النتائج 26 إلى 36 من 36

الموضوع: الدر المكنون ... فى منتدى ست المدون .@@@@

أدوات الموضوع
- مشاهدة صفحة طباعة الموضوع


	19-09-2009 04:53 AM #26 اسلام فرح الملف الشخصي مشاهدة المشاركات عضو مميز Array تاريخ التسجيل Aug 2009 الدولة ولاية الجزيره ود مدني المشاركات 481 1111111111111 (برسل شوقي لي مدني) رد مع اقتباس


	19-09-2009 10:00 PM #27 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة dr-ahmed24 والله يا خال كلامك درر وقصاصتك روعة بالجد الدهشة وصلت حد الاستغراب وانا بقول ليك غايتو عموما وحشة شديدة فى بعدك ودهشة غريبة فى قربك وحتى غيابك فكرة غريبة ؟ لك الروعة ممزوجة بى طيب الكلام ..... د . أحمد .... مرورك أدخل السرور بدواخلنا ... وأمتع الروح ... فكن سعيدآ حيثما كنت .... والأسرة الكريمة .... رد مع اقتباس


	04-10-2009 09:48 AM #28 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة اسلام فرح 1111111111111 لك الفرح من كل صوب ... شرفنى تواجدكم ... ومروركم الكريم ... أخى / إسلام فرح .. وتقبل الله منا ومنكم ... رد مع اقتباس


	04-10-2009 10:02 AM #29 ABUZAID الملف الشخصي مشاهدة المشاركات عضو فضي Array تاريخ التسجيل Jul 2004 المشاركات 1,372 العزيز الغالي - ابو خالد لك كل الحب والتقدير وانت تزكي نفوسنا باجمل اللوحات وتمطر زماننا بارق النسمات وتذهل عقولنا باندى البسمات وتعطر سماءنا باسمى الكلمات اشرقت كلماتك تهلل في المنتدى فهنيئا لمنتدانا الثقافي بقامات رائعة وجبال شامخة تزكي وتنير دروبه لك كل ودي وتقديري تحياتي رد مع اقتباس


	17-10-2009 05:48 PM #30 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 القصاصة رقم ( 9 ) قصيدة المغرور ... سيد الإسم ... كُتبت بالمنتدى الثقافى بتاريخ 25/6/2009م للكاتب / أبوخالد البدعة إنك لما تزعل بتحرد عديل وتشاكلن متعود على الدلع الكتير منهن عارف كمان ريدتن ليك بتوردن حتى باعوضنا داك بيقيف معاك وبيسهرن والحمىء أم بردآ شديد بتجهجهن ده كلو فى ريدتن ليك بيسعدن *** وقتين تنحسر بتقيف بعيد بتخاصمن بتخلى بس خورآ صغير ... بيزكرن إنك إنت برضو موجود بينهن بيمرقن يجارن دقيش يدافرن إلا الفاضلة ديك بالحيل بتعرف تسبقن عارفاك وقتين بتزعل مين تكون متكاملن ***** تمشى تترصد خطاك فاقدا إحساس الفتر تصل( الحوش) عديل بتبارى بى درب القطر تشب وتتاوق بالحيط قالت تنتظر كاتماهو ريدا فى الحشا قايلاهو سر شويتين كمان تقيف تعاين بالحيط راجياك تمر ومن بعيد ظهرن حبيبات قساك شمآ خبر جات (أم سنط) وجات (بت طه) ديك سايقا (الكمر) جات (بت هجو) قايدا (التفاتيش) فى العصر وبقية العقد الفريد ظهرن فجر والفاضلة ديك تبكى وتنوح قايلاك بتدور تنتحر وجن قيلن فى (الحوش) عديل حتى الفجر مر يوم يومين تلاتة ....عديل تمن شهر ******* (حاج عبدالله)ذاتو لمن عرف جأ بيدور يضربن لقى حالتن تب ما بتسر قال يتركن هايمات عديل عاشقات وتايه فكرهن (سنار) كمان ( خزانا ) داك جأ يكهربن إلا إنكسر لمن عرف إنو الغرام هو الجارفن حلف يمين .. يمين طلاق يحبس عديل الجنن شويتين كده سمعوا صوت بوابات السجن جاهن هدير قوى وشديد ...... راح كسرن ****** إتواقن عرفوا إنو الحبيب هو الدشدشن وقفن حداهو حلفن يمين ما يزحزحن كان هو (الخالد الدفاق) خلى اليهرسن وقتين وصل نيلنا داك وتب واجهن فرمل عديل ... لملم هديرو وطبطبن ساقهم عديل فى سكته وهو الماسكن رجع الحنين الكان زمان ليهن كلهن وبقى ذى زمان من خيرو الكتير بيلحقن شربن كتير ورون كتير لى حدهن والفاضلة ديك راح قلدا حتى الدميعات مسحن يمشى ويميل تميل معاه..... شمال شمال ويمين يمين ********** وقفت بعيد تودعه قاللتو يا الدفاق أوعا تفارقن ديلا إياهن حبيبات قساك ..... لا تخزلن ولما إلتفت قاليها (يامدنى) حاشاى تب أتجاهلن طول الزمن .... ياهن رفيقات المحن عانن كتير .... شافن كتير وبرضو الله مصبرن مناى من الله الكريم يفرج عليهن كربتن يفرج عليهن كربتن ....... يفرج عليهن كربتن ******** **** * التعديل الأخير تم بواسطة ابوخالد ; 20-11-2009 الساعة 01:54 AM رد مع اقتباس


	23-10-2009 11:26 PM #31 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 القصاصة رقم ( 10 ) كتبت ردآ على بوست الأستاذ حاتم فتحى مرزوق ثقافة السكوت على الباطل ـ السودانية بالمنتدى الثقافى بتاريخ 22/10/2009م حقُ من كتب بمسكٍ ... أن يختم بعنبر ... لكم قول السلام .. دينٌ علينا ... فتقبلوها كرمآ .. ذاد الخصال الفيكم ... ترانيم ... بل تلوتم تواشيح الكلام .... صدقآ .. نابعآ من صدى رنين نواقيس المعابد .. البعيدة ... القريبة من مرمى حجر .... العَبرة فى الجوف ... لاخاصمت ... لا ولفت ... ولا صالحت ... لا عايزة تنزل... تهرد فى الحشا ... لا دايرة تطلع وتواجه البركان ... كمان .. الكلام فى الوحدة ... قوة ... قوتنا توحيد الكلام ... ونسج الصفوف ... وغزل الكفن ... كفنآ زمان دارعنو فى الكتف الأهل ... بقى لينا ذى منظر عجيب ... نتباها بيهو ... بقى هامش رسمة من فنان داير يكمل لوحتو ... أنحنا ما يانا الزمان ... أنحنا ناسآ تب جُداد ... داسو الجميل الوِرثوه من الأهل ... وعلو شأن الوطئ ... مويتنا دافقا على الرهاب ... دايرين كمان نلفا السِحاب شان نمسكو .. كان بتمسك ... جوانا خير ... منعوه حتى من لافتة قماش .. كان تحضنو ... قماش رخيص .. دبلان ... ذى حق الكفن ... للغنى والفقير .. ياهو داك التوب الأخير ... لكن محال ... يملو المجال ... العالم فسيح ... وبنلقالو توبآ من حرير ... وندلعو ... أصلو هو الباقيلنا من ريحة الأهل ... وهو الإسمو فى الإيمان ضعيف .... ضعيف...ضعيف ... وبنحضنه ... لمان يصير جسرآ متين ... وندعِمه ...بى وحدتنا ... بى إلفتنا .... بى دمنـــــــــــــــــــــــــــــــــــــــــــا ... *************** ولكم مودتى ... الرياض ..22/10/2009م ... السعودية رد مع اقتباس


	24-10-2009 03:53 AM #32 النويري الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2004 الدولة مايو أربعين ـ قريب من البحر شديد المشاركات 1,704 أبو خالد ياخوي أنت حكايتك شنو في الدوبيت ما قصرت في الشعر الحر ما قصرت في الثقافة ماقصرت والله حيرتنا طيب تعال ألعب معانا دافوري النشوفك كان ماتكون العجب كمان ونحنا ماعارفين أديك العافية أبو خالد ومزيداً من الألق يارائع التعديل الأخير تم بواسطة النويري ; 06-12-2009 الساعة 11:20 PM [SIGPIC][/SIGPIC] رد مع اقتباس


	19-11-2009 11:02 PM #33 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 المشاركة الأصلية كتبت بواسطة ABUZAID العزيز الغالي - ابو خالد لك كل الحب والتقدير وانت تزكي نفوسنا باجمل اللوحات وتمطر زماننا بارق النسمات وتذهل عقولنا باندى البسمات وتعطر سماءنا باسمى الكلمات اشرقت كلماتك تهلل في المنتدى فهنيئا لمنتدانا الثقافي بقامات رائعة وجبال شامخة تزكي وتنير دروبه لك كل ودي وتقديري تحياتي لك الخير فى كل الأعوام أخى abuzaid ولك صادق الأمنيات بدوام البهجة والسرور وجميع أفراد الأسرة فخرٌ وعزٌ لنا مروركم العاطر على قصاصاتنا العامرة دومآ وأبدآ بتواجدكم الراقى ,,, الذى يزيدها ألقآ وتوهجآ ونضار ,,, فلك الشكر أخى وأسمى آيات الوداد وكل عام وأنتم بخير رد مع اقتباس


