اطلعي من جواك
وتعالى نخت للريد عنوان
وبين قوسين
أنا وأنت والزمن الجاي
أنا وأنت والزمن والخوف والرحلة
اطلعي من جواك وأطعميني حلاوة الريد
شيليني وختينى جوه الريد
واقفلي الباب ما المستنيك دخل جوه معاك
وجوه الريد شال العنوان وتصاوير الفرح وختاك
بين قوسين
أنا و انت والنيل والفرح
وكبرت فجأة مسألة الريد
وبين قوسين أنا وأنت والنور والحته
ودخل جواك ضلي ونور مداخلي فيك
وضهب الشوق بين عينيك
اساسق فى ضل الكضب
وقلت أكيد بلقاك بين قوسين
أنا وأنت فى المواعيد الماجات
وجيتك مليان أنفاس شوق
وختيتك فى جروف السراب وشتلتك ريد
اتاريك يا ريد بين قوسين أنا وآنت
والنيل الفتر من المشي
بسابق في ريح العشم
والقلب الشهق ريحه دعاش
اتاريك ... بين قوسين ريد
وأنا وأنت و الصبح الدغش
لامين غنيمات الحله ألما رضعت
شان نكب الريد فوق ماعون الوجع
ونفك سخيلات الحله ترضع جرعة ريد
وتدفق جرعة ريد وتنبت فى الأرض شتلت ريد
ونقيف بين قوسين أنا وأنت ومرايات السجم
وقصة ريد
وأختك بين قوسين تاني
مجرى نيل جواي ونقيف
جوه الكبري الإتعارض بحر
وأعاين ليك
وأنا وأنت والموج الوقف جوانا
وأتبخر رحل فينا ريد هطل
وختاك بين قوسين
أنا وانت والشوق والسفر
ومساحاتك جوه الريد المافتر
بشيلك بين قوسين أنا وانت والريد
الرسم فينا تفاصيل فرح
وختاك عنوان ريد بين قوسين
انا وانت قصة ريد
رد مع اقتباس
المفضلات