مسمار جحا

[esmat]

درديري ياممتع يارائع
رغم انك فقدت اللياقة في البداية
لكن كورتك مافكت في النهاية
باصك جميل كان هو القون

تسلم حبيبنا

[غلباوى]

واستمر هذا التحالف الشيطاني بين عماد وابو علي .. عماد بخباثته وابوعلي بعشقه المحموم لثلاجته.. وبدليل كلما طرح احدنا اي موضوع اخر اعادنا عماد الى الثلاجة من جديد.. انا فكرت اولا كيف اضرب هذا التحالف .. اولا من ناحية عماد اكيد مافي طريقه لانه خبيث ويفهمها هي طايرة ... اذا انا ممكن اوقف هذا المد الفريزري عن طريق ابو علي ؟؟ اخيرا وجدتها .. قلت
يا اخوان عماد وابو علي انا عندي اقتراح جميل يتعلق بموضوع الثلاجة نفسها ... طبعا الكل التفت ناحيتي مستغربين بعد ان شاهدوا نضالي المستميت لايقاف هذا الحوار السمج والذي لم يستمتع به سوى عماد وابو علي .. لدرجة اني اعتقدت ابو علي اصبح يتنفس الفريون بدلا عن الاوكسجين ..والتفت الي ابو علي مركزا ومبتسما ظانا باني عشقت معه ثلاجته الكلفونيتر ..
قلت : ياعماد مادام انت عريس جديد ومحتاج لثلاجة ما في داعي تشتري ثلاجة جديدة .. تعال خذ من عندنا ثلاجة ابو علي اصلا هي زايدة ومضيقة علينا المطبخ ونحن ما محتاجين لها ؟؟؟ وعندما يحضر ابو علي اولاده مره ثانية تكون انت دبرت مبلغ لثلاجة جديدة تشتريها وتعطي ابو علي ثلاجته .
هنا التفت الجميع ناحية ابو علي ليروا ردة فعله ... ابو علي في الاول جحظت عيناه لهذه المفاجاه لان ثلاجته عند شخص يحتاجها سيكون الوضع مختلف جدا ربما لن يستطيه استعادتها ..
لذلك اول شئ استخرج جواله وادعى الانشغال بالتلفون ..

.. الو حمد ما تتحركوا انتظروني قلت لكم اتعشى واجي بس ...
د. موسى : اها ريك شنو يا ابو علي في اقتراح اب احمد ..
ابو علي : الو منو معاي عثمان في راس الدولاب بتاعي تلقى المسجل اخذوا معاك للهندي كومار قولو بياكل الشرائط صلحوا لينا .
اسماعيل: فكرة جميلة يا ابو علي عماد عريس جديد وما عندو اطفال وبيحافظ ليك على الثلاجة ..
ابوعلي : انتو يا اخوان قولوتوا قبل شويه بكره في هلال مريخ الساعة كم ؟؟
قلت : يا ابو علي انت ما عندك علاقة بالكورة انت كاس العالم ما حضرت فيه اي مباراه .. كدي خلينا في موضوع الثلاجة زي ما كان عماد بيقول .
في هذه اللحظة لم يستطيع عماد وباقي الاخوة كتم الضحك وانفجروا ضاحكين .. غير انه ابو علي وضع جواله في اذنه .. الو الو يا عثمان انا جاييك في الطريق لم يابه لنداءاتنا من خلفه ..
ابو علي العشا العشا يا ابو علي
ونام ابو علي من غير عشا
اول قرصة من ثلاجته الكلفونيتر تاني خليه يجيب سيرتها.
قال امريكي قال

العزيز درديرى
والله مبالغه سردك ممتع للطيش والمسمار اكبر من مسمار جحا زاتو حقو نسميه مسمار ابوعلي
يديك العافيه ويصلح بالك ويفش غلك: الطيبه ماها عيب ولا غباء ده اصلنا نحن السودنين
بس جنس ده يكرهك الطيبه زاتها
مع خالص تحياتي

[درديري كباشي]

الباااااص فى محلو ...
وصاحبك أبو على عمل ( حمد لبد ) ...
تسلم يا درديرى كباشى ...طلعت تفتيحة .

بلاي ما تنقطع من الروائع دى .

سلا م يا خوضة وبكره احلى ما دام انتو ناس بتحبوا اللقمة الطاعمة والمحدقات

[درديري كباشي]

ليبهر

والله لولا أنك ذكرت أن ماركة التلاجة أمريكية كنت فاكر أنو ده نفس الزول بتاع دعاية ليبهر الالمانية في اذاعة امدرمان ههههههههههههههه

صاخبك ده أنا متأكد انو مرتو حتكون غيراة من التلاجة جنس غير
و احتمال كبير يكون بينوم في المطبخ جمب التلاجة حبيبتو دي


هههههههههههه و الله ضحتني جنس ضحك
الله يديك العافية يا مبدع كتابتك أنيقة و منسابة بطريقة تجبر القاريء على المتابعة حتى النهاية

سلام يا كندشة ما كان تشوف معاك صناعة ماليزية نقنع بيها عمك ابو علي هو ثلاجته لازالت معانا كما في القصة لكن اصبح ممنوع يجيب سيرتها تب

[درديري كباشي]

درديري ياممتع يارائع
رغم انك فقدت اللياقة في البداية
لكن كورتك مافكت في النهاية
باصك جميل كان هو القون

تسلم حبيبنا

مش كدا يا عصمت تعرف ابو علي دا زي الاندية الافريقية لازم تحتفظ بلياقتك للنهاية وبعدين تفاجئه بالضربة القاضية

[درديري كباشي]

العزيز درديرى
والله مبالغه سردك ممتع للطيش والمسمار اكبر من مسمار جحا زاتو حقو نسميه مسمار ابوعلي
يديك العافيه ويصلح بالك ويفش غلك: الطيبه ماها عيب ولا غباء ده اصلنا نحن السودنين
بس جنس ده يكرهك الطيبه زاتها
مع خالص تحياتي

تمام يا غلباوي بالظبط هذا ما عنيته انا بالقصة .. وهي انه نحن ما بنحسم المواضيع في بدايتها لغاية ما تكبر وتتحول لكارثة يصعب التخلص منها ... يعني شخص زي ابو علي دا اتصل تلفون من البداية كان ممكن اقول له اسف يا ابو علي ما عندنا مكان فاضي لثلاجة ولا نحن محتاجبن لها شوف شخص ثاني اولى مننا .وانهى الموضوع لكن المجاملة على حساب راحتك وراحة بيتك تتحول لمصيبة في النهاية .

[ابوخالد]

المبدع / درديرى كباشى

القصة قرأتها متاخر ... وده للترشيح طبعآ ...

والله القصة أكبر من الترشيح .. حقيقة ..

إستمتعت معها وبها .. فلك الشكر الكتير بإدخال

المتعة إلى لحظاتنا ..... لنهرب إليك فى لحظات نكون

فيها أحوج ما نكون الى من يأخذ بروحنا إلى عالم

صافى خالى من التوترات والطلبات ودوشة العيال...

وربنا يكتر ليك من أمثال ــ أبوعلى ــ عشان ما تحرمنا

هذا الإبداع وهذه المتعة .

يعنى أبو على ده لو بقى نسيبك كان يكون الإبداع متواصل ... ما كان

أحسن ....

ولك منا كل الشكر

[درديري كباشي]

المبدع / درديرى كباشى

القصة قرأتها متاخر ... وده للترشيح طبعآ ...

والله القصة أكبر من الترشيح .. حقيقة ..

إستمتعت معها وبها .. فلك الشكر الكتير بإدخال

المتعة إلى لحظاتنا ..... لنهرب إليك فى لحظات نكون

فيها أحوج ما نكون الى من يأخذ بروحنا إلى عالم

صافى خالى من التوترات والطلبات ودوشة العيال...

وربنا يكتر ليك من أمثال ــ أبوعلى ــ عشان ما تحرمنا

هذا الإبداع وهذه المتعة .

يعنى أبو على ده لو بقى نسيبك كان يكون الإبداع متواصل ... ما كان

أحسن ....

ولك منا كل الشكر

سلام يا ابو خالد
ثلاجة ابو علي فرفرت ثاني
بس حسع ما حا اقدر برجع ليها بعد المويات

[محب]

والله ابو على دا متعب تعب
ههههههههههههه

[أشرف صلاح السعيد]

ابوالدر عوافى..
تانى حقو يتغير المثل ل "تلاجة ابوعلى"..ياخى معقول..
ظلم النفس من احد اكبر مشاكلنا..نرضى الاخر على حساب وقتنا ..راحتنا وحتى فاتورة الكهرباء وخصوصياتنا..الطيبة سمة جميلة ولكن لكل شئ حدود ونحن مجتمع الكثير منا يضحى بتعدى الحدود خوفا من سمة كاذبة تلصق به..
ابوعلى ذلك المضحى بأسرته وتربية أبنائه تحت عينيه لم يضحى بثلاجة ذات ثلاثة سنوات!!!
المادة سيدة الموقف للكثيرين..نحرص ونتفنن فى حسابات القرش وكيفية الحفاظ عليه ولو على حساب اسرنا ..
عفيت من ابواحمد واقتراحه الناجع وصحى الحاجة ام الاختراع برغم عدم اكتمال الحل الجذرى للمشكل..
على فكرة عندى كالفينيتور ماااكنة والاولاد اليومين ديل فى المدينة..شنو الراى؟ههههههههه

[محمد هاشم]

والله حليت المشكلة حل منطقي وموضوعي يا أبو الدر ومتعك الله بالصحة والعافية

[ابوخالد]

سلام يا ابو خالد
ثلاجة ابو علي فرفرت ثاني
بس حسع ما حا اقدر برجع ليها بعد المويات

يا أخوى مسعووول من الخير

تلاجتك أديتا لى منو ....؟؟؟؟؟؟

وأشرف يا ربى ...

تلاجتو عند منو ....؟؟؟؟؟

[ابوخالد]

ابوالدر عوافى..
تانى حقو يتغير المثل ل "تلاجة ابوعلى"..ياخى معقول..
ظلم النفس من احد اكبر مشاكلنا..نرضى الاخر على حساب وقتنا ..راحتنا وحتى فاتورة الكهرباء وخصوصياتنا..الطيبة سمة جميلة ولكن لكل شئ حدود ونحن مجتمع الكثير منا يضحى بتعدى الحدود خوفا من سمة كاذبة تلصق به..
ابوعلى ذلك المضحى بأسرته وتربية أبنائه تحت عينيه لم يضحى بثلاجة ذات ثلاثة سنوات!!!
المادة سيدة الموقف للكثيرين..نحرص ونتفنن فى حسابات القرش وكيفية الحفاظ عليه ولو على حساب اسرنا ..
عفيت من ابواحمد واقتراحه الناجع وصحى الحاجة ام الاختراع برغم عدم اكتمال الحل الجذرى للمشكل..
على فكرة عندى كالفينيتور ماااكنة والاولاد اليومين ديل فى المدينة..شنو الراى؟ههههههههه

أها لقيت ليها زول والا لسة .....؟؟؟؟؟؟

عندى ليك واحد كاااااااااااااارب ........

إتصل ........ نصل ....

[درديري كباشي]

ابو خالد وابو وضاح وابو عبد الرحمن
انضمو كلكم لمجموعة ابو علي .. سفروا عيالكم وجيبو لي تلاجاتكم .. ما انا حافتح روضة لرعاية الثلاجات كمان واحول صالوني لمطبخ عشان يكفي ..

كمان اشرف قال سفر مرته وعاوز يجيب تلاجته

[محمد هاشم]

ابو خالد وابو وضاح وابو عبد الرحمن
انضمو كلكم لمجموعة ابو علي .. سفروا عيالكم وجيبو لي تلاجاتكم .. ما انا حافتح روضة لرعاية الثلاجات كمان واحول صالوني لمطبخ عشان يكفي ..

كمان اشرف قال سفر مرته وعاوز يجيب تلاجته

يا زول ما نقوم نصدق ونجيك بالجد