كشكول ود مدني

[مهيرة]

[التيمان]

وانت بخيرررررررررررررررررررررررررررررررر

[ودالبدري]

أحبتي ابناء ودمدني
أكيد الكل قال ليكم كل عام وانتم بخير
وانا بقول ليكم انتو الخير لكل عام

[ودالبدري]

اليكم طرفه صديقي الذي التقي بزميل الدراسة الابتدائية في المواصلات العامة
فسأله صديقي ومن ضمن الاسئلة الي وصل في الدراسة فرد الزميل بأنه تخرج من كلية الهندسة جامعة الخرطوم .
فصمت صديقي . فسأله الزميل وانت ؟ فخجل صديقي واراد ان يخرج من المأزق فقال له ( والله اهو اتخرجنا من الفرع ) .
ولسوء حظ صديقي هناك شابة من الجيران تجلس في المقعد الخلفي وسمعت الحوار , وعند نزولها التفتت لصديقي وقالت له
هاك الفرع ده

[مهيرة]

واحد رباطابي بصلي في الحرم
بعد ما انتهي من الصلاة الجنبو قال ليهو حرما
الرباطابي اتلفت وقال ليهو ومال ده بيت الخليفة عبد الله

(( استغفر الله العظيم ))

[مكتول مدنى]

والله انا من مواليد ود مدنى العظيمة لكن خسارة والف خسارة انو انا ما عشت فيها انا عايش فى الخرطوم وبجى مدني اجازات بس لكن حاتتعوض انشاء الله انا برجوا منكم انكم تتقبلونى عضو فى المنتدى الجميل دة
بخصوص الموضوع دة انا من حبي لى مدنى اول ما الاقى واحد من هناك اقعد اتونس بى مدنى معاه وعدى صديقى من مدنى اسمه حاج على عارفنى بريد الضحك واللمات فحكى لى كمية من النكات و الطرائف حاديكم ليها واحدة واحدة وهاكم دى الاولى
قال لى حاج على كنا قاعدين قدام مجمع المحاكم نشرب فى شاى و جاهم واحد قال ليهم انا عندى حفلة الليلة وداير لى عازف ايقاع شاطر فرد عليه واحد من القاعدين واظنه زراع قال ليه (امشى بيت عمك مليجى دق الباب كان فتح ليك كديستم سوقا معاك)

[أبوبكرحامد]

شكراً مكتول مدنى , وفعلاً منزل أستاذ مليجى منزل مبدعين حتى يخيل لى أن خارطة بناء منزلهم رسمت على نوتة موسيقية فلهم منا التحية والتقدير .

[أبوبكرحامد]

حكى لى أحد الأصدقاء أنه كان برفقة والدته فى العمرة ، وأثناء الطواف على الكعبة وبمحاذاة مقام سيدنا إبراهيم عليه السلام أخذت الحاجة تدعو " ياسيدى الحسن " وهنا التفت صديقى لوالدته قائلاً :
ياحاجة البث من هنا مباشر
التحية للحاجة ولسادتنا المراغنة ولكل الخلفاء نفعنا الله بهم.

[rasheed]

والله حلوة وطولنا من قفشاتك يا ود الماذون 00 لكن الحاجة دي قايلا الحج ده في كسلا ولا شنو ،،، والله شاذة وولدها أشذ منها 00

[محمد مصطفي]

انا عضو جديد لكن اسمحو لي ان اشترك معاكم في طرايف مدني الجميله يا عمك تنقو وابوبكر حامد اخوكم من ابنا مدني كبك

[محمد مصطفي]

طبعا جابو في مدني الجمره الخبيثه دي الي الكهربه قامو ناس مدني بقو ارشدو الصرف يوم جيت داخل البيت متاخر بليل عندي خالي راقد في البرندا قدام الصالون ومولع اللمبه وانا كل يوم بجي خاشي بقعد في الكمبيوتر ساعات طويله قمت قلت ليهو يا خال المبه دي بتاكل كهرباء اقفلها قام عاين لي كده قال والجوه ده بتاكلو سندوتشات قاصد الكمبيوتر


انشاء الله تعجبكم

[أبوبكرحامد]

حلوة وملعوبة ياكبك ، وأهلاً ومرحباً بك والدار دارك ، وفى انتظار المزيد.

[عمك تنقو]

حلوة وملعوبة ياكبك ، وأهلاً ومرحباً بك والدار دارك ، وفى انتظار المزيد.

جيناكم بعد غربة وشوق
وتسلم يا ابوبكر ولك كل الأشواق
الريد الريد
وأنا سعيد بلقاء هذا السرب الذهبي

وأكرر كم اشتقت لكم

وها نحن معا مرة أخري

[أبوبكرحامد]

والله ياعمك تنقو لمن تكون معانا المنتدى بيكون شكلو مختلف ، ياسلام عليك ياسلام

[عمك تنقو]

ود المأذون أحي فيك هذه الروح المثابرة أنتم وأساطين المنتدي
من الاخ admin ومرورا بالإخوة المشرفين والمراقبين والأعضاء
الذين لم يبخلوا يوما علي المنتدي

مسئول من الخير :

أبوعشرين بتاع الحواشات أخوي أبو المهتدي
دحين شفتو قريب

[الامين]

بسم الله الرحمن الرحيم




والله لكن ...................................

[أبوبكرحامد]

ياخوى عمك أبو المهتدى شكلو كده عندو مشروع للإستقرار بالسودان بيلقط قريشاتو عشان كده لابد لينا بى شيتن كتر.

[محمد مصطفي]

اديك العافيه عمك تنقو ناس مدني اصلا مشهورين بالفكاه والضحك وسريع البديه ودي مدني تبقا دوما ضاحكه وجميله




ما تنقطع عننا

[بشار]

سلام . اخونا الطيب الجزار الله يطراه بالخير سمع عن زراع كتير واصر على الخبير ابو السيد يجيبه ليهو فى مكتبه يفطر معاه وحصل ذلك والجماعه وصلوا المكتب وفطروا وكل ما يلى الفطور وصاحبنا زراع ساكت وعندما طالت المسأله قام الطيب سال سيد صاحبك ده مالو ساكت رد عليه زراع بسرعه بقرأ فى الملعب.

[عمك تنقو]

1 - ابو بكر العزيز مشغل الدنيا تبعدني عنك يا مبدع واخونا ابو المهتدي فقد كبير للمنتدي ونسمع عنه كل الخير ونتمني رجوعه سريعا
2- كبك كتر خيرك كتير وعايزين نشوفك
3 - بــشار هههههههههههههههههه حلوة منك ومن زراع مع طول العمر انشاء الله

عمكم

[أبوبكرحامد]

1 - ابو بكر العزيز مشغل الدنيا تبعدني عنك يا مبدع واخونا ابو المهتدي فقد كبير للمنتدي ونسمع عنه كل الخير ونتمني رجوعه سريعا
2- كبك كتر خيرك كتير وعايزين نشوفك
3 - بــشار هههههههههههههههههه حلوة منك ومن زراع مع طول العمر انشاء الله

عمكم

هوى ياعمك تنقو بطِّل المتاوقة والزوغان البتسوى فيهو ده ، غايتو ان غبت تانى يانى المبلغ عنك لى " شرطة عمان السلطانية " .

[عمك تنقو]

ههههههههههههههههههههههههه
يعني يا ابوبكر انا بقيت زي ضب الشق ولا شنو ؟
ههههههههههههههههههههههههه

الله يطول عمرك ضحكتني والله

[عمك تنقو]

شكرا لتواصل الجميع في الكشكول ونحبذ النكات تكون دائما من مدني وماحولها زي ديل مثلا :

قالوا واحد مسطول مشي الخرطوم ضهروا بيوجعوا وصفوا ليهو حبوب ويتمشي - قام سأل الدكتور اتمشي مسافة قدر شنو يعني ؟
الدكتور قال ليهو كل يوم تمشي مشوار ويكون المسافة المشيتها كلها مسافة زي مدني ..
المسطول بعد اربعة يوم ضرب للدكتور :
اسمع يا دكتور انا وصلت مدني اواصل !

[عمك تنقو]

واحد بسطل في قيفة حلة كوكو ( الشاطي يعني ) بعد شويه قام شاف موية النيل ماشي عكس قام جري لي نقطة بوليس حلة كوكو وميت من الضحك
قاليهم : اسمعوا والله كان اتكلمت تقولو مسطول وكان سكت مدني بتغرق !

[أبوبكرحامد]

ههههههههههههههههههههههههه
يعني يا ابوبكر انا بقيت زي ضب الشق ولا شنو ؟
ههههههههههههههههههههههههه

الله يطول عمرك ضحكتني والله

والله ياعمك تنقو ضحكتك عندنا بالدنيا ، وزى ماقال ابوعركى :
ضحكك شرح قلب السما .
ضحتنى جدا عبارة " ضب الشق " ، والله ياجنا لقيتك وصَّاف وصف الأتقول رباطابى .
شايفك دخلتا يوم أمس الجمعة ، ذكرتنى حكاية اتنين متخلفين قالوا اشتركوا ليهم عربية وكل واحد اسوقا يوم ، الأول قال لى التانى أها الإسبوع فيهو سبعة يوم يعنى يوم الجمعة منو اشيل العربية ؟ رد عليهو التانى قال ليهو يوم الجمعة نوديها البحر نغسلا .......
" النص معدّل لدواعى أمنية "
أها أظنك انتا بودوك البحر يوم الجمعة .