النتائج 26 إلى 50 من 117

الموضوع: ضيفنا على الكرسى الساخن ....عبدالله ابوعلا abu_ola

أدوات الموضوع
- مشاهدة صفحة طباعة الموضوع


	17-09-2006 04:46 AM #26 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة ابراهيم تحياتي من الأعماق أخى وصديقي ابو علا . . . كنت ولا زلت أنتظر لحظة الابحار في محيط ابو علا الاسم الذي يشعرك بالسعادة لمجرد سماع اسمه أو مطالعة حديثه الشجي فقد كنت جميلاً مميزا في حضورك في البدء حدثنا عن النسمة الرقيقة والضوء الذي هدى خطاك إلى منتديات ودمدني له من جل الثناء على هذا الإهداء الراقي. إبراهيم وينك يا رائع ما تجي إلا في ساعات الزنقة ( صحيح الصديق ساعة الضيق !!!!! ) انا اليومين دي شاديني في الحلة ( اقصد الكرسي الساخن ) أها يا عشاي أبقي عشرة على الكوفي جابتني كرعي براي يا ابراهيم ... اقصد كنت ابحث عن منتدي سوداني يتميز بالأصالة و الزوق و الحس السوداني الرفيع ففي اثناء بحثي في الأنترنيت توقفت عند عدة منتديات و من ضمنها منتدانا الرائع الذي اعتبره بيتي الأدبي الأول و للحقيقة كنت اتابع المنتدي كضيف و من ثم بعد ذلك كان لي شرف التسجيل في المنتدي و نيل عضويته و لا أخفيكم سراً أن قلت هو المنتدي الوحيد الذي تشرفت بعضويته حتى الآن . الدوبيت والكلام الجميل في ظلال الكوفي شوب وفي الركن الثقافي مال الذي جعلك تعشق هذا الفن والتراث الاصيل وتتعمق فيه هل هي البيئة أم انه عشق فطري؟ ولك مودتي من نافلة القول أن البيئة لها تأثير كبير على تكوين شخصية الفرد ( الرجل إبن بيئته ) و كذلك التربية الأسرية كان لها تأثير كبير لحبي للأدب عموماً ، فوالدي أطال الله في عمره و بارك فيه كان و ما زال يكتب الشعر باللغة الفصحي و شقيقي الأكبر أبو عمر ( له مني التحايا العطرة على البعد ) لديه الكثير من المحاولات الشعرية الرصينة و عشقي للأدب عموماً منذ الجمعيات الثقافية بالمدرسة و بحثي المتواصل عنه قادني الى كتابة بعض المحاولات الشعرية التي بدأت بكتابة الخواطر و القصة القصيرةو للحقيقة أن اختياري للمسدار كضرب من ضروب الأدب له عدة أسباب جزالة المنعي سهولة المفردة تضمين الحكمة لمربعات المسدار ( أي مربع مسدار غالباً ما يحتوي على حكمة ) أصالة هذا النوع الأدبي الفريد و هناك شي اخر هو ان المسدار لا يصح أن يكتب إلا بالعامية السودانية و هنا تكمن الدهشة و سر العشق لهذا الفن إضافة للمسادير لدي محاولات شعرية عاطفية و قصص قصيرة و كتابات نثرية متواضعة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 04:58 AM #27 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة خواطر طيب اه ابو علا قبل الزواج وابو علا بعد الزواج؟وبعدين سؤال سوار ماجاوبتا عليهو علاقتك بي مدني شنوا هناك اختلافات كثيرة بين مرحلة ما قبل الزواج و بعد الزواج فالبرغم من حداثة تجربتي في الحياة الزوجية فان الزواج بالنسبة لي أكمال لنصف الدين كما قال رسولنا صلي الله عليه و سلم كذلك ولد في الشعور بالمسئولية و مداني بالراحة النفسية و وفر لي الإستقرار الروحي و الإجتماعي و الإنساني و نمى في التعاون و حب المشاركة في كل شي و مجرد الإحساس بأن هناك شخص و هب حياته لي ( بمحض إرادته ) و جعلها وقفاً بين يدي و أرتضت أن تشاطرني اللحظات بحلوها و مرها و تشاركني حتي نبضات قلبي و تدفق الدماء في شراييني هذ الإحساس ولد في حب إيثار الذات و الشعور بالآخرين كذلك الزواج دفعة معنوية قوية للإبداع و التميز في كافة مناحي الحياة و حلقة هامة في سلسلة خلافة الأرض و تعميرها و أعتبره عنصر مهم جداً ينطلق منه كل من أراد العلياء ( وراء كل عظيمة إمرأة ) و من هذا المنبر الشامخ تحية إجلال و عرفان للرائعة أم علا متمنياً أن يوفقنا الله لإكمال المسيرة سوال مدنية جاوبنا عليه أيها الرئع ( محمد كمال ) و لك جزيل شكري على إتصالك اليوم ،،، و دمت أخاً كريماً و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 05:03 AM #28 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة hamad2 حبااااااااااااااااااااب ابوعلا نوّرت والله شد حيلك اخوي حصل زرت مدني وزورتا كم مره والعجبك فيها شنو زرت مدني أكثر من مرة عابر سبيل زي ما قال استاذنا محمد الأمين و كذلك تشرفت بزيارة مدني عدة مرات مع صديقي عارف ( جزيرة الفيل ) حضرت عدة مناسبات فيها و كنا نذهب للنادي الإسماعلي حسب القرب المكاني على ما أعتقد زرت السوق الكبير و توقفت في البرندات كثيرا ، أعجبني شارع النيل و حديقة وقيع الله و لي في مدني زكريات ما ذلت اتذوق حلاوة طعمها بالرغم من مرور السنوات التعديل الأخير تم بواسطة abu_ola ; 17-09-2006 الساعة 06:53 AM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 05:24 AM #29 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 هلا بناس اوكراينا ( انتو يا ناس هفاريو ... هفاريش الله يجازي محنكم ) المشاركة الأصلية كتبت بواسطة نزار حسن محمد هلا بالحبوب .. حبابك واليوم السعيد الليله جابك يافريع موسكو .. وقلت لى شنوا موسكو ياراجل انت ماوقعت براك المشكله الكيب بورد مابكتب بالروسى ..تعرف ياعبدالله انا خريج اوكرانيا .. عشان كده ح اكتب لك الروسى بالعربى .. قول واحد ...... كروتشى.. اكتو تى لوبيش برفى.. ديفوشكا ..بابوشكا ..الى بارن.. اسكاجى جسنه .. اصلوفا... كروتشي قفاريو شتو يا فيسقدا اسكجو جيسنا أسلوفا ،، نو شتو بيرفي لوبوف اتا بلا نا خرتومسيكم يونفرسيتيتي أنا بيلا اوشن سمباتيشينا ديفوشكا ((((( حكمة الله حنكوشـــة يا ود حسن ) ))))) عبدالله ... كدى الكلام ده خلى فى التلفون.. خلنى اسع اولع الكرسى شويه والباقى على عمك ود الماحى.. كدى احكى بصراحه شديده اول ما وصلت مطار شرميتفا... وشفته الجكسى ..الماهو جكسى ..اصرفت كيف لقايت ما وصلت الابشجيتى الاجابات مترجمه .. وصلت موسكو في مساء يوم شتائي و ما زالت بقايا الجليد متراصة على جنبات الطريق أول ما لفت نظري منظر الجليد و أشجار ممتدة كأعمدة الكهرباء عارية تماما من الأوراق ، المباني الشاهقة على طولالطريق و غابات متراصة توحي لك بأنك على مشارف مدينة واو الجميلة و حاجات أخري لها طعم الدهشة الأولي بعدين الجكسي يا ود حسن اخوي اقول ليك حاجة مختصرة بس لسببين الأول رمضان على الأبواب الخلفية و الشياطين طايرة و عايرة و السبب التاني لأني محتاج لعضويتي في هذا المنتدي الرائع و لا اود أن تجمد و تتم محاكمتي في المنتدي الأسلامي باقي ناس شيخنا السفير و عوض صقير حايمين .... البلوزة على الحليفة زي المريلة البلبسوها للشافع يريل فوقها يسالني ما يسألك الإسكريتي كان لبسوني ليه طاقية تطلع أصغر من راسي دا ها زول ها أنت يا ود حسن ما طلعت ود حفرتي بس خلي الطابق مستور و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 