بركات.. والمساء .. وعاشقان..

[نزار حسن محمد]

عفوا.. احبتى...
هذا عنوان قصيدة للدكتور واصل الهادى احمد يوسف وهو من ابناء منطقة بركات..
هذا البوست موجه خصيصا لكــل من عاش ببركات بداية بالعم والصديق الاستاذ .صلاح الباشا وانا متابع منتظم لكل ما يكتب .. نهاية بى اخر مشترك بالمنتدى..
بركات .. هى رئاسة مشروع الجزيره كل اهل السودان يعرفون مشروع الجزيره ولكن القليل منهم يعرف منطقة بركات .. اتمنى من جميع من عاش بمنطقة بركات ان نتواصل عبر هذا البوست لنلقى الضوء على منطقة بركات..
مع تحياتى اخوكم نزار حسن

[أبوبكرحامد]

نحن فى انتظار القصيدة ... وستكون رائعة بكل تأكيد .

[مكتول مدنى]

اخى نزار انا لست من ابناء بركات ولم اعش فيها ولكن لدى فيها ذكريات لاتنسي
وايام خوالد
نحن فى انتظار القصيدة

[ابو ايهاب]

يا سلااااااااااااااااام يا اخ نزار حسن رجعت لينا احلى زكريات (بركات)
السرايات ،،،،اخر الكبري،،،،الأفندية،،،،الكمبو،،،،السوق،،،،الجعليين، ،،،،الترحيلات.
طبعاً انا من ابناء بركات عشت فيها حوالى 15 سنة وكان في الفتره هذه أحلى مراحل العمر ،،،ربنا يجمعنا فيها انشاالله

[نزار حسن محمد]

الاخ الاستاذ ابوبكر حامد لك الود دائما انت فى المقدمه وهذا مما يثلج صدرى ... القصيده بالفعل رائعه وسوف تجدها مكتمله قريبا بس دايرك بكره تقراء قصة كتبتها اليوم وهى بعنوان قمار... سمك... مليونير .. وفى انتظار ردك ضرورى.
اخى مكتول مدنى... يأخى اسمك يدل على انك انسان مرهــف.. وفنان.. وتعال ياخى نعيد الذكريات بس انت ابتدى وخلى الباقى على اخوك ... مع خالص ودى
ابويهاب 15 سنه فى بركات .. يارجل ..حيرتنى . طبعا التفاصيل ناقصه على العموم انا من ابناء السريات ومن ال عواض ...ابو ايهاب انا فى انتظار التفاصيل ولك كــــل الحــــــــــــب .. اخوكم نزار حسن

[nasirib]

اخي نزار نحن نتنسم هواء بركات وعليلها الدفاق
وكانت احلي ايام قضيتها في بيت مرتضي نسيبكم علي ما اعتقد زوج المرحومة ماجدة
ايام امتحانات الجامعة
وكذلك مع الاخوان غاندي وعادل اولاد عواض يا لها من ايام !!! ايام نادي الاهلي
وبما اننا نعشق مدني فلابد ان نرسل اشواقنا وتحيانا عبركم للتؤام( حنتوب وبركات)
لك كل امتناني

[نزار حسن محمد]

اخى ناصر اولا مشكور على الزياره ومرحبتين حبابك الف....... وفعلا بركات تؤام حنتوب الجميله .... لك كل الود وماتنقطع اخوك نزار

[عمك تنقو]

بصراحة بركات غني بها الانكليز قبل السودانيين
ونادي الجزيرة كانت عصبة الأعضاء من بركات
الطبقة الراقية في زمن اخضر كانت مثال للحياة العصرية في مدني
ومازلنا نحمل لبركات ذلك الحلم الجميل

[نزار حسن محمد]

عمك تنقو.. تعرف انه خريطة بركات مخوذه من حى موجود فى لندن وفعلا الخوجات استمتعوا بحياتهم فى بركات ونادى الجزيره وبالسودان عموما ...واتمنى ان تعود بركات كما كنت واهلنا قالوا البلد بناسا لك تحياتى نزار

[عزيز عيسى]

