مطلوبون للمثول أمام العدالة.. لقد ظلمتمونا

[عماد الصادق]

أخونا العزيز الدفعة أبوعيسى
تحياتي والسلام ليك ولكم ولهم وكل الأحبة ..
أناجايييكم جاهز للسجن وشايل معاي الغيار .. والصعوط الناشف والممطر
يعني ما داير زول يدافع لي عديل كده ..
وصراحة السجن أرحم .. وأرحم ..والرحمة يا رب
أها طبعا حتقولي لي براءة وأرجع لسجمك ..
ما أنا عارف .. ولا مافي داعي

تعرف أكتر حاجة بتخلين أتضايق وأتململ وتخليني أدبل السفة
لمن أتفرج على كورة منقولة على قناتنا الفضائية..
أمبارح كانت كورة الهلال والمريح
صدفة خلتني أشوف الكورة
بعد تعب عرفت إنو ده الشوط الثاني
وبعد تعبين عرفت مناسبة الكورة
ولمن زيتي علا وقعدت أتمتم بكلمات غير مفهومة .. ومفهومة عشان أعرف النتيجة كم..
وطبعا لمن الزيت بتاعي يغلي وعشان ما يكمل .. بقفل الصوت ..
ولمن الزيت يبرد تاين أشغل الصوت .. عل وعسى يتكرم علينا ويقول النتيجة كم..
ثم هو ليه النتيجة ماتكون معروضة على الشاشة زي يقية كور خلق الله ..
الأجهزة حقت العرض والنقل في تلفزيونا قديمة
خليهم يعملو ضريبة جديدة يسموها تطوير المعلقين الكورنجية
عموماً لكم التحية .. ومشتاقين والله..

[114]

يبدو لي إني لحقت المهلة المحددة في آخر لحظة، وما حأقدر اكتب كتير لأني خايف اللحظة الأخيرة في المهلة تعدي وانا لسه قاعد اكتب
عموما يسأل منك الخير يا عزيز (امريكا) على وزن عزيز مصر الشهير، بس أوعى إمرأة العزيز (قنقليسه بت الريس) تقد قميصك من دبر، إعمل حسابك من كيدهن (خاصة بنات جون) إن كيدهن عظيم..
ويبدو إنك قاضي محنك، وبعدين بعدما شربت القضاء بقيت محامي بارع، لأنو الشغل ده شغل زول لامي الاتنين مع بعض..

ويا أبو روان عمر حسن غلام الله 114 ( بتاع لبدات تقيلة تلقاهو لابد فترة طويلة وفجاءة يظهر الايام دي شايفو ظاهر) شكرا ليك لتقصي اخبار المنتدين وإفادة جمهور المحاكمات بأماكن تواجدهم وظروف جريمة كل واحد منهم، عشت يا باشا، وعاش ابناء وبنات المنتدى، وأبناء وبنات المدينة التي يحمل المنتدى اسمها، وعاش الوطن الواحد، ما يكون وما قد كان
بعدين نواصