تحب تسمع صوت الجن الحقيقي؟؟.............. ادخل هنا

[سوار الياسمين]

مساء الورد على الورد

اليلة يا خوانا جبت ليكم رابط فيهو صوت الجن كان بعتو لي الأخ الشريف الهندي

يلا خشو بقلب جاااااااامد

ومستنية ردودكم

http://www.qassimy.com/sd/sounds.php?mqtaa=236


مع تمنياتي ليكم بليلة آمنة

[سواااح]

الغالية سواااار الياسمين ..

والله ضربة معلم

ولا تنسي يا اختي ان القران شفاء من كل مرض وعله والم

الغريب ان الجن في المقطع يسب ويلعن ويبكي ...

ولا ننسي اخواني واخواتي المعوذات في كل وقت وحين

تشكرات كثيرة علي هذه المادة المتميزة

دمـــــــــــــتي ،،

[سوار الياسمين]

العزيز سواح

لك كل الود مني وسعيدة جدا لتعليقك للموضوع

وفعلا الزول لو حصن نفسو بالمعوذات والادعية اليومية

ما بيحصل ليهو اي مكروه

تحياتي ليك

[نور العيون]

و الله يا سوار الله يديك العافيه

[امل حياتى]

ياسوار انت عايزة ترهبينا ولا شنو انا بصراحة ما خشيت لان العنوان مرعب

[sambaaa]

هههههههههههههههههه
ده صوت منو ده ؟؟
يا سوار إنتي متأكدة انو ده صوت الجن زاتو ؟؟:d

[mnoma]

أنا طبعاً ولاااااا فكرت مجرد تفكير إنو ادخل و اسمع
مالك علينا يااااسوار عاوزة ترهبينا ... نحنا ناس حساسين وقلوبنا رهيفة

عموماً تشكري على الموضوع والله يحميك

[الشريف الهندي]

أنا طبعاً ولاااااا فكرت مجرد تفكير إنو ادخل و اسمع
مالك علينا يااااسوار عاوزة ترهبينا ... نحنا ناس حساسين وقلوبنا رهيفة

عموماً تشكري على الموضوع والله يحميك

أنا سمعت أنو الجن تخصصو الناس الحساسين ديل بس دحين أبقى قويه شويه يامنومه

[Jamal Elmahi]

عروسة المنتدي سوار...
الله يديكم العافيه أنتي والشريف الهندي...غايتو ما فضل ليكم الاّ تجيبو لينا جنّي عديل...
الجن من مخلوقات الله وموجوديين في كل مكان..والامريكان بيؤمنو بوجود الجن وعندهم برامج كتيره في التلفزيون عن الجن وولاية لويزيانا مشهوره جدا بوجود الجن والشياطين والعياذ بالله..وقبل كم يوم شوفته برامج في التلفزيون عن أشياء خارقه ..جابو مقابله مع خواجه قال لاقي ليهو واحده في البار ووصلا قريب لي بيتم ورجع ليها في اليوم التالي وفتحت ليهو الباب مره عجوز ولقي صورة البت معلقه في الصاله ولما سأل من البت المره قالت ليهو ماتت من عشره سنين وأنا قلته أمكن الخواجه يكون طاشم لكن أتضح أنو مجموعه من الناس وصلوها قريب لي بيتا وفيهم ناس ما بشربو...
دستور...دستور...ونرجع ونقول كما قال سبحانه وتعالي(وما أوتيتم من العلم ألاّ قليلا..) ولله في خلقه شئون...

ود الماحي

[عشوشه]

سوار الياسمين
انتى قاصده ليله امنه كيف يعنى؟
ياخ انا خفت خوف

[راشد خضر]

مشكورة سوار على هذا الموضوع الذي يؤرق مضجع غالبية الناس ، واسمحي لي بالأضافة التالية : ـ
حقيقة تسخير الجن والسحر
ذكر غير واحد من علماء السلف ان الشياطين كتبت السحر ودفنتها تحت كرسي سليمان بن داود- عليهما السلام- بعد موته وقالوا لبني إسرائيل : إن سليمان كان يستخدم الجن بهذه الكتب فطعنت طائفة من أهل الكتاب في سليمان عليه السلام بهذا وقال آخرون: لولا ان هذا حق جائز لما فعله سليمان فضل الفريقان فأنزل الله تعالي
: ( واتبعوا ما تتلوا الشياطين على ملك سليمان وما كفر سليمان ولكن الشياطين كفروا يعلمون الناس السحر وما انزل علي الملكين ببابل هاروت وماروت وما يعلمان من أحد حتى يقولا إنما نحن فتنة فلا تكفر فيتعلمون منهما ما يفرقون به بين المرء وزوجه وما هم بضارين به من أحد إلا بإذن الله ويتعلمون ما يضرهم ولا ينفعهم ولقد علموا لمن اشتراه ماله في الآخرة من خلاق ولبئس ما شروا به أنفسهم لو كانوا يعلمون)
والسحر هو صورة من صور الاستعانة بالجن فى ضر الناس وايذائهم، ويمكن تبسيط العلاقة بين الساحر والجنى فنقول: إن الجنى يعمل كخادم لساحر يحقق له بعض – وليس كل – ما يريد، نظير أداء الساحر لأعمال وطقوس السحر والتى فى حد ذاتها عبادة للجنى من دون الله.
والشياطين منهم من يختار لكفر والشرك ومعاصى الرب، وإبليس وجنوده من الشياطين يشتهون الشر ويلتذون به ويطلبونه، ويحرصون عليه بمقتضى خبث أنفسهم وإن كان موجباً لعذابهم وعذاب من يغوونه، كما قال إبليس
(: فبعزتك لأغوينهم أجمعين . إلا عبادك منهم المخلصين)
والانسان إذا فسدت نفسه أو مزاجه يشتهى ما يضره ويلتذ به، بل يعشق ذلك عشقاً يفسد عقله ودينه وخلقه وبدنه وماله.
ماذا يقرأ السحرة ؟ :
والشيطان هو نفسه خبيث فاذا تقرب صاحب العزائم والأقسام وكتب الروحانيات السحرية وأمثال ذلك اليهم بما يحبونه من الكفر والشرك صار ذلك كالرشوة ، كمن يعطى غيره مالاً ليقتل له من يريد أو يعينه على فاحشة أو ينال معه فاحشة، ولهذا كثير من هذه الأمور يكتبون فيها كلام الله بالنجاسة – وقد يقلبن حروف كلام الله عز وجل إما حروف الفاتحة وإما حروف (قل هو الله أحد) وإما غيرهما – إما بدم وإما غيره .. ، وإما بغير نجاسة، أو يكتبون غير ذلك مما يرضاه الشيطان أو يتكلمون بذلك، فاذا قالوا وكتبوا ما ترضاه الشياطين أعانتهم على بعض أغراضهم
وهم يتعبدون للجن ويذبحون لهم ويكتبون القرآن بالنجاسات (كبول الكلب والخنزير ودم الحائض ومنى الزنا)، ويتطاولون فى عزائهم على الخالق جل وعلا وعلى النبى وتفصيل ذلك فى الكتاب المذكور.

[zoolfrda]

سوارنا وشريفنا

صباحو

غايتو ما عارف أقول ليكم شنو

لكن كدي شوفوا لي حل

من ما خشيت على الرابط بتاعكم ده

والكمبيوتر بتاعي اتقول خشاهو جني

بقه يقفل براهو ويفتح براهو وحالتو بقت صعبه خلااااص

آها انسوي ليهو شنو ده ؟

[سوار الياسمين]

و الله يا سوار الله يديك العافيه

يعافيك حبيبتي نور وتسلمي على مرورك

[سوار الياسمين]

ياسوار انت عايزة ترهبينا ولا شنو انا بصراحة ما خشيت لان العنوان مرعب

لالالالالالالا انت يا حياتي تطلع جبان
لالالالا ما اتوقعتها منك
كدي يا راجل قوي قلبك وخش اسمعوا

وتعال بعدين قول لي حصل شنو


مستنياك

[سوار الياسمين]

هههههههههههههههههه
ده صوت منو ده ؟؟
يا سوار إنتي متأكدة انو ده صوت الجن زاتو ؟؟:d

والله على ذمة الشريف انا مالي
لكن بعتقد انو صوتوا والله اعلم

والله تمام يا سامبا قويت قلبك وسمعتوا

تحياتي ليك

[سوار الياسمين]

أنا طبعاً ولاااااا فكرت مجرد تفكير إنو ادخل و اسمع
مالك علينا يااااسوار عاوزة ترهبينا ... نحنا ناس حساسين وقلوبنا رهيفة

عموماً تشكري على الموضوع والله يحميك

اختي منومة صباحك ورد

لاكن بالجد جربي انك تخشي هو ما حيحصل ليك شي
غير يمكن تجيك حبت هلوسة

ههههههههه

دمتي

[امل حياتى]

يا سوار انا مالى امشى اهبش براى وافتشه وانا اقول اعوذ بالله من الشيطان الرجيم افرض لو سمعته وعلى طول جه تلب فينى اقول يا منو وانا اقول لك ياسوار ما تمشى تهبشى ساكت
وهو اصلا " ما بتشاف واعملى حسابك يقوم يظهر لك وانت مساهرة فى النت فى الليل

[sambaaa]

غايتو ما عارف لكن الصوت ده ما غريب علي
طقش أضاني قبل كده .. أنا متأكد ..
يا ربي شريف ده جاب الصوت ده من وين ؟؟؟
هههههههه

[سوار الياسمين]

العم العزيز ود الماحي

ده شرف لي انك تقرى موضوعي واضافتك عجبتني شديد

وما عدمناك انشاءالله

[سوار الياسمين]

سوار الياسمين
انتى قاصده ليله امنه كيف يعنى؟
ياخ انا خفت خوف

كدي يا عشوشة يا اختي
قولي بسم الله

وبعدين كان انتي متوضية وبتصلي
تب ما بجيب شي

تحياتي ليك

[سوار الياسمين]

الأخ القدير خضر

تحياتي ليك واشكرك جدا على اضافتك الي انا شخصيا في تفاصيل ما كنت بعرفها

لك مني كل تقدير واحترام

[سوار الياسمين]

سوارنا وشريفنا

صباحو

غايتو ما عارف أقول ليكم شنو

لكن كدي شوفوا لي حل

من ما خشيت على الرابط بتاعكم ده

والكمبيوتر بتاعي اتقول خشاهو جني

بقه يقفل براهو ويفتح براهو وحالتو بقت صعبه خلااااص

آها انسوي ليهو شنو ده ؟

هوووووي ا فردة

يا خوي شيل شيلتك براك

حد ضربك على ايدك انك تخش

اتخيل اسه يقوم الجني يسيطر عليك ويعمل تنويم مغنطيسي

اليلة ووووووووب