راكوبة ...الضحويه..

[ود المطامير]

يلا يا جماعة قوموا على صينية الغدا

أوعكم تقعدوا معاكم ود المطامير لأنكم ما حتلموا في حاجة

هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

[ود المطامير]

ربنا يرحمو ويغفر لية ويسكنو فسيح جناتة

يا حليلو جاهل وصغير

[ود المطامير]

<TABLE class=tborder cellSpacing=0 borderColorDark=#fffbf2 cellPadding=4 width="100%" align=center borderColorLight=#993300 border=1><TBODY><TR vAlign=top><TD class=alt2 width="20%">

</TD><TD class=alt2>يا خوانا جهزو شعوركم الفطور جاي ،،، إتصبروا لغاية ما يجهز الغدا</TD></TR></TBODY></TABLE>

يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

[ود المطامير]

فما دام العتود صغير .....والطباخين هم هم الاثنين القلناهم ديل وامرهم لسع ما بطمن .....

.

حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

[ود المطامير]

ههههههههههههههههههههه
مدناويه انا داير عتوتى
اتاري العتوت ده فيه الحاجات دى كلها
لا كان كده رجعوا لي عتوتى
اول مره اشوف لي عتوت كمونته فلافل ومرارته سمك
قايتو واحد من اتنين
ياانتى حاوي
يا انتى حاوي
ياتو فيهن

يعنى يا حبيب قلبى بقت عليهو حكاية صاحبنا ؟
صاحبنا كان لط للآخر .. وإستفرغ .. يععع .. هع هع هع
عشان أطمم بطنكم وتقموا من الصنيه
أها .. صحبنا إستفرغ وجات الكديسه
عاين كدا وقال .. اللحمه دى أكلتها .. الرقيف دا أكلتو
الطماطم دى أكلتها لكن علىّ الطلاق الكديسه دى ما أكلتها

[ود المطامير]

بس كدي قول بسم الله ومد يدك قبل جنى المطامير دا ما يجي ينتهي ليكم منها

هووووووى الطعميه دى ريانيه رمتها 32 واحده
هسى الصحن دا فيهو 19 بس .. أحسبى ..

[ود المطامير]

حطت رحال قافلتي عند محطة الراكوبة ..
وكان اليوم ثقيلا ومررت خلاله بالف معترك
وحملت في نفسي شئ من التعب الروحاني ولا
تقولوا قلة في الايمان .. فقد عانيت ويلات يوم
أشعث .. وتجرعت سقيا الشجن الاليم ..
ويا سبحان الله ..
أول ما ضربني هبوب نسام جايي من تحت شجرة
تنسمت شذى قهوة مدناوية .. وشممت شياط سموم
بجوار ود المطامير .. وشاي اللبن نص الضهرية من
يد بتنا ريانية .. وصينية مدناوية لفت راسي وطالت رقبتي
فوق رقاب الناس الماهميها جنى الجنيّة .. وبي حنيّة
سمعت صوت سكينة تسن .. تقول ترنك الكبانية ......
فحسبت ان ودالطاهر يحوم حوالين الركوبة .. نعم
بالحيل ودالطاهر قريب .. جنا الجزار .. وبدأ النحر.
بسرعة تناسيت التعب .. وتغلبت على كل بروتوكولات
الألم .. وفارقت العطش بجرعة من الدايت الماخمج .. والآدمن كان شاف الحصل .. مدناوي
الليلة الا يبيت في راكوبة نزار .. ولا جزيرة العجائب ... حقت الجنية البتجي دقشية من الساعة
تلاتة الفجر بتوقيت .. الصاحين والواعين من جزيرة المعدن النفيس ..

خلوني الننجم تحت الضل ..
بحكي ليكم عن الشموس .. والفل ..
وكان بقينا حيين .. حباب الضيف وحباب الكل ..

.................................................. .........

