فقط للنسوان.. ..يوجد كاشف دخول للذكور

[مايسة]

الخطأ الثاني

الالتـــــــــــــــــــــــــــــــــــزام بالصمت

- بأن يأثر اي من الطرفين الصمت – بدلا من البوح والكلام – في الامور المتعلقة بحياتهم عامة –
-ان يعتمد اي من الطرفين على ان الثاني يحبه – وعلي ذلك وجب عليه ان يفهمه من غير حتي ان يتكلم ويصرح – بما يريد -
ولكن الصحيح التكلم والتصريح – في كل شئ حتي في اي شئ خاصة في الامور الخاصة بينهم
ضرب مثل – حتي في ابسط الامور الحياتية مثلا في النظافة الجسدية – اذا احس اي من الطرفين بأن الاخر لا يلتزم – بطريقة دبلوماسية جدا ينبهه لهذا الشئ من دون ان يجرحه –

في الحياة الزوجية دائما الحقائق بتكون مره ولا يمكن تقبلها بسهوله – ولكن على الطرفين ان يكون مرآه للثاني . وان يتقبل النقد وان يحاول اصلاح ما يمكن اصلاحه

أها يا بنات أمي - احسن نواااصل بهنا

[ام قبس]

كدا رضا
ميه ميه

[مايسة]

نسبة لظروف قاااااااااااااااااهرة جــــــــــــدا

ابتعدنا عن البوست القيم والمرشد السياحي للازواج - اقصد الدليل الضوئي والرقمي (دي حلوة) - المهم

عايزين آراء زيادة - وتفاعل اكثر منكم (ن)

[الملكة اسماء ( ام محمد )]

اتذكرت برضه لمان كنت زممممان بتابع المسلسل التركي
وتجي لقطة رومانسيه شدييييييييييييييييد
تلقيني يعني ابتسمت وكتلت عيواناتي
وكاني انا في اللقطة دي
وفجاء يجيني صوت ابو قبس
يا ام قبس مالك غمضتي عيوناتك عاوزة تنومي ولا شنو

هيهيهيهيهيهيهيي
والله العظيم ضحكتيني من جوا قلبي
يااااخ والله العظيم انتي الذ مرة في العالم

غااااايتو بالغتي معاي الليلة بضحك لمن غالبني اكتب

همسة :عارفة البميز البوست دا شنو ؟ رغم انه ممكن يكون اتناول مواضيع حكينا فيها كتير
البميزه عفويتك وصراحتك المباحة
بصراحة ..انتي ثروة في يد كل نساء المنتدى
ربنا يديك العافية ياراقية

[العاقب مصباح]

جينا نسلم

وما نستسلم

جينا نقاوم

او فلنعدم

[مايسة]

جينا نسلم

وما نستسلم

جينا نقاوم

او فلنعدم

لو كان بالمراد واليمين محقوق -
ما كان بينشنق ود ابكريق في السوق -

[مايسة]

أستميحك عزرا ام قبس - واقول الخطأ الثالث - (الذي يقع فيه كل من الزوجين)

* التســــــــــلـط
-يحاول احد الزوجين او اي من الزوجين ان يبرز شخصيته - وقوته في مكان آخر غير بيته - لانه باختصار لم يستطع ان يحل ما يعترضه من مشاكل بينه وبين الطرف الثاني -

- نجد الزوج شخصيته مهزوزة جدا في البيت - والعكس في مكان عمله - تجده يشخط وينطر - ويزجر من طرف - فتراه يعكس شخصيته الضعيفة التي في البيت في مكان عمله وكانه يقنع نفسه بالعكس -

* على كل من الزوجين ان يكونا اكثر وضوحا - وان يواجها مشاكلهما دون ان يتوجها توجه غير صحيح فيبتعدان كل البعد عن المشكلة الاساسية - وتتشعب بذلك المعضلة ويصعب حلها .

[هبوية]

ازيكم يابنات امي
الليله جايه اتونس معاكن ونسه دقاقه
حقتنا برانا ونبهتهم مايدخلوا علينا
والبدخل يتلقي وعدوا
اها ياخواتي عاوزين ذي ماقلت ليكن نفتوا مع بعض
ونخلي البساط احمدي بينا
اول ماعاوزة اتزوج سألت صاحبتي سبقتني للقفص البمبي
العيشه جوة كيف
قالت لي اوعا تختي في راسك انها وردي عشان ماتتصدمي بالواقع المرير
قلت ليها ليه؟ ماياهو العرفتيه بره داك وحبيتيه وعرستيه
ضحكت ضحكة من ممر الحنجرة بس
قالت لي انا بقول ليك لكن اليدو في المويه ماذي اليدو في النار
اها انا برصد وانتن كبوه معاي وتعالوا نشوف العيب فينا ولا فيهم
وبيني وبينكن كدا من الاول انا بقول فينا
بي صوت وووووووواطي
والبدل العطور بي ريحة البصل الله يجازيه
وبدل الاستشوار بي نكشه الصباح الله يقصه
والمكياج بي وش النوم الله يرضرضه
ونشاف اليدين مابتفرزوا من كعب الكرعين الله لا يديه العافيه
والتطقيم بي جلابيه اليوم كله الله يفتفتوا
عرفتوه دا منو
دا الكسل والخماله
يالا مبدئيا كدا تعالوا نبدا نرجعها ورديه وفي بعض المقولات بمبي فااااااااااتح
وجاييييياكم راجعه
(((البخش منهم الله قال بي قوله))

