يوميات عزابي في رمضان!!

[ود الأصيل]

جاءني صديقي اللدود أحمد الجعلي حانف وشو شاكياً باكياً من رقة حاله وتعاسة حظه خلال الشهر الفضيل فقال: أها يافردة، المرة دي اتخذت قراري بالطفشان من أول يوم من كرنتينة العزابة و جرينا نكابس في موائد الرحمن , وأقرب برش مفروش نقعد نصنقر لمن يجو الجماعة يلقونا ليك مشمرين ومتحرفين لمعمعة اللهط ،فلو ما الاختشا ما فاضل علا يقولو لينا (جر).

فقلت ليو: عجبتني طب والله يا أب عوينتن قوية، و حالتك دي لسة برلوم وجاي داخل(الصينية) بالطول والعرض بس (طبق طاير)
وكمان مشمر عن ساعدي الشفط و متحيز إلى أقرب زاوية إفطار جماعي. ولكن تعرف اللخو أنو هناك من هو أسوأ منك حالاً؟!
نعم اللهو العبد لله .. طبعاً أولاً في التبادي أخوك الأيامات دي عزابي براي متل الأبريق، أنا و الليل والقمر،
بعدما طفشنا الجماعة قلنا نغير شوية في محاولة لكسر الرتابة و تمزيق فاتورة رمضان!
كدي خلينيالنحكي ليكم بشتنة اليومين الفاتو ديل بس.. ولعل شر ال (ب ل يلة) ما يفقعك ضحكاً. .
طبعاً الواحد ندم كتيرفي حياتو، لاكين عن نفسي أندم ما أندمني سحور أول أمبارح ،
عندما ظبطت ليك الرقاق العجيب معطون في الروب ومتقل بأوتاد من بلح القنديلة الغلاد ،
وجنبو النشاية معطرة ومعتقة بروس النال و المحريب و آبري حلو مر صاقط شديد،
ديل كلهن ختيتن على جنبة و أنا أضمر لهن نية السوء إني أقوم عليهن بعد قلنا ناخد تكية،
يعني غفوة تعسيلة بسيطة ما بعد الهزيع الأخير لكنها للأسف الشديد جرت معاي لا عن ضحوية اليوم التالي،
فأصبحت أندب حظي وأقرع سن الندامة عندما صحيت لأجد الندي وقد تجمع إكليلاً خمرياً يرصع وجنات الآنية..
كمان أمبارح مشيت الملجة جبت لي عقلة خدرة ماكنة ورقتها و كطعت البصل وأنا أزرف دموع التماسيح،
و رميتا فوقالخلطة: من سليقة اللحم والذي منو ثم قدحتها ليك بكاتولة و يلا قعدت أدرج ليك فيها بالمفراكة لحدت قريب البياح،
و لكن يا لخيبة الأمل لقد مات كل شيء في تلك الوصفة حتي عضلات يديني ، عدا شيئاً واحداً لم يمت، ألا و هي ست الاسم،
فاضطررت ألايقها بترتار وأنزلها سوداء بس بوهية جملكة بعد أن شممت رائحة الحرق في نخري.. بعد داك ركبت الطاجن ،
عست اللقمة بين كربو ثم ربطت رأسي بعصاابة حمرااء (على طريقة الدبابين) وقعدت آكل فيها أبلع ليك ظط ظط ،
كانت بلا طعم ولا لون محددين و لا نكهة سوى رائحة الشيط المحرق و الدردم يلاوي مع لهاتي كمن يدافع الأخبثين!
و لم يحملني على ذلك سوى مغسة الدواشات و التكاوين الخسرتها في العشوة المهببة.

[ابوالنور]

جاءني صديقي اللدود أحمد الجعلي حانف وشو شاكياً باكياً من رقة حاله وتعاسة حظه خلال الشهر الفضيل فقال: أها يافردة، المرة دي اتخذت قراري بالطفشان من أول يوم من كرنتينة العزابة و جرينا نكابس في موائد الرحمن , وأقرب برش مفروش نقعد نصنقر لمن يجو الجماعة يلقونا ليك مشمرين ومتحرفين لمعمعة اللهط ،فلو ما الاختشا ما فاضل علا يقولو لينا (جر).