رهيب يا الحبيب
نضمى يدخل القلب طوااالى

قلت لى الساعه تلاته فجر
شكيت محنك والله

[نزار حسن محمد]

الحمدالله رب العالمين عده اليوم على خير وبارك الله فيكم يامدناويه وياريانيه رفعتوم راس فوق وبقى اطول من رقبة مدناويه
علا الشربوت نوم ناس كتار نحمد الله لكن الجنى ود المطامير بلع ليه فى تبادى بشكير بالله لقيته قاعد فى طرف البحر البنات انضفن فى الصحانه وهو قاعد اقول ليهن ادونى النحسن لكم الصحن دى نعمه وبالله هو عين مفتحه وعين متليسه تب
حبيبنا مدناوى ... بالله من التعب رقد فريد نومه لى اسع ماصحه نوم يابوى انشاءالله نوم العافيه.. وربنا اديك الصحه والعافيه وفى ميزان حسناتك انا عارف التعب ده قدر كيف
والجنى ابو النور بالله باع كترة سويترات ماشاءالله عينى بارده
لكن لقيت ود الطاهر مزرزر ابو النور قال راس المال كان بالنص
وبارك الله فيك ياصالح العتوت بعد مابقى فى البطون بدور ترجعه
ودالريح قال مابدور الشربوت بالله ادوه دايت لقايت اللحظه ماسك طرف البحر ويدوبى
ابراهيم والادمن جاوه المغربيه ناشو ليهم ودابرق وعشوشه قالووو دايرنهم حله

[ريانية]

يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

ههههههههههههههههههههه والله كتلتني من الضحك يا خوي ههههههههههههههه
بس لكن كثر خيرك انك داير تعمل ترجمة تساعدوني يعني...

[ريانية]

يا هلا مدناوي وحبابك عشرة في الراكوبة وتشكر وانت عاوز شاي بحليب مش
كدة حا اجيبه ليك واذا عاوز اي حاجة ثانية اطلب ونحن نلبي...

[نزار حسن محمد]

اهآ يالحبان الجنى ابوالنور ده جاب عنكوليب وقصب سكر وقاعد من الدغش جني الراكوبه
تعالووو ما تبوره عليه العنكوليب ده ...

[moh_alnour]

كلك زوووق .. وقهوتك مظبطه ..


والشطه دي قطعي لي معاها تبش .. لو في طريقة ..

لا دي إلا تشرحا ليها

[moh_alnour]

يلا يا جماعة قوموا على صينية الغدا

أوعكم تقعدوا معاكم ود المطامير لأنكم ما حتلموا في حاجة

لكن يا مدناوية ما عملتي لي نفسيات عديل كدا
والله سديتي لي نفسي من الأكل
إنت متأكدة دا عتوت صالح فرح
ولا دي مائدة بني إسرائيل
والله بعد الصينية دي الشاف جلالة بدوبي وبعرض ما كضب

[saleh farah]

هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

ودالمطامير والله ناس نزار ديل لاحمى الوادى المهردم ولا الوادي الاخضر مابعمله ليهم حاجه لكن بينى وبينك العتوت تربية مشك ممكن اعمل ليهم حاجات تانيه
الشيه تنفعك يا اخوى والمره الجايه ليك علي خروف متورت

[saleh farah]

اهآ يالحبان الجنى ابوالنور ده جاب عنكوليب وقصب سكر وقاعد من الدغش جني الراكوبه
تعالووو ما تبوره عليه العنكوليب ده ...

عنكوليب شنو يانزار الدنيا شتاء ياخى
والله العنكوليب ده غير اقطع شلاليفكم واجرحها ليكم ماتستفيدوا منه اي حاجه
هو غير عنكوليب وقصب سكر الشتاء عامل عمايله
جابت ليها كمان قصب سكر .
بعدين نحن جننا وجن الوسخ والبنيات ديل كفاهن الطبيخ
غايتو يانزار نخلي ابوالنور انقي ( شوف انقى دى سمحه كيف )
انقي لينا العنكوليب وقصب السكر عشان نستفيد من القشر فى نار الدفويه ( الله الدفويه برضو عجبتنى والله )

[مدناوية]

