الاخ عبد المنعم لك التحيه والسلام .. لقد خضت فى موضوع سبق وان كتبت عنه فى منتدى اخر وللاسف نحن شعب مش بطى .. نحن شعب لا يتحرك اصلا ... البطى هو الذى يصل الى هدفه متاخرا او حتى اخرا .... ولكننا شعب يزحف الى الوراء واكررها ...بكل اسف .... نزحف للوراء .
حب الوطن والولاء للوطن هى من الصفات الاولى فى الانسان التى تجعله يقدم لبلده التربيه الوطنيه لم تدرس الينا بالطريقه الصحيحه لان معلمها ليست لديه هذه النزعه ولان فاقد الشى لا يعطيه لذلك تجد المغترب وقد تجاوز الثلاثون عاما فى عمله دون ان تكون له ادنى فكره فى العوده الى الوطن والدفع بمسيره العمل ومد الاخرين بخبراته العمليه وما اكتسبه ؟؟؟ لن يفعل ذلك لانه لم يرى شخص اقدم الى مثل هذه الخطوه او من اقدم اليها خسر اللى وراه واللى قدامه بكل الصراحه ,
بصراحه استغرب لحال موظفينا فى السودان اللى يداوم بعد الثامنه ويذهب للفطار لاكثر من ساعه .. وما تنسى الصلاه اللى ممكن يؤديها فى اقل من 10 دقائق تاخد معاه وقت اكثر من فتره الفطور ,,,والاغرب فى السودان هو الذهاب الى العزاء وقت الدوام ؟؟؟؟
ثانيا ما اصاب نفوسنا اخى منعم من مرض لم نجد له علاج وهو متفشى بالدرجه الاولى فى السودان تناسى فيه الضمير او نسى فيه الضمير بان هنالك اخره وان هنالك حساب يوم القيامه ز
احكى لك قصه عن جد المتنى ... يحكى لى احد الاصدقاء بان شخص من اصحاب الملايين فى الامارات ذهب ليستثمر فى السودان واخد معاه اخونا اللى حكى لى القصه دى بحكم عمله معاه وبحكم انو سودانى ... المهم الجماعه وصلوا السودان واجتمعوا مع بعض الاشخاص واستمرت الاجتماعات لاكثر من اسبوع لانه الليله فلان جاء التانى ما جاء فلان عندهم عزاء ..فلان حبوبته فى المستشفى المهم استاء الخليجى واكثر ما المه هو عند الاجتماعات تجد نص المجتمعين فى حاله نعاس والنصف التانى فى حاله نوم وناس تدقس .. وياريت ده كلوا وكملو ا ... الجماعه قالو دايرين حقهم قبل كل شى وصاحبنا لملم اطرافوا ورجع .
والله يكون فى عونا ...
Array
Array
ضوابط المشاركة
رد مع اقتباس
المفضلات