لو فضل في العمر باقي...

[dream]

لو فضل في العمر باقي...

ماجيت ألملم من عيونك ذكري أيام التلاقي..
أو أحكي ليك حال قلبي بعدك لما جرحني التنائي..
أنا جيت أقدم اعتذاري....
عن حلم راود خيالي .. زارني في كل الليالي
وانتظرتك لما أدمنت انتظاري......
جيت أقدم اعتذاري....
عن شعور زلزل كياني ..لما طيف لحظك رماني..
وافتكرتك تبقي لي.. لو لحظه من عمر الثواني..
جيت أقدم اعتذاري....
عن شجوني والتياعي..عن جنوني وانسياقي..
وكل لحظات احتراقي....
جيت أأكد ارتحالي.....
عن جنون أيام خوالي وعن وهم ريد زول مزاجي
جيت أأكد إني بعدك.......
ما حيهزمني اشتياقي ..لما يزداد احتياجي...
وجيت أأكد انو بعُدك....
أمر عادي....واني اخترت اغترابي...
ولو فضل في العمر باقي...
ماحتفضل ليك ذكري في عيوني أو في فؤادي...

[سواااح]

دريم ..

سيبقي في العمر بقية

وستنسي كل الالم

وستجد من يقدرك حق قدرك

وستبقي انت صامداً كما انت

وستبقي هي الخاسرة الوحيدة

* جميل ذاك الذي سطرته .. وننتظر منك المزيد ..

دمـــــــــــــت ،،

[اميمه عشريه]

امتأكد يا دريم انك لن تنهزم وتتراجع عن هذه القرارات المصيريه ؟؟
امتأكد ان الحنين لن يذيب فيك هذا الجليد المصطنع ...؟
ان كنت متأكد فأمضي قدما ولا تلتفت فيضحي الانهيار خيارك الوحيد ....

[فاتنة]

دريم

و الله قمة الابداع لكن اخوي ليه الاحباط دة الدنيا مليانة حاجات سمحة

[ود بدر]

دريم

دوما ً أرانى استبق خيول انتظارتى وصهيل صوتها.....
وصريخ عويل آتى مع انشداق الشمس ....
وتلكم الكلمات التى أجهضها الزمن من وحى اللآمبالاة ....
وحروفك تك التى أدخلتنا فى عالم ملئ بروعة الشفق .....
المنبثق من جمال دواخلك .....
وعمر أيامى المتبقية بينك واشتياقات حروفك .....
كن دوما ً بجوار هذا العمر لتكتمل بقيته بك ...

[dream]

سوااح ....

شكرا من الأعماق ....

ماذا عساني أن أقول وقد جف قلمي

وتباعدت وتبعثرت أحرف أسطري

غير شكرااا

[dream]

اميمه ... الفاضلة ...

روعة والله مني ليك كل تقدير واحترام...

لا مفر منه .... أختي الغالية

الكل فر من قبل أن أبدأ حكايتي ،،،

المبدعة المتألمة بقلمها .... شاكر حضورك اختي

[dream]

فاتنة ...

تسلمي ياغالية نورتي الصفحة

وفي نفس الوقت ... مليانة حاجات ......

ماعاد قلبي يستحمل الجراح ....

لا تسأل العين من أبكاها ....

ولكن أسال الزمن عن سبب بكائها؟؟؟؟

مشكورة اختي المميزة دائما ...

دمتي

[dream]

ود بدر ...

دائما اسعد بمرورك الأنيق ...

سطور رائعة الجمال .... من ابداع الي ابداع

جميل والله

ما اجمل قطراتك وما اروع كلماتك

تدخل القلوب بكل رقة وشفافية

فتسعد لها القلوب وتطرب لها باجمل طرب

قطرات تجعل القلوب ترفرف بدنيا الحب

هنيئا لصاحب الكلام وهنيئا لروعة الكلامات

دمت على روعة النزف

شاكر مرورك...

[salwa]

الله عليك دريم ده الكلام البيدخل جوه القلب وما بيطلع خالص ... ومش كده كمان بيترك معاني راقية حلوة تنمو معها احاسيس فريدة...تسلم يا راقي كتير بالله من ده

[أبو الزيك]

...
وجيت أأكد انو بعُدك....
أمر عادي....واني اخترت اغترابي...
ولو فضل في العمر باقي...
ماحتفضل ليك ذكري في عيوني أو في فؤادي...

الأخت دريم طالما كانت هذه اللأحاسيس المفعمة بالود التي يدل عليها جسد القصيدة بأن هذا القلب مفعم بالحب والحنان والدفء وطالما هوكذلك فبالتأكيد أنه لو فضل بالعمر باقي وطلب الاعتذار سيجد مكان في العيون والفواد ولا شنو ؟ فلك التحيا على كلماتك الرائعة ونرجو المزيد منها

[saleh farah]

حمدالله الف على السلامه يادريم البركه الاتحليت من الجواك ده ، لكن بينى وبينك الحته دى لو ماهبشتك ماكان طلعتها عشان كده بقوليك حمد الله على السلامه .
لو كان الامك بتولد الابداع ده والله سامحنا لو قلنا ليك اتألم تانى وتانى .
دى مزحه لكن بالجد رايع

[dream]

ام احمد ...

بارك الله فيك ام احمد ...

بشكرك كتير علي التشجيع ياغالية

دمت ودام قلمك

تقديرى واحترامى

[dream]

ابو الزيك ....

ممكن ياغالي ... بس لما ؟؟؟

اشكرك كتير الشكر

علي المرور

وانشاء الله الجايات تكون احلي

الف تحيه معطرة لك

[dream]

saleh farah

الله يبارك فيك عزيزي ..

كلامك جيد وفي محله ....

الله يقدرنا ونخدم مدينتنا الجميلة ... مدني

الشكر لك علي المرور

دمت نجم مضي بحرفك

خالص تحياتي

[sambaaa]

الاخ العزيز / dream

قيل في أثرنا السوداني المحض .. ان من عمق المأسآة يتولد الابداع
والكثير من النثر والبكائيات يضاهي جمال الحبيبة .. واصدق الحروف عندما يبوح الحبيب بفقد حبيبته
إذن فأنا أجد هذا وذاك في نصك الجميل الذي تميز بوحدة موضوعية منسابة من البداية حتى آخر حرف
( أحبب كل يوم فتاة اخرى .. حتى تأتينا بشهدها نرتشفه من اناملك ) ..
ولك الود ..

[dream]

الاخ العزيز / dream

قيل في أثرنا السوداني المحض .. ان من عمق المأسآة يتولد الابداع
والكثير من النثر والبكائيات يضاهي جمال الحبيبة .. واصدق الحروف عندما يبوح الحبيب بفقد حبيبته
إذن فأنا أجد هذا وذاك في نصك الجميل الذي تميز بوحدة موضوعية منسابة من البداية حتى آخر حرف
( أحبب كل يوم فتاة اخرى .. حتى تأتينا بشهدها نرتشفه من اناملك ) ..
ولك الود ..

سامبا ....
انا شاكر لك مرورك الجميل
صحيح كلامك ... 100%
لك كل التحية ...