يا مغتربين الخليج خلوا الناس في حالها

[همسة شوق]

ياأنيس شنو ياعمك خت الرحمن فى قلبك
وزى ماقالوا ليك الزواج دة قسمة ونصيب
وبينى وبينك كدة إنت ركبوا ليك TNT صاح ؟؟؟



تخريمة
إنت لو مربط صاااح وحنكك سنين مابيحصل ليك الحصل دة

[انيس التوم]

الفهم يا همسة شوق ما فهم تربيط وكده الفهم بتاع الطيارات البتجي تخم الحبائب يا ولدنا وانت الكلام عارفه كويس لانوا الحنك مع القروش ما بعمل حاجه ولا شنو يا خوي كلامي ده عليك الله ما صاح

[نجمة السودان]

أخوي أنيس التوم .....
أنا مغتربا من الخليج ........
بس أصابع يدك ما واحد ..............
والحكاية ده قسمة ونصيب ولازم تصيب ..........

نجمة السودان

[نور عبدالله]

يااخ انيس انت طيب بدل ماتلوم اخوك المغترب لوم الانسانة الباعت القضية دي ؟؟ اسالها ليه عملت كدة ؟ يعني المفروض اذا هي فعلا مقتنعة بواحد ماتتخلا عنو . ولا شنو؟؟ وبعدين ماتزعل على شئ راح منك لانك مابتعرف الخير وين . ما يمكن هم الناحسنهم وجايبين ليهم الحظ السئ .

[faresalhag]

بالمناسبة مغتربين الخليج ماقصروا في تدمير شباب البلد والكلام ده كده ماصاح بالتحديد مغتربين الخليج ما عايزين نحدد لكن بس الخليج.
عندنا صاحبنا عزيز علينا والله اتصلت عشان اعرف اخباره لقيت تلفونه مغلق اتصلت علي واحد تاني من اصحابنا قال لي صبحك عيان سالته مالوا قال لي والله ياخي الزول ده انت عارف قصدته بحب فلانه حب شديد من زمان ولكن لسه صحبك زي ماعارف ظروفه شويه صبعه المهم جاء مغترب من الخليج وخطف البت وصحبك من ديك ما شاف عافيه الكلام ياجماعه صاح حرام عليكم يامغتربين الخليج ارحموا الشباب شويه عليكم الله

كدي النخش ونشوف آخرتا تحياتنا لناس ود مدني ودي الرمية الأولي ويا أنس يا ود التوم مغتربين الخليج البيختفو النسوان ديل كان زمان ووحات الله الحكاية معكوسة تماما وهسي الرابط ليه واحدة وهو في الخليج يجري سريع سريع يكمل باقي دينه عشان ما يختفوها منه بتاعيين البكاسي والامجاد والرقشات والشركات البترولية وناس القروش زي التراب وموضة المغترب دي ماتت وصوت في قبرها الغراب ودمت لنا يا ود التوم مع تحياتي

[الشريف الهندي]

تحياتي كل الموجودين ...... تحياتي اليك يا انيس ....
طرحت الموضوع يا انيس وكلك لوم للمغتربين لأرتباط هذه المسائل بالنغتربين
لكن دعنا نتفق انت الزواج اتفاق وتراضي بين طرفين ... هذا اولاً
اذن اقتضى عليه قبول كل طرف للآخر بشكل قوي وموثق ..
فاعذرك في حديثك ان تحدثت عن مغترب وصل السوادان وحاول خطبه اننسانه مرتبطه بشكل رسمي ولابسه دبلتها .. في هذه الحاله بندخل في قضيه حرمها الشرع تماما ..
لكن في اطار العلاقات التي تنشأ بين الشباب والشابات والتي في الغالب تكون غير جاده ولا صريحه
لايمكن ان نحمل المغترب الذنب لكونه اتى الى بلدك ليتزوج من بنات بلده
واقدر احساسك تماما تجاه صديقك ولكن يجب عليك اولا ان تبلغه انها ان كانت تستحقه لما تنازلت عنه رغم اي ضغوك لو افترضنا ان اهلها مارسو عليها ضغوط .... لك خالص تحياتي يا انيس
ومن جهة اخرى احب ان اطرح عبر هذا البوست الجميل تساؤل ........
لماذا الشاب الذي يرتبط بفتاة من بلده وتظل هي في اخلاص تام له ويذهب للغربه ليكون نفسه ويجد غيرها في بلاد الغربه فيتزوج ويتركها ؟ ولماذا في بعض الاحيان ين يرجع يتزوج غيرها واصغر منها في العمر واكثر منها جمالاًًً ......
معا لنتابع تلك الاعنية التي حملت معاناة تلك الفتاة ايضا في قصيدة الشايقية :
حبي ليك انا كان زادي ....

