خفايا و أسرار ... ثورة ود المطامير الفاشلة

[مايسة]

لملِمي تشجيعِك ونصايحِك عليك
التشجيع كان بنفع ما كان مشجعين مصِر وقعو في لعيبة تونس ردِم
بالواااااااضِح كده تدفعي كم؟
عشان نقارن بي العروض المختوته في الطربيزه قدامنا

بلالالالالاش تصدق
عشان شنو هو أدفع اصلا - مش التلفون دا البتهددو بيهو ود المطامير دا ولا غيرو
وااااااااااضحة ياخ ما عايزة ذكاوه
-----------
تلفون من الحيكومة حا يكون بث

[مايسة]

ده حالتو ما عرفت قصة التلفون

خلاث
إستنتجتها

[أحمد عمر ( MOODY )]

خلاث
إستنتجتها

حلاوة القصص في التفاصيل

[نزار احمد كوارتي]

و الله يا أخوي العرضة البنعرفها .. بعرضوها في النحاس
و بحرجموا فيها .. ما بغرغروا بي موية الملح

ها جنا هوي إت شِن خَبَرَك بي العرضه
ما تقوم تشوفلك تعليمه ولا ظار ولا أقول ليك حنة عروس بكون أحسن

بالزقاق:-

بحرجمو فيها يعني شنو؟ الكلمه دي انا شامي فيها ريحة إنها ماااااا حقتك

[نزار احمد كوارتي]

عجبنى ليك يا نزار

عشان تباريهو تانى

ها زول ها اباري شنو إنته ما جادي؟
انا زاااااتي إتخذت قرار تاني راجل مره ما بباريو نهااااااااائ

[نزار احمد كوارتي]

بلالالالالاش تصدق
عشان شنو هو أدفع اصلا - مش التلفون دا البتهددو بيهو ود المطامير دا ولا غيرو
وااااااااااضحة ياخ ما عايزة ذكاوه
-----------
تلفون من الحيكومة حا يكون بث

بس كده بالبساطه دي
أكنك اسألي مودي من الحصل لي ود المطامير شنو؟
وأسألي ود المطامير من الحصل لي مودي شنو؟
بس المشكله هم كلو واحد خايف إفتح موضوع التاني
وحاتك يا ما يسا كان عارفه قيمة الحاجه دي
كان دفعتي علي طول ما كان قلتي كلامك ده
والمغالطني يسأل المسافر بس أسعارو غالية شديد

[أحمد عمر ( MOODY )]

ها جنا هوي إت شِن خَبَرَك بي العرضه
ما تقوم تشوفلك تعليمه ولا ظار ولا أقول ليك حنة عروس بكون أحسن

بالزقاق:-

بحرجمو فيها يعني شنو؟ الكلمه دي انا شامي فيها ريحة إنها ماااااا حقتك

يا أخوي البعرف العرضة .. بعرف الحرجمة
و البلفح الكلام ساكت ياهو بقعد يشُم في الريحة

[أحمد عمر ( MOODY )]

بس كده بالبساطه دي
أكنك اسألي مودي من الحصل لي ود المطامير شنو؟
وأسألي ود المطامير من الحصل لي مودي شنو؟
بس المشكله هم كلو واحد خايف إفتح موضوع التاني
وحاتك يا ما يسا كان عارفه قيمة الحاجه دي
كان دفعتي علي طول ما كان قلتي كلامك ده
والمغالطني يسأل المسافر بس أسعارو غالية شديد

يا أخوي بدفع ليك أنا ده
إنت قول .. بس ما تألِف

[مايسة]

هوي ما تخمونا

احكو لينا - عشان نحكم وكدا -

[مايسة]

حلاوة القصص في التفاصيل

منتظرين التفصيل ليس التفاصيل

[ود المطامير]

هوي ما تخمونا

احكو لينا - عشان نحكم وكدا -

الهبابه تشتغل

[أحمد عمر ( MOODY )]