أهلا أم قبس أشكرك لانك تتطرقتي لاهم الموضيع المهمه والحساسة ، المرأه مخلوق رقيق حنون مجتهد مثابر مكافح تتمني الخير لشريك العمر يعني دايما بتجهد كتير والنكشه الشعر والخشونة اليدين وغيره جاية من التعب والشغل الكتير الي حد أنها تنسي نفسها وسط الهموم المحيطه بيها ، لكن رغم كدا أتمني أن المرأة تدي لي لنفسها ساعة في اليوم ترتب نفسها كويس وتعمل حساب أنها تكون مرتبه ومنظمه قدام زوجها ونفسها علي الأقل، بعدين ماتقول يجي مايشوفني .الرجال ديل عيونن مفتوحه وشايف أي شيئ ، الأحسن تكون مرتبه عشان بعدين مايكون عندو سبب . بعدين صديقني تغيير المظهر ليهو أثر كبير ، غير مظهرك كل فتره وتاني وشوفي البيحصل سلام نلقي في فرصه أوسع.

[سيد البلد]

المرأه مخلوق رقيق حنون مجتهد مثابر مكافح تتمني الخير لشريك العمر .

يعني دايما بتجهد كتير والنكشه الشعر والخشونة اليدين وغيره جاية من التعب والشغل الكتير الي حد أنها تنسي نفسها وسط الهموم المحيطه بيها

إنتي بتتكلمي عن مخلوقات منقرضة ولا دي مخلوقات فضائية ولا بتتكلمي عن شنو بالضبط كده ؟

المرأه مخلوق رقيق حنون مجتهد مثابر مكافح تتمني الخير لشريك العمر .

الكلام الفوق ده ذكرني زمان لما يوزعوا لينا النتايج في المدرسة
كان الاساتذة بعلقوا على الطلاب في آآآآآخر النتيجة بي كلام قريب لي ده , ما عدا حنون ورقيق ديل

يمكن بكتبوها للبنات في نتايجم غايتو ...

[صديق محمدعلي]

الــــــــــــــــــــــــــــــــــــــــــــــــ ســ عليكمـ ـــــــــــــــــــــــــــــلام

[النويري]

والله بالغته بس كدي أسألك إنت مقيم في السعودية ولا شنو.. إنت عارف ذكرتني مرة أمي كانت بتشوف في برنامج
يلا وحدة إتصلت من السعودية وقالت نفس كلامك أمي والله شوية كانت حتتصل بس ماقدرت:d
فشكلوا إنتوا عندكم كدة مع إنو ما كل المغتربات في السعودية كدة أكيد..
تقبل تحياتي..

الأخت ريانية لك تحياتي أنا مقيم في السعودية الكلام دا بقولوا وعندي نماذج كثيرة وبعرف رجال متزوجين كثيرين أبناء عمتي وأشكال وألوان المره في السعودية الراجل طبعاً بصحى من النوم للشغل طبيعي كل يوم والزوجة طبعاً إذا كانت فالحة بتقوم تديه نصف ساعة مسافة يستحمى ويلبس وتعمل كباية شاي وبعدين بعد ما يقفل الباب بترجع تنوم تاني وفي نوعية أصلاً ما بتصحى والراجل بحاول ما يزعجها يعني يصحى وبراحة يلبس ملابسه ويروح الدوام وهي نائمة تصحى إذا كان دواموا فترتين حوالي الواحده وطبعاً بتكون طابخة كم طبيخ مع وصولو بتكون سخنت الأكل وهو جاب خبز أكل ونام أما إذا كان دوامو فترة واحدة في الحالة دي بتكون مستمتعة بالنوم لحد الساعة 3 وكدا ودا عن تجربة معايشة وأي إنسان يقول غير الكلام دا يكون كذاب

لكن هذا لا يمنع أنو في نسوان بيقوموا بدري مع رجالهم لكن نسبة 5%

أشكر لكي مداخلتك وتقبلي خالص تحياتي

[esmat]

إنتي بتتكلمي عن مخلوقات منقرضة ولا دي مخلوقات فضائية ولا بتتكلمي عن شنو بالضبط كده ؟

الكلام الفوق ده ذكرني زمان لما يوزعوا لينا النتايج في المدرسة
كان الاساتذة بعلقوا على الطلاب في آآآآآخر النتيجة بي كلام قريب لي ده , ما عدا حنون ورقيق ديل
يمكن بكتبوها للبنات في نتايجم غايتو ...

ياولدنا انت الحاجات دي ما بتعرفها بعيدة عليك
ابعد كدا شوية ياخ بتعرف شنو انت
عن الحنان والعاطفة النبيلة عرفتها وين انت
قول النسمع قول يامنقرض قول

قال منقرضة قال