عووووووووووك

[مصطفى هاتريك]

يا اخ خالد ويا معتصم
لا يمكن ان تتحدثوا عن تغدي على النيل في حدود 500 ولا 600 متر هو عرض النيل كله كم
اظنكم قاصدين 50 ولا 60 ودي ذاتا كتيرة
ولعلمكم دي ما اول مرة في مدني يتم مثل هذا العمل
ودونكم اسطنبول زقصر الضيافة وارجو الا يكون ردكم ذي ناس الري ( والله نحن ماسمعنا بشغل اسطنبول وقصر الضيافة وسنتخذ اجراءات معاهم بعد ما عرفنا)
الامر ناس التجميل متابعنو وهم ابناء المدينة زمتخصصين في ادارة المياه وعارفين كان ام سويقو ولا غيرها ممكن تغرق ولا لا
وما تسمعوا ادعاءات مسئولي الري فهجومهم اسبابه معلومة لدينا ودا صرلع نحن برة منو وما قدروا
ما يهمنا ان هناك عمل يجري في تطوير هذه المدينة ونحن معاهو للاخر
ولانكم غيورون ععلى مدينتكم خلوكم معاه
زما تسمعوا هذه الاصوات الما هاميها غير النقد الهدام زالذي ستدفع ثمنه هذه المدينة

[مصطفى هاتريك]

و الله حيرتونا
ورونا البرضيكم شنو
انتو لا بعجبكم العجب ولا الصبام في رجب

[أبو جودي]

أخونا هاترك ،،، فعلاً أعجبت كثيراً بسؤالك ،،، كدي عاين في أنحاء
السودان الأخرى ونوعية المشاريع البتنفذ هناك وعاين لي مدني حتعرف الفرق
لمن نقول أنحنا عاوزين مشاريع تفيد المدينة وفعلاً تكون محتاجه ليها
وبعد ما تشوف لنا لقاء

[أبوربا]

انا رأي أنه عمل جميل وممتاز ردم جزء من النيل والاستفادة منه....لان الموضوع اذا ما زبط الخاسر صاحب المشروع ..واذا نجح المستفيدة مدني...والخريف على الابواب خلونا نشوف ايه راح يحصل...بعدها نتكلم
أما هذا مكان يبرد فيه النيل وفيه مكان قياس ارتفاع النيل هذا كان زمان...اجهزة القياس والمتابعة تتطورت كثير...
صراحة خلونا نفكر بايجابية..ونبتعد عن التفكير السلبي...

[هجاام]

يا اخ خالد ويا معتصم
لا يمكن ان تتحدثوا عن تغدي على النيل في حدود 500 ولا 600 متر هو عرض النيل كله كم
اظنكم قاصدين 50 ولا 60 ودي ذاتا كتيرة
ولعلمكم دي ما اول مرة في مدني يتم مثل هذا العمل
ودونكم اسطنبول زقصر الضيافة وارجو الا يكون ردكم ذي ناس الري ( والله نحن ماسمعنا بشغل اسطنبول وقصر الضيافة وسنتخذ اجراءات معاهم بعد ما عرفنا)
الامر ناس التجميل متابعنو وهم ابناء المدينة زمتخصصين في ادارة المياه وعارفين كان ام سويقو ولا غيرها ممكن تغرق ولا لا
وما تسمعوا ادعاءات مسئولي الري فهجومهم اسبابه معلومة لدينا ودا صرلع نحن برة منو وما قدروا
ما يهمنا ان هناك عمل يجري في تطوير هذه المدينة ونحن معاهو للاخر
ولانكم غيورون ععلى مدينتكم خلوكم معاه
زما تسمعوا هذه الاصوات الما هاميها غير النقد الهدام زالذي ستدفع ثمنه هذه المدينة

يااخونا هتريك انت بتهترك في الموضوع دا بدفاع شديد عن ناس تطوير ودمدني هذه الكذبة القبيحة علينا وعلي اهلنا البسطاء وبعدين المسافة ستين ولا ستمائه ليس محل نقاشنا النقاش في انك بتعمل في مشروع وبتخسر فيه قروش من مالنا وقد سمعنا انه كلف المالية اكثر من تلاته مليار اخذها سوسيو (الود المستثمر)وهناك قانون اسمه قانون حماية المسطحات المائية يمنع فيه اقامة اي عمل في مجري النيل ويمكن لاي مواطن ان يفتح بلاغ ضد اي زول حتي لو كان الوالي ولقد ذهبت فعلا للشرطة الموجودة الان قرب النيل وقالو لي بالحرف الواحد نحنا عارفين الكلام دا غلط ولاكن ما بنقدر نفتح ليك بلاغ وقالو لي دا شيء خطير ونحنا يا هترك ساكنين جنب النيل وبنخاف علي الناس الساكنين بالقرب من النيل فارجو ان لا تضيع مجهودنا في محاربة هذا الموضوع الخطير .
كما اذكرك واذكر المسؤلين سيكون انشاء الله مصير المشروع دا مع الفيضان زي مكياج الواحدة الدقتا المطرا .
ولي رجاء يا حبوب ان تدقق في الاملاء شوية عشان نفهم.

[هجاام]

الاخ هتريك قلت كلام انا ما داير افوتو ليك حتي لا نعتدي علي اصحاب التخصصات الذين اهملوا كثيرا واصبح المستشارون في امور خطيرة هم اجهل الناس لذلك ضاع مشروع الجزيرة وضاع الري وضاعت المصانع بسبب الذين اوصوا بقفلها وتشريد العاملين فيها كلامك خط خطير وهو قولك( وما تسمعوا ادعاءات مسئولي الري فهجومهم اسبابه معلومة لدينا ودا صرلع نحن برة منو وما قدروا)
انا داير اعرف انتو منو ثم اننا لانثق الا في ادعاءات مسؤلي الري لانهم دا شغلهم ودا القروهو وهم المسؤلين فيالغرابة حديثك؟؟؟

[هجاام]

و الله حيرتونا
ورونا البرضيكم شنو
انتو لا بعجبكم العجب ولا الصبام في رجب

يرضينا ان تقاد هذه البلد بخبرات اهلها والبرضينا ان لا يستقل اصحاب النفوذ والقرب من الولاة والمسؤلين قربهم ليستقلوا حتي مجاري الانهار والبرضينا انتخابات حرة ونزيهه ليحكم اصحاب الوجعة الحقيقيين بلدهم وبرضاهم ولا يكون مثل هذا التبديل والتزوير فنحن لا نثق في من جاء ليحكمنا بالتزوير والتبديل وكل هذا الذي يرضينا نسأله من حي لا يسهي ولاينوم وسيتم يوما هذا المني ان شاء الله