مقترحات للقضاء على الجنادب

[أسماء الشريف]

وفقكم الله
وياريتني لو أقدر أقول كل الكلام الما انكتب

[بابكر]

تعرفوا لمن الجراد غزا اليمن ناس ابو يمن وقعوا ليك فى الجراد اكل يمين بالله فى يومين جابوا خبروا !!ولاجراده واحده حايمه وكمان باعوا للسعوديين البيجوا اليمن كمنشط جنسى !!
والله الجراد تانى لو بقى مجنون مايجى اليمن !! الجماعه ما ادوهوا فرصه يفك الريق فى شجرهم قؤضوا قرض !!! شنو ليك يا ابوبكر ويا نزار ؟؟؟؟

[عزيز عيسى]

تعرفوا لمن الجراد غزا اليمن ناس ابو يمن وقعوا ليك فى الجراد اكل يمين بالله فى يومين جابوا خبروا !!

يعني يا أبونزار نقع الجنداب؟
تصدق في ناس في أمريكا بتحب تأكل الجنداب
لأنها بتحتوي على بروتينات عالية وبقولوا
فائدتها الغذائية كبيرة.

[ابوندى]

الاخ محمد يوسف

انا لااعتقد بانه غير مسموح الرش الجوى وانا صاحب ثلاثه تجارب وقد قمنا برش منطقة بركات وتحت اشراف شركة بيطار للمبيدات ..
مشكور للمعلومه والحذر على اهلنا ..ولكن اتمنى ان يتحول هذا البوست لى فعل ..وهذا
ما بدانا به هنا فى دولة الامارات سوف تجد بوست منفصل به كل التفاصيل .. ودمت

سلام اخى نزار
مجرد توضيح وذلك من واقع خبرتى فى مجال المكافحة بالسودان ( وزارة الصحة) نعم اخى لايمكن رش المدينة جواءاً بالطائرات نسبة لخطورة الرش وايضاً الحشرات المستهدفة توجد فى اماكن محددة من المنازل والطريق الاسلم لمكافحتها داخلياً وفى اماكن تجمعها . وحتى المبيدات المستخدمة تكون من مبيدات الصحة العامة التى يمكن استخدامها فى الاماكن المأهولة بالسكان وحدود سميتها معروف ,, ويمكن استخدام الرش الفراغى بالاجهزة المحمولة على السيارات ولكن بعد التجربة للمبيد على الحشرة اولاً وثبوت فعالية الرش وطريقته المذكورة فى القضاء على الحشرة دون اى ضرر يذكر للانسان والكائنات الحية التى حوله .
اما بالنسبة للجهات الاخرى مثل وزارة الزراعة فيمكن التنسيق عبر وزارة الصحة فهى الجهة الوحيدة المنوط بها تنفيذ اى اعمال مكافحة او بعملية الاشراف الفنى للفرق الداعمة من اى جهات اخرى كانت او شركات.

[ابوندى]

اضافة لتوضيحى المسبق
اقولها صراحة ليتنى كنت بمدنى ,,, لقمت بنفسى بالاشراف وقيادة عمل المكافحة اللازمة ....
المطلوب استنفار الجهد الشعبى ومشاركة الشباب والاسر فى عمليات المكافحة ولنا تجارب عدة مع الهلال الاحمر وشباب الاحياء ابان حملات رش البعوض الناقل للملاريا ,,,,ومدنى مليئة بالكوادر والخبرات الشابة وحتماً سيحول الموضوع لادارة الملاريا بوزارة الصحة , ولكن لنجعلها حملة كبرى يشارك فيها الجميع وسنكون حتما من على البعد وجاهزين للمساعدة اياً كانت بالاضافة للدعم الفنى المتواصل

[ود المطامير]

فى جريدة الخليج الإماراتيه اليوم
نشر خبر مفاده إصابة بعض المواطنين بمرض
الربو من جراء غزو الجنادب لمدينتنا الحبيبه

بتزكر زمان ونحنا بالمتوسطه كنا بنزاكر
أها .. جا أبو الجندى طاير على الفانوس وحرقتو السخانه
فطار وبكراعو الورانيه أم شرشر جرح ود عمى فى عينو
ولليوم العين دى شوفها طشاش طشاش

فالنقضى عليها كل حسب إستطاعته .

[محمد يوسف]

فى جريدة الخليج الإماراتيه اليوم
نشر خبر مفاده إصابة بعض المواطنين بمرض
الربو من جراء غزو الجنادب لمدينتنا الحبيبه

بتزكر زمان ونحنا بالمتوسطه كنا بنزاكر
أها .. جا أبو الجندى طاير على الفانوس وحرقتو السخانه
فطار وبكراعو الورانيه أم شرشر جرح ود عمى فى عينو
ولليوم العين دى شوفها طشاش طشاش

فالنقضى عليها كل حسب إستطاعته .

ربنا يشفي ولد عمك يا ود المطامير ويكتب السلامة للجميع فهذه الحشرة ايضاً تدخل للإذن وتسبب مشاكل خطيرة تؤدي للموت.

(نخرم شوية ونهزر مع اظرف زول ) انت يا ود المطامير ياخسارة طلعت بتاع كدايس ساكت بتكتل الكدايس ياريت كان كنت بتاع حشرات كمان كنت دفعت ليك حق التذكرة تسافر السودان وتجي على حسابي.
وهم كدايسك ديل وين عددهم قلة في المدينة كان هم في كانوا شبعوا في الجنداب دي ما اكلة لذيذة بالنسبة ليهم.