بشرى ساره للمغتربيين

[خالد أحمد الصول]

أول حاجة قول بسم الله يا راشد .. الناس يقولوا خطة إسكانية ... قتول ليهم بيع ... داير تعمل لي المغتربين ديل نفسيات ولا شنو ... براهو مزيج النيل خلاهم يشربوا ما يروا .. و الريال بقي بي ريالة ... بعدين الاعلان دة مدفوع القيمة ولا بلوشي ... حليل ذمن البلاش ... الدنيا بقت كاش ...

[خالد النور]

نديكم الكلام النجييييييييييض 0 قطعة رقم (158) مربع (3) حلة حسن (شهادة بحث) ،، المساحة 980م2 عليها مباني معروضة للبيع لأعلى سعر 000 قيموا وشوفوا 00

سمح الكلام فى خشم سيدو والولد بيسميهو أبوهو. قول لينا من الآخر بيكم؟

[رامى طلبه]

اولاد مدنى .. ازيكم .. ومشتاقين
بخصوص الاراضى كنت فى مدنى وقدمت لاراضى المغتربين .. قالو حاتطلع فى بركات النموزجيه .. يعنى عووضه المهم مشيت السماسره قالو سعرها 12 مليون ولغايه 11 مليون بتطلع .... غادرت السودان وبعد اسبوع اتصلو بى قالو لى القطعه طلعت ليك وعايزين القروش عشان ندفع ... والله توقعتها 5 الو 6 او حتى 10 مليون .. تفاجأت بان مطلوب فيها 15 مليون ... يا ناس ده كلام شنو الاراضى دى بره ب 11 مليون .. الرد انو ده (سعر حكومه) تخيلو سعر حكومه اعلى من السوق الاسود ... ؟؟؟؟؟؟؟؟؟؟؟