الاخ نزار،

مرحب بيك بين أخوانك وأخواتك في منتدى ودمدني..
أنا من مارنجان.. وطبعا مارنجان وبركات تعتبر منطقة واحدة..
كنا دائما لما نكون ماشين على بركات ولو ما حصلنا (ياعم) (بندق) الكداري من مارنجان لغاية بركات..
والشيء الأجمل الناس بتعرف كلها بعض.. أسرة واحدة..
ومكاتب موظفي الإدارة العامة لمشروع الجزيرة في بركات كانت من أجمل
وأرقى المكاتب في السودان.. الزهور والورود أشكال وألوان على جنبات الطريق المؤدي
للمكاتب تفوح منها أطيب وأزكي الروائح.. ما أجمل تلك الأيام..
تتذكر الحافلات دائما بيكتب عليها - مواصلات مارنجان بركات مدني وبالعكس -
لي أصدقاء عديدين في بركات.. أذكر منهم:
خضر حسن عابدين
أنور قمر الدين زمراوي
محمد كمال
وآخرون.

يلا نحن في انتظار قصديتك..

[نزار حسن محمد]

عمك تنقو.. تعرف انه خريطة بركات مخوذه من حى موجود فى لندن وفعلا الخوجات استمتعوا بحياتهم فى بركات ونادى الجزيره وبالسودان عموما ...واتمنى ان تعود بركات كما كنت واهلنا قالوا البلد بناسا لك تحياتى نزار

[نزار حسن محمد]

الاخ عزيز عيسى .. ياخى انت وين من زمان ...فعلا كانت بركات من اجمل المناطق وانت تتحدث عنا ذلك الزمن الجميل وكما ذكرت كانت بركات ومرنجان اسره واحده ومازالت... ناس الفاضل شيكايا وعجوز صلاح عطا والفاتح حسين وال نقى وال الديبا .. اما ناس بركات وذى ماانت عارف هى ذى داخليات حنتوب ... يجتمع فيها كل اهل السودان لفتره وياتى بعدهم جيل جديد .. ما زال خضر عابدين موجود ببركات ويعمل بمكتبة جامعة الجزيره والاخ انور قمر الدين يعمل طيار وهم موجدين بالثوره الحاره الاولى ومحمد كمال يعمل بجده واسرتهم تقيم بالمورده ..
اخى عزيز القصيده ..بعض ابياتها ناقصه وقد اتصلت بالدكتور وانا فى انتظار ان تصلنى قريبا وسوف انشره فور وصولها لك كل الود واشكرك .. واتنمى ان نتواصل مع خالص الحب اخوك نزار حسن .

[الجندي المجهول]

نزار حسن احمد وبركات : بركات انا بعتبرها مدينة متكاملة ولي معها ذكريات جميلة خاصة مع الوالد الله يطول في عمرو ويديهو الصحة والعافية وبحكم ان الوالد يعمل مقاول وكان لديه عقود مع بركات في تنفيذ بعض الصهاريح والجملونات كنت اذهب معه في كثير من الاحيان بالذات ايم العطلات المدرسية وكنت استمتع بالذهاب الي بركات استمتاع شديد ومن اصدقائي في بركات كمثال وليس حصر ولاحظ ديل ما دفعة انا اصغر منهم احمد السر واسمة السر ومصطفي البكري ومصعب ود الشيخ ومنير وغسان واستاذ رضا ومنتصر وشلبي ومجموعة طيب من الاخوان وتحياتي للجميع ودمت يا غالي وسلامي بلا حدود

[نزار حسن محمد]

الاخ الجندى المجهول شكرا على المرور ومازالت بركات برغم كل المحن تقاوم .... اما ابناء بركات الذين ذكرتهم اولا الاستاذ رضا وهو شقيقى الاصغر موجود حاليا بجده وايضا شقيقى غسان بجده والايام دى بستعد للدخول للقفص الذهبى واحمد السر وهو خالى وايضا موجود بجده ومصطفى البكرى بجده ومصعب ود الشيخ بلندن ومنير بجده ومنتصر شلبى عاد للسودان وهو الان يقيم بالدرجه ..و لك الود ..

