أسبوع الصراحة الزوجية ..!

[أبوريلان]

أم وافى الشوق ليك أبعاد

أنا موجود بس الظاهر دوامك تغير

إلا أن يحالفنى الحظ فى العثور عليك أقول سلام يا رائعة

وياريت تطلعى على هذا الرابط ولكى ودى .


http://www.roro44.com/zawaj/3am/76.htm

[روميساء 2004]

ياسر ....

كل سنه وانت طيب ...

ويا رب ريلان تكبر وترد علينا ...

شكلك عجبتك حكاية زوجي اخلص لي فنسيت كل اخطائه السابقة !!!

تعرف ان اعظم نعمة هي النسيان ...

لكن مشكلتنا احنا النسوان بنمسك في الغلط وما بتنسي الا بعد عمر ...

ما المعني اننا حاقدات ؟!!

لكن كل ما في الموضوع ان الخطأ ما بتنسي لها بالساهل ...

الله لا وراك زله ولا ( زرزرة مع ام البنية ) ...


ام وافـــــي ...

[نهر الفرات]

السلام عليكم
شكرا يااختي رميساء على الموضوع الحلو
الله يعيطكي الصحه والعافيه


نهر الفرات

[أبوريلان]

أم وافى كل سنة وإنتى تتحفينا بالجميل الرائع وتعطرى مدنى بالدرر النفيسه ،
تشكرى على الرد الجميل ياحلوه ، وربنا يرزقك بريلان قولى آآآآآآآآآمين وإنشاء الله ريلان ترد عليك قريب يا أريج ، أكيد النسيان نعمة من الله علينا ،
لنا عودة .

[روميساء 2004]

نهر الفرات ...

الموضوع محتاج رائك والله ....

افتينا ....


ام وافي...

[روميساء 2004]

ابو ريلان ...

الله يدينا البنية ويديكم الولد ....

قبلاتي للعسل ريلان ...

وحقا النسيان نعمة ....

ام وافـــــي ...

[أبوريلان]

آآآآآآآآآآآآمين يارب ،
قررت أن أخوض معك الجنون بلا عقبات فغامرت بنفسي وسخّرت طاقات جسدي منقادة لولائك صرت أغدق عليك عاطفة جيّاشة بلا حسبان

[روميساء 2004]

ياسر ...

يا ابو البنية العسل ...

زغت مني ولا من الزرزرة ...

الله يكفينا شر الغيرة !!!


ام وافــــــي ....

[waheeb]

الصراحه الزوجيه..

أخبروني عن أي علاقه تفتقد فيها الصراحه وتستمر؟!!!!

الحياة الزوجيه رباط مقدس بين شخصين اختارو نفس المسار .. اذا لم تكن صريح

مع من تحب فمع من تكون؟!!!!

صدقوني عندما تتراكم الأخطاء دون علم شريك حياتك تكون أكثر قسوة

عندما تتعري وتنكشف...

فدعونا نعيش بصدق مع أنفسنا ونعترف اننا لسنا صريحين بما فيه الكفايه..

ودمتي أختي روميساء علي هذا الموضوع الذي يحتاج الي نقاش مستفيض...

[روميساء 2004]

وهيب ...

عدت لأواصل ما انقطع من حديث ...

نحن غير صريحين بما فيه الكفاية ؟

هل لها حد ؟؟

أم هي متفاوته من شخص لآخر ؟؟؟

أم من فعل لاخر ؟؟؟

سأعود ان امتد بي العمر ...

أم وافـــي ,,,

[أبوريلان]

أم وافى

سلام كيمان

شكلك عجبتك حكاية زوجي اخلص لي فنسيت كل اخطائه السابقة !!!

أنا أبوك يا ريلان مابزوغ من الزرزره ، بس لو زوجك أخلص ليك دايره شنو تانى إنتى ، وبعدين الغيره حلوة وبتزيد الحياة جمال طبعا فى حدود .


قال تعالى (( وجعلنا بينكم مودة ورحمه )) صدق الله العظيم .

[waheeb]

أم وافي

افتقدناك بشده.. وايضا غبنا بعض الوقت لكن عدنا وعدت والعود أحمد ان شاء الله..

وأقول نعم نحن لسنا صريحين بما فيه الكفايه أحيانا نخاف من الصراحه حتي مع انفسنا وهذا عيب

فينا..

واتفق معك علي ان الصراحه تختلف من فعل لاخر لان لكل فعل درجه من الصراحه.. وللصراحه

حدود نعم ولكن تختلف تلك الحدود من شخص لاخر...

مثلا مع زوجتك يجب ان تصارحها بكل ما تحبه فيها ويجب علي الزوجة فعل المثل وليس ذلك عيبا

او نقصا..

[روميساء 2004]

أبو ريلان ...

التحية لك يا ابو النية ...

والشوق خليه ساي...

أنا امرأة أنانية في زوجي ...

انانيتي فيه تديني حق معايشته لحظة بلحظة ...

ممكن يضايقني شئ في الماضي ...

بس القلب غفور طالما في الاحساس البنسي ضيقي ...

زوجي اخلص لي فتناسيت اخطائه ...

الغيرة موجودة بالفطرة ...

بس كيف ؟! باي شكل ؟!!

تتفاوت من شخص للتاني ...

أم وافــــي ,,,

[روميساء 2004]

وهيب ...

احتراماتي يا ابو اشرف ...

والله ما يفقدك عزيز ...

انجذاب الشخص للشئ دليل على اعجابة به ...

اما ما يثير الضيق فاظن الرسالة واضحة ...

مسألة حب الزوج للشئ وكرهه له من اهم الاشياء التي فرض على الزوجة الالمام بها ...

والا ...؟؟؟

أم وافـــي ...

[waheeb]

روميساء..

عندما يبدئ الانسان اعجابه بشخص ما فانه دليل علي حبه لذلك الشخص ويختلف ذلك الحب حسب

الشئ الذي جعلك تنجذب اليه . فعلا ,شكلا أو قولا..

وأقول لك ان الزواج ليس مملكه يعيش فيها اثنين فقط بل هي مملكه كامله يجب ان تنظر فيها الامور

بجوانبها الاربع.. لا بمنظور واحد..

[روميساء 2004]

وهيب ... كلامك على العين والراس ...
بس ....
انت معاي في أن الصراحة أساس لنجاح اي صرح قيد الانشاء ؟!!



أم وافــــي ,,,

[خالد هاشم علي]

أم وافي.....
تحيات وسلام بالكوم والردوم.....
أول حاجة داير أسجل إعجابي المنقطع النظير بالموضوع وأنا قريته من أول مانزل في الصفحة بس كنت خجلان ومتردد شوية لغاية ماشفته الشباب بداوا في المشاركة إتشجعت شوية. وأنا حاأكون صريح جداً بخصوص تجربتي الشخصية في الموضوع ده.
فقد كنت صاحب مغامرات عاطفية ونزوات وسقطات وخلافه. إلا وأنني وبرغم كل ذلك كنت صريح لأبعد الحدود مع المدام ( طبعا الكلام ده كان أيام الشباب ) وإحتمال ظرفي مختلف شوية عن البعض فقد كانت تربطني بزوجتي علاقة إمتدت زهاء ( 17 سنة) منذ ان كنا في المرحلة المتوسطة ، فقد كانت كل عالمي وكانت تسمع لي بكل صبر وكنت أحكي كل شيء لها بدون حذف اي حاجة وسبحان الله كانت تسمع لي ( إحتمال كانت بتقول في نفسها اتمسكن لغاية ماأتمكن) ومرت السنوات وعقلنا شوية شوية لغاية ماخلاص بطلت كل حاجة وبقيت ملتزم نحوها لأني حسيت بأنها ماتستاهل مني الظلم ده ولازم أخلص ليها زي ماهي مخلصة لي. وعقدت العزم وهي معي خطوة بخطوة. وقبل أن أتم عقد القران مزقت آخر صفحة من صفحات المغامرات ( والذي منه) وجيت وقلت ليها خلاص انا نظيف وجاهز لتكملة مابدأناه سوياً وإتفقنا أن نستصحب معنا كل ماهو جميل من الماضي وأن نترك كل ماهو قبيح ومشين. والحمد لله تم الزواج وهي تجلس الآن بقربي لحظة كتابة هذة الرسالة.
لكن.....
في الفتلرة الأولي من الزواج كانت تشك في كل حركة من حركاتي، والعجب لو جاتني مكالمة علي الجوال ولا رسالة ( يالطيف ) زرزرة مافي بعدها . وبقيت ماعارف أعمل شنو ؟؟؟ ياربي أنا كنت غلطان لمن صارحتها بكل حاجة ؟؟؟؟؟؟ بس كمان انا صارحتها بي توبتي وإلتزامي. ليه ماتأخد كلام التوبة علي محمل الجد بدل ماتأخد الكلام التاني ( الماضي ) علي محمل الجد ( حيرتونا معاكم يابنات حواء ) وزي ماقال محمد المهدي الفادني بفرقة الأصدقاء المسرحية ( نكورك ليكم ماتجوا، نجيكم تكوركوا ). المهم صبرت علي الموضوع كتير وكاد أن يعصف بحياتنا بس كنت بصبر وبمسك في نفسي ، والحمد لله سحابة صيف وعدت وعاصفة ومرت وحالياً كل الأمور تمام التمام ( ولو جاتني مكالمة تجري تجيب لي الموبايل) لأنها خلاص إقتنعت . بس انا مأضمن الموضوع ده لباقي الرجال ، يعني بصراحة كدة ( الصراحة الزايدة مع النسوان ممكن توديكم في ستييييييييييييييييييين داهية ) . وخلوا أموركم وسط .

ودمتم......

واحد مجرب.

[روميساء 2004]

خالد هاشم ...

ياخ والله العظيم استمتعت جدا لمشاركتك الكنت منتظرة واحد بس من المتواجدين يبرد لي بطني ذي ما بقولوا عشان نصل لمسأله الصراحة الزائدة بتودي
( في ستين ) على قولك
اما ( المدام ) اطال الله في عمرها وابقاها لك ولينا .. طلعت انسانة عاقلة جدا ...
لأنها اتصرفت بحكمة من البداية ... اما الشك على حد قولك ما هو الا ( غيرة ) بتتحرك جواها كغريزة فيكل امرأة ...
العاجبني في الموضوع اكتر سحابة الصيف العدت ... هي الحياة من غير سحابات صيف بتبقي ؟!!
اكيد لا ... بس الاحلي من وجودها لما تبعد تلك السحابة ... شوف مقدار المحبة بتزداد اضعاف ما كانت ...
خالد و ( مدامه ) ... الله يسعدكم دنيا وآخره ...
وكل الفرح لكم ...


أم وافــــي ,,,

[خالد هاشم علي]

تسلمي لينا من كل شر ياأم وافي وأنا سعيد جداً بموضوعك وزي ماشفتي أنا كنت صريح معاك لأبعد مدي وده كلو عشان الفايدة تعم والشباب المقدمين علي الزواج يتعظوا شوية ( يعني ماكل حاجة بتنقال ) إلا تضمن تماماً إنو لو فكيت آخرك زوجتك حتسمع وحتصفح وحتسامح . بس لمن تحكي تكون جادي في إنك خلاص ودعت عهد التيه والضلال ، يعني الحكاية مامفاخرة وفرد عضلات بقدر ماهو إعتراف بالذنب وطلب للغفران والنسيان ولازم تصبروا شديييييييييييد علي موضوع النسيان ده وماتتوقعوا إنه بمجرد إعترافكم خلاص هي حتغفر ليك. لا أبداً ( حتأخد ليها جعيرة كم يوم وحتصر ليك وشها كم يوم وحتطاعنك بالكلام كم يوم وتقول ليك ياخاين. بس حيكون سحابة صيف وحتعدي وحيكون بعدها الزهور والورود وكل ماهو جميل وحلو ، وربنا يسعد الجميع ويهدي سر النفوس.
ودمتم.

[روميساء 2004]

خالد هاشم علي...

القومه ليك ياخ ...

طبعا اقنعتني براااااحة بكلامك ...

بس نسينا شئ تاني ...

نحن فئات من البشر ...

يعني ناس بتفهم وناس ربنا ماقسم ليهم الفهم..

والفهم قسم ...

نصفك الآخر ...وكارثة اتضاح الامور ...

اسواء الفروض اني اقول ( غشيتني ) ...

او اهتزاز في موازين الثقة ...

مصيبة طبعا ...

الله يكون في العون ...

محاولات الارضاء بائت بالفشل ...

مرة أولي وعاشرة ...

بعيدا عن التصرف العقلاني لـ( مدام خالد ) ...

ومع انتفاء وجود القبول من الطرف التاني ....

أخر العلاج عندك شنو ؟!!

برضو الصراحة راحه ومالوا ...




أم وافــي ..

[خالد هاشم علي]

تسلمي ياروميساء.... وكل الإجلال ليك والتقدير والإحترام... وأحي فيك إهتمامك بالموضوع الحيوي ده.
رداً علي سؤالك وبعيداً عن التصرف العقلاني لحرمي وفي حالة إنتفاء القبول لدي الطرف الآخر فمافي حل إلا:

إنو الواحد يلبت تحت القش ويداري علي شمعته عشان تقيد ويترك تعذيب الضمير ويقنع ضميرة بإنه عايز يكون صريح ونفسه يوضح كل حاجة للطرف التاني ولكن.....
إذا كان الضريبة هي الخسارة ( خسارة الطرف التاني) فأحسن يتحمل عذاب ضميره وحيجي اليوم اللي حيقدر يقول فيهو كل حاجة ومافي داعي للإستعجال ويصبر علي امل أن تنمو صفة القبول لدي الطرف الآخر وعندها فقط يستطيع قول ماكتمه كل هذة الفترة وياريت لو كانت بعد ظهور الأطفال علي سطح الحياة الزوجية . عندها تهون كل الصغائر ويصبح كل الهم تنشئة جيل جديد وغرس كل ماهو جميل في نفوسهم...

ودمتي ام وافي....