05:27 AM #30 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة المميز والله يابو علا زي ما قالت اختنا مدنيــّــه ماخليت ليك زول في المنتدي راقي من يومك ********** الرائعة مدنية حبيبي المميز لم أقل شيئاً سوي الحق و سامحونا لو قصرنا في وصف تلك القامات الرئعة و العتبي لكل من سقط أسمه سهواً التعديل الأخير تم بواسطة abu_ola ; 17-09-2006 الساعة 06:55 AM و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 05:31 AM #31 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة عوض صقير ماشاء الله أخونا أبوعلاء شايف الجماعة بسنو فى سكاكينهم .. شد حيلك ا,ولا الشىء الملفت فى البطاقة هو الأسم كما قيل خير الأسماء ما عبد و حمد وأنت ماشاءالله من الأبن وحتى الجد من خير الأسماء مشكور استاذي عوض صقير على الملاحظة والمشاركة الأسم كاملاً ( عبد الله عبد الرحمن عبد الحميد عبد الرحيم عبد الرحمن محمد عبد الرحمن ) الأسرة حسب ما نمى لعمل لها جذور دينية ضاربة في القدم لذا كان طبيعياً ان تكون أسمائهم كذلك نسأل الله أن يوفقنا للمحافظة عليها وسؤالى هو أستعداداتك للكرسى الساخن ده شنو ؟ صراحة ليس لدي أي أستعداد للكرسي الساخن و بصراحة أكثر لم اكن متوقعاً إستضافتي في الكرسي الساخن بهذه السرعة و لكن لا اخفيك سراً بأني سعيد بهذه الإستضافة و أعتقد بأن مثل هذه الأشياء من الأفضل أن تكون مفاجأة و دون ترتيب مسبق حتى تطلع بصورتها التلقائية العفوية و الحمد لله أنا كتاب مفتوح لكل من عرفني و ليس لدي شيئأ أخفيه و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 06:58 AM #32 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 شنو يا جماعة الخير كملت الأسئلة خلاص نجمع الورقة !!!!! اها يا كنترول التصحيح بتين !!!!! و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 07:57 AM #33 امل حياتى الملف الشخصي مشاهدة المشاركات عضو فضي Array تاريخ التسجيل Apr 2006 الدولة دولة الامارات العربية المتحدة المشاركات 1,277 يا جماعة والله نزار ود حسن ده مستعجل مكان يأجلوا شوية فى رمضان عشان سخانة رمضان والجوع والعطش ابو علاء لما يفطر من سخانة الكرسى ولهيبة وسخانة جو رمضان برضو هسه بقوليك شد حيلك شوية التقل جايك ورا اللهم اجرنا من النار ونجينا من عذاب القبر ونجينا من فتنة المحيا والممات وثبت اقدامنا على الصراط المستقيم اللهم انك عفو كريم تحب العفو فأعفو عنا وتوفنا مع الابرار ربنا امنا بما انزلت واتبعنا الرسول فأكتبنا مع الشاهدين. رد مع اقتباس


	17-09-2006 09:08 AM #34 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 حباب أبوعلا.. هاأأأجنا جر لي العنقريب داك ختو لي جمب أبوعلا ..مخده ما بدورا بتوسد جلابيتي وبقعد بالعراقي والسروال أوزّر أخوي أبوعلا باقي نضميهو حلو طاعم طعامة أهلي ناس بحر أبيض... أهاأأأبوي أنا بشاقق ودايرك بعد ماضربك الهمبريب تفضفض لينا وتحكي لينا كم شاكوش كرضمن راسك ...الفقد واحد أأأبوي...والجاتك في راسك سامحتك... كان المرا ماكانت أم علا كان تكون منو...كان بجيب ليك الهبايب خليهو.... رأيك شنو في التدبيل لتقليل العنوسه والتخلص من نقة المرا الاولي الكتيره...الزواج العرفي من الجكس في السودان...المساكنه الطالعين فيها الشباب اليومين ديل؟ بت الخرتوم الكنته داير تعرسا وأبوك قال ليك كان عرستها ماعافي منّك الحصل عليها شنو؟ بت الخرتوم الكنته مجكسا وقالت ليك أهلي قالوا الله بينا وبين أهل العوض بلعتا كلاما كيف؟ أها أنا هادي تصنقره معاك ...تعالي أأأبت شيلي علا دي وديها لي امها... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	17-09-2006 10:53 AM #35 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟! قولوا ماشاء الله ياشباب ...ياواحد الله ومحمد رسول الله ...وياعين قهرك الله ... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	17-09-2006 02:03 PM #36 راشد خضر الملف الشخصي مشاهدة المشاركات عضو مميز Array تاريخ التسجيل Jun 2006 الدولة السعودية - جـِـده المشاركات 457 ود خضر يا اخوي أول حرف بعد الأندر إسكور عين عليها ضمة بعد داك على كيفك تكتبها a ولا o أنت حر و انطق ساااكت مافي زول مانعك بس في النهاية لازم تخلي لي أسم بنتي ( علا ) شديد و لضيض .... كويس !! آآآآه قُتلي عـُـلا ، ها يازول حرّم الداهيه أنا قايلها ضـَـكر ، ماشاء اللّه وربنا يحفظها ليك والسؤال دا طلع بفايده كونو كرفنا بالأمورة عُـلا . وبعدين ياخ الناس دي تقلك يا عمو ليه؟ وانت عمرك ذي عمري ، ولسه هو نحنا شفنا شي نايم يعمعمونا ههه ههه قال : jamal almahe أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟! * نطالبك لو أمكن وضع صورتك ، حتي نقترب من التواصل الروحي ! رايك شنو ؟ التعديل الأخير تم بواسطة راشد خضر ; 17-09-2006 الساعة 02:26 PM أراكَ عصِّيُ الدَّمْع ِ شيمتُكَ الصّبْرُ رد مع اقتباس


	17-09-2006 08:54 PM #37 مرتضى يوسف العركي الملف الشخصي مشاهدة المشاركات اللجنة الاستشارية Array تاريخ التسجيل Sep 2006 الدولة ودمدني-حي مايو المشاركات 2,113 بالرغم من عضويتي الجديدة الا انني اثرت ان اطرزن على ابو علا فالرجل يجبرك على التواصل ولا غرو ان يفترسه الجميع ودا وتواصلا طالما كان من اوائل الناس الذين تواصلوا بي مرحبا وعلى فكرة يا ابو علا شفت لي فيلم روسي الشفع الصغار فيه يتكلموا روسي رد مع اقتباس


	17-09-2006 09:40 PM #38 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 عبد الله عبد الرحمن عبد الحميد عبد الرحيم عبد الرحمن محمد عبد الرحمن وانا اقول بتك مسميها اسم صغنوني كدا مالك !!!!!!!! اتاريك عشان الاسامي الطويلة هههههههههه اكيد احلي الاسماء ما حمد وعبد وعلي فكرة اسم عبدالرحمن من احب الاسماء لي يديك العافية يارب انت وعُلاء وام عُلاء وعلي فكرة تانية زمان كنت فاكراه ولد واسمه علاء وليس بت واسمها عُلاء يديكم العافية رد مع اقتباس


	17-09-2006 10:11 PM #39 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة الحلامابي بالرغم من عضويتي الجديدة الا انني اثرت ان اطرزن على ابو علا فالرجل يجبرك على التواصل ولا غرو ان يفترسه الجميع ودا وتواصلا طالما كان من اوائل الناس الذين تواصلوا بي مرحبا وعلى فكرة يا ابو علا شفت لي فيلم روسي الشفع الصغار فيه يتكلموا روسي ما هو دا المجنني أنا زاتي يا الحليمابي !!!!! و عمك نزار ود حسن لي يوم الليلة يتعتع في اللغة الروسية زي العربية الكربريترة وسخان ألفي أهلا بيك و البيت بيت يا عشاي و كان دايرني انزل ليك من العنقريب دا بنزل و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 10:16 PM #40 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة مدنيّة عبد الله عبد الرحمن عبد الحميد عبد الرحيم عبد الرحمن محمد عبد الرحمن وانا اقول بتك مسميها اسم صغنوني كدا مالك !!!!!!!! اتاريك عشان الاسامي الطويلة هههههههههه اكيد احلي الاسماء ما حمد وعبد وعلي فكرة اسم عبدالرحمن من احب الاسماء لي يديك العافية يارب انت وعُلاء وام عُلاء وعلي فكرة تانية زمان كنت فاكراه ولد واسمه علاء وليس بت واسمها عُلاء يديكم العافية أنتي في البت و لا أم علا زاتها الله يديها العافية مختصراني على ( عبده ) و كان قلت ليها طولي الأسم الله يطول عمرك يا المبروكة تزيدو حرف واحد بس و تقول ( عبودي ) زكرتيني أستاذ الرياضيات كان بكتب اسمي عبد ( أسماء الله الحنسي ) 2 و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 10:18 PM #41 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة Jamal Elmahi أبوعلا الوجيه الحي مصيرو يلاقي...وعشان الواحد يقالدك من وسط ميّه ممكن تنزل لينا صورتك الخايف عليها؟! قولوا ماشاء الله ياشباب ...ياواحد الله ومحمد رسول الله ...وياعين قهرك الله ... ود الماحي بناء على طلب عمنا ود الماحي و تأكيد أخونا ود خضر و تشجيع زول فردة و الزول الرائع ود حسن تعليق صورتي في قدام العنقريب دا وجب علي ان ننبه الجكس و الحناكيش و أنصاف المتحنكشين بعدم دخول البوست بعد اليوم دا لاني بكرة من الصباح تلقوني متحكر في نص العنقريب بي هدومي و جضومي انا سويت العلي و ذنبكم على جنبكم و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 10:20 PM #42 hamad2 الملف الشخصي مشاهدة المشاركات عضو فضي Array تاريخ التسجيل Dec 2005 الدولة من مدني_حي النصر_مايو40 المشاركات 1,006 نزل الصوره العنقريب خلي في الكوفي شوب رد مع اقتباس


	17-09-2006 10:27 PM #43 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 عوووك يا ود حسن ألحقني داير أرد على عمك ود الماحي كتبت لمن يدي فترت قامت طلعت لي الرسالة دي أعمل شنو آآآناس ما تلومونا مع عمك ود الماحي الاخطاء النالية حدثت عندما تم إرسال هذه الرسالة: 1. الرسالة التي ادخلتها صغيرة جداً . الرجاء إعادة العملية على أن لا يقل عدد الحروف في الرسالة عن 10 حروف و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	17-09-2006 10:58 PM #44 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 هاأأأجنا جر لي العنقريب داك ختو لي جمب أبوعلا ..مخده ما بدورا بتوسد جلابيتي وبقعد بالعراقي والسروال أوزّر أخوي أبوعلا باقي نضميهو حلو طاعم طعامة أهلي ناس بحر أبيض...( ود الماحي ) حباب عمي ود الماحي المعني نحن أولاد حفرة واحدة بس انت كبير قرش عشان كدي النقول لك عمي ود الماحي بعدين العنقريب ما في داعي ليه بنزلك من عنقريبي دا و بفرش الفورة جنبك احترام و حفظ مقامات ساكت آآعمي ... يا بت شيلي البت دي دخليها لي أمها و جيبي الجبنة لي عمك ود الماحي أهاأأأبوي أنا بشاقق ودايرك بعد ماضربك الهمبريب تفضفض لينا وتحكي لينا كم شاكوش كرضمن راسك ...الفقد واحد أأأبوي...والجاتك في راسك سامحتك...( ود الماحي ) ود الماحي آآآخوي انا جني و جن بحيت الجداد دا بس آآخزين ما عليك مدسة الرأس دا التقول فوقو خزنة كل شوية ضاربنو شاكوش ..ها زول ها على الحليفة أثار مروي ما أظن حفروها زي رأسي دا ... اسعالني ما يسألك من كثر الشواكيش بقي زي الأوضة القدامها برندة ... بعدين آآآعشاي فعلياً هو شاكوش واحد بس بيني و بينك الشي الضربوني بيه دا مو شاكوش الشئ مارزبة عدييييييييل كان المرا ماكانت أم علا كان تكون منو...كان بجيب ليك الهبايب خليهو.... ( ود الماحي ) المرة كان ما كانت أم علا ... ما بتبقي مرة ( مع إحترامي للحريم جت علين ) على الحليفة أم علا في النسوان عودها زايد ...الشئ ما تقول مخافة من الولية يا ود الماحي بس امانة في الزمة بدور احفظ ليها حقها و زي ما قالوا الما بشكر الناس ما بشكر الله رأيك شنو في التدبيل لتقليل العنوسه والتخلص من نقة المرا الاولي الكتيره...الزواج العرفي من الجكس في السودان...المساكنه الطالعين فيها الشباب اليومين ديل؟ ( ود الماحي ) العندو كورة دقيق فيني ما ببدلها بالفترية يا عشاي و بعدين بيني و بينك كدي المرة البتنقنق زي المطرة في الطشتي اختاها تب بتقصر أجلك و تتعوض فيك توب دمورية و أربعة شهور حبس ... بعدين الزواج العرفي دا ما تخصصي بس حسب خبرتي المتواضعة بغلي الصمغ و بي الطريقة دي ناس دارفور بصبحوا من الدول العظمي ( نصيحة لي وجه الله أي واحد عندو شدرة صمغ قدام بيتوم ابقي عليها عشرة المعني يا ودتو محكمة جرايم الحرب يا بقتو رجل أعمال ) البورة يا عشاي حلها معروف و الراجل محللات ليهو أربعة بس البقنع الديك منو ؟؟؟ بت الخرتوم الكنته داير تعرسا وأبوك قال ليك كان عرستها ماعافي منّك الحصل عليها شنو؟ ( ود الماحي ) اريتا كان كانت من الخرطوم أخوك يا عشاي شليق و مطنقع المعني البت كانت شهادة عربية عدييييييييييل و يا ها صاحبة الشاكوش الفوق دا ( فضحتنا يا ود الماحي الله يسترك دنيا و آخرة و بي طريقتك دي بتوقف علينا مدرسة محو الحنكشة الفاتحنها في الكوفي شوب ) بت الخرتوم الكنته مجكسا وقالت ليك أهلي قالوا الله بينا وبين أهل العوض بلعتا كلاما كيف؟ ( ود الماحي ) من زمان أنا مقتنع بي مسألة التوافق الإجتماعي و النفسي قبل ما يكتشفوه لأنو عندي عمي راجلاً فاضل بالحيل و زولاً حكمة على الحليفة يا ود الماحي كان عندنا إعلام زينا زي باقي الحلال كان دخل موسوعة غنيــس بحمارتو الخدرا ،،،، قصر الكلام يا عشاي قال ( يا أولاد كاكوا في أي مكان بس ساعة تجو تبيضوا تبيضوا في البيت دا ) ذكرتني بي بنات الخرتوم الله يذكر بالخير يا ود الماحي ما كنت مجكس واحدة من الخرتوم بي النحكي ليك قصة مشابهة و لي يوم الليلة ما نزلت لي من زوري أول ما سكننا أم درمان و الوقت داك أنا كنت في ثالثة متوسط واخوي الكبير الله يذكره بالخير عشان يثبت عولمتنا و خلاص بقينا من أهل البندر قام في الصيف دخلي كورسات تقوية ( انتبهي يا سوار ) و كان معانا في الكورس بنات و أولاد كتار خلاص و بعدين أخوك جاي جديد من القرية و جنو و جن المسخرة و لمت الوليدات مع البنات و بيني و بينك كنت شاطر خلاص ( كلو فضلوا يرجع للروب الكنت بشربو زمان ) الأستاذ ما يكمل سؤالو إلا تلقاني رافع يدي أجاوب المهم في بت اتضايقت من الموضوع دا و قامت استفزتني قالت ( على ما اذكر ) العربي دا العرفو بالمدرسة شنو و للأمانة و التاريخ الوقت داك مصطلح أهل العوض لسع ما أكتشفوه !!!! قمت رديت عليها بي قصيدة ورقة فلوسكاب كاملة اهديك منها هذا المقطع و كان لميت في باقي الورقة بجيبها ليك يا اخوي حياتنا جميلة يا حلوة مقسمة بين خلا ووديان نصيف في ضفاف النيل و اجيك خريف تكون فرحان نزرع في بلاد أم زين و نسرح في لقد رمضان تشوف عاشة و أم مريوم يكرمن ديمة في الضيفان كلابنا تبنح الزيك و تهدي الطاشي و الحيران لو دايرين تتبعوا الموضة و تبقوا للكفر عبدان سيبو الصية و الواحات تعالوا أسكنو أم درمان و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	18-09-2006 02:46 AM #45 عوض صقير الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة ود مدنى المدنيين شمال المشاركات 6,175 أبو’علاء الكرسى بدأ يسخن وأحسن قبل مايولع أديك سؤال على الطائر هل لك المقدرة فى التحكم على مشاعرك بمعنى لو عجبتك حاجة كده يعنى ممكن تقدر تسيطر على مشاعرك عشان ماتجرح ناس آخرين ؟ رد مع اقتباس


	18-09-2006 03:54 AM #46 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 المشاركة الأصلية كتبت بواسطة عوض صقير أبو’علاء الكرسى بدأ يسخن وأحسن قبل مايولع أديك سؤال على الطائر هل لك المقدرة فى التحكم على مشاعرك بمعنى لو عجبتك حاجة كده يعنى ممكن تقدر تسيطر على مشاعرك عشان ماتجرح ناس آخرين ؟ اذا اعجبت بفكرة أو قصيدة و زهرة أو سيارة أو اي حاجة جميلة ( مثلاً ) طبيعة عندي ببدي إعجابي بهذا الشي و بقول ما شاء الله تبارك الرحمن بيتكم حلو خالص ربنا يبارك ليكم فيه و أعتقد أنو إبداء الإعحاب بالأشياء الجميلة هو نوع من التشجيع و الدفع المعنوي المباشر و قليل من الأنصاف لمن أبدع في عمل شئئ ما هكذا فهمت السؤال و هكذا كانت الإجابة فهل أصبت في فهم السؤال ؟؟؟ و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	18-09-2006 04:10 AM #47 عوض صقير الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة ود مدنى المدنيين شمال المشاركات 6,175 أجابة دبلوماسية مافيها كلام رد مع اقتباس


	18-09-2006 04:35 AM #48 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة عوض صقير أجابة دبلوماسية مافيها كلام والله يا استاذ عوض جاملت اخووووووووووي ابو عُلاء دا سااااااااااااااااااااااااااااي لاني انا غايتو سؤالك مافهمته زي ماجاوبه هو - بتاعت مشاكل انا صح - رد مع اقتباس


	18-09-2006 04:52 AM #49 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 مدنية قولي لي السؤال بصريح العبارة باقي أهل العوض ديل فهمون تقيل حبتين و ليك علي اجاوب بكل صراحة و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	18-09-2006 05:01 AM #50 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 المشاركة الأصلية كتبت بواسطة abu_ola اذا اعجبت بفكرة أو قصيدة و زهرة أو سيارة أو اي حاجة جميلة ( مثلاً ) طبيعة عندي ببدي إعجابي بهذا الشي و بقول ما شاء الله تبارك الرحمن بيتكم حلو خالص ربنا يبارك ليكم فيه و أعتقد أنو إبداء الإعحاب بالأشياء الجميلة هو نوع من التشجيع و الدفع المعنوي المباشر و قليل من الأنصاف لمن أبدع في عمل شئئ ما هكذا فهمت السؤال و هكذا كانت الإجابة فهل أصبت في فهم السؤال ؟؟؟ إن الله جميل يحب الجمال .. لكن يا ابو علا ياخوى سؤال اخونا عوض صقير دة فيهو مشاعر وسيطرة واشياء من هذا القبيل .. وبشوفك دخلت زهور وقصيدة وسيارة وبيوت ودي بنعتبرها دبلوماسية بي دبلوماسية هو سموهو الكرسي الساخن فوق شنو ما عشان العصرة دي. كدى الاجابة دي لبسها نظارات وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 11:16 PM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني