنا ( يا شافع) شيل الباب وراك, و لا أقفل باب الشارع و معلوم انو الشارع ليس له باب، و لو كان له باب لا يسمى شارعاً ، و الأحرى مغارة , و لكن المقصود باب الحوش الفاتح في الشارع.
#ثم لو رجعنا ل(شافع) نفسها ، التي نطلقها من آخر مناخيرنا في حالة غضب، إنما هو من يشفع لوالديه حال موته صغيراً (سلفاً). و لعل هذا من إعجاز لغتنا الدارجة.
#كذلك نسمي سخان الشاي (البراد) لتبريده و كمان جايبنو بصيغة المبالغة براد يعني تلاج .
#و أغرب ما عندنا في السودان أن الحرية التي نعبيها شرابا سائغا بلونها البرتقالي الجذاب، لنشتق منها اسما لأحد كبارينا و الذي يكب مباشرة في السجانة (جمع سجان) بالله شوف ؛ يعني مفروض يؤدى لميدان التحرير موش؟!
... عشان تعرف إننا ناس مناكيد و ماشيين خلف خلاف. فى كل شيء و راجعين قبال نوصل بعد الكلاكلة اللفة.
#ياخ عايشنا معظم شعوب الأرض و الله ما لقيت أطعم مننا و ألذ ما ننفرد به قولنا:ده كلام ساكت". فكيف بالله يكون كلام و ساكت يعني زي الصمت الصاخب و لا هدوء تعقبه عاصفة ذهنية. و لا گانو ما قال حاجة ، زي (Hollow Talk أو Empty Speech) و سمعت تعليقاً للمتحزلق / محمد حسنين هيكل مفاده: إن هذه إما تكون عبقرية حد الغباء ، أو تكون هراءً ككلام الببغاء .
فياخ ، رمضان كريم ،،،،،،،،،،،،،،
و دمتم.. دمتم .. دمتم سالمين
ود الأصيل/Aabersabeel]
ONT]
رد مع اقتباس
المشاركة الأصلية كتبت بواسطة مصطفى احمد على
المفضلات