الكرسى الساخن...

[نزار حسن محمد]

مرحبا بيكم ياحبايب الليله عريسنا من العيار التقيل عريس بقوة اسد



تعالوووووووووووووو جاى ... نرحب بحبيبنا .... الزول فرده

[HAMADTO]

اهلا وسهلا بالاسد النتر ... اهلا عبد المنعم ذانون
في انتظار بطاقتك الشخصية اولا بعد كده نشوف باقي الاسئلة
ان شاء الله كرسي نزار ده يكون مولع نار عشان اسدك الكنت بتضرع لينا بيهو دا



تحياتي يا وجيه وابقى داخل ....

[ابو التيمان]

ورينا البطاقه



ولى قدام نستناك

[نزار حسن محمد]

.... يازول يافرده اظهر وبان وعليك الامان وسيب الجرسه ... الجماعه وقفين ليك بره معهم الشرطه ... اطلع ساكت .. وما تخاف.. وانا قومت ليك محامين من دكان عمك الصول.. اطلع يالاسد... افو..

[ابراهيم]

ابو التيمان والله ماشاء الله عليك
يا فردة غايتو انا لو في محلك بالطريقة دي ما بجي
البوليس كبير انا تاني ما بجي
ابو التيمان الصورة عملت هزة في ارجاء المنتدي مافي طريقة تتصغر شوية
وبعدين عشان الناس دي قامت جارية وكدة

[السلامى]

دى يا نزار الظاهر عليها زنقة كديس فى قفص لذلك أختفى والله يستر مايكون مريخابى بطنوا طامه من درون الامل عطبره

[معتز حمدتو]

الاسد المادخل الماسورة !!!!
ورينا عشقك في مدني ....
بالمناسبة يانزار انا سمعت ان ذنون كان عنده جكس من مدني ادتُ شاكوش خلتُ ركب عدسات ......
والله يالنعوم ما بخلي ليك جنبه تقبل عليها ان بفتش فيك فرص من زمان وح الم ليك كل شباب طاولت فخفخينه !!!

[Jamal Elmahi]

يا فرده شيل شيلتك ...جنابو أبو التيمان رفع حرارة الكرسي لي مليون...فرده ياشباب بجيبوهو بالجكس مش بخلعوهو بي جنابو ابو التيمان...أنا في الاول قلته ياربي عمر البشير الجابو حايم بي هنا شنو ولاّ هو قايل الكرسي الساخن فيهو سيلفا كير..!!!

مشاققه...
الأسد ان وقع كترت البتابت عيب...

ود الماحي

[zoolfrda]

بسم الله الرحمن الرحيم

يا اخونا السلام عليكم معليش نفسي قايم شوية فاكره بيت اشباح وكده ...
شنو يا جماعه الارهاب والكباب ده شوية شوية علينا ما سمعتوا ود الماحي قال ليكم شنو ..

تحياتي لجميع المشاركين ولجنابوا ابوالتيمان اهم زول طبعا ( عشان الالزامية والضريبة و ... و .. )
وهاكم بطاقتي الشخصية

[zoolfrda]

البطاقة الشخصية


عبد المنعم حسن جعفر ذانون
مواليد السجانة الخرطوم 1976
محل الاقامة الحالي ابوظبي
السكن بالسودان شمبات الاراضي

خريج جامعة القدس المفتوحة بالامارات

اداري بمؤسسة الامارات للاعلام

الهوايات المطالعة وتصفح الانترنت

الاخوان والاخوات:
1/ سلافة متزوجة ومقيمة بام درمان الثوارت ولديها خمسة اولاد
2/سيف متزوج ومقيم بابوظبي ولديه ولد وبنت
3/سامي متزوج ومقيم بابوظبي ولديه ولد
4/حاتم متزوج ومقيم بابوظبي وفي انتظار الولد
5/ عبد المنعم (زول فرده) عازب
6/سالي طالبة بالجامعة ومقيمة في السودان

[محمد حسين (المميز)]

حباااااااااااااااااابك
زول فرده

[مهند]

مرحا مرحا
والله جد زول فردا
لكن دايرين نعرفك اكتر واكتر

[sambaaa]

ههههههههههههههههه
الاسد النتر
زولي الفردة
أمانة ما وقع أسد
شغلك نضيف يا ودحسن
الزول ده هرب مني كتير
لكن المرة دي الظاهر قدرت عليهو بالانتربول الدولي
هههههههه
ولي رجعة خاصة وساااااااااااااخنة جدا جدا ..

(( الود طلع عزااااااااااااااابي ))

[نزار حسن محمد]

[ود حمدتو صورة الزول الفرده مهما للغايه...[

[HaSsOoN]

هيههيهيهيههيهي حبيبنا زول فرده شخصيا جااك بلا واللهي شيل شيلتك .....نزل لينا صورتك اول شي بعدين نشوف البعدو

[نور العيون]

نرحب بك يا فرده ضيفا عزيزا على كرسيك الساخن و ونتمنى لك الاستمتاع به





و عندي ليك سؤال خفيف با انو عندك اخت اسمها سالي و حاليا تدرس فما رايك لو انضمت الينا في المنتدى و اصبحت من اسرته .