بسم اللّة الرحمن الرحيم
السلام عليكم ورحمة اللّة تعالى وبركاتة
عِلا ياكن حرّم وأنا خلاص طالع ماشى للوليدات لقيتهم قعدونى فى الكرسى , ربنا ستر من ناس شبارق وأبورجاء أكانوا قالوا علىّ خاف قام جارى .
أخوكم فى اللّة عندو تلاتة أسامى وكل واحد يختار اللى يعجبو .
1 .. عثمان إبراهيم عثمان ( ودى الإسم الرسمى فى شهادة الميلاد والجواز )
2 .. عروة إبراهيم عثمان ( ودا لإسم الشعبى اللى لصقتو فينى أمى والشغال طوالى )
3 .. ود المطامير ابراهيم عثمان ( ودا بتعرفوهو )
أها ... من مدينة الشرفة الشريف بركات ( هلا هلا الناس البروبوا الموية )
4 / 2 / 1966 دا اليوم اللى جا فيهو البلا للمطامير والقرى المجاورة , شافع وحاة إسم اللّة قالت لى أمى بس قدر لمبة الجاز , حتيتونى أمى زاتها خافت منى ومرات مرات أقرب أقع من يديها أها .. بالعصيدة والويكة إتبغبغت وعملت جضيمات وكبرت ودخلت المدارس لحد الشهادة الثانوية يعنى جامعة .. نو نهى زندقى .. عشان ما كنت فاضى للمدرسة من الشريك للطيور والنبل ورماى السمك , وركوب العجلات وشواكيش البنات .
أخوانى (( خالد وخالدة )) بس وديل جو دفعة واحدة بعد عشرة سنين من جيتى أنا ودى قصتها غريبة والكرسى حقى ونقة للصباح .
لما ولدونى أنا واحد عينو حارة قال بت النور دى بتلحق أمها فى الولادة وحبوبتى جابت 15 خال وخالة , أها وحاتكم بى كلامو دا دق لينا فرامل عشرة سنوات لما أبوى شاف أبوهو فى النوم وقال ليهو أمشى لفلان الفلانى وقول ليهو قول ماشاء اللّة وبعد داك الفرامل فكت . وجو خالد وخالدة وقبضت تانى القبضة الياها ,
لما مشاكلى فى الحِلة كترت وأمى زهجت من كترة شكاوى النسوان البشاغل بناتهن قالت لأبوى الجنا دا فاضحنى فى الفريق سوقوا معاك أبوظبى وجيت أبوظبى 11/ 3 / 1987 وفى آخر 98 إتزوجت بعد قصة حب ما حصلت قبل كدا , وقلت أملى الحوش شفع ويلا
1 .. شجن .. سبعة سنوات
2 .. عمرو .. خمسة سنوات
3 .. عمار .. سنة وشهرين .. وهم معاى هنا فى الإمارات . وأحسن تسكتونى عشان تلقوا حاجة تسألوا منها (( ملحوظة ))

معكم من يوم الأحد لحد الأربعاء وباقى الإسبوع حق المكوة وغسيل العدة

.
أى سؤال من أى نوع ومن أى ناحية جاهز وحرّم كضب مافى تب .
أها أشوفكم يوم الأحد
مع السلامة .

دليل إدانة و إعتراف .. تم العثور عليه مؤخراً

[مايسة]

دليل إدانة و إعتراف .. تم العثور عليه مؤخراً

ياخ كان تغض الطرف

[أحمد عمر ( MOODY )]

يا جماعة ود المطامير شغال مكوة وبيغسل في العدة وقيل من شهود عيان انه شغال مسح وكنس في البيت. ومن مصادر موثوق منها ايضا ود المطامير بيسوي الاكل حق الاسبوع لانه مهدد ومهروش وما بيقدر يقول بغم!!!!!!!!!!!!!!

هانت الزلابيا واصبح ود المطامير ذو كديسة مذبوحة.

الليله الاحد وودالمطامير ماظهر الحاصل شنو اوعي يكون لسه بكوي الداهيه دا

الغالين والحلوين والرايعين
تسلموا وتشكروا على سؤالكم عن
ود المطامير هو بخير والحمد لله بس
العدة كانت كتيره والهدوم حقت المكوه
كميات مضروبه في عشره عشان كده اتأخر
يمكن بكره يظهر لو ما حصلت مستجدات في
المهام الموكل له يعني احتمال يكون في طبيخ
الاسبوع ونظافة الشقة وفسيح الوليدات عشان
راجع سجن جوانتنامو تاني اسبوع ما بيطلع منو
ادعو ليهو ربنا يقدروا ويعينوا وان شاء الله ما
تضوقوها زره زي دي يا رب...
ودوما في رعاية الله وحفظه...
مع كل الود باقة ورد....

إفادات لشهود عيان و معاصرين للمدعو .. مطاميرو
المصدر : ويكيليكس يااااااااااااااااا .. و الفارة دقس

[أحمد عمر ( MOODY )]

ها زول اللسامى دى كلها جبت ليها خرفان سماية ؟
حبيب عمرى إنت صدقنى موتنى بالضحك ,
ما هو يا غالى آخر الإسبوع دا يا إما أخسر أربعمية درهم للخدامة
ولأ أشمر يدينى وأكوى وأغسل وأربح الأربعمية ؟؟ شاطر ولأ لا ؟
وأنا هسى بفكر أضبح ليها كديسة أكبر من كديستها , بتنفع ولأ
فات الفوات ؟
واللّة الحق يا ( مدناوينا ) بتى الصغيرة كلما تشوفنى بغسل فى العدة بتغنى لى
بابا يغسل العدة آآاى وماما تدقوا بالشدة آآآآآآى
وأنا أنحرق عليها والكبابى تتوقع منى وتتكسر , ولما المدام تكون زعلانة منى
بتحرق الملاح مخصوص عشان أحكحك الحلة لما عينى تطلع .
وعليك اللّة كلما تجى مدنى مر على .
وتسلم لى يا غالى .

أُلتش حاجة أنا

[mahagoub]

ها زول ها اباري شنو إنته ما جادي؟
انا زاااااتي إتخذت قرار تاني راجل مره ما بباريو نهااااااااائ

يا راجل ده انت كل يوم والتانى ناطى لى