حطت رحال قافلتي عند محطة الراكوبة ..
وكان اليوم ثقيلا ومررت خلاله بالف معترك
وحملت في نفسي شئ من التعب الروحاني ولا
تقولوا قلة في الايمان .. فقد عانيت ويلات يوم
أشعث .. وتجرعت سقيا الشجن الاليم ..
ويا سبحان الله ..
أول ما ضربني هبوب نسام جايي من تحت شجرة
تنسمت شذى قهوة مدناوية .. وشممت شياط سموم
بجوار ود المطامير .. وشاي اللبن نص الضهرية من
يد بتنا ريانية .. وصينية مدناوية لفت راسي وطالت رقبتي
فوق رقاب الناس الماهميها جنى الجنيّة .. وبي حنيّة
سمعت صوت سكينة تسن .. تقول ترنك الكبانية ......
فحسبت ان ودالطاهر يحوم حوالين الركوبة .. نعم
بالحيل ودالطاهر قريب .. جنا الجزار .. وبدأ النحر.
بسرعة تناسيت التعب .. وتغلبت على كل بروتوكولات
الألم .. وفارقت العطش بجرعة من الدايت الماخمج .. والآدمن كان شاف الحصل .. مدناوي
الليلة الا يبيت في راكوبة نزار .. ولا جزيرة العجائب ... حقت الجنية البتجي دقشية من الساعة
تلاتة الفجر بتوقيت .. الصاحين والواعين من جزيرة المعدن النفيس ..

خلوني الننجم تحت الضل ..
بحكي ليكم عن الشموس .. والفل ..
وكان بقينا حيين .. حباب الضيف وحباب الكل ..

.................................................. .........

ما خاتي قمته تقول كلام سمح بالحيل

أتاريك شربته من الدايت

يابا الدايت دا فيهو لغم أعمل حسابك يا عشاي

مكسور ليهو بي شيتن مُر كدي

أسأل منو الأرباب

قالو هو الجابو












أنا ما شفته حاجة

[مدناوية]

هووووى يا شباب أقعوا الفول بس
هسى حبيب قلبى .. صالح فرح .. ضرب لى تلفون
قال لى إنت عارف أنا جبت ليهم العتود فى الراكوبه لشنو ؟ قلت ليهو لشنو ؟
قال لى عشان أمس الليل كلو والعتود يعطس خفت يكون جاياهو حمة الوادى المهردم

أها .. إنتو بس أقعو الفول وخلونى أنا أمشى شويه فى صحن الشيّه برااى
أى ما مشكله ببقى ليكم حقل تجارب .. عشان أنا أفديكم بروحى .. أها موافقين ؟

يا مدناويه .. الله يديك العافيه والله صنيه صااااح

هوووووووووي *** كان باريتو ود المطامير دا والله إلا يمرقكم من الجنة وسقطها

[مدناوية]

يا مدناويه دى عملتيها كيف ؟
والله دى الكاشف أخوى ما يقدر عليها
علمينى عليك الله علشان داير أعمل شريط متحرك للترجمه
لأختنا .. ريانيه ..
هع هع هع

والله ضحكتني بالحيل يا جنى المطامير *** قلته لي داير تعمل شريط ترجمة لي ريانية *** لي هو الفلم هندي ولا شنو؟؟؟


<table class="tborder" bordercolordark="#FFFBF2" bordercolorlight="#993300" align="center" border="1" cellpadding="4" cellspacing="0" width="100%"><tbody><tr valign="top"><td class="alt2" width="20%">
</td> <td class="alt2">والله ضحكتني بالحيل يا جنى المطامير *** قلته لي داير تعمل شريط ترجمة لي ريانية *** لي هو الفلم هندي ولا شنو ؟؟؟؟</td></tr></tbody></table>

[مدناوية]

حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

هووووووووووي يا جنى المطامير

يا جماعة نادو لي الجنى المحامي الإسمو شبارقة

يجي يرفع لي قضية في ود المطامير دا

إتهامو واضح وصريح

يابا يا ود حسن تعال شوف جنى المطامير دا قال علي شنو؟؟؟

جيبو لي حقي منو

[مدناوية]

حبيب قلبى والله كلامك صاح
مدناويه قالت اللحم كان كتير
قالت بس من رمتو فى الصاج كشّ
عليك الله هو لحم ولأ عراقى دموريه ؟
هع هع هع هع

هووووووووووي يا جنى المطامير

يا جماعة نادو لي الجنى المحامي الإسمو شبارقة

يجي يرفع لي قضية في ود المطامير دا

إتهامو واضح وصريح

يابا يا ود حسن تعال شوف جنى المطامير دا قال علي شنو؟؟؟

جيبو لي حقي منو

[مدناوية]

هووووووى الطعميه دى ريانيه رمتها 32 واحده
هسى الصحن دا فيهو 19 بس .. أحسبى ..

