قروش الانطون) تثير ازمة في الهلال

[مهيد ود السفاح]

وصوره حديثه ال عمر ريتينزا




[img][/img]

تعرف يا سنهوري
تفيد تحرياتنا انو بعد الصوره دي عمر بخيت ناولها للجنبو ده
مش الجنبو ده ايفوسا ؟؟
اها ناولها ليهو
وسمعت بي تحت تحت كده انها في الشوط الاول كانت عند ديمبا

[رضا حسن محمد]

يعني نفهم يا امير وسنهوري انو الرتينزا ده هي الجابت الهدف السمح ده فيكم ...
يسلم ضراعك يا ود بخيت .. وتسلم البطن الجابتك

تخريمه : خلاص بنكلم عمر صاحب الهدف السمح انو ما يلبس تاني حجاب عشان خاطركم.. ونحن زعلكم ما بنرضاه

يا عمر سنهورى
دة اثر تطعيم
يطعموك انشا الله فى اضانك

[مرتضى التوم]

اى كلام عن الانطون بجى من زول جاهل وما مؤمن لان كل شئ فى الدنيا من عند ربنا سبحانه وتعالى ومع ذلك داء الانطون متأصل فى عالم كرة القدم وعلى فكرة اوروبا والدول المتقدمه تعتقد فى هذه الاشياء اكثر مننا بس فى النهاية كل شئ بقدره ربنا سبحانه وتعالى .
القصه ما بقت على عمر بخيت لان كل لاعبى كره القدم او معظمهم يستعملون الحجاب كل حسب ما يعتقد والعاقل من يتحصن بالقران وبس .
مهيد ود السفاح انت فهمت كلامى غلط طبعا لانى كنت بخاطب فى سنهورى لما قلت ان المريخ لعب كورة حلوه وانا قلت للاخ سنهورى اقنع نفسك بكده لان كلام الانطزم ده شماعه زى الحكم .

[saleh farah]

يعني يا روبش الصبي عمر بخيت المعلم ده لو ربط ليهو اربعة ريتينزات كان الوالي استقال وابراهومه يسجل من جديد مع ناس مجاهد وريتشارد ولا شنو ؟؟
وبيني وبينك ديمبا عندو واحده وايفوسا جاب معاهو واحده

انت يا روبش الفكي حق البارشا اسمو منو ؟؟

رايك شنو يامهيد
نعمل لينا حاجه نسميها فك التمايم
والسنه دى ان شاء الله حا نفك لينا 3 تمايم
ومستعدين نساعد فى تسجيلم للضل
وان شاء الله نبدأ بى الرتينزا بتاعت عمر بخيت
ونشوف فوزى المرضي برضو
اورينا الرتينزات دى بجيبوها من ياتو محل اسبيرات
اقصد ياتو فكي
ونشترط انها تكون سارية المفعول فى المنتخب برضو
عشان نصعد برضو للمجموعات ونهزم الفرق الافريقية التانين المابعرفو الرتينزات دى
ولو مانفعت
نسوق الشغلانه عالميا
نحاول نجيب بتاعت ميسي وابراهيموفيتش
اعارة وكده يعني

[روبش]

انت يا روبش الفكي حق البارشا اسمو منو ؟؟

والله يا مهيد على ما اعتقد ( عمبخيتش)

[gadoramedani]

هي القروش ما بتاعت الفكي لكن عشان ما بقدروا يجيبوا سيرة الحكم قالوا حقت الفكي
دي دولارات الحكم
وهي في فضيحة اكتر من الاربعة حكام كل واحد من بلد

يعني تتفقوا مع منو ولا تحولوا القروش لياتوا دولة

[عمرسنهوري]

تبقى فكرة الجهل مثبته
بعد صور عمر بخيت وحوار الصحيفه في مشاركات الصفحه الاولى
وتبقى ادارة الهلال تتوارث مثل هذه الاشياء جيل عن جيل .
ولكن في عهد مرجان احمد مرجان سنرى الكثير من الاضافات .

وكان للديبه حوار في العام الماضي ذكر فيه موضوع الفكي .
واعتقد ان الحوار كان في صحيفة قوون ان لم تخني الذاكره .

على العموم السحر والكتابه محرمه بنص الكتاب و السنه .
قال تعالى ( وما انزل على الملكين بابل هاروت وماروت يعلمان الناس
السحر ..................) صدق الله العظيم .

ولبس التمائم فيه الكثير من الاحاديث النبويه الشريفه
ولنا عوده لها بأذن الله

[مهيد ود السفاح]

مهيد ود السفاح انت فهمت كلامى غلط طبعا لانى كنت بخاطب فى سنهورى لما قلت ان المريخ لعب كورة حلوه وانا قلت للاخ سنهورى اقنع نفسك بكده لان كلام الانطزم ده شماعه زى الحكم .

على بي جملة الاقوان التلاته
فهمتك صاااااح
لكن البفهم اصحابنا منو ؟؟

[مهيد ود السفاح]

رايك شنو يامهيد
نعمل لينا حاجه نسميها فك التمايم
والسنه دى ان شاء الله حا نفك لينا 3 تمايم
ومستعدين نساعد فى تسجيلم للضل
وان شاء الله نبدأ بى الرتينزا بتاعت عمر بخيت
ونشوف فوزى المرضي برضو
اورينا الرتينزات دى بجيبوها من ياتو محل اسبيرات
اقصد ياتو فكي
ونشترط انها تكون سارية المفعول فى المنتخب برضو
عشان نصعد برضو للمجموعات ونهزم الفرق الافريقية التانين المابعرفو الرتينزات دى
ولو مانفعت
نسوق الشغلانه عالميا
نحاول نجيب بتاعت ميسي وابراهيموفيتش
اعارة وكده يعني

تاني اعاره يا صالح اقصد يا مزمت ؟؟
انتو ما بتوبو ؟؟
والريتينزات دي انا زمان بزكر انو جنب الاستاد وموقف باصات المزاد كانت موجوده
لكن تمشوا تستوردوها من سوق الكلاكه مدريد .
دي كتيره يا اخوي , وبعدين اطلع ليك دكتور عنتره بي قرار
واقول اي فريق ما يجيب اكتر من تلاته اقوان اقصد ريتنزات
وحارس المرمى ما يبلس ولا واحده
وتلعبو لينا ريتنزا واحده مجنسه في المباراه
وشنو ما عارف
ويجي الوزير
وجات المطافي

انت يا صالح
ناس المريخ ديل غلبهم البسوه ولا شنو ؟؟

[مهيد ود السفاح]

تبقى فكرة الجهل مثبته
بعد صور عمر بخيت وحوار الصحيفه في مشاركات الصفحه الاولى
وتبقى ادارة الهلال تتوارث مثل هذه الاشياء جيل عن جيل .
ولكن في عهد مرجان احمد مرجان سنرى الكثير من الاضافات .

اخي الغالي عمر

لاحظ انا قلت عمر ولم اقل سنهوري
عارف ليه ؟؟
لانو عمر ممكن تكون عمر سنهوري او عمر بخيت .

خلينا في المهم
انا عندي سؤال واحد بسيط ارجو الاجابه عليه

لو لعب الهلال مكتمل الصفوف وبكل قواه وعتاده من خطط وتكتيك وريتنزات اكرر ريتنزات لكل لاعب وامكن نلعب الفكي في خط الوسط , بعد كل ذلك هل ممكن للهلال ان يحرز كاس العالم للانديه ؟؟؟؟؟؟

[مهيد ود السفاح]

يا عمر سنهورى
دة اثر تطعيم
يطعموك انشا الله فى اضانك

الراجل مطعم يا رضا
وماخد تلاته جرعات

[عمرسنهوري]

العزيز الغالي مهيد ودالسفاح
الاجابه طبعا لا
انما امره اذا اراد شيئا ان يقول له كن فيكون
عندما شاركت في هذا البوست لم اريد ان اشير الى ان الفوز
كان بسبب الفكي لاننا نعرف ان كل شي بيد الله .

ولكني اردت ان اشير الى ظاهرة الجهل المستشريه في المجتمع الرياضي عامة
والهلالي بصفه خاصه .
الحبيب مهيد
هل تنكر حرمة الذهاب الى الاناطون ؟؟؟
هل تنكر حرمة لبس الريتينزا ؟؟؟؟؟
ما قولك في الصور المرفقه صراحة

[مهيد ود السفاح]

العزيز الغالي مهيد ودالسفاح
الاجابه طبعا لا
انما امره اذا اراد شيئا ان يقول له كن فيكون
عندما شاركت في هذا البوست لم اريد ان اشير الى ان الفوز
كان بسبب الفكي لاننا نعرف ان كل شي بيد الله .

ولكني اردت ان اشير الى ظاهرة الجهل المستشريه في المجتمع الرياضي عامة
والهلالي بصفه خاصه .
الحبيب مهيد
هل تنكر حرمة الذهاب الى الاناطون ؟؟؟
هل تنكر حرمة لبس الريتينزا ؟؟؟؟؟
ما قولك في الصور المرفقه صراحة

انا لا انكر كل ذلك
ولكن
اذا لبس عمر بخيت زيتينزا وحسب علمي ان اصوله من شرق السودان , ولبسها يعتبر عادة وتقليد اكثر منه اعتقاد , او اذا ذهب احد اداري الهلال للانطون يحاسب على ذلك روبش وصالح ورضا ومهيد وملايين ممن يعشقون الموج الازرق ؟؟؟؟؟؟
اما الجهل في الوسط الرياضي موجود وبكثره فماذا نحن فاعلون
انت تريد ان تغيير مجتمع بكامله فلا يعقل ان تكون ريتينزة عمر بخيت مثلك للوصول للحل .
كثير من اللاعبين يمارسون كرة القدم بكل نجاح ويمتعون الجمهور وتجده يجهل الكثير .
والراي عندي ان تلك ليست مشكلته , ولا هو بمسؤول عنها , ويكفيه حالياً ان يمتعنا بكرة القدم .
ولك ودي

[عمرسنهوري]

الاخ رضا

ضحكتني شديد بتعليق التطعيم دا

بس ما يكون في لاعبين غيرو مطعمين

[saleh farah]

هي القروش ما بتاعت الفكي لكن عشان ما بقدروا يجيبوا سيرة الحكم قالوا حقت الفكي
دي دولارات الحكم
وهي في فضيحة اكتر من الاربعة حكام كل واحد من بلد

يعني تتفقوا مع منو ولا تحولوا القروش لياتوا دولة

مافي مشكله ياقدوره
الله اطول عمر الارباب
نديهم الاربعه

[saleh farah]

تاني اعاره يا صالح اقصد يا مزمت ؟؟
انتو ما بتوبو ؟؟
والريتينزات دي انا زمان بزكر انو جنب الاستاد وموقف باصات المزاد كانت موجوده
لكن تمشوا تستوردوها من سوق الكلاكه مدريد .
دي كتيره يا اخوي , وبعدين اطلع ليك دكتور عنتره بي قرار
واقول اي فريق ما يجيب اكتر من تلاته اقوان اقصد ريتنزات
وحارس المرمى ما يبلس ولا واحده
وتلعبو لينا ريتنزا واحده مجنسه في المباراه
وشنو ما عارف
ويجي الوزير
وجات المطافي

انت يا صالح
ناس المريخ ديل غلبهم البسوه ولا شنو ؟؟

ههههههههههههههه
ناس المريخ مادفعو القصد الاول
عشان كده الراجل لبد ليهم فى المجموعات

[saleh farah]

العزيز الغالي مهيد ودالسفاح
الاجابه طبعا لا
انما امره اذا اراد شيئا ان يقول له كن فيكون
عندما شاركت في هذا البوست لم اريد ان اشير الى ان الفوز
كان بسبب الفكي لاننا نعرف ان كل شي بيد الله .

ولكني اردت ان اشير الى ظاهرة الجهل المستشريه في المجتمع الرياضي عامة
والهلالي بصفه خاصه .
الحبيب مهيد
هل تنكر حرمة الذهاب الى الاناطون ؟؟؟
هل تنكر حرمة لبس الريتينزا ؟؟؟؟؟
ما قولك في الصور المرفقه صراحة

لا نختلف معك اخى عمر سنهورى
فالجهل مستشري فى السودان وخصوصا الوسط الرياضى
والايمان بهذه الاشياء والعمل بها من اوسع ابواب الجهل
ولا اعتقد بان عمر بخيت على علم بمايقوم به من جهل
والا لكان اكتفى بموهبته المهوله
ولكن لا نظلم الرجل
مع اقتناعنا التام بأن الموضوع غلط
لكن احتمال اكون لابس الحكايه دى العين وبينى وبينك بتخاف عليه
اما حكاية الانطون
فجل الفرق تعمل بهذه الخرافه
واشهر من يتحدث عن هذه الاشياء فى قالب من الفكاهه
هو العلم عثمان الفيل
سكرتير نادى التحرير البحراوي
الذى كان يلقب ب عثمان الانطون
ورقم ذلك التحرير البحراوى راح فى ستين داهيه
وطبعا الذ حاجه حكاها بعظمة لسانه
انه تواجد اثناء تألف اللاعب جلال كادوقلى فى مجموعة الحصاحيصا
الزمن داك انت لسه ما اشتغلت فى الفرات
واثناء جلوسه فى المنصه
التفت يمين وشمال فوجد وفد من نادى الهلال واخر من نادى المريخ
فقال ليهم انتو مالكم هنا
قالو ليه نحن جايين نتابع الزول ده عشان عايزين نشجعو
لكن انت جاي هنا لشنو
قاليهم جاي افتش لي مدافع امسكو لي

[saleh farah]

الاخ رضا

ضحكتني شديد بتعليق التطعيم دا

بس ما يكون في لاعبين غيرو مطعمين

الباقين مسيخين ياسنهورى
والاغلبيه عندها سكرى
عشان كده عايشين دايت

[مصطفى هاتريك]

يعني يا روبش الصبي عمر بخيت المعلم ده لو ربط ليهو اربعة ريتينزات كان الوالي استقال وابراهومه يسجل من جديد مع ناس مجاهد وريتشارد ولا شنو ؟؟
وبيني وبينك ديمبا عندو واحده وايفوسا جاب معاهو واحده

انت يا روبش الفكي حق البارشا اسمو منو ؟؟

أعوذ بالله من شر الخبث و الخبائث
والله يا جماعة الموضوع إستفزاني شديد
هاكم رأييى
يوم فضيحة زيسكو في (( الرد كاسل)) كان معاي (( حمد دفع الله)) سألته
يا كابتن المريخ ده مشكلته شنو قال لي بالحرف الواحد (( حقد جماهيره))


قد تشتق إسم الجلالة من حروف الهلال ,, و أيضا شهادة التوحيد
كدي حاولوا إشتقوا كلمات من حروف المريخ تلقوهو كلام (( خاريم )) باريم و(( خمير))
و خمر ورخم

[محمد السر]

وصوره حديثه ال عمر ريتينزا




[img][/img]

والله يا عمر سنهوري الفوتوشوب دا بعمل عمايل بطاله خلاص


المره الجايه جيبو مبخر ختوه في كنبة الاحتياطي بتاعة الهلال وقولو

الانطون

[يوسف كيكل]

وصوره حديثه ال عمر ريتينزا




[img][/img]

لاحوله ولاقوة الابالله
اللهم اهديهم طريق الرشاد

[امير عبدالباقي]

تعين فوزي مدربا للهلال ومعروف بان فوزي لم ينل اي كورسات في التدريب

ولكن خبرة كلاعب في الهلال والمنتخب كان كافيا وتعاملة مع شتي المدربين في

الهلال والمنتخب يشفع لفوزي عدم نيلة للشهادة التدريب

ومنذو تعينة مدربا للهلال لم يفز المريخ علي الهلال حيث يحفظ لة التاريخ المتوالية لمدة 6 مباريات

الا ان جاء الفصل بمباراة السبتين من حمد الجريف وخالد احمد المصطفي وجعفر وحمد الجريف

وكرر المتولية لمدة 4 مباريات الا ان جاء الفصل مرة اخري بمباراة السبتين من بريش وابراهومة

بعد المتواليات وما كان يصاحبة يصابة من امور غريبة كان فوزي المرضي معروف من الااعلام بالدجل والشعوذة

وكان لفوزي شيخ لا اذكر اسمة او لا اريد الزج باسمة ونفي فوزي بشدة علاقة عملة في التدريب بالشيوخ

ومن ثم توالت الاحداث وتم اعفاءة من تدريب الهلال ومن ثم 0000000فاز المريخ بالممتاز لمدة ثلاثة سنوات علي التوالي

جاء الهلال بشتي المدربين الاجانب عربا وعجم ولكن كلمة السر 00كان بعيدا من الهلال 00

واخيرا فاز صلاح ادريس برئاسة الهلال ومن ضمن برنامجة الانتخابي عودة الهلال لمنصات التويج داخليا وخارجيا

استجلب خيرة المحترفين وخبراء في التدريب وقفة كثيرا في موضوع التدريب وعارف سر فوزي ولكن لايمكن تعين