[الجندي المجهول]

طبعا يا نزار انا ما انتبهت للاسم طبعا الناس ديل اصحابي شديد والاستاذ رضا درسني اللغة الانجليزية وله من هنا كل التحية والاحترام ومبروووك للاخ غسان الزواج مقدما والافراح شكلها حا تبدا من جامعة الجزيرة دا عشان بس تعرف اني قريب ومتابع ومنتصر عزيز وغالي وابناء السر معروفيين بالذات المطوع الجديد ابو فاطمة احمد السر ولك ولهم ولكل بركات وود مدني التحية وسلامي بلا حدود

[نزار حسن محمد]

يالله يالجندى المجهول انت مامحتاج لدعوه خلينا نشوفك فى عرس غسان... والعرس فى الاسبوع الاول من شهر يوليو لو جات مطر ولا ماجات برضو الحفله حتكون صباحى وبعدين حتلاقى ناس ليك سنين ماشفتهم..مع خلاص تحياتى

[الجندي المجهول]

اديك العافية يا رب وبيت مال وعيال وباذن الله حا اختوا معاكم قرض من اول قيدومة باذن الله بس ان شاء الله السفر يتسهل وتحياتنا للجميع يا طيب ناس ودمتم

[شبندر]

الأخ نزار حسن محمد عثمان
التحية لك وانت تمجد بتاريخ بركات وبما انك قلت مارنجان وبركات منطقة واحده التحية لمنطقة مارنجان
انا عشت بمارنجان حلة حسن مايقارب 20 سنه ودرست بمدرسة بركات الثانوية وبركات تربطني بها علاقات وصداقات حميمه بدايتها من منزلكم العامر والتحية للأخ محمد حسن وغسان ثامر وأولاد يوسف صالح أولاد عواض وكل من درس بمدرسة بركات الثانوية من بركات
حيدر عبد الغفار شبندر

[الجندي المجهول]

حيدر والله انها لرائعة ان تجمعنا مدني بالرائعيين امثالك يا شبندر 20 سنة في بركات وال 23 سنة الباقية انا عارف منها 7 في الدرجة الباقي وين وتحياتي للاخ اسامة ولك ودي
ويانزار يا رائع قابلتنا بي ناس طولنا منهم شديد خلاص
والله يديك العافية وسلامي بلا حدود

[غسان]

وتبقا سيرتك هي الكلام
وتبقا صورتك هي الرؤي
الحلوة البعيشها
في صحوتي أو حتي في عز المنام

العزيز ابوالنيز

اتمني ان نلتقي سويا في السودان انا وانت والصغار ونجوب سويا بركات من كبري فلاتة لحدي كاترجي
ونقيف نشرب من المزيرة حقة النقطة ونكفكف البناطلين من طين المطرة.

[الجندي المجهول]

معقولة بس يا غسان ما وعدتني بانك توريني نازل متين عشان احضر زواجك ، يا سيدي ولا يهمك الف مبرروووك وتحياتي للاعدادية برة وجوة ولك كل الود " لو بتتذكر انا الكنت بجيبا من نص الميدان " ولك ودي

ودمت يا غالي

[شبندر]

الجندي المجهول مرحب بيك في داعي للفضائح 23 سنه منها 7 في الدرجة وفي ثلاث سنوات في المزاد الجديد وخمس سنوات ضائعه من عمري وسنه في سلطنة عمان ومن سنة 2002 في السعودية أظن عرفته باقي الـ 23 سنه والله قدر ما حاولت ألفقها ليك ما ظبطت في أربعه سنه ما عارفها مشت وين

[ابو ايهاب]

الأخ الكريم نزار قلت لي المعلومات ناقصة طبعاً انا اسمي محمد عبد الله الجيلي صديق اخوك العريس غسان (رفيق الدرب ) ربنا يتم ليه على خير ،،،،وكمان سامر وكمان محمد حسن ،،،،،سائل الله أن يجمعنا سوياً في بلدنا ونكون في أتم الصحة والعافيه

[غسان]

طبعن عرفتك ياجندي يا(مجنون) من اسلوبك وصراحة انت في البال بس ما لامي في رقمك وعندي ليك
دافوري ماحصل بس انت اتصل.............
ولك العتبي حتي ترضي

[غسان]

العزيز أبو ايهاب لك التحية والحب
ولنزار الشكر بأن جعلنا نلتقي في هذه ا
لراكوبة البركاتية