جيناكم يا حبايبنا فهل من مرحب؟؟

[المبارك ود إبراهيم]

الشايقية أهلك فُراس من ثورة المهدية
ناسا كــــــرام تب ما بـــــــــــسوا النية
يابت الــــــــــــرجال الفيكي جـد محرية
ترحـــــــــــــــيبك وصل وليك ألف تحية.

[المبارك ود إبراهيم]

حبابك 10 بلا كشره والبيت بيتك

شكرا أخي ود البلال علي الترحيب ونتمني أن نكون عند حسن ظنكم.

[المبارك ود إبراهيم]

مرحب حبابو الجانا جارى النسمة

نسمة حكاهو الشاقى تب للعتمة

نضمك جميل خاتيهو من النَمة

مرحب بالمبارك الليهو الخلوق متلمة

ابوعمرو النجم جالك بيدور ينجمة

**********

حبابك عشرة بلا كشرة ....

أربط الفرس سآآآآآآآكت .... ياهو الضليل الخابرو ....

وصلت تب .....

مرحب حبابو أبو قلبا رحيب بي أخوانو
يارب العــــــــــــباد أبوخالد أرفع شأنو
زولا كـــــريم تب ماقـــــــــــفل ديوانو
في الجـــــــنة إن شاء الله يعلو مكانو.

[محمود (أبو وضاح)]

مرحبتين ود ابراهيم ،، أحمل الود وأصدقه وأنت بين أهلك وأحبابك واسرتك ، ننتظر مساهماتك ضمن اجتهادات الآخرين ،، ولك حبى .

[عبدالله الصديق]

ود ابراهيم الرجل الهميم
مرحب بيك في دارك يا وسيم
ورينا ابداعك ورينا التفانين

[المبارك ود إبراهيم]

مرحبتين ود ابراهيم ،، أحمل الود وأصدقه وأنت بين أهلك وأحبابك واسرتك ، ننتظر مساهماتك ضمن اجتهادات الآخرين ،، ولك حبى .

أبو وضاح ترحيبك وصل زي الشمس وضاح
شايلاهو القــــــماري وفاااارة فوقي جناح
محمـــــــــود أخوي فارسا ما بهزمو سلاح
في ســــاعة العوج أســـــــدا للتراب كتاح.

[المبارك ود إبراهيم]

ود ابراهيم الرجل الهميم
مرحب بيك في دارك يا وسيم
ورينا ابداعك ورينا التفانين

ود الصــديق زولا هميم بي صلاتو
يارب يا كــريم بي الله تقوي صِلاتو
عشاي الضيوف تب ما لبس نعلاتو
تديـــهو مالا في البنوك يعد سنداتو.