فقلت ليو: عجبتني طب والله يا أب عوينتن قوية، و حالتك دي لسة برلوم وجاي داخل(الصينية) بالطول والعرض بس (طبق طاير)
وكمان مشمر عن ساعدي الشفط و متحيز إلى أقرب زاوية إفطار جماعي. ولكن تعرف اللخو أنو هناك من هو أسوأ منك حالاً؟!
نعم اللهو العبد لله .. طبعاً أولاً في التبادي أخوك الأيامات دي عزابي براي متل الأبريق، أنا و الليلوالقمر،
بعدما طفشنا الجماعة قلنا نغير شوية في محاولةلكسر الرتابة و تمزيق فاتورة
كدي خلينيالنحكي ليكم بشتنة اليومين الفاتو ديل بس.. ولعل شر ال (ب ل يلة) ما يفقعك ضحكاً. .
طبعاً الواحد ندم كتيرفي حياتو، لاكين عن نفسي أندم ما أندمني سحور أول أمبارح ،
عندما ظبطت ليك الرقاق العجيب معطون في الروب ومتقل بأوتاد من بلح القنديلة الغلاد ،
وجنبو النشاية معطرة ومعتقة بروس النال و المحريب و آبريحلو مر صاقط شديد،
ديلكلهن ختيتن على جنبة و أنا أضمر لهن نية السوء إني أقومعليهن بعد قلنا ناخدتكية،
يعني غفوة تعسيلة بسيطة ما بعد الهزيع الأخير لكنها للأسف الشديد جرت معاي لا عن ضحوية اليوم التالي،
فأصبحت أندب حظي وأقرع سن الندامة عندما صحيت لأجد الندي وقد تجمع إكليلاً خمرياً يرصع وجنات الآنية..
كمان أمبارح مشيت الملجة جبت لي عقلة خدرة ماكنة ورقتها و كطعت البصل وأنا أزرف دموع التماسيح،
و رميتا فوقالخلطة: من سليقة اللحم والذي منو ثم قدحتها ليك بكاتولة ويلا قعدت أدرج ليك فيها بالمفراكة لحدت قريب البياح،
و لكن يا لخيبة الأمل لقد مات كل شيء في تلك الوصفة حتي عضلات إيدي ، عداشيئاً واحداً لم يمت، ألا و هي ست الاسم،
فاضطررت ألايقها بترتار وأنزلها سوداء بس بوهية جملكة بعد أنشممت رائحة الحرق في نخري.. بعد داك ركبت الطاجن ،
عست اللقمة بين كربو ثم ربطت رأسي بعصاابة حمرااء (على طريقة الدبابين) وقعدت آكل فيها أبلع ليكظط ظط ،
كانت بلا طعم ولا لون محددين و لا نكهة سوى رائحة الشيط المحرق و الدردم يلاوي مع لهاتي كمن يدافع الأخبثين!
و لم يحملني على ذلك سوى مغسة الدواشات و التكاوين الخسرتها في العشوة المهببة.

غلطان ياخ في زول يتعزب في رمضان وكريم عليك رمضان ياخ

[ود الأصيل]