أها شايف يا أبوي ود حسن

شايف يابا هنا بأكد إتهامو تاني

شي لحم وشي طعمية

أسأل ريانية قول ليها إنتي بتعرفي ترمي طعمية يا ود المطامير؟؟؟؟

يمكن تقول ليك برضو ختها لي في شريط الترجمة

[مدناوية]

الحمدالله رب العالمين عده اليوم على خير وبارك الله فيكم يامدناويه وياريانيه رفعتوم راس فوق وبقى اطول من رقبة مدناويه
علا الشربوت نوم ناس كتار نحمد الله لكن الجنى ود المطامير بلع ليه فى تبادى بشكير بالله لقيته قاعد فى طرف البحر البنات انضفن فى الصحانه وهو قاعد اقول ليهن ادونى النحسن لكم الصحن دى نعمه وبالله هو عين مفتحه وعين متليسه تب
حبيبنا مدناوى ... بالله من التعب رقد فريد نومه لى اسع ماصحه نوم يابوى انشاءالله نوم العافيه.. وربنا اديك الصحه والعافيه وفى ميزان حسناتك انا عارف التعب ده قدر كيف
والجنى ابو النور بالله باع كترة سويترات ماشاءالله عينى بارده
لكن لقيت ود الطاهر مزرزر ابو النور قال راس المال كان بالنص
وبارك الله فيك ياصالح العتوت بعد مابقى فى البطون بدور ترجعه
ودالريح قال مابدور الشربوت بالله ادوه دايت لقايت اللحظه ماسك طرف البحر ويدوبى
ابراهيم والادمن جاوه المغربيه ناشو ليهم ودابرق وعشوشه قالووو دايرنهم حله

رقبتك يــــابــــا ديــــــــمة مرفوعة

وبي وجودك عامرة ديمة الراكوبة

طلتك عليـــنا بالحيـــــــل محبوبة

ربي يديك الصحة والعافية يا سيد الراكوبة

[مدناوية]

لكن يا مدناوية ما عملتي لي نفسيات عديل كدا
والله سديتي لي نفسي من الأكل
إنت متأكدة دا عتوت صالح فرح
ولا دي مائدة بني إسرائيل
والله بعد الصينية دي الشاف جلالة بدوبي وبعرض ما كضب

لا يا ولد عمي بالتبني

العتوت قصر لكن سيد الراكوبة جاب لينا زيادة ورقعنا الصينية

ما عاش يا جناي البسد نفسك من الأكل

شمر عن سواعدك وقول بسم الله

[ودتابر]

الحبيب نزار .. وبقية الرهط الرااااااائع من الجالسين في الهواء الطلق تحت ضل الراكوبة ..
والله القعدة احلوت شديييييييييييييييييد .. فيها كل حاجة حتى العنكوليب .. ونحن الكنا تعبانيين نمنا نومت الضهرية وصحينا .. وكمان لقينا الراكوبة فيها صحان فول .. ..

تعرف يا الحبيب نزار نحن هسع عاوزين بس يدخل على الراكوب شاعرا كارب .. فارس كلمة راضع لبا أمه .. وعاشق لي وطن عزه .. ومعذب بآلام فاطمة السمحة .. ومنداح كما سماحة ناس الراكوبة الطيبين .

ولين يدخل علينا الشاعر .. عليكم الله أكان فيكم واحد بيعرف في الدوبيت ما يبخل علينا .

[مدناوية]

الحبيب نزار .. وبقية الرهط الرااااااائع من الجالسين في الهواء الطلق تحت ضل الراكوبة ..
والله القعدة احلوت شديييييييييييييييييد .. فيها كل حاجة حتى العنكوليب .. ونحن الكنا تعبانيين نمنا نومت الضهرية وصحينا .. وكمان لقينا الراكوبة فيها صحان فول .. ..

تعرف يا الحبيب نزار نحن هسع عاوزين بس يدخل على الراكوب شاعرا كارب .. فارس كلمة راضع لبا أمه .. وعاشق لي وطن عزه .. ومعذب بآلام فاطمة السمحة .. ومنداح كما سماحة ناس الراكوبة الطيبين .

ولين يدخل علينا الشاعر .. عليكم الله أكان فيكم واحد بيعرف في الدوبيت ما يبخل علينا .

كدي يا عمي ود تابر أقعد وإتوهط في العنقريب
وعلى بال ما تشرب فنجان القهوة الما خمج تلقى عثمان جلالة داخل علينا وهو بيدوبي