انت في وهم كبير !

[الجندي المجهول]

الشمار يا حبيب ..

عاوزو مغربل ولا خاااااااااااام يا حبيبنا

[الجندي المجهول]

كرومبو مازال يتحرى في الامر لياتينا بالخبر اليقين

الزول الجنتلمان ( الخبر اليقين ) اننا ماشيين غلط والله وياريت من خلال منتدانا الجميل نصلح ولو شئ بسيط والدال على الخير كفاعله ولا شنو ؟

[الجندي المجهول]

انـــا ؟؟؟

كل سنه وانت طيب يا صديقي

انت تسلم يا ابو منة واحمد وكل عام ونات وهم بالف خير ( انت ابعد شخص من الوهم يا واقعي )

[الجندي المجهول]

× انتظار التفاسيل

جيتك بي شوية تفاصيل لكن شكلها ما حركت فيك حاجة (ساكن) لاني ما شفتك تاني .

تخريمة : شكلو كان شمار منك ساااااااكت ( وش زول ...........)

[الجندي المجهول]

يا زول هوي قول ( كه )

كـــــــــــــه

[الجندي المجهول]

الجندي هووووي ....
مهدي قال منتظرك في سباق الخيل ..

الغالي نهروو وانا والله منتظرك في جدة (كل سنة وانت طيب)

تخريمة : والله مهدي من ما اخد الـ3 حبات حقة الفانسدار (هلال مريخ) بقينا ما بنشوفوا

[الجندي المجهول]

الحبيب محمد
كل عام وانت الخير

يا خوي شحتفتا روحنا
ارح قول وانت مصدر صدق

وانت بالف خير ( صورتك جميلة)
تخريمة : مبرووووك المدرب الجديد ( بي عرق العافية والانتصارات)

[الجندي المجهول]

يا راااااااااجل بالله عليك

الحكاية دي كيفنها يا محمد الامين

يا بور يا حبيبنا انتظرتك في العيد
اما الحكاية فما ليها نهاية بس تأكد بان الساقية ما زات تدور ثم تدور .........

[الجندي المجهول]

اخي الحبيب الذي سعدت جدا بمقابلته وانت بالحق شخص اكثر من رائع وشهادتي فيك مجروحه وبتدخل الوجدان من غير استئذان وكل سنه وانت طيب وربنا يحقق امانيك وابقي عشره علي المبادئ

استاذي الجليل ( والله اتحداك في السعادة) كانت فترة قليلة ولكنها والله اعتبرها عمر كامل وخاصة كلمتك التي القيتها على الجمع الكريم لا زال صداها عندي للان وكم اتمنى ان اجلس معك كثيرا . ومداخلتك لهذا البوست شهادة اعتز بها .
تخريمة : لو قالو لي امنية في الخاطر لقلت اتمنى ان يكون ود الطاهر صلاح ( من سكان جدة)

[الجندي المجهول]

ما مكن الا في الحلم وانت الصادق كلام واحد هيمان

والله معاااااااااااااك حق

تخريمة : اتفقوا على ان ................................. الشعب المسكين ( لك الخيار في وضع العبارة المناسبة فأنت استاذ !!! وكمان سيد العارفين ( يا سيدا )

[الجندي المجهول]

يا سلااام عليك يا جندي ..

يا نهرو طال ما انت عرفت مغزي هذا البوست ياريتك تواصل فيهو ( البيت بيتك اقصد البوست بوستيك) وخد راحتك ... وانت تسلم

[الجندي المجهول]

الجندى كل سنة وانت طيب والاهل جميعا..
يااخوى وقعت ليا قلبى.."انت فى وهم كبير" والله يااخوى الوهم فى والموهومين كتار ولكن التعميم على الجميع أيضا وهم كبير وكبير جدا..فليس كل من قرأ عنوانك فى وهم كبير ولا أعنى نفسى لأنى مغترب والإغتراب دا براو ابو الاوهام..بس قايل فى وهم غيرو غاطس فيو تانى ..
أفرز الصفوف حتى لا يختلط الحابل بالنابل فلا يشعر الكثيرين من العقلاء بأنهم موهومين وتتساوى رؤوس الموهومين جد جد مع سبق الاصرار والترصد مع العقلاء..
ويكفينا قشرة الموبايل والبنطلون الناصل والصرر الكاشفة بلا فواصل والمتمردين والديش والمشاكل والحيكومة البتقعد تفاصل..

اشرف صلاح السعيد
شرفك الله
واصلح حالك
وجعلك دوما مع السعادة
كل عام وانت بخير والسنة دي والان اتمنى ان تتحقق كل امانيك

بالنسبة للوهم ( بقى واقع ملموس ) ولكنه ينطبق على ..............؟

[الجندي المجهول]

اخي الجندي المجهول
كل عام وانت بخير
ربنا يديم عليك نعمه الصحة والعافيه
ولكل اسرتك الكريمة اجمل التبريكات
اولا اشكرك علي خوفك من زعلي
والله لا جاب زعل
بي خط صغيروني شديد لي ماقلت الاولاد قبل البنات
حقيقي في وهم كبير
قد صنعناه بايدينا وارتضينا العيش فيه
الاجابه علي كل سؤال من الاطفال
استعمال السهل الممتنع في الاجابه
التلميح دون التصريح في التعامل مع ذوي القربه خوف علي المشاعر
كلها ادوات لشخص سوي يميز بين التقليد الاعمي ومايرغب حقا
عزيزي الجندي هنا مكان اقطن بجسدي فقط كل الاساله للاجابه
وفي وطني مكان قلبي وعقلي كل الاساله ليست للاجابه علي قول مصطفي سيد احمد
هناك نبني وطن هلامي مخفي الملامح غريب الاطوار في النمو كل الاشياء امامها علامه استفهام كبيرة بحجم اخفاق كل حكوماتنا
وهنا مرفوض التفكير في شكل الاستفهام لان الوقت بين وضع هذه العلامه والاجابه علي السوال اقل من رمش العين
دعونا ناسس لوطن اطفاله اسويا يعلمون بقدر ادراكهم وما استعصي عليهم يعلمون انهم في طريقهم الي معرفته
لتاسيس وطني صحي معافي لابد من قوة الساس
واسال ناس خالد ابوقرجة
فانا اربي اطفالي بحريه حدودها عدم تخطي حريه الغير
وكل شيء مشاع للمعرفة
وحينها اكون مطمائنه اذا وضعت الظروف كل الخيارات امامهم لن يختاروا الا الطيب
ولي عودة

وانت بالف خير سفريتنا للنوايا الحسنة واتمنى من الله ان يسعدك انت واهلك ومن تحبين وان ينعم عليكم بالصحة والعافية

اجمل عبارة قراتها في المنتدى للان
فانا اربي اطفالي بحريه حدودها عدم تخطي حريه الغير

وياريت كل الناس تفهم معنى الحرية وتعرف كيف نتداولها وكتر خير اخونا ( حكيم المنتدي) الاستاذ والاخ والصديق العزيز /الخواض محمد أحمد الخواض فقد تحدث في هذا الموضوع كثيرا وفرد له مساحات في بوست خاص بالحرية وكيف نتعامل معها

عموماً بكل اسف نحن كشعب وحكومة لانعرف ابجديات الحرية وان كان البعض يعرف فالبعض الاخر لا يطبق (..................) وانا ايضا لي عودة

[الجندي المجهول]

الغالي ابوصلاح

من الفائزين ان شالله

تعرف بوست اخونا ( كرومبو ) دا زي واحد صاحبي رسل لي رسالة فاضية دقيت عليه و قلت ليه جاتني منك رسالة فاضية
تعرف قال شنو : املاها بمزاجك
فهسع يابو صلاح راجع نفسك انت المقصود بالبوست و لا المقصود آخرون
تحياتي

والله عبد الله محمد العقاد ( بتفك العقد ) وبرضو دا فهم جميل والرسالة التي وصلتك اتمنى ان تصل للجميع ( انت مريح جدا)

لا انسي ان يفوتني تهنئتك بالعيد السعد والذي اسال فيه الله ان يمتعك بالصحة والعافية (وان يعطيك حتى يرضيك )

[الجندي المجهول]

تسلم اخي كرمبو
انت مبدع دوما

يوسف كيكل -- كل سنة وانت طيب والبوست بيك منووووووووووور

[الجندي المجهول]

العزيز الجندى المجهول
كل عام وانت بخير
رياح عاتيه تهب على مجتمعنا ... تكاد ان تجتث عاداته وتقاليده وحتى اعرافه ... لا يمكن ان نلوم احد فالعاصفه اقوى من الجميع ... سابقا كنا لا نعرف غير التلفزيون القومى وتلفزيون الجزيره ... وحتى هتان القناتان كنا نركز على المسلسل اليومى وبعد داك كل واحد يشوف عشاهو بى وين وينوم ... اما الان ... العالم كله مفتوح فى غرفنا الخاصه ... قنوات فضائيه وغير فضائيه ... انترنت ... بلتوث ... موبايلات ... وغيرها الكثير الكثير ... من ذاك الذى يستطيع ان يصمد امام كل هذا الغزو ...
لقد وضعت يدك على الجرح يا اخى .. الجرح النازف بغزاره ... ولكن ماذا يضير الشاه سلخها بعد ذبحها ... اخشى من اننا نضرب على جسم ميت ...

اخي محمد الجزولي كل عام وانت بخير وكل عام وانت الخير نفسه

حقيقي وبكل اسف اكاد اتفق معك في كل ما ذهبت اليه ولكن لن نيأس فلنحاول بالتربية الصحيحة والرجوع إلى كتاب الله وسنة نبيه الكريم سيدنا محمد صلى الله عليه وسلم هي الحل الامثل ..... والله والله غير كدا ( انسى الفكرة)

[أبو حمزة]

جندينا.. سلام يا الغالي.. يا سليل الكرم و الذوق الرفيع العالي..

وإن جيت للوهم .. والله نحن ما بنبالي..

وما بنسمع نصيحة .. حتى لو هي ظاهرة تلالي..

بس فالحين في الكلام.. وتقليدنا أجوف خالي..

ناسين جدودنا الكانوا أهل نظام .. وما كل شيتن لازم يقومبو الوالي..

والوهم الكبير ظنك بلدنا فجأة يبقى تمام طوالي ..

بشيشك يا الحبيب لا بد من الدقداق قبل الطلوع للعالي..

[الجندي المجهول]

جندينا.. سلام يا الغالي.. يا سليل الكرم و الذوق الرفيع العالي..

وإن جيت للوهم .. والله نحن ما بنبالي..

وما بنسمع نصيحة .. حتى لو هي ظاهرة تلالي..

بس فالحين في الكلام.. وتقليدنا أجوف خالي..

ناسين جدودنا الكانوا أهل نظام .. وما كل شيتن لازم يقومبو الوالي..

والوهم الكبير ظنك بلدنا فجأة يبقى تمام طوالي ..

بشيشك يا الحبيب لا بد من الدقداق قبل الطلوع للعالي..

حبيبنا ابو حمزة (الجنتلمان)

ما قلت إلا الحقيقة واتمنى ان نفوق وننتبه للخطر القادم ....


تخريمة : شايفك كلو يوم بي صورة ... عموما على كل حال ( كل يوم احلى)

[ابو عبد الرحمن]

كل عام وأنت بخير يا ( باكا )

عارف يا باكا صورة توقيعك دى شنو . ده ما صاحبك وليد عثمان . ( إشيلوا إودو السودان تان يجي ويشيلوا وتاني يجي .

أما ( الوهم وما ادراك ما الوهم ) قالها عمار أخو أمير حفرة من زمان جداً جدا ( أوخ أنت وهم ولا نسيتو يا ناس مدني ) وكذلك زيدان أبراهيم . والسعادة بقية وهم والحلاوة من غير طعم وبرضوا صدق . اما أنا باقول : الوهم الكبير حكومتنا ............... وبدون تعليق

[ابراهيم]

ارفع صوتك هيبة وجبرة
وخلي نشيد عالي النبرة

كرمبو كل سنة وانت طيب
كلما قرأتك اتعلم
ومن علمك حرفاً صرت له عبداً
لك كل احتراماتي يا جميل

[moh_alnour]

جندينا المجهول
وضعت يدك على مكامن الجرح في مواضع كثيرة
فهل من سبيل إلى إيقاف النزف ؟
همسة : تحياتي أخي محمد الأمين على أسلوب السهل الممتنع هذا