غايتو في الشايفو ده بتبقي فيكم البقت فينا في ميدان حي البان
الله يرحمك يا الخليل
زماااااااان عملنا لينا فريق كده لتقناو تِلِتِق عشان يتِم حِداشر نفَر والحِداشراوي كان الكُمساري الشغال في حافلتنا بتاعة سنكات جبرونا
قُمنا خشينا ليك دوره في حي البان, ويوم أول لعبه جينا ماشين ليك بي تحت حيطة ناس الخليل الله يرحمو وحيطتم كانت قِصيره وشفناهُ ليك قاعد في المصلايه
قمنا قلنا ليه يا الخليل شيل لينا الفاتحه, قام رفع ليك يديو فووووووووق وطاااااخ ضربُم وقبل علينا جاااااادي قال لينا دسته.
تِنقِش تِنقِش مشينا ليك الميدان ولقينا ليك حي البان دي كلها قاعده في البنابر, لا وكمان قال ليك الدوره بذيعوها في الإذاعه.
وانا جاااااري علي القون هو والقون هو القون هو والقووووون وتل لمَّه ليك فيني واحد كفتني ليك بي ورا, الكوره طلعت في الآوت وانا الخشيت قون
الحكم كتَّر خيرو حكمها ضربة جزاء وشاتها ليك الكُمساري وجبنا القون الأول وإنتهي عليه الشوط الأول
الشوط التاني حصل علينا الحا يحصل عليكم موش كان شربتو ليمون ود سمير,
التعادُل, ختيناها في النُص قلعوها جابو التاني, ختيناها في النُص تووووف التالت, ختيناها في النُص الرابع جا من النُص, ختيناها في النُص الخامس تعالا بُص, ختيناها في النُص
السادس السابع التامن التاسع العاشر الحداشر دسته عديييييييييييييييييل كِده والحكم صَفَر وما تشوفنا إلا عاملين ليك مُظاهره قدام بيت ناس الخليل وحي الثوره كلو جا مارق يشوف الحاصل شنو!!!!!
ونحن نكورك ليك وجادييييين يا خليل أمرق بره يا الخليل أمرق بره
وأظرف ما في الموضوع لمن مدَه راسو بي فوق قال لينا إنتهت كم؟؟؟ قلنا ليه إتناشر واحد!!! قال لينا ما قلته ليكم.
المشاركة الأصلية كتبت بواسطة abomazeen
Array
Array
ضوابط المشاركة
رد مع اقتباس
[/IMG]
المفضلات