[انيس التوم]

والله ياشباب انا مقتنع باي كلمة اتكتبت علي هذا البوست بس في حاجه اقوى وانتو عارفينها ياناس الخليج انوا اهل البت زاتها لمن يجي مغترب من الخليج الاسرة اول حاجة بتقعد تنصح في البت زولك ده ماعندو حاجه و و و و و و و و و و و و الخ عشان كده بتبقى مشكلتني في انوا زول الخليج كان مربط قبل ما يسافر مافي مشكلة بس زول الخليج ياناس الخليج بشيل الجاهز ودي حقيقه ما طال الزمن او اتغير حتظل الحقيقه ولاشنو ياجماعة

[هاني 2]

هووووووووووي ياشبااااب انتو من زمن المغترب واخو المغترب .....
البنات بقت عايزة الشغال في الكوكا كولا ..... البترول ... بترو ناس بترو دال .... وكدا

[خالد عبدالماجد]

أختلف مع من يقل أن هذه الظاهرة أندثرت فمعظم الفتيات يستغنون سريعاً عن حبهم في حالة وجود عريس جاهز وزواج سريع وعادة مايكون هذا الجاهز قادماً من الخارج والحنك طبعاً جاهز أهلي غصبوني ، أما إذا كانت للفتاة أحلام بالسفر خارج السودان
فصاحبنا في الحالة دي الشاكوش محمدو محمدو ..
صدقوني إن قلت اني تذوقت طعم هذه المرارة مرتين حتي شككت أن القادمين يسألون عن إسم الفتاة التي أعشق ويسارعون لخطبتها .
وده الخلانا إغتربنا في الرحلة الإنتقامية غايتو في واحد من هسع أحسن يلبس ليه خوذة .هههه

[مدنيّة]

صدقوني إن قلت اني تذوقت طعم هذه المرارة مرتين حتي شككت أن القادمين يسألون عن إسم الفتاة التي أعشق ويسارعون لخطبتها .

[انيس التوم]

والله يا خوي يا ودكسلا احيك والله ده الكلام وده احلي تعليق في البوست ده والله انت ياخوي زول مفتح واقع ليك الشغله كويس
تسلم يارائع

[الريانه]

ياجماعه خشيتو توش فى الشباب الكادين وخليتو اساس الموضوع كله العروس ماهى البتبيع حبها خصوصا لوكان دولار ولااسترلينى اصلو الريال بقى مابجيب نتيجه بسحبو ناس السودان بالبلاغات الكاذبه اول بى اول

[mohammed ahmed]

السلام عليكم ورحمة الله تعالي وبركاته
أأأأأخ يادوب عرفت .. أصلي كنت كايس للسبب المقنع البخلي ناس الداخل (العايشين علي عرق) ناس الخارج (المغتربين) يحقدو عليهم بالشكل ده أكان في الجامعات والله في الحياة العامة ودوواوين الحكومة (الأراضي)(جهاز المغتربين) ألخ .. يعني الناس الماخدين شواكيش كلهم سنو سكاكينهم وجاكم بلا يامغتربين عرفت السبب ياخوى عمر سعيد ياهو ده ليو ونحمد الله أننا لم نحسب أنفسنا من هؤلاء الشوكاشين وبرافو عليكم يامغتربين (إنتو ناسين إننا كلنا مغتربين ماهوأبونا آدم كان في الجنة وأنزل للأرض بالقصة المعروفة) إتقو الله في إخوتكم يعني همسة في أذن كل واحد المغتربين ديل جو من وين ؟؟؟
والي لقاء
محمد

[ابوندى]

دا كان زمااااااااااان
وانت كنت ...... كان زمان
زمن جوز الحمام كان تلاتة

[حي المدنيين]

بسم الله الرحمن الرحيم

السلام عليكم ورحمة الله

الزواج قسمه ونصيب بس في شب مهم احب انك تعرفه الانسان الببيعك بيعو اول البنت فكرت في انو تتزوج مغترب وفلوس المغترب مافكرت في الحب وهي ماتعرف الحب لو تعرف الحب مافكرت في المغترب لاكن اسمع مني الكلام هذا المغترب الازوجها رايحه تندم علي زواجها منه عند ماتصل له في بلاد الغربه وتجده جالس من غير عمل وجالس من بيت عذابه الي بيت عذابه وماقادر ياكل وتتبهدل و00000000000انتو في السودان والله احسن من المغترب وانا الان بكتب ليك من الغربه وفي الخليج بس الحمد لله انا احسن بس والله لو تشوفو السودانين في بلد الغربه ملاين جالسين من غير عمل وحالتهم حاله المهم اخي ماتزعل صدقني تتزوج احسن منها

[انيس التوم]

بسم الله الرحمن الرحيم

السلام عليكم ورحمة الله

الزواج قسمه ونصيب بس في شب مهم احب انك تعرفه الانسان الببيعك بيعو اول البنت فكرت في انو تتزوج مغترب وفلوس المغترب مافكرت في الحب وهي ماتعرف الحب لو تعرف الحب مافكرت في المغترب لاكن اسمع مني الكلام هذا المغترب الازوجها رايحه تندم علي زواجها منه عند ماتصل له في بلاد الغربه وتجده جالس من غير عمل وجالس من بيت عذابه الي بيت عذابه وماقادر ياكل وتتبهدل و00000000000انتو في السودان والله احسن من المغترب وانا الان بكتب ليك من الغربه وفي الخليج بس الحمد لله انا احسن بس والله لو تشوفو السودانين في بلد الغربه ملاين جالسين من غير عمل وحالتهم حاله المهم اخي ماتزعل صدقني تتزوج احسن منها

اخي حي المدنين اشكرك كثير الشكر علي هذا المرور الرائع والراقي

[114]

يجي مغترب الخليج خامي الواطه كلها

وتكون الخطيبة خاتاهو في الرف، ومجكسه المحلي، وتتقيف بهدايا المغترب، وتقشر بيها مع المحلي (الحبيب الحقيقي، او البتقضي بيهو الوقت)، وتعييييييييييييييييييييييييييش حياتها بالعرض في السودان، والمغترب يخم ويودي، يخم ويجيب، وفي النهاية اما شاتتو بره الملعب، او المعاها في السودان زهج وشاف غيرها، فترجع للنايم (على اضانو) في الغربه ده وتقول ليهو انا راجياك..

او اهلها يقولو ليها نحن بنعرف مصلحتك اكتر منك، حتتزوجي المغترب يعني حتتزوجي المغترب، وطبعا لانهم (جلاكين) وعايشين بعقلية الماضي فحيتفكروا انو المغترب لسه زي زمان مرووووووووق..

وفي الحالة الأخيرة دي يكون (المحلي) مفتكر انو المغترب جاء وختفها منو، وهو ما عارف انو اصلا هي حقت المغترب وهو الكان خاتفها من المغترب..

شفتو جنس اللخبته دي؟

[معتز الريح]

انيس الحبيب ..
لكن انتو عايزين تحبو ساااااااااااي كده ..
تعدوها حب وضحك .. وعرس مافي ..
أها الكلام ده بجي ؟؟؟ ..
البت كمان عايزه الزول البعرس
والجدية لو ما فقدتها في حبيبها المحلي ما بتفكر في الدولي ..


وفي عينة البقول ليك انا البحبها ما بعرسها ..
وعينة اللمان يجي يعرس يشوف البت الأصغر من حبيبتو
وتتماشى مع متطلبات العصر ..

[nezar]

المشكلة مافي المغتربين بس البنات برضو ليهن دور في الشغلانة دى

[انيس التوم]

انيس الحبيب ..
لكن انتو عايزين تحبو ساااااااااااي كده ..
تعدوها حب وضحك .. وعرس مافي ..
أها الكلام ده بجي ؟؟؟ ..
البت كمان عايزه الزول البعرس
والجدية لو ما فقدتها في حبيبها المحلي ما بتفكر في الدولي ..


وفي عينة البقول ليك انا البحبها ما بعرسها ..
وعينة اللمان يجي يعرس يشوف البت الأصغر من حبيبتو
وتتماشى مع متطلبات العصر ..

