العيب في منو

[ودكمبال]

الغالى /طلال
لكل بدايه نهاية والحلو بكمل ودى علامات الساعه وشكلها القيامه فى السودان بدات من غير الناس ماتحس لانو كلو واحد حاليا بيقول يانفسى وتشابه لهم الحلال والحرام وخلى الامور المتشابه ديك بقت الحد الاقصى لتحليل كسبهم والموضوع كبير وشايك ونسأل الله السلامه ويدينا حسن الخاتمة........
ود
ك
م
ب
ا
ل

[خالد النور]

الراقي ابدا خالد النور اتفقنا كدا على انو العيب فينا طيب اسباب العيب شنو ولي علشان نحاول نتلافى المشكلة البدأت تنخر في المجتمع بتاعنا

أخى ود الصول الظروف الإقتصادية المحيطة هى الغيرت الناس، زمان الوضع كان غير والنفوس صافية، أسى إنشداه الناس فى الحياة ولقمة العيش خلت الناس ما يهتموا بأى حاجة تانية، ولو لا معدن السودانيين الأصيل كنت إستغربت من بعضهم

[طلال الصول]

الغالى /طلال
لكل بدايه نهاية والحلو بكمل ودى علامات الساعه وشكلها القيامه فى السودان بدات من غير الناس ماتحس لانو كلو واحد حاليا بيقول يانفسى وتشابه لهم الحلال والحرام وخلى الامور المتشابه ديك بقت الحد الاقصى لتحليل كسبهم والموضوع كبير وشايك ونسأل الله السلامه ويدينا حسن الخاتمة........
ود
ك
م
ب
ا
ل

والله يا ود كمبال يا اخوي لو القيامة قربت دي حاجة تانية لكن للبحصل دا شكلها قامت عديل واحنا قاعدين ومستنين والوضع الصراحة بقى سيئ جدا لكن من واجبنا احنا والا جيال القادمة انو نحسن صورتنا قدر المستطاع وربك يعين

[طلال الصول]

أخى ود الصول الظروف الإقتصادية المحيطة هى الغيرت الناس، زمان الوضع كان غير والنفوس صافية، أسى إنشداه الناس فى الحياة ولقمة العيش خلت الناس ما يهتموا بأى حاجة تانية، ولو لا معدن السودانيين الأصيل كنت إستغربت من بعضهم

الراقي خالد النور اول حاجة انا شفتك وين قبل كده

بعدين يا خالد الظروف الاقتصادية على ما اعتقد زمان كانت اصعب كتير من حسي وبرضو الناس كانو نفوسهم طيبه واحسبا براك كدا حسي في بيت ما فيو تلفزيون والا دش والا في واحد ماشايل ليو موبايل لو الناس بقت كعبة علشان الكماليات والرفاهيات حقو نقول على السودان السلام ممكن الواحد يقنع نفسو بي عزر لو كانت الحكاية بتنصب في الاساسيات والضروريات
ودمت ياغالي

[meshanshow]

طله مالك احكي لي الحاصل شنو؟

[مدنيّة]

بعدين يا خالد الظروف الاقتصادية على ما اعتقد زمان كانت اصعب كتير من حسي وبرضو الناس كانو نفوسهم طيبه واحسبا براك كدا حسي في بيت ما فيو تلفزيون والا دش والا في واحد ماشايل ليو موبايل

ابدا ياطلال

زمان كان الشغال في البيت واحد ( الاب ) ومكفي البيت كله وتلقي البيت فيه عشرين واحد
الان البيت كله شغال وما ملاحقين علي اي حاجة
ماتعرف الحاصل شنو بالضبط
قلة بركة
ولا تفسيرها شنو ماعارفة

وفعلا البيت بتلقي فيه كل الحاجات اللي ذكرتها دي بس برضو حالهم لا يسر
والوضع المادي تعبان جدا

[طلال الصول]

طله مالك احكي لي الحاصل شنو؟

انت يا خوي زي هلال العيد نشوفك في السنة تمانية مرات بس يعني والا شنو

[طلال الصول]

ابدا ياطلال

زمان كان الشغال في البيت واحد ( الاب ) ومكفي البيت كله وتلقي البيت فيه عشرين واحد
الان البيت كله شغال وما ملاحقين علي اي حاجة
ماتعرف الحاصل شنو بالضبط
قلة بركة
ولا تفسيرها شنو ماعارفة

وفعلا البيت بتلقي فيه كل الحاجات اللي ذكرتها دي بس برضو حالهم لا يسر
والوضع المادي تعبان جدا

يعني يا مدنية خلاص نسلم بأنو نفوس الناس اتغيرت بسبب الحالة الاقتصادية ....