أبو النور وينك ياحبيب ماك ظاهر ، شكلك من دخل رمضان بالباب مرقت بالشباك و لا شنو؟!
و الله على رايك فعلاً ختيان ما مفروض الواحد يتعزب في توقيت زي دا ، خسوسن العزابة مع الجفاف الحاصل دا ،
بقو مافي زول فاضي يفتح ليهم ثغرة . ما فاضل علا يصفدوهم في رمضان مع المردة من كبار الشياطين،
علا لا كين بناجيس الأبالسة ديل ظاطم ماهينين ، الظاهر فاكنهم لينا الأيامات دي.. قاعدين يقضوا فينا خدمة إلزامية وكدا.
و أما إذا دار محور سعالك عني فإني قريب من قلبك أجيب دعوة الداعي إذا دعاني (لإي فطور) ؛
خاصة و أنني كاسر كرونة طيلة الشهر الكريم لا شغلانة لا مشغلة اللهم تلقاني هائم على وجهي
متنقلاً بين موائد الرحمن أينما وجدت. . و أسافر ليها إن شاء الله كان في أعالي النيل!
كدي هاك دي واحدة خفيفة. . قال ليك واحداً من عروبنا ديل داقشين البنادر ببيعو اللبن و بعض مواد التشاشة على ظهور الحمير . .
ففي يوم أدركه مدفع الأفطار وهو حايم هفتان عطشان في آخر رمق فعرج على زاوية جماعة بخلاء لقاهم يا دوبك يميطون لثام الطباقة عن الصواني. .
بهنا العصائر وقد تجمع الندى على وجناتها كما إكليل الجبل ؛ و بهناك السلطات والملطات العجيبة؛ دا غير المحمر و المشمر..
ولكن أشد ما استرعى هتمام الأعرابي و أسال لعابه لعله كان قدح اللقمة وقد رأى أحدهم يريق النعيميةعلى جنباته كما الشلال السادس. .
قام أخونا الضيف ألقى تحيته على السامعين مثنى وثلاث و رباع و لكن لا "أضان" لمن تناغم.. فلما استيأس منهم ذهب مغاضباً
و معر حماره المسكين قشطتين و انتهره متحسراً: عرررررررررر ، أريت ملاح الروب اليكسسسر ركبيك المكلوجات ديل!!

[ابوالنور]

وديل الفاطرنلها في الشارع شنو م كان يفطرو مع نسوانن جوا ياخ
طيب بي المناسبة دي عازمنك فطور سنوي في مدني ان شاءالله ياخ انا كويس جدن علا رمضان ده ما بقدر عليه باقي ليك انا شغال رزق اليوم بي اليوم يعني م عندي سنام زي هيثم هن فاتت فيني جوعة بتودرني ياخ
شفت كيف

[ود الأصيل]

وديل الفاطرنلها في الشارع شنو م كان يفطرو مع نسوانن جوا ياخ
طيب بي المناسبة دي عازمنك فطور سنوي في مدني ان شاءالله ياخ انا كويس جدن علا رمضان ده ما بقدر عليه باقي ليك انا شغال رزق اليوم بي اليوم يعني م عندي سنام زي هيثم هن فاتت فيني جوعة بتودرني ياخ
شفت كيف

مشكور ياخ فضلة خيرك ، علا البرنامج مغلق فول ممكن، تحجزنا خروف ضحية،
باقي الأيامت دي المغتربين واردين يعيدو ، كل يوم عضة مع واحد ،غايتو مخمخة جد!
من الطرايف في تالت يوم كان السما غرقان و الغيم ملبد متل طرق الأبري، قمت مرقت الساعة
5 و نص أشم الدعاش و من هناك مواصل ماشي أفطر مع عزابة لقيت ليك الناس في الشارع ريقان ريقان في غفلة من
الشمش المضارية خلف الحجب قايلين الافطار قرّب و فارشين ومنتظرين و شوية لقدام لقيت جماعة خاتين صوانيهم
وفاردين الأصابعين داب وردة تقول مستنين شوتة بلنت ، مع إنو باقي لسع قريب الساعتين على المدفع،
و الأطرف بقا لما جاء واحد طاير بموتر وقفّوه و ماسكين فيهو بالعشرة و الحرامات تطّاقش،
إنو لازم يجنب و يجدع الريق معاهم لانه ما ح يحصل الافطار ،قدام مع إنو لو كان أخونا فاطر في الفاو بحصل
و الجماعة ديل بس مدقساهم غيمة، فلقيتم ما جايبين خبر صنقرت ليك وسطهم وقعدنا نطق حنك في شتى المواضيع،
قلنا ننسيهم الموضوع ، خسوسن عندي بوستات معلقة محرحرة لي ما خلينا شفرة دافنشي ،لا سردية الفكر ولا مأساة عبقري .

[آلاء عبد الرحمن]

رمضانكم كريم


يحليلك غايتو