اعلان من داخل السفارة السودانية بالرياض (توجد صور)

[الجندي المجهول]

انها السفارة السودانية لذلك لا تستغربوا !

الاندهاش الحقيقي لو بقيت نظيفة ومرتبة وما فيها الكلام دا

باختصار

دا الوضع الطبيعي

ناس مشغولة بالــــــ (همهمهمهمهم نيغم نيغم نيغم)

ملحوظة : مابين الاقواس صوت اللقمة وهي نازلة للمعدة

[عوض صقير]

[img][/img]

فى أى مكان فى السفارة ؟ لو كان فى البقالة الموجودة داخل السفارة المسألة بتكون عادية وبتخص صاحب البقالة ......

[esmat]

خطوات الجواز نحن فاتحين مكتب تعقيب يا اللخو؟
ادلي بدلوك ولا ابقي مارق 00عايزين رؤي يا اخينا00

رؤى ولا مروة بعدين هي سفارة سودانية عايز اكون فيها شنو يعني قال ادلوا بي دلوك قال

[الجندي المجهول]

قالوا بتاع الخزينة والتحصيل (ببيع صعود تمباك - عمارى جيد) !!! تقول لى قالوا نحنا أحسن شعب.

ههههههههههه
بسرعة يا عوض الكريم الخواض الحقني بالضحكة هههههههههه هايهاااااااااااااي

ابراهومة عن اذنك استلف البوست بتاع التمباك

عبد الحق الجيد يا سيد

كان ما فاطر ما تخاطر

دارفوري نمرة واحد
الاصلي
الحبشي
مكوار
بوش
عبد الحق
شنبول

ولي ناس الخرطوم عشان ما يزعلوا
امدرمان--------
سورج
ود الباشا
الخرطوم------------
الجمهورية
الخرطوم بحري----------
الوطنية
سفاري
كجبار
الجمري
بقترح بفتح فرع في السفارة من هذه المحلات

[ابويارا]

وياريت ياسلس بعد ده كلو تلقى البقاله اقصد المكتبه فاتحه
لانوشكلوببيع بره تحويل رصيد لانواول امس منتظر ساعه
عشان يفتح اشترى لى قلم وفى النهايه والله شلت من واحد
والله ولا كانك فىسفاره الله يدينا الصبر

[ابويارا]

وبرضومشيت للموظف قلت ليهو ادينى خطاب توكيل شوف الرد
بكل وقاحه وبصوت عالى قالى خلاص قنعت عايز تبيع يااخى ايش
دخلك انت ابيع ولااشترى حتى ماعندهم اسلوب فى التعامل
ايدينا الصبر

[ABUZAID]

فى أى مكان فى السفارة ؟ لو كان فى البقالة الموجودة داخل السفارة المسألة بتكون عادية وبتخص صاحب البقالة ......

الاخوة الاعضاء

تحياتي


الاستاذ - عوض صقير سؤالو واضح = = واجابتو شافية

في اي مكان في السفارة ؟ لو كان في البقالة الموجودة داخل السفارة المسالة بتكون عادية وبتخص صاحب البقالة . . . . .


ولكن لا اظن ان البقالة بتكون امام مكتب السيد الوالي ( اقصد السفير ) . . .

ولو فعلا الاعلان ده داخل السفارة وفي غير البقالة او البوفيه فتبقى دي قمة المهازل
ومواصلة لمسلسل المسخرة اللامنقطع في السفارة والقنصلية بالسعودية

حسبي الله ونعم الوكيل

[هشام سلس]

الاخوة الاعضاء

تحياتي


الاستاذ - عوض صقير سؤالو واضح = = واجابتو شافية

في اي مكان في السفارة ؟ لو كان في البقالة الموجودة داخل السفارة المسالة بتكون عادية وبتخص صاحب البقالة . . . . .


ولكن لا اظن ان البقالة بتكون امام مكتب السيد الوالي ( اقصد السفير ) . . .

ولو فعلا الاعلان ده داخل السفارة وفي غير البقالة او البوفيه فتبقى دي قمة المهازل
ومواصلة لمسلسل المسخرة اللامنقطع في السفارة والقنصلية بالسعودية

حسبي الله ونعم الوكيل

من جوة

الاعلان هذا داخل الصالة ومواجه لي ضابط الجوازات ومدخل مكتب السفير

[هشام سلس]