طيب ماشي كدا نقول انو وصلنا لسبب المشكلة الرئيسي
لكن دا معناو انو القيم بتاعتنا ما اصيله والأخلاق بتاعتنا كانت نسبة لوضع اجتماعي كويس بغض النظر عن طريقة كويس واول ماواجهتنا المشاكل الاقتصادية اتحولنا لوحوش الظالم طايح في الطيب دا بيرجع لشنو غلط في التربية والا غلط في الجينات والا عدم وعي والا شنو بالتحديد
لأنو لوقدرنا نحدد اصل المشكلة تماما علشان نحاول نطلع منها اولادنا بما انو احنا خلاص اتلوثنا
ودمت في رعاية الله

[عثمان جلالة]

والله يا ود الصول أخوي كلو بتصلح مهما طال الزمن ولا قصر .. النواحي الاقتصاديه ... وضيق العيش .. وعدم الاستقرار السياسي .. كلو ممكن يتصلح ... علا الرك على الأخلاق ... كان فسدت .. يبقى على الدنيا السلام ... وعلى السودان السلام ... والله أس الواحد بقى يوم الجمعة .... السوادن كان جاك تقوم تقفل التلفزيون من الإرهاب العاملوا لينا عمك بابكر حنين ...
إنما الأمم الأخلاق ما بقيت ... فإن هم ذهبت .. أخلاقهم ذهبوا ..... الله يستر يا ود الصول

[طلال الصول]

والله يا ود الصول أخوي كلو بتصلح مهما طال الزمن ولا قصر .. النواحي الاقتصاديه ... وضيق العيش .. وعدم الاستقرار السياسي .. كلو ممكن يتصلح ... علا الرك على الأخلاق ... كان فسدت .. يبقى على الدنيا السلام ... وعلى السودان السلام ... والله أس الواحد بقى يوم الجمعة .... السوادن كان جاك تقوم تقفل التلفزيون من الإرهاب العاملوا لينا عمك بابكر حنين ...
إنما الأمم الأخلاق ما بقيت ... فإن هم ذهبت .. أخلاقهم ذهبوا ..... الله يستر يا ود الصول

سيد السماحة جلالة هلت الانوار وشرفت البوستات

والله كلامك صاح وعين العقل واحنا المشكلة اقتصاد تحت الواطة والحاله سجم ورماد وياها الكانت عندنا الاخلاق دي
والله اكان ضاعت نقول على سودانا السلام
وموضع حنين دا كمان حكايتو طويلة

ودمت في حفظ الله

[مدنيّة]

ابدا ياطلال
انا بس وضحت انه زمان الحالة الاقتصادية للناس كانت افضل من ماهي عليه الان

ولا يوجد مبرر لتردئ اخلاق الناس
مع انه حاصل ومنتشر هذا التردئ انتشار النار في الهشيم

وعلي فكرة موضوع حنين دا واقع مرير بس يبقي انه واقع

[meshanshow]

الغالي بغلاوته ولا شنو؟

[طلال الصول]

ابدا ياطلال
انا بس وضحت انه زمان الحالة الاقتصادية للناس كانت افضل من ماهي عليه الان

ولا يوجد مبرر لتردئ اخلاق الناس
مع انه حاصل ومنتشر هذا التردئ انتشار النار في الهشيم

وعلي فكرة موضوع حنين دا واقع مرير بس يبقي انه واقع

طيب يا مدنية انا مقتنع بأنو الناس كلهم يكونو كويسين دي محال لكن المشكلة حسي زي ما قلتي تردي الاخلاق منتشر بسرعة زي النار في الهشيم
والمشكلة كمان انو احنا بقينا نتعامل مع الموضوع ببساطة كأنو حاجة مسلم بيها ما غلطة ومشكلة اجتماعية خطيرة
يعني الواحد بيشوف حاجات كتيرة اكتر من الغلط وبتمر عليو عادي ولا كأنو في حاجة
دي كمان مشكلتنا احنا السلبية الحادة