عريس داخل كونينر (قصة حقيقيه عاشها العبد لله)

[ود الضو]

ونتابع البث بعد فاصل إعلاني قصير

....
يااادي الشحتفة
انت ياعمو عاطف ماسمعت عمنا الحكيم قال شنو ؟
قال الشحتفة ولا سمحة
تحياتي , ودي قعدة ..

[محمد خليفة]

اجمل ما فى القصص الشحتفة والانتظار واطلاق العنان للخيال لتوقع ما قد يحدث ...
شحتفنا وتفنن

[عاطف عولي]

....
يااادي الشحتفة
انت ياعمو عاطف ماسمعت عمنا الحكيم قال شنو ؟
قال الشحتفة ولا سمحة
تحياتي , ودي قعدة ..

حبيبنا وصاحبنا ود الضو قلتا لي الحكيم قال شنو؟

بكلمة الحكيم دي ذكرتني أيام زمان الشفخانة ونقاط الغيار

تلقي ليكقزازه كبيييييييييييييييييييييييييييره مكتوب عليها منفس وكاسة الإستيل عليها خطوط بالأرقام مل المعبار او زي ما بيقول صاحبنا المكتاح وحقن البنسلين وحبوب السلفه ههههههههههههههههههه بجيك والله والحلقات عييييييييييييييييييييييييييك زي قريبآ في سينما رفاعة والله مو كدي يا مطره؟

[عاطف عولي]

اجمل ما فى القصص الشحتفة والانتظار واطلاق العنان للخيال لتوقع ما قد يحدث ...
شحتفنا وتفنن

الراقي ود الخلايفه سلام


شنو يعني ما عاوز تجاملني في شحتفتي الإتشحتفتها؟

[عاطف عولي]

الحلقة الرابعة

وبداء التفريغ وأخوكم بين قيادة الرافعة الشوكية التي هرب سائقها قبل يوميين ليزيد من تأزم الموقف الي جهة غير معلومة حتي كتابة هذه السطور. وبين حمل الطبليات الخشبية الي داخل الحاوية بالرافعة وبين الدخول الي داخل الحاوية لشرح طريقة التعامل مع اخشاب الام .دي . اف (mdf).وبين الدخول الي الحاوية والخروج منها اتصل بالمنزل الضباح ضبح التور . والطباخ من امبارح عمل المخللات والسلطات . وهو الان استلم اللحم. الجماعه كربوا ام فتفت حقت العجل. وعملواشية السنكيت وملاين اللحم والستارة . والكمونية مع البنبار عملتوا ليهم فلانة ديك.... ما عارفا براك بتجيه الكمونية. وفطروا. والحريم شغالات في الغدا بعد عملن للرجال الشاي والقهوة وشربن هن. واخوكم كما فار المناقل يدخل الحاوية ويمرق ومن صباح كليتا ما ضاق غير طعم الموية الزرقة والشاي السادة. واتصال يحمل لك اخبار فلان الذي عربن الفنانين وفلان الربط الساوند. وفلان جاب التلج والببسي . الجماعة جهزوا الملعب محل العشاء والحفلة وهي داخل حوشنا اليبردق فيه الخيل.

[عاطف عولي]

الحلقة الخامسة

الضيوف بدوا يجوا اصحابك اصدقاءك في الجامعات السورية والجزيرة من كوستي وسنار والخرطوم ومدني ومدن اخري. تقاطروا جماعات وفرادا بعد ان ربطتهم بالعائلة اقوي الوشائج. اها خلاص بدينا العشاء الجماعة قشروا الجيران جو الاهل من قريب وبعيد. تست ون تست تست. رنه معهود يا جماعة بتاع الساوندسيستم. وبداءالطمبور حنين ودقا ما اصلوا البديرية عندهم بلا الطمبور ما بينتم كيف ولا جيرتق. وجاء دور الاورغن والكمنجات وغنا البنات. واخوكم اتصال عقب اتصال مرات يردوا ليه مرات هاك فلان يبارك ليك ومرات نقل حي ومباشر لاصوات المغنين بث مباشر بدون مذيع ربط. ومرات وصف هي لما يجري فلانة هسه قاعدة تزغرد وصوت مصاحب ابشر يا عريس وفلانةبترقص رقبة الجابودي وفلان يبشر ويعرض فلان وفلان صقرية. فلانا وفلانا حاتنوا قرض وسط الدائرة والدتي تحمل صورة مكبر للعريس الغائب اخذت له بلبسة رسمية لضباط البحرية عقب تخرجه من دورة العلوم البحرية الأساسية التي عقدت بمقر شركة الخطوط البحرية السودانية التي عملت بها بعد الدورة التي استمرت لعام كامل بشكل مكثف درسنا خلاله ما يدرسه طلاب الاكاديميات البحرية في اربع سنوات وبخبرات سودانية صرفة. وعملت بعد التخرج كضابط تدريب بحري لمدة عامين( كوديد).والظرفاء من اصدقائي وزملائي يمازحون الوالدة يا حاجة ادينا صورة الشهيد دي النشيلة شوية. وتضحك والدتي وتناولهم الصورة. وانتهت الحفلة عند الحادية عشر. وعشت ذلك مرة اخري مع شرايط الفديو التي وصلتني معلبة مع العروس.

[ياسر عمر الامين]

فى الانتظار على المدار...

[محمد الجزولى]

قصة والله يا قريبي

[عاطف عولي]

فى الانتظار على المدار...

فاصل ونواصل

[عاطف عولي]

قصة والله يا قريبي

قصة ولآخرا لسا

[عاطف عولي]

الحلقة السادسه

وفي مدينة الرياض انتهيت من الحاويات العشرة الاولي عند منتصف الليل. لاقوم بتوصيل عمال اليومية الي سكنهم علي موعد العودة لهم بعد في الرابعة صباحآ . يتوالي فيلم الحاويات دخول وخروج واتصال الي السودان لمتابعة الأخبار والمستجدات . فلان اتفق مع الحافلات. وبتجي الساعة تلاتةوالتحرك الساعة اربعة ضبحنا خروين للغداء. الجماعة اتوزعوا في بيوت الجيران الجاينمن بعيد شربوا شاي الصباح وفطرناهم واخوكم علي لحم بطنه ياكل من خاطره.اها الغداءبدا الناس اتغدت وشربت الشاي وصلوا العصر . اخوك علي سائق عربية اخوك عثمان ومعاه اخوك عمر جاب عربية واحد صاحبوا بيمشوا يشيلوا العروس وصاحباتا من كوافير حيدرالرفاعي ويودوهم الهدي.الحافلات جات ناس فلان وفلانة في الحافلة الفلانية وشلة ناس فلانة ما عارفن انت ناس هجيج شديد شالوا دلوكتهم وركبوا الحافلة الفلانية وبدوا في الهجيج. السواق انبسط نزل في الواطة اخد ليه عرضة وبشيرة وكاوي السواقين عندكم جكس باقي نار ذي دا. وعمل ليهم لفة وتحركت السيرة ركب الجميع عدا القلة التي تنتظر سيارات خاصة قادمة لتقلهم واللحاق بهم.

نحن هسع في الكريبة وصلنا ود بلال ديك الحصاحيصا وصلنا الفريجاب ديك قوز الرهيد خلاص خشينا الهدي وصاحبكم يدخل الكونتينرمن جديد. وصلنا خلاص نحن في بيت ناس العروس . ام العروس جينا ليك جبنا العريس جبناه ليكم وترد اخري. هو وينوا عريسكم دا؟.

[عاطف عولي]

امممممممممممممممممممممممممممممممممممم

[telecom]

ههههههههههههههههههه
حليل العريس
يعنى جنس شحتافة

[أبا إيثار]

ياعمو عاطف أولاً بالتبادي كيفنك ولعلك طيب
تاني حاجة الحمدلله هادي جيتي كنت اتشحتفت
زي الناس الفوق ديل ,,
بس والله عرس جوة الجك مش داخل الهناية ديك
المهم ياها دي الوهيطة ونشوف ناس صديق ديل
عملو فيك شنو ؟؟؟

[عاطف عولي]

ههههههههههههههههههه
حليل العريس
يعنى جنس شحتافة

تلكوم كومنكيشن أكاد لا أصدق!!!!!!!!!!!!!!!!!!!

والله مشتاقيييييييييييييييييييييييين

والشحتفه دي لزوم mbc

ههههههههههههههههه

والله دا شرف لنا زيارتكم وتشريفكم لعرسنا

[عاطف عولي]

ياعمو عاطف أولاً بالتبادي كيفنك ولعلك طيب
تاني حاجة الحمدلله هادي جيتي كنت اتشحتفت
زي الناس الفوق ديل ,,
بس والله عرس جوة الجك مش داخل الهناية ديك
المهم ياها دي الوهيطة ونشوف ناس صديق ديل
عملو فيك شنو ؟؟؟

تسلم يا حبيب كرمالك هسع أديكم انتا وتلكوم حلقة حلقتيين

[عاطف عولي]

الحلقة السابعة

وبدا ء العشاء لناس السيرة والجيران والأصدقاء لاسرة خالي. وفار المناقل يتناقز خارجا وداخلا إلي الكونتينر لا يفارقه هاتفه المحمول الذي شحنة باكبر فئة صادفت عرض خاص من شركة الاتصالات السعودية’ ياعريسنا العروس جابا اخوك من الكوفير وتسير خلفه زوجته خائفا يقوم يصدق انو العريس بالجد ويتدخل شقيقي عثمان يا علي شكرآ وصلتها من الكوفير وطبعآ علي كان محنن بدل العريس. خلاص مش بدلتك دي لابسين زيها والعروس دي خلاص لبستها دبلة الخطوبة واناالبقعد معاها في الكوشة. بدت الزفة للعروس واخذت كرسيها علي الكوشة وهاك يا تهاني واخواني الاتنين واحد يمين والتاني شمال ولصقهم زوجاتهم. ورقص وطرب الجميع حتي الصباح وصاحبكم مع ناس صديق لا ياخي براحة جيب دي خت ديك براحة شوية أصلو الخشب mdf لا يحتمل أي خطاء وتلف قطعة صغيرة او كرتون تتلف دولاب كامل او سرير او تسريحة وسخانة اسكت ساكت ما دي سخانة الرياض والمستودعات العرش زنك وغير مكيفة ولا حتي مروحة ولا مراوح شفط والحاوية اسكت سا وعرق للكرعين. وصباح يوم الجمعة غادرت العروس الي الخرطوم لتاخذ طائرتها المتجهة صوب الرياض.

[عاطف عولي]

الحلقة الثامنة
وفي مدينة الرياض كان العريس قد خلص من تفريغ حاوياته عند الواحدة والنصف صباحا وبعد توزيع العمال ذهب ليأخذ نومه فهناك موعد مع صاحبه السر ناوا والحداد الساعة الثامنة صباحا . أفقت من نومتي وعديل علي صاحبي السر الحداد اشترينا الصاج لعمل ملل سرائر أرجلها خشبية,. وذهبنا صوب الطعاجه وتم قص الصاج وتطعيجه. ومنها الي ورشة صاحبي السر لنفاجاء بالعمال البنغاله قاموا بقفل الورشة والذهاب الي جهة غير معلومة بعد أن أغلقوا هواتفهم.