الحرية ...الموجهات السلوكية والفكر المتحرر

[سواااح]

الاعزاء ..

الامين .. معتز ..

اولا ارجو عدم التراشق
باي كلمات ولو حتي من
باب الدعابة ..
ثانيا وهو تساؤل
هل نحن الان نتحدث
عن الدين ؟؟
ام عن الدولة ؟؟
ام فصل الدين عن الدولة ؟؟
ام عن الحرية والتحرر ؟؟
ام عن السلوك الانساني بصورة عامة ؟؟
لاني صراحة لم اعد افهم
الي اين يمضي الحوار
فعلي الاقل يجب ان نصل
الي نقطة التقاء في البداية
نقطة نتفق عليها
حتي نستطيع ان نكمل الحوار
اي ننقاقشه دون تخبط
وبموضوعية وشفافية

دمــــــــــــــتم ،،

[معتز تروتسكى]

خالص التحايا الجميع

يا الامين ياولدى قايتو حيرتنى معاك كلو كلو..
يديك العافية بس..
انا كلامك ونقتك الاخيرة دى كلها اجملها ليك فى نقطتين بخصوص ماذكرته ..
1- انى غيرت مسار النقاش
2- وانى منفعل..

ارد ليك اقول ليك على النقاط الاتية لانى ماحبيت اضيف شى جديد لانو كلامى اليسابق شغال اردد ليك فيهو وانت يا اما مافاهم ولا ماعايز تفهم المهم :
1- (الكلام ده ذكرتو لى سواح وبخصك بخصوص النقطه الاولى ) كان الموضوع بأمكانه أن ينتهى لو كان لديه فى جبه متسع للأفكار التى هو بصدد طرحها لكن لأن خيطه قصير حيال ما يحمل ومايفكر به ؛ لم يصدق دخولى لكى ينصرف فيما يفلح فية من شتيمه وغيرها ؛ وهو يبرهن لنا كيف يكون الفرق بين الاسلامى والاسلاموي..
كان بامكانه ان يواصل فى طرحة لأننى من اول مداخلتين ذكرت له بأنه يبدو لن يُكتب لنا الأستمرار ووو الخ...
*راجع مداخلتى الاولى كانت تصب فى سياق الموضوع عن الحريات لكنى وقفتك عشان اصحح نقاط شعرت بانك قاعد تسوق ليها بعيد عن موضوع الحريات بعد مداخلتى الاولى اتاكدت اكثر ..وده الخلانى اضع ليك نقاط لما ذهبت اليه بخصوص "الشوعية والالحاد" + " طرح الفكر الشيوعي مقابل فكرة التديّن" وانت اساسا كنت مبيت النية تهميدا لكلامى السابق وفتحت البوست ده (العبر في انهيار الشيوعية) وحتى رفضت انك ترد علي فيهو ..
يبقى بعد ده تانى كان انا ماقاعد اكتب بالعبري ما بالعربى عشان كلامى ده يتفهم..
واساسا من اول مداخليتين انا جليتك بالواضح كده ؛بعد ان رفضت انو تتناقش معاى ؛ وتركت فى حالك ؛ لكن رجوعى عشان انت بتجى ترد على كلامى وما قاعد تنصرف لى موضوعك اساسا ويبقى لو مارديت عليك هنا بتبقى فى حلقة مفقوده لانو كل مره بتجى دخل الكلام فى دهاليز تانية لو جا زول مامتابع ببقى ليهو النقاش مبهم وقع ليك!!
*الهى يجيب حقو كلامى ده انا ماداير تقنتع بيهو انا دايرك تفهمو بس ..سامعنى يازميل افهموا بس وعلى اساسو بتقدر ترد صاح !!!!
الهم لانسالك رد القضاء لكن نسالك اللطف فيه!!!

2- موضوع الانفعال ده بادى عليك انت ومتشنج وماداير تقبل نقاش ناهيك عن كونو تقنتع بيهو قولته ليك ماتقطع من راسك انو انت غضبان لى الله ولا للرسول نحن ماجاين من زحل نحن معاك فى الارض دي ..
ودى زى ماقلت ليك فوق عن الانو الاسلام ما حركات .وليس مجرد شهاده وو الخ...
عليك دينك قبل مارتد وتجاوب على حاول اقرا كلامى كويس بس ما اكتر من كده
ماعشانى انا بس عشان لمن ترد يكون ردك موضوعى وتحسس البقرا انك فاهم بتكبت فى شنو سمح ياحبيبى ...
وانت لو عرفت الحقيقة بالتالي وصلت الى العبادة والعبارة الفلسفية دى صدقنى ماكتبتها من فراغ لكن بس قلت ليك انت حاول اقرا لى بعيد ماتخلى عقلك مقفول على كلمتين ومادير تدخل غيرهم..

* ثم انت انا سالتك كم سؤال ماجاوبت لى ولا على واحد فيهم شغال تجيب وتقطع لى الحتات الداير ترد عليها بى مزاجك فيبقى يا اساس ماترد ولا ماتشيل البعجبك لانو كلامى كلو على بعضو شى واحد ماتبتر منو على كيفيك..!!!

• ده كلو هين انت الشقى كتبته شنو والادارة مسحتو ؛ ياسيدى انا ما بزعل تقول كافر مرتد ملحد سمعتها لمن قلت بس ؛ ذكرتى ايام الجامعه عندى مقال كتبتو اسمو "العدالة الالهية" الزيك ديل قامو وجاطو لمن جيتنا اتناقشنا طلعتهم ليك كلام ساى اها هنا حسو بالخطورة قامو علقو ورقه قالو اهدار دمى اخوك الفترة دى بقى زى الرئيس بقى يمشى بى كادر حماية شوفت العظمه دي كيف لوووول
• كدى انت استهدى بالله وقول كتبت شنو انشاء رسلو فى الماسنجر..

وكيف يهون عندك خصامى
وترضى من عيني تغيب
وانت بيك اسرار سعادتى
وانت اكتر من حبيب
شفت بيك الدنيا نايره
وعشت فيك املى الخصيب
انت احلى من الامانى
لما تغمرنى وتعربد
واحلى من طيرالخمائل
لما يتمايل يغرد
ومن جميله جديدا تم
لما تثنى وتزغرد
انت يا احلى الحابيب
مابتفوت حبى وتبدد
عشرتى فاقت حنانى
قلبى بيك دايما معيد
وحبى ليك يانور عيونى
كل يوم يخضر يفرهد
ورغم حبى عليك اهون..
ياحنان الدنيا كلو
قلبى بيك دايما معيد
قصدى فى حبك نبيل
حبى اجمل عاطفه ساميه
والله واكتر من جميل
لو وصفتك وقلت نير
قلت انت احب زول
او وصفتك وقلت طاهر
كنت فى وصفك بخيل
نور جمالك ياحبيبى
بادى ماداير دليل
عشت عمرى اغنى ليهو
فى انتظارك لو تميل

. .

----------------
عزيزى السواح...
غايتو انت الزول ده بس ماقدر تلومو ساى لكن انا سبب واحد يخليك تلمنى معاهو مافى
لانو لازعلت ولا اتراشقت ولا ولا ..
بس ياها حكاية الخير يخص والشر يعم..!!!
اما بالنسبة لتحديد مستوى النقاش ؛ فشى فطبيعى انو يكون فى سخونه لانها مرات بتجى تلقائية ؛ لكن الانفعال الفيو رواسب ظاهر وماداير ليها محلل ولا زول عبقرى..
وزى ما انت داير توضيح انا وضحت ليهو فوق انو الموضوع كان عن الحريات راجع مداخلتى الاولى وعند متوجس فى ظنى لانو اساسا هو بتكلم بطرية الاسم السياسى وبسوق لى فكرة التدين والالحاد مقال الشوعية ..
فنزلت مداخلتى الاولى على حسب متطلبات الموضوع الطارحو وذكرت ليهو عندى مقال عن الحرية بجيبو ليك..
فاذا هو اساس كان راقد ليهو فوق رائى فبعد ردو على مداخلتى الاولى انكشف قناع حديثو عنو شنو وانا صراحه اكره ما اكرة وامتعض جدا عندما يكون زول شايل ليهو فكرة وبسوق ليها بطريقة الخطا وغير مؤهل للدفاع عنها ويسعى كذلك من خلالها للاسترزاق عشان يعادى فكرة اخرى بداوفع شتى او او .....

* عموما انا ماعندى مشكلة نواصل الحوار بخصوص الحرية والحريات لانى حددته نقاطها (حقيقة قد اتفق معك من زواية اخرى فى او بالاصاح قد اتفق مع الزميل " سواح" فى ان الحرية المطلقة تعتبر ضرب من ضروب الوهم ..
لكن لابد من وجود حريات يبقى كيف حتكون وكيف حتبقى دى ممكن يكون مثار نقاشنا اذا اساسا نحن بنتفق فى انو لاوجود لحرية بدون ضوابط...)
فاذا هو داير يقعد يلوك فى الكلام ويجى يرد على كلامى بردود مبتوره المعنى ..
يبقى احسن بالتى هى احسن اقول ليهو سلام وشخصيا لاوزعلان ولا شى بالعكس انا كل ما اجى البوست ده بضحك ..
عايز يواصل فى النفاط الحددنها والموضوع الاساسى اهلا وسهلا.. الواحد يشاور نفسو ويجيهو مافى عوجه تب فى اى درب انا بمشى بس هو يخلى نفسو طويل عشان لو عايز يقنعنى مفروض يتحلى بالصبر وانا ذا كلامو بقى منطقى وخاطب عقلى من حقى اقتنع بيهو او المفروض اقتنع بيهو ولا يبقى ده عناد وعنت...

ياهو وضحت وجهة نظرى بى كل بساطه ...وماجانى منك خبر..
يلا فتكم وقيلو بعافية..

التحايا النواضر.

.