لكن يا ود الريح الكلام ده كده صاح يعني الماعندو قروش ما يحب ولا شنو ما حبه حبه القروش بتجي ولا شنو يا ود خالتي كدي وريني بصراحه

[انيس التوم]

المشكلة مافي المغتربين بس البنات برضو ليهن دور في الشغلانة دى

لا لا يا نزار يا خوي البت بكون مقتنعه بالفكره بس بجي الشفت ده وخامي الدنيا وبعدين اهلها زي ما انت عارف وانا عارف يقعدوا يقوليها انت مالك ومال الفقر ولا شنو يعني بتكون مضغوطه والله صدقني

[انيس التوم]

وتكون الخطيبة خاتاهو في الرف، ومجكسه المحلي، وتتقيف بهدايا المغترب، وتقشر بيها مع المحلي (الحبيب الحقيقي، او البتقضي بيهو الوقت)، وتعييييييييييييييييييييييييييش حياتها بالعرض في السودان، والمغترب يخم ويودي، يخم ويجيب، وفي النهاية اما شاتتو بره الملعب، او المعاها في السودان زهج وشاف غيرها، فترجع للنايم (على اضانو) في الغربه ده وتقول ليهو انا راجياك..

او اهلها يقولو ليها نحن بنعرف مصلحتك اكتر منك، حتتزوجي المغترب يعني حتتزوجي المغترب، وطبعا لانهم (جلاكين) وعايشين بعقلية الماضي فحيتفكروا انو المغترب لسه زي زمان مرووووووووق..

وفي الحالة الأخيرة دي يكون (المحلي) مفتكر انو المغترب جاء وختفها منو، وهو ما عارف انو اصلا هي حقت المغترب وهو الكان خاتفها من المغترب..

شفتو جنس اللخبته دي؟

114 احيك والله طلعت زول مفتح لكن عليك الله ولدنا ماشرب المقلب مسكين

[انيس التوم]

دا كان زمااااااااااان
وانت كنت ...... كان زمان
زمن جوز الحمام كان تلاتة

من القال ليك هسه الكلام ده تشتري دسته وعندك قطعتين هديه

[انيس التوم]

السلام عليكم ورحمة الله تعالي وبركاته
أأأأأخ يادوب عرفت .. أصلي كنت كايس للسبب المقنع البخلي ناس الداخل (العايشين علي عرق) ناس الخارج (المغتربين) يحقدو عليهم بالشكل ده أكان في الجامعات والله في الحياة العامة ودوواوين الحكومة (الأراضي)(جهاز المغتربين) ألخ .. يعني الناس الماخدين شواكيش كلهم سنو سكاكينهم وجاكم بلا يامغتربين عرفت السبب ياخوى عمر سعيد ياهو ده ليو ونحمد الله أننا لم نحسب أنفسنا من هؤلاء الشوكاشين وبرافو عليكم يامغتربين (إنتو ناسين إننا كلنا مغتربين ماهوأبونا آدم كان في الجنة وأنزل للأرض بالقصة المعروفة) إتقو الله في إخوتكم يعني همسة في أذن كل واحد المغتربين ديل جو من وين ؟؟؟
والي لقاء
محمد

اتفق معاك في اشياء ولا اخالف الراي في اشياء اخي محمد لانوا ناس الداخل ديل هم اهل الحاره عاشين الحاصل والمغتربين ما عارف الجوه شنو لكن انتوا اعملوا حسابكم ما تخطفوا ساكت ولا شنو

[خالد عبدالماجد]

وتكون الخطيبة خاتاهو في الرف، ومجكسه المحلي

والمغترب يخم ويودي، يخم ويجيب، وفي النهاية اما شاتتو بره الملعب، او المعاها في السودان زهج وشاف غيرها، فترجع للنايم (على اضانو) في الغربه ده وتقول ليهو انا راجياك..
شفتو جنس اللخبته دي؟

والله يا 114 صدقت ..
وبعدين قصة أنا راجياك دي بقت ماجايبة حقها . تلقاها عايشة حياتها ومقضية وقتها والراجنو ده مابتذكروه إلا فيما ندر وبعد ده يقولوا ليك راجنك ..
يازول ديل منهم خوف
قال راجنك قال ..