كان يا ما كان في قريب الزمان ... كان في يوم إسمه ( السبت )
وكان يلقب بالأخضر .. وفي مثل ماليزي بقول (( السبت أخضر )) ... المهم
بقدرة قادر كده السبت ده بقى (( أغبش ))... و الغبشو شنو ما عارف .
السبت ده كان أطول يوم في الإسبوع و أي حاجة فيه بالدبل : دبل
رياضيات ,, دبل إنجليزي ,, دبل عربي .
وكمان السبت كان فيهو التفتيش إييييييييييييييييييييييييييييق
الشعر .. والأضافر .. وحاجات تانيه حامياني .
والسبت برضو كان فيهو حاجات سمحة , زي زيارة ود كنان و ما أدراك
ما زيارة ود كنان .. المداحين و الذكارة و الفرجيخة في الواطة و أكل
التبش بقرش و الشطة بلاش .....
المحيرني زمان نشرب كورة الشطه دي كلها و أححح ما نقولها .. أما
الآن يا مستشفى جاك زول .
ملحوظة ؛
طبعا أنا ما حضرت الزمن داك لكن كلموني بيهو بعض أخواتنا
الكبار الأعضاء في المنتدى و الكانو ساكنين (( ود كنان )) وهسع
في الخرطوم (( والفرجيخة في السهلة ما بعرفوها ))
المفضلات