فوزي مدربا للهلال ووجد مخرج بتعين فوزي مديرا للكرة والحمد لله الامور اخر حلاوة مدرب مصري الامور اخرة حلاوة

المدرب بوسني برضو مية المية والمدرب برازيلي برضو اخر حلاوة 00 الخيل تجقلب والشكر ل ي حماد

بعض الاهداف العجيبة في عهد فوزي 000

عمركم سمعت ولاشفتوا بسطاوي بجيب اهداف حتي في التمارين 0000 ضربة راسية من خط 18 الهلال

مسار الضربة الراسية العجيبة بظبط من 18 الهلال فات وسط الملعب ودفاع المريخ متابع بتوقيت مية المية

وفجاء الكورة يغير مسارة وينزل في خط مستقيم ههههههههههه 00000 ويرطضم بجسم غريب وطيران

برضو في خط مستقيم وينزل في خط مستقم وين في شباك عمار مكي بين دهشة الجميع 000 حتي فوزي احتارفي الهدف العجيب

والمعروف بمباراة النافورة المشهورة 00

مباراة الهلال والمريخ برضوا المريخ غالب بهدف جندي والزمن خلاص انتهي وفي اخرثانية كورة معكوسة استلام من بهاء الدين

وفجاء بهاء الدين يفك الكورة بس تقول ماسك جان وكلاتشي جاهز تووووووووووف

والحدث القبل الاخير مباراة الهلال والترجي الاخيرة الهواء شديد خالص هههههههههه الشوط الاول كلو مع الهلال وانتهي الشوط الاول

وحمد افراد الترجي حمدوا الله كثير بانتهاء شوط الهواء ويجي الشوط الثاني لكن الهواء قلب برضو مع الهلال ههههههههههههههههه

والشي الغريب بان فوزي غير مطلوب مدربا لاي فريق حتي في فترة اعفاءة من تدريب الهلال

سر0000000000عجيب 000000000000000وغريب0000000000000ومبالغة يافوزيييييييييييييييييييييي

منقول من احد المقابلات مع احد المدربين من احد المواقع

[هيثم عبدالعال]

مدخل :

مدريد - د ب ا

هدد أحد السحرة في إسبانيا باستخدام فنون السحر ضد نادي ريال مدريد، حيث نشرت صحيفة "الموندو" الصادرة الاثنين 28-9-2009 خطاباً كتبه الساحر الذي لم يذكر اسمه، والذي هدد فيه بالاستعانة بالسحر حتى يتعرض اللاعب الشهير كريستيانو رونالدو للإصابة.

وجاء في خطاب التهديد الذي نشرته الصحيفة، "لن تكون الإصابة خطيرة بالضرورة، ولكن الفترة التي سيقضيها اللاعب وهو مصاب ستكون أكثر من الفترة التي سيتمكن فيها من اللعب".

وأكد الساحر أنه لا يكن أي ضغينة لرونالدو أو لريال مدريد، بل ينفذ فقط تعليمات شخص كلفه بالقيام بذلك ودفع له مبلغا مالياً، مشيراً إلى أن لديه مجموعة صور لرونالدو سيستخدمها لتنفيذ سحره

على الصعيد المحلي وبعيداً عن مسألة الإيمان بالإمر من عدمه أؤكد ومن واقع معايشه أن المجتمع الرياضي يعج بهذه الممارسات ويستوي في ذلك البروف والأمي ... وممكن نجيب نماذج أقصد يمكن .

[روبش]

مدخل :



على الصعيد المحلي وبعيداً عن مسألة الإيمان بالإمر من عدمه أؤكد ومن واقع معايشه أن المجتمع الرياضي يعج بهذه الممارسات ويستوي في ذلك البروف والأمي ... وممكن نجيب نماذج أقصد يمكن .

نتفق في مثل هذه الامور وهي موجوده وبكثرة .. ولكن السؤال هل هي تلعب الجزء الاكبر في نجاحات الفرق

[هيثم عبدالعال]

نتفق في مثل هذه الامور وهي موجوده وبكثرة .. ولكن السؤال هل هي تلعب الجزء الاكبر في نجاحات الفرق

نوعاً ما تلعب

شكلك كده عاوزني أجيب ليك النماذج



ما تكمل الريحه يمكن يوم الأحد تحتاج ليها