حروف .. لأقلام سامقة في هذا المنتدى

[كاظم]

حبيبنا كاظم لك كل الود

بصراحة هذا الجانب من الثقافي وبرغم كمية الإبداع التي فيه إلا أنه لم يجد حظه من الإهتمام والمتابعة خصوصاً من أعضاء المنتدى والملاحظ أن زوار الموقع كلهم أبو بعضهم تجده متواجد في الثقافي ولكن للأسف نحن كأعضاء نبحث عن الترفيه بأشكال أخرى فشكراً كثيراً أن نجد هذه البانوراما أمامنا دون عنا فهم يستحقون بكل ما تحمل هذه الكلمة من معاني

لك خالص التقدير والإحترام

الأخ العزيز النويري سلامات يا رجل وخالص تحياتي لك دوماً
اتفق معك فيما ذهبت إليه وحديثك هذا يفتح الباب لنقاش أكبر حول الهدف من انضمام الشخص إلى إحدى المنتديات العامة بمختلف أنواعها واتجاهاتها عموماً وهل كانت هذه المشاركة بغرض الكتابة؟ القراءة؟ الاثنان معاً؟ أم كانت لأغراض أخر .. والإجابة على ذلك تحدد إمكانية مساهمة هذا الفرد في المطروح هذا بالإضافة إلى مشكلة أخرى في رأيي وهو أن بعض الأعضاء ومنهم أنا في بعض الأحيان نميل إلى الاطلاع العابر على مجمل ما يكتب هنا وهذه القراءة المتعجلة لن تعطيك كامل الأبعاد الجمالية للنص. وأؤكد مرة أخرى أن هذا المكان يعج بالمبدعين والمبدعات بلا أدنى شك.
أشكرك أخي النويري وكن دوماً بخير

[كاظم]

اتمنى ان يكون هذا البوست في الاعلى دئما بالكتابة المتواصلة أو بالتثبيت

أشكرك أستاذنا بدر الدين على تقديرك لهذا البوست وإضافاتك التي أتمنى ألا تنقطع فقد أعطت المكان عبق فني جميل
مودتي

[كاظم]

حرف ثالث



نص جميل لجميل غايب اسمو شبارقة .. بيذكرني فترة ظهر فيها الشعر الدارجي بطريقتو الانتو شايفنها الليلة دي وما بعيد الكلام ده .. شعر مدهش من حيث المفردة وموغل في الصور الذهنية المعقدة والبسيطة في آنِ معاً وده كلو مع شاعرية متمردة لدى معظم من كتب بهذا الشكل .. شبارقة زول حريف وأظنو بدا كده .. نص جميل .. اتفضلوا معاي

لسة فاكر

شبارقة

والله مارق منها
وما كنت بحلم بالفراق
ولا درت أمرق منها
لكن زمان الفرقة حاق
جابراني امرق منها
رغم الوساع البيها، ضاق
باكياني بيضة سنها
ولا بالا بعد الفرقة راق
**
مارقاني والشوق البدافر
و وحشة السفر المشاتر
يستفز عصب المشاعر
ارثي من زمن الطفولة
وذكريات ملت الخواطر
ورغم عني افوت اسافر
وابكي زي مطر الفواصل
في بلاداً ماها هيلي
في بلاد ما فيها نيلي
في بلاد سرقت قليلي
نورا في عينيا حاضر
**
و وينا ويني!
كل لحظة تمر تجيني
في خواطري تزيد حنيني
وفيني من شوق ليها فيني
و من انين بعدي وانيني
رغم بعدها ساكنة فيني
**
ولسه فاكر
وبكرة فاكر
وبعدو فاكر
مهما جاوزت المداين
وضقت من حمل التذاكر
مهما زاد صلف المواني
والقطارات التدافر
لسه بحلم اعود اجيها
لسه مشتاق لي عنيها
ولسه فاكر

[ساريه]

بوست دسم ومليان ....
وبنكهة كاظم الزعيم ...
متابعين بكثير من المتعه والاعجاب .....
وكل عام وانتى كما تحب زعيمنا كاظم ...

[كاظم]

فعلا استاذنا بدرالدين بوست بنكهة المبدع كاظم وفي طياتة العديد العديد من الدلالات
وفي إنتظار الحبيب كاظم دائما

شكراً يا أبوالجزولي على تثبيت البوست .. عموماً البوست تثبيتو ساهل .. انت البثبتك لينا شنو؟
خليك قريب ياخي وتكون ما قصرت مع أخوك لو وريتنا هنا انت بتقرا لمنو في المنتدى ده.
محبتي يا صاحب وكن بالجوار

[كاظم]

بوست دسم ومليان ....
وبنكهة كاظم الزعيم ...
متابعين بكثير من المتعه والاعجاب .....
وكل عام وانتى كما تحب زعيمنا كاظم ...

ياا هلا بسارية وكيف الأخبار
الدسامة دي يا سارية ساكنة أقلامكم انتو والله .. أنا بس بقرا بصوت عالي شوية في جزو من الانتاج الغزير لشباب وشابات مدني .. بقرا بمزاج والله.
خليك قريبة يا زولة وعندي ليك سؤال كمان واللي هو انو انتي عايزة توصلي بالكتابة وين؟ كتير بسأل نفسي من انو الشباب ديل كلهم بكتبوا في مختلف ضروب الأدب .. بكتبوا بشكل جميل وأحياناً تحس انو احترافي فعايزين شنو في النهاية؟ وبالصدفة ظهرتي انتي بي جاي فقلت استنطقك بعد داك نشوف البجيبو الشارع منو.
شكراً لهذه الاطلالة اللطيفة يا سارية وكوني بألف عافية

[تغريدا]

حضووووووووور ومتابعة بشغف لما تنتقيه من أطايب الحروف ونفائس الكلمات وجايااااااااك راجعة برواق أخى كاظم -كن بود

[انور النور محمد]

الحبيب كاظم
تحية وسلام

اسمح لي سيدي ان اقراء معك هذا النص الجميل للزول السمح خالد علوني

ضل الطريق

ضل الطريق
وخطاة ماشة علي السراب
كم من مسافات ودرت
اقداموا في حضن اليباب
مسكينة قايلاه بيحن
وامالوا في حضن العزاب
شادد علي وتر الحروف
ماسك خيوط القول سراب
وعيونا بتشوف لي مدي
احساسوا بي وجع القراب
ضل الطريق
وفي خاطروا كمين من شقا
رجعة صداه
احساسوا بي انوا بيعيش
وقلبيوا بي الاحزان شقا
ودربوا ماشة علي الجمر
سيل من عزاباتوا بيمر
عمرا بشوفوا كما السراب
في دنيا ما بتعرف صبر
حس التعابا الزيوا كم
ومدة يدية علي الصبر
يلقاه مليان بي العدم
واحساسوا زي عايش غريب
وفي بالوا كم ساكن القرب
ما بينوا والدمعات حرف
وقليبوا ما شايف درب
غير البودي علي الحزن
وياريتوا لو لاقي الدرب
وما بين شفايفوا خصام سنين
لي بسمة ترتاح لي وترق
ويا وجعة القلب ان بعد
والدنيا ما بتديك شي
ضيعت خطواتك عبس
في زمة الاحلام مشي
ويا ريتا لو صحت خطاك
كان بي المواويل تنتشي
ضلت خطاك
احساسا بي قرب المكان
والجرح مازال فية شي
وشتان تحس بي صوت خطاك
يوم تمشي فوق جمر الاسي
وبين صوتا يوم تمشيها هي
بين ضحكة الايام معاك
وبين بسمة الزمن العصي
وما بجي لو لمت الزمن
ما الكل مسير فيها هي
لكين خطاك لابد تصل
والماشة لي الله بتجي

[كاظم]

حضووووووووور ومتابعة بشغف لما تنتقيه من أطايب الحروف ونفائس الكلمات وجايااااااااك راجعة برواق أخى كاظم -كن بود

يا مرحبا تغريدا ونورتي بوجودك والله
سعيد بحضورك معي في هذه السياحة الخفيفة عبر أقلام الشباب الجميلين ديل .. ومستنيك بروووووووووواقة برضو
مودتي

[كاظم]

الحبيب كاظم
تحية وسلام

اسمح لي سيدي ان اقراء معك هذا النص الجميل للزول السمح خالد علوني

ضل الطريق

ضل الطريق
وخطاة ماشة علي السراب
كم من مسافات ودرت
اقداموا في حضن اليباب
مسكينة قايلاه بيحن
وامالوا في حضن العزاب
شادد علي وتر الحروف
ماسك خيوط القول سراب
وعيونا بتشوف لي مدي
احساسوا بي وجع القراب
ضل الطريق
وفي خاطروا كمين من شقا
رجعة صداه
احساسوا بي انوا بيعيش
وقلبيوا بي الاحزان شقا
ودربوا ماشة علي الجمر
سيل من عزاباتوا بيمر
عمرا بشوفوا كما السراب
في دنيا ما بتعرف صبر
حس التعابا الزيوا كم
ومدة يدية علي الصبر
يلقاه مليان بي العدم
واحساسوا زي عايش غريب
وفي بالوا كم ساكن القرب
ما بينوا والدمعات حرف
وقليبوا ما شايف درب
غير البودي علي الحزن
وياريتوا لو لاقي الدرب
وما بين شفايفوا خصام سنين
لي بسمة ترتاح لي وترق
ويا وجعة القلب ان بعد
والدنيا ما بتديك شي
ضيعت خطواتك عبس
في زمة الاحلام مشي
ويا ريتا لو صحت خطاك
كان بي المواويل تنتشي
ضلت خطاك
احساسا بي قرب المكان
والجرح مازال فية شي
وشتان تحس بي صوت خطاك
يوم تمشي فوق جمر الاسي
وبين صوتا يوم تمشيها هي
بين ضحكة الايام معاك
وبين بسمة الزمن العصي
وما بجي لو لمت الزمن
ما الكل مسير فيها هي
لكين خطاك لابد تصل
والماشة لي الله بتجي

حبابك والله يا أنور
سبقتني بثواني في أن أعرض بعض ما أقرأه للشاعر الرقيق خالد علوني .. ربما لم يكن هذا النص تحديداً لكن والله يا أنور النص الذي اخترته انت نص فخم جداً .. يعني اختيار فنان بشبهك يا أبوالنور
أجمل ما في الموضوع انو أنا شخصياً بديت أستفيد من البوست ده أكتر من أي زول تاني يعني بديت أعرف الناس بتقرا شنو وأقراهو معاهم وفي الغالب الأعم بكونوا فتحوا لي سكك لي كتاب تانيين قد أكون ما قريت ليهم قبل كده فشوف مثلاً أستاذنا بدر الدين عرفني على كتابات زول جميل اسمو حسن سادة بالإضافة لي انو أداني كمان معلومات عن ريادتك للعمل المسرحي في مدني انت ونفر كريم من أبناء سليلة النيل الأزرق ودمدني
خليك قريب يا أبوالنور لأنو عندي معاك نقاش مهم بعد شوية لكن خلينا نقرا حبة ونجي راجعين

محبتي يا أبوالنور وكن دوماً بعافية

[محمد الجزولى]

حرف ثالث
نص جميل لجميل غايب اسمو شبارقة .. بيذكرني فترة ظهر فيها الشعر الدارجي بطريقتو الانتو شايفنها الليلة دي وما بعيد الكلام ده .. شعر مدهش من حيث المفردة وموغل في الصور الذهنية المعقدة والبسيطة في آنِ معاً وده كلو مع شاعرية متمردة لدى معظم من كتب بهذا الشكل .. شبارقة زول حريف وأظنو بدا كده .. نص جميل .. اتفضلوا معاي

لسة فاكر

شبارقة

والله مارق منها
وما كنت بحلم بالفراق
ولا درت أمرق منها
لكن زمان الفرقة حاق
جابراني امرق منها
رغم الوساع البيها، ضاق
باكياني بيضة سنها
ولا بالا بعد الفرقة راق
**
مارقاني والشوق البدافر
و وحشة السفر المشاتر
يستفز عصب المشاعر
ارثي من زمن الطفولة
وذكريات ملت الخواطر
ورغم عني افوت اسافر
وابكي زي مطر الفواصل
في بلاداً ماها هيلي
في بلاد ما فيها نيلي
في بلاد سرقت قليلي
نورا في عينيا حاضر
**
و وينا ويني!
كل لحظة تمر تجيني
في خواطري تزيد حنيني
وفيني من شوق ليها فيني
و من انين بعدي وانيني
رغم بعدها ساكنة فيني
**
ولسه فاكر
وبكرة فاكر
وبعدو فاكر
مهما جاوزت المداين
وضقت من حمل التذاكر
مهما زاد صلف المواني
والقطارات التدافر
لسه بحلم اعود اجيها
لسه مشتاق لي عنيها
ولسه فاكر

تعرف يا كاظم لما سجلت بالمنتدي كان الاخ شبارقة منزل بوست ديوان نظم مجنون
بصراحة بقيت زي المجنون
ما عارف اقرا شنو واخلي شنو
خاصة وانو الاخ شبارقة نزل كل النصوص مع بعض
أدهشني المبدع شبارقة في جميع نصوص البوست
خاصة قصيدته

كلام الشوق
درب مقفول
ولا بتقال
عشان الشوق وصل للحد
وقول الريد
نضم مجنون
مرق من النصاح بالجد
قدر باب الرشاد يفتح
يشوفا عليهو (طق) ينسد

ويهيم من تاني في جنّو
وكان من ريدو ما منّو
عيون أخّاذة ملكنّو
وقدر ما يتوب ويقول انّو
يزح سحر العيون عنّو
يهيج الشوق
ويغرق تاني في جنّو
وفعلاً كان متيم
من صغر سنّو
ولمن طاف دروب الريد
وعرفنّو
وحسّ خلاص بدورنّو
وبالريد والحنان والإلفة
أغرنّو
ونام عشمان على حنّو
نسن احساسو نكرنّو
وفاق من النصاح للجن
وصار درب الخبال فنّو
درب لافيهو زيف لا خداع
ولا الآمال بغشّنّو
دنيا بعيدة من الناس
حبيب وحبيبة
في دنياهو بتهنّو
ويتبسّم ورا الأحداث
وبره الكون
سعيد والله بي جنّو
شفته كيف يا كاظم
لما الريد يفوت حدو ...
وتلقي واحد رائع زي شبارقه كده ( يصبو) ليك في قواعد من الاحساس والفكرة
ما تملك إلا وأن ( تبحلق عيونك ) كده وأنت ( بتقضم ) الحروف حرف .. حرف
اما ابداع انور النور ده جاييك ليهو برواقه كده
تحياتي وحبي العزيز كاظم

[محمد الجزولى]

شكراً يا أبوالجزولي على تثبيت البوست .. عموماً البوست تثبيتو ساهل .. انت البثبتك لينا شنو؟
خليك قريب ياخي وتكون ما قصرت مع أخوك لو وريتنا هنا انت بتقرا لمنو في المنتدى ده.
محبتي يا صاحب وكن بالجوار

الجميل كاظم
قبل ما اخش ليك في عوالم انوار النور المبدعة سالتني بي تقرا لمنو
الرائعين كتار أكيد وهم سوامق حقا في هذا المنتدى
لكن خليني أديك نص لي ( نخلة ) طلع إبداعها يطاول السماء
وجذورها ضاربه في خصب الدهشة الممزوجة بتراب هذه المدينه
إنه الرائع سوباوي
اقرأ معاي كده يا كاظم

غانيات للمطر.....

ممطورُ الجتة

مبلولُ الخاطر

مفطورٌ عشقي على المطرة

محظورٌ شوقي عن البوح في حضرتها

تومضُ عيناي به .. كما البرق بلا صوت ...


************************************************** **************************
يأتي المساء على مهل

مهلٌ .. مهل ..

مطر الحزن انبهل

مطرٌ .. مطر ..

غسل المدائن للخشوع .. غسل المآذن للركوع ..

غسل الشجر ..

شجرٌ .. شجر

غسل التباريح وتجاريح الهوى ...

من غيبه السفر أب في الذكرى حضر ..

سفرٌ .. سفر

أرهقنا السفر .. العمر اندثر ...

مطر الحزن انبهل .. مطرٌ .. مطر ... مطرٌ .. مطر


************************************************** *********************

بهج مجيك ضوء النجوم الغافلة عن آهة تنهد

ما بتشيل تعب التردد

من فروق زمن الفصول .. والمطر ..

هجست على الأغصان عصافير التودد والرحيل

غنت مع الأطفال أغاني البهجة وامتشقوا السكون ...

************************************************** *************************

نبه خطاك الشوق

قبل وراك خاطر

كثف حضورك غيم ...

بلل رزازك قوس قزح ...

اقترح صمتك لغة ...

انشرح صوتك غنى ..

يا منى البشتهيك صحبة ورفيقة ...

جواي بقيف .. جواك يقيف كل الزمن

يغسل همومه ويغتسل ....

يا ممطورة وبيك بتوضأ

لما أجاوز حد الهم ...

يا منحوتة في عمق الخاطر

وبيك بتحقق أجمل حلم ...

يا أنثى بطعم الشهد ووعد الفرح الباكر يملئ الدنيا ..

[ساريه]

الرائع سوباوي

نبه خطاك الشوق

قبل وراك خاطر

كثف حضورك غيم ...

بلل رزازك قوس قزح ...

اقترح صمتك لغة ...

انشرح صوتك غنى ..

يا منى البشتهيك صحبة ورفيقة ...

جواي بقيف .. جواك يقيف كل الزمن

يغسل همومه ويغتسل ....

يا ممطورة وبيك بتوضأ

لما أجاوز حد الهم ...

يا منحوتة في عمق الخاطر

وبيك بتحقق أجمل حلم ...

يا أنثى بطعم الشهد ووعد الفرح الباكر يملئ الدنيا ..

نص يخليك تشبع ...... وتنتشهى كمان ...... شكراً ليك يا ود الجزولى وكل الشكر للرائع كاظم ... ووقبلكم سوباوى المبدع

[تغريدا]

الجميل كاظم
قبل ما اخش ليك في عوالم انوار النور المبدعة سالتني بي تقرا لمنو
الرائعين كتار أكيد وهم سوامق حقا في هذا المنتدى
لكن خليني أديك نص لي ( نخلة ) طلع إبداعها يطاول السماء
وجذورها ضاربه في خصب الدهشة الممزوجة بتراب هذه المدينه
إنه الرائع سوباوي
اقرأ معاي كده يا كاظم

وأنا أدعوكم للتفضل معى هنا فى رائعة أخرى حقيقة لم أجد ماأعبر به فكل التعابير خانتنى وماقدرت توصف

- آبنية أبقي جاية -

أبقي جاية ومعاك الأغنيات ..

شاتلة فى قلبك ورود ..

وشايلة في خاطرك صمود ..

أبقي داخلة وكل الأمنيات منك تفوح ..

لا رياح تبعزق دواخلك لا جروح ..

أكتبي في روحك شان حروفك تشتهيك ...

وعشان قوافينا يغشاها البريق لما تتحزم تجيك ..

آبنية .. من وجع الكتابة

نديان حروفك وسر يطوفك ..

أبقي مارقة على المداخل

وببقى داخل ..

فرِّي المواويل وأفرديها ..

لكل البناجي فيها ..

طيف وليفو ..

وأهدي ليهو

حرفك المسدول مموسق

أدلقيهو قولك الممشوق معتق ..

أبقي ليهو ضو العتمة أنتي

وبيك بيهو الدنيا تضحك والأمل جواهو صفق ..

وأوهيبوه نظرة .. رقصة .. شبال مجرتق

يحي فيهو نور شبابو

أصلو درب الإلفة أعمق

[كاظم]

تعرف يا كاظم لما سجلت بالمنتدي كان الاخ شبارقة منزل بوست ديوان نظم مجنون
بصراحة بقيت زي المجنون
ما عارف اقرا شنو واخلي شنو
خاصة وانو الاخ شبارقة نزل كل النصوص مع بعض
أدهشني المبدع شبارقة في جميع نصوص البوست
خاصة قصيدته

كلام الشوق
درب مقفول
ولا بتقال
عشان الشوق وصل للحد
وقول الريد
نضم مجنون
مرق من النصاح بالجد
قدر باب الرشاد يفتح
يشوفا عليهو (طق) ينسد

ويهيم من تاني في جنّو
وكان من ريدو ما منّو
عيون أخّاذة ملكنّو
وقدر ما يتوب ويقول انّو
يزح سحر العيون عنّو
يهيج الشوق
ويغرق تاني في جنّو
وفعلاً كان متيم
من صغر سنّو
ولمن طاف دروب الريد
وعرفنّو
وحسّ خلاص بدورنّو
وبالريد والحنان والإلفة
أغرنّو
ونام عشمان على حنّو
نسن احساسو نكرنّو
وفاق من النصاح للجن
وصار درب الخبال فنّو
درب لافيهو زيف لا خداع
ولا الآمال بغشّنّو
دنيا بعيدة من الناس
حبيب وحبيبة
في دنياهو بتهنّو
ويتبسّم ورا الأحداث
وبره الكون
سعيد والله بي جنّو
شفته كيف يا كاظم
لما الريد يفوت حدو ...
وتلقي واحد رائع زي شبارقه كده ( يصبو) ليك في قواعد من الاحساس والفكرة
ما تملك إلا وأن ( تبحلق عيونك ) كده وأنت ( بتقضم ) الحروف حرف .. حرف
اما ابداع انور النور ده جاييك ليهو برواقه كده
تحياتي وحبي العزيز كاظم

يا حبيبنا ودالجزولي كيفك يا زول
لشبارقة أشعار فخمة ونصوص متماسكة لكاتب حريف .. أنا قريت الديوان يا أبوالجزولي وذي ما قلت ما تعرف تقرا شنو وتخلي شنو وياريت لو شبارقة يكون سامعنا عشان نقدم ليهو الدعوة ما ينقطع وبنقول ليهو لسة يا شبارقة في ناس بتقرا ومستنينكم تكتبوا فما تختوا القلم واصلوا ..
نورت كالعادة يا أبوالجزولي وبالمناسبة عندي موضوع حنناقشوا هنا قريب

محبتي

[كاظم]

الجميل كاظم
قبل ما اخش ليك في عوالم انوار النور المبدعة سالتني بي تقرا لمنو
الرائعين كتار أكيد وهم سوامق حقا في هذا المنتدى
لكن خليني أديك نص لي ( نخلة ) طلع إبداعها يطاول السماء
وجذورها ضاربه في خصب الدهشة الممزوجة بتراب هذه المدينه
إنه الرائع سوباوي
اقرأ معاي كده يا كاظم

غانيات للمطر.....

ممطورُ الجتة

مبلولُ الخاطر

مفطورٌ عشقي على المطرة

محظورٌ شوقي عن البوح في حضرتها

تومضُ عيناي به .. كما البرق بلا صوت ...


************************************************** **************************
يأتي المساء على مهل

مهلٌ .. مهل ..

مطر الحزن انبهل

مطرٌ .. مطر ..

غسل المدائن للخشوع .. غسل المآذن للركوع ..

غسل الشجر ..

شجرٌ .. شجر

غسل التباريح وتجاريح الهوى ...

من غيبه السفر أب في الذكرى حضر ..

سفرٌ .. سفر

أرهقنا السفر .. العمر اندثر ...

مطر الحزن انبهل .. مطرٌ .. مطر ... مطرٌ .. مطر


************************************************** *********************

بهج مجيك ضوء النجوم الغافلة عن آهة تنهد

ما بتشيل تعب التردد

من فروق زمن الفصول .. والمطر ..

هجست على الأغصان عصافير التودد والرحيل

غنت مع الأطفال أغاني البهجة وامتشقوا السكون ...

************************************************** *************************

نبه خطاك الشوق

قبل وراك خاطر

كثف حضورك غيم ...

بلل رزازك قوس قزح ...

اقترح صمتك لغة ...

انشرح صوتك غنى ..

يا منى البشتهيك صحبة ورفيقة ...

جواي بقيف .. جواك يقيف كل الزمن

يغسل همومه ويغتسل ....

يا ممطورة وبيك بتوضأ

لما أجاوز حد الهم ...

يا منحوتة في عمق الخاطر

وبيك بتحقق أجمل حلم ...

يا أنثى بطعم الشهد ووعد الفرح الباكر يملئ الدنيا ..

شنو يا أبوالجزولي جبت لينا التحلية أول؟

سوباوي مرة واحدة يا رجل ... ياخي يا أبوالجزولي أحكي ليك حكاية .. أنا وسوباوي وأميمة عشرية وزول تاني اسموا لواء وزول آخر اسمو صلاح كلنا ذي ما بقولوا أولاد حفرة يعني دفعة وكده لأننا تقريباً سجلنا في المنتدى في فترات متقاربة أو بدينا نكتب بشكل راتب في فترة واحدة والموضوع وما فيهو انو أنا أول ما بديت الدخول كنت وبصراحة شديدة مستهيف القصة ومعتمد على إنو أي منتديات تحمل الطابع الجهوي أو القبلي أو المنتديات التي لها علاقة بجغرافيا تجمع الناس جعلتني أقلل من نسبة الاستفادة منها وسجلت فقط لأن المنتدى باسم حبيبتي مدني والمولد كله باسمها فقلت نشوف الحاصل .. يا زول لقيت عجايب .. انت عارف الشباب ديل كويس يا أبوالجزولي فاتخيل معاي انو كل ما تفتح المنتدى تلقى زول فيهم كاتب ليهو حاجة جديدة .. ياخي أنا ابتهجت بهجة في الدنيا دي وكان في نصنا سوباوي .. زول بديع يا أبوالجز .. كان أكثرنا رقة .. كان وجيهاً في العالمين ..
بالنسبة للنص .. ما عندي تعليق عليهو كالعادة وبالمناسبة لو راجعت كل شغل سوباوي بتلقى إنو تعليقي عليهو ما كتير ومرات ما بعلق بالمرة مع إني بكون قريت النص عشرات المرات .. ما عندي حاجة أقولها في كلام أكثر نداوةً من الندى

مشكور يا أبوالجزولي أن علقت وسام الجمال على صدر هذا البوست باصطحابك للمرهف سوباوي

مودتي

[كاظم]

حذف للتكرار

[مصطفى هاتريك]

بوست بطعم الروعة

شكرا يا زعيم

[انور النور محمد]

الحبيب جدا كاظم

سلام

دعني ازحم عليك انفاس الحروف بعطر من زهور الجنة
قامة علية وباسق فاتن الحضور ود تابر
اقراء معي

صرخة عصفور الجنة

** أحبتي الأعزاء ..
لقد سبق وأن تم نشر هذا النص ببوست زاوة للإتكاءة على القصة القصيرة .. ولكن عندما جاء الطوفان ذهب به مع بعض النصوص الأخرى .. وعند مراجعتي للبوست في قسم المكتبات ذلك الجهد العظيم والمقدر من الأديبة الدكتورة الأستاذة تغريد وجدت أن هذا النص غير موجود .. وبما أننا هذه الأيام نقف عند عنق الزجاجة .. وحالنا لا يخفى على احد .. وفاطمة السمحة بين المطرقة والسندان .. فاسمحوا لي أن أعيد نشره لكم مرة أخري .


صرخة عصفور الجنة

عصفور الجنة لا يقوى على الاحتمال .. جسده الهزيل تتقاذفه الريح العاصفة من أغصان الأشجار المترهلة على سقيفة البيت .. حاول الاختبـاء في انحنـاءات ألـواح ( الزنك ) بالسقف .. ولكن حرارتها أرغمته على الهبوط .. فصيف حزيران لا يطاق .. وحرارة الشمس فوق الاحتمال .. هبط على النافذة وتماسك بإعياء شديد وأطل فإذا بالبنت الصبوحة راقدة على فراشها تعبث بشعرها وتفرده بين أناملها ..
- مالي أراكِ حزينة المحيى .. ووجهك الملائكي يكسوه الشحوب
- انتظرتك سنوات .. ولكنك غبت عني كثيراً .. أحسست ببعدك عني .. وعشت لحظات الفراغ والوحدة ..
- لقد كانت رحلتي طويلة .. طويلة .. رأيت فيها غابات الأبنوس .. ولفحتني فيها شمس استوائية .. والتهمت أنواعا من الفاكهة أصابتني بعسر الهضم .. ومن ثم نمت طويلا بفعل ذبابة مقيمة هناك منذ عهد بعيد بعيد .. وزمن سحيق سحيق .. وها أنت ترين .. ما بي رغم الحنان الداخل القلوب .. والألفة المرسومة في كل الوجوه ..إن رحلتي كانت صوب الجنوب .
- آآآآآه ... فأنت أتيتني بالجديد المثير .. لتؤنس وحشتي .. وتعزيني في حيرتي .. وتسامرني في وحدتي .. فأنا أعشق الوحدة والاكتمال فبها نكون عقدٍ مكتنز بالجمال .

في تلك الأثناء كان الضحى قد حل .. وحفيف الأشجار بدأ يخفت ويصمت رويدا رويداً .. وبدأت الشمس تتعامد في كبد السماء .. ورغم ظلال السنديانة العمالقة التى تغطي جانب الدار .. إلا أن لهيب الحر يكوى .. وتموج الدواخل كالبركان .. وعصفورنـا الصغيـر لا يقـوى على الوقـوف فسيقانه نحيفة ضئيلة .. .. وبطنه طاوي منذ ليالٍ لا يعرف طعم الملح والسكر .. والدقيق واللحم المحمر .. فانتفض .. وأرتعش . وأنتفش ريشه .. وعاود الثرثرة .. ..
- نعم ولكن بما أني آتٍ من هناك فحالي كحالهم أريد الأمن والأمان أولاً لأحكى لك ما كان وما سيكون .. وأريد المأوي ثانياً .. لأكون أنيس وحشتك .. وأريد الحضن الدافئ ثالثاً لنتآخى في وحدة ووئام .. .. فأنتِ ترين أن ريشي قد نفش " نفشاَ " ونتف نتفاً حتى صحت " يا أبي آآآآآي " .. " أبي آآآآآي " .. " يا أبييييييييييي " من ضيم الهجر والهجير .. وعدم المقيل .. .. ومطر العصر وعواصف الليل .. .. ومن عناء السبيل .. وغدر الصديق .. وهجر الحبيب .. وعدم أكل الطيبات من الرز والزبيب .
- يا لك من طائر مرهف .. إن في كلامك لسحر .. ورمز .
- أخالك ذات الحسن والفهم .. يا فاطمة يا سمحة .. يا راجحة العقل .. وسديدة الرأي .. يا من كنت ملاذاً للمهاجرين .. ولقمة للجائعين والمساكين .. ..
- لك من عندي ما تريد .. .. فإذا نحن تناغمنا وتوحدنا .. وعلى الحب تعاهدنا .. وللأحقاد نسينا .. وللمستقبل عملنا .. ولهذا المرقد نظرنا .. ومن هويتنا وعمق الحب الكامن فينا انطلقنا .. فلن تضام .. ولن تزل أو تهان .. فهلم إلي جنبي .. وتعال إلي حضني .

... وهنا نهاية الصرخة الأولي .. هجعة في حضن مؤقت حتى الصباح .. فهل سيعاود الصياح والصراخ ...

[عبدالرحمن مدثر]

كاظم الزعيم

لاتعليق ياصديقى امام ماعون الابداع هذا

وانت تطوف بنا .. وتقطف لنا من كل بستان زهره .. وتهدينا كل الرحيق

عندما تكتمل اللوحه بك .. وبحضورهم الانيق

تسجيل حضور ومتااابعه

[ساريه]

هذا البوست يعطينا جرعات من المتعه والجمال .... ويقودنا الشوق الى الابداع قسراً الى هنا ....
ننتظرك يا كاظم ...

[كاظم]

أحبائي ... ظروف قاهرة حالت دون المتابعة في هذه السياحة مع أقلام سامقة أعطت لهذا المكان رونقه الذي نعرف ..
اعتذاري وكونوا دوماً بالجوار

[كاظم]

نص يخليك تشبع ...... وتنتشهى كمان ...... شكراً ليك يا ود الجزولى وكل الشكر للرائع كاظم ... ووقبلكم سوباوى المبدع

أشاركك الإعجاب بما يكتبه سوباوي هنا يا سارية .. كل ما يكتب دون انتقاء ..

[كاظم]

وأنا أدعوكم للتفضل معى هنا فى رائعة أخرى حقيقة لم أجد ماأعبر به فكل التعابير خانتنى وماقدرت توصف

- آبنية أبقي جاية -

أبقي جاية ومعاك الأغنيات ..

شاتلة فى قلبك ورود ..

وشايلة في خاطرك صمود ..

أبقي داخلة وكل الأمنيات منك تفوح ..

لا رياح تبعزق دواخلك لا جروح ..

أكتبي في روحك شان حروفك تشتهيك ...

وعشان قوافينا يغشاها البريق لما تتحزم تجيك ..

آبنية .. من وجع الكتابة

نديان حروفك وسر يطوفك ..

أبقي مارقة على المداخل

وببقى داخل ..

فرِّي المواويل وأفرديها ..

لكل البناجي فيها ..

طيف وليفو ..

وأهدي ليهو

حرفك المسدول مموسق

أدلقيهو قولك الممشوق معتق ..

أبقي ليهو ضو العتمة أنتي

وبيك بيهو الدنيا تضحك والأمل جواهو صفق ..

وأوهيبوه نظرة .. رقصة .. شبال مجرتق

يحي فيهو نور شبابو

أصلو درب الإلفة أعمق

يا هلا يا تغريدا ..
الواضح كلنا كده بنقرا لسوباوي .. هو يستحق أن نقرأ له .. فمسألة أن تنتج نصاً يتفق على جماله أجمل الناس ليس بالسهلة ..
مشكورة يا تغريدا على الحضور وخليك دايماً هنا

[كاظم]

الحبيب مصطفى هاتريك .. تحياتي يا رجل وخالص ودي ..
حضور أتمنى أن يكون له ما بعده .. وما بعده هذه أقصد بها أن تهدينا نصاً واحداً في هذه المساحة ..
وبرضو يا هاتريك عازمك بعد شوية دردشة في نص ليك ..
خليك قريب فوجودك مطمئن يا هاتريك