[معتز حمدتو]

ذنون وينك ياحاج
طبعا لميت ليك الشباب وجنس خت عليك بس طول بالك وكمان سامبا الفنان بقي في الصف انا كنت قايل نفسي لوحدي .
انت عامل شنو للشباب لابتين ليك كده .
ود حسن يعني بالقت في حق الفرده ... وجنابو كمان ما قصر يعني نحن التيمان مقصرين لما اجينا الكمندان بجلالة قدرة وشد حيلك كمان مره يا زنون وما تقعد ترقد في الكلام .
بالمناسبة كلمة حق في زنون انسان يمتع بالخلق الرفيع والادب الجمل وحسن المعشر ولم اسمع منه طيلة معرفتي به ما يسئ لشخصي او اي شخص، اخر فهو نعم الاخ والصديق وذي ما بقولوا اخُ اخوان .... ( امسك راسك ... قصدي امسك عدساتك ) فقد عرفته عن قرب من خلال عملنا سوينا في هيئة الهلال الاحمر - الاماراتي منذ اكثر من 7 سنوات .... ولا زال كما عهدته هادئا ومبتسما دوما ... لله درك يامنعم ....

[حسن على]

حباااااااااااااااااابك
زول فرده

[حسن على]

حباااااااااااااااااابك
زول فرده

انشاء الكرسي الساخ يكون بارد عليك

[راشد خضر]

مر حب حباب ( زول فردا ) لنا مداخلة في حينها .

[zoolfrda]

الأحبة الأفاضل

المميز

مهند

سامباا

نزار حسن محمد

حسووون

نور العيون

معتز حمدتو

حسن علي

راشد خضر

أسعد الله أوقاتكم بكل خير وسعادة

[نزار حسن محمد]

اه يا عبد المنعيم ندخل فى الكلام الجد .. ونرفع حرارة الكرسى درجه
1/ ماهى طبيعة عملك
2/ الان عمرك دخل التلاتين وما عرسته السبب شنوه
3/ سمعنا انك كنت مرتبط باحدى حسناوات مدنى ... وحصل شاكوش ما صحة هذه المعلومه
4/ الاسد ما هو الفرق بين شمبات .. ومدنى..
وبمشى وبجيك

[zoolfrda]

سلام كبير لأخونا نزار وربنا يديك العافية أولاً بالنسبة للصور ما نبيل خاتاها ليكم من بدري ... ههه

1/ ماهى طبيعة عملك
والله يا نزار يا خوي الزول فينا في بلد الغربة ما بيسألوهو طبيعة عملك شنو وخصوصاً في بلدان الخليج وخصوصاً خصوصاً في الدوائر والوزارات والمصالح الحكومية لأنو هو زاتو ما بيكون فاهم طبيعة عملو شنو .. الواحد فينا بيكون شغال زي الجنريتر ولازم يكون جوكر وناقش طبيعة كل الشغل ... بشكل عام الشغل بيدور حول الإجراءات الوظيفية اليومية لمعاملات شؤون موظفي مؤسستنا اللي بيتضم الإذاعة والتلفزيون والصحافة .. ولك يا نزار يا خوي أن تتخيل ..

2/ الان عمرك دخل التلاتين وما عرسته السبب شنوه
أولاً يا نزار يا خوي العرس زي ما بيقولوا قسمه ونصيب... وليسه الزول ما لقى بت الحلال المناسبة .. وما بخفيك أنا ما متحمس شديد للبرنامج ده وبحاول أتحاشاهو ..

3/ سمعنا انك كنت مرتبط باحدى حسناوات مدنى ... وحصل شاكوش ما صحة هذه المعلومه
والله يا نزار أنا متمنّي إنها تكون من مدني

4/ الاسد ما هو الفرق بين شمبات .. ومدنى..
شمبات الطفولة ومدني العشق

[zoolfrda]

ذنون وينك ياحاج
طبعا لميت ليك الشباب وجنس خت عليك بس طول بالك وكمان سامبا الفنان بقي في الصف انا كنت قايل نفسي لوحدي .
انت عامل شنو للشباب لابتين ليك كده .
ود حسن يعني بالقت في حق الفرده ... وجنابو كمان ما قصر يعني نحن التيمان مقصرين لما اجينا الكمندان بجلالة قدرة وشد حيلك كمان مره يا زنون وما تقعد ترقد في الكلام .
بالمناسبة كلمة حق في زنون انسان يمتع بالخلق الرفيع والادب الجمل وحسن المعشر ولم اسمع منه طيلة معرفتي به ما يسئ لشخصي او اي شخص، اخر فهو نعم الاخ والصديق وذي ما بقولوا اخُ اخوان .... ( امسك راسك ... قصدي امسك عدساتك ) فقد عرفته عن قرب من خلال عملنا سوينا في هيئة الهلال الاحمر - الاماراتي منذ اكثر من 7 سنوات .... ولا زال كما عهدته هادئا ومبتسما دوما ... لله درك يامنعم ....

يديك العافية يا عزو والله لكن المعنويات بقت فوق

ويا أخوانا والله الوصف ده لأخونا معتز حمدتو بالحرف الواحد

[مدنيّة]

البطاقة الشخصية


عبد المنعم حسن جعفر ذانون
مواليد السجانة الخرطوم 1976
محل الاقامة الحالي ابوظبي
السكن بالسودان شمبات الاراضي

خريج جامعة القدس المفتوحة بالامارات

اداري بمؤسسة الامارات للاعلام

الهوايات المطالعة وتصفح الانترنت

الاخوان والاخوات:
1/ سلافة متزوجة ومقيمة بام درمان الثوارت ولديها خمسة اولاد
2/سيف متزوج ومقيم بابوظبي ولديه ولد وبنت
3/سامي متزوج ومقيم بابوظبي ولديه ولد
4/حاتم متزوج ومقيم بابوظبي وفي انتظار الولد
5/ عبد المنعم (زول فرده) عازب
6/سالي طالبة بالجامعة ومقيمة في السودان

يازول يافردة اهلا بيك بس ماعرفت من خلال بطاقتك الشخصية دي علاقتك بمدني شنووووووو