إلى متى
سنظل


ما بين أريت ... يا ام زين ... ولوْ
وبين تبقي وين ..
لاكْ في الوجود
لا في العدمْ
لا في الحقيقة ... ولا الوهمْ
لا زين
لا شين
لا البين بين ..
يا راحة الباقالو هَمْ
لا عنِّك أفتاني الزّمان ..
لا مِنّك إنقطع العشمْ
يا ريتو أغناني الكَمَانْ
آ طيبة عن صوتِك نغمْ
من أعلى ميضنة فيّي كان أعلنتَ موتِك للأُممْ
أو .. صِحْ بجيتك لى الرِّمَمْ
لكنو صمتك طال ...
وحَانْ ميعاد زفافي على الألم
قلت ارفع ايديني واقول ...
خاني الصبر ..
خان وانهزمْ ؟؟؟

[الفخيييم]

رؤى ولا مروة بعدين هي سفارة سودانية عايز اكون فيها شنو يعني قال ادلوا بي دلوك قال

برضو عايزين رؤي00
قصدك استخفاف بسفارتنا يا اللخو ولا شنو بكلامك ده00
رؤي وفكر برضو منتظرك يا مبدع00

[الفخيييم]

فى أى مكان فى السفارة ؟ لو كان فى البقالة الموجودة داخل السفارة المسألة بتكون عادية وبتخص صاحب البقالة ......

حتي لو محل لشخص ده ما موقعو00
مكتب الكمبيوتر ومكتب الاستخبارات والقنصل كلهم جمب الاسكراتشات دي ايه رأيك؟
مفترض لو بقالة تكون برة موش هنا00
عايزين اراء شافية بدون طبطبة يا اللخو00

[monim]

لا تعدو كونها تصرف يوكد على ( السبهللية ) واللامبالاة وهذه اللوحة لا تمت للياقة والذوق في جهة بحجم سفارة محل الدبلوماسية نفسها ومنبعها... نلفت نظر سعادة القنصل بالامر بخلعها فورا .... لأنها شبيهة بالسوداني البلبس العراقي في الفيصلية
كلها تصرفات سودانية عفوية لا تعطي مسالة التمثيل والبرستيدج والمنظر وانك بتحمل بلدك أي وزن

[الملكة اسماء ( ام محمد )]

00المحيرني هل دي سفارة ولا دكاكين اوقاف عشان تباع فيها بطاقات شحن امام مكتب السيد القنصل00

والرسوم الباهظة دي ليه يعني؟عشان يغطو رواتب الموظفين طيب ما تقلصهم وترتاح وتريح ولا دي سياسات النظام الذي جبل علي الاخذ بدون مقابل 00ربنا يعين غايتو

للاسف الشديد سيدي الفاضل
هذا حال السودانيين اليوم في اغلب الاماكن

والحاجة البتزعل جدا انك وانت مغترب زيك وزي الباقيين من اولاد بلدك مرات عشان تخلص معاملاتك في دوائركم الخاصة زي السفارة وغيرها محتاج ( واسطة !!!)
طيب ماهي سفارة لكل السودانيين .. ليه وانا سوداني زيكم ومحتاج البعيني في غربتي احتاج واسطة والمضحك يكون سوداني برضو , مع الاسف .. اخر شعب يتكاتف ويتعاون لمصلحة البلد عموما هم نحن الشعب السوداني
زمان قالوا مهندس اجنبي جاء عشان مطلوب من شركتهم تجي تدي خطة هندسية مظبوطة لمشروع في السودان وتقوم بانجازه كامل
الحصل ان المهندس اتفاجاء الصباح بمواد البناء مسروقة .. فقال : اول مرة اسمع بشعب بيسرق نفسه !!!
الحاجة البتغيظ ان كروت الشحن دي ممكن يكون غيركم الف شخص شافوها ..فيهم الاكيد اشاد بالفكرة ( لانه رصيده كان قاطع والريال مابفرق بما انه حيرته اتفكت _ وفيهم الزعلان وماقادر يعبر لانه على الغالب لو اتكلم ورقه ماحايطلع لحد السنة الجاية !!)

فصدقوني
اليد الوحدة مابتصفق .. محتاجين نجمع الناس على كلمة وحدة وتكون بتصب اولا في مصلحة البلد والمواطن .. بس المشكلة كيف تلم الناس دي وهم اختاروا اقرب الطرق واسهل وسيلة لقضاء حوائجهم ( الواسطة ) ببساطة مالي ومل وجع الراس والكلام الكتير زول مشتهي اهلي وماشي لفلان في السفارة يخلص لي ورقي اتصلت بيه هسي وقال لي تعال .. ويمشي زولك غاضي البصر عن كل المهزلة الحاصلة
والعجب العجاب لما تجي الناس تنتقد الحاصل يغالطهم ليك وكانه بقضى معملاته بطريقة مشروعة !!

غايتو نقول الله غالب
وتعيش كتير تشوف كتير
بكرة ح تتفاجىء بانهم ببيعوا شالات مطرزة للقنصل واصحابه