	24-11-2009 11:38 AM #34 الاميره الملف الشخصي مشاهدة المشاركات عضو برونزي Array تاريخ التسجيل Jul 2009 المشاركات 903 [COLOR="SeaGreen"] المشاركة الأصلية كتبت بواسطة ابوخالد القصاصة رقم (3) كُتبت ردآ على بوست الكاتبة المتألقة الأميرة لماذا يهرب الأزواج للترفيه خارج البيت ..؟؟؟ بالمنتدى العام 10/8/2009م ****** بوست الهروب الليلة جانا شمارو حباب الأميرة الليها الحروف يجارو ود مصباح محكر الليلة مُـوقد نارو جات الملكة بى طلة تقولو حبابو بمشى وبجيهو تب الليلة وين فايتاهو ود النور حبابو بى فرحتو ماقربن تسعاتو ود الماذون حِـرد الشغل خلى المدير صرالو وعصمت من بعيد قال اللِيشوف أحبابو مع درب الهوى البيسوق أترابو الملكة بتقول للحريم إنتو السبب فى ودارو حِليل ود جلالة كمان بى رِقته جا وُزانو ينفخ فى الهشيم شان يحمى وينداح بالو بوستيكم ظريف داير النفوس تهدالو أحسن أقيف بعيد لامن يرسى حِـبالو بت أمدر حِـليلا الليلة جات حالفالو تقعِـد فى الكلام ذى الكبار ماقالو الجابك يامِـدون الليلة بس عقبالو خَلىِ الحزن مريخنا غير وجع القلب شن جابو باكر يروق ويحلا وبيعرف يصفى حِسابو خليك قريبة والرأى السديد جيبى صوابو حِمل الزوج تقيل كل الكلام ماشالو داير بس يرفه ويمكن يشوف أصحابو وكان المدام قصرت يمكن يِقُصد أحبابو فنجان قهوة بس يمكن يروق بالو وكان ذودلو شيتآ غيرو بيسألو السواهو سِر البيوت سعادة وستره ده الكايسنو بتكملوا ست البنات الساكته كاتمه سواتو ود أبقرجة الحكيم الليلة تب فاقدينو همو الولاية وزول الولاية شوفو إنسانيتو يا ود مدثر أقيف نحنا الحزن عايشنو فَرِق همومك ومستشفى الورم بانينو شارك فى الفرح العزابة مننا الكتير راجينو شارك فى الهروب .. ودالنور وعُقبة.. درب العِـرس طارينو ياود اللمين .. البن والورق .. من زمان كارهينو القُعاد وسط العيال وأم العِـيال مافى أحسن منو تربية وتوجيه ولى حب الدين والوطن زارعِنو نضمكم حلو ... داير النفوس يصفنلو نضمكم حلو ... داير النفوس يصفنلو نضمكم حلو ... داير النفوس يصفنلو نضمكم حلو ... داير النفوس يصفنلو نضمكم حلو ... داير النفوس يصفنلو نضمكم حلو ... داير النفوس يصفنلو ******** ودمتم بخير ..... ونواصل .... الرياض ــ 14/8/2009م ــ السعودية قادنى الماوس فى طريق تجوالى ..وضغطت فى الدر المكنون.. ولأول مرة ..ولكم حزنت عندما وجدت كلماتك .ومنظومة العقد الفريداعتبرها....وتأسفت لعدم مرورى عليها قبلا...وهانذى اقول : إنها وبحق إهتمام من همام..ولهذا الدر مكنون كلماته شاعر ومبدع ..اتمنى ان يستمر فى اخراج كل دفين حتى ننعم بهذا المقال والمقام الجميل.... ولك تقديرى واحترامى. رد مع اقتباس


	03-12-2009 08:20 PM #35 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 ]القصاصة رقم ( 11 ) ,,,, كتبت ردآ على بوست الرائعة حبيبة المقهى الأدبى ( بالمنتدى الثقافى ) 19/9/2009م ********** نونيةٌ أنت لون الحنين فى نواصينا حبيبة الحرف المنمق عطرآ جالسينا أيقظت الحنين فى دروب السامرينا ونكأت جُرحآ ظل مُندملآ سنينا قد أفاق الحُلم من نوم الحالمينا سامرت أسراب النوارس صابرينا وفتحتُ أشرعتى لقادمٍ نحو المدينا فوجدته شبحآ أهاج الشوق فينا نثرت دمعى أندبّ الحظ اللعينا إنطوت صفحات حبى أبد الأبدينا ******** **** * ولكم مودتى ,,,, ونواصل ,, الرياض ,, 21/9/2009م ,, السعودية ,, رد مع اقتباس


	10-12-2009 08:06 PM #36 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 القصاصة رقم ( 12 ) كُتبت ببوست : نون ( النويرى ) كل عام وأنت بخير بالمنتدى التراحيب والمناسبات 23/ 11/2009م ردآ على مشاركة الرائع العاقب مصباح23/11/2009م برجاك ,,, يا غيمة دُعاش صادق الحروف ,,, ياروعة الفرح المُقيم ,,, برجاك تطل ,,, طلة مطر لحظة جفاف ,,, شان ترتوى الأرض اليباس ,,, شان ترتعش كل السطور ,,, بى طلتك ,,, يالديمة غشواتك حُنان ,,, ذى بسمتك ,,, لك الفرح بعدِ حبات المطر ,,, بهيبة الأمل السراب ,,, والمنتظر ,,, وبرضو برجاك تمُر ,,, شان تتوهط الحرف الأنيق ,,, وتبدأ الهطول ,,, ****** * * * ولكم مودتى ,,, ونواصل ,, الرياض ـ 11/12/2009م ــ السعودية رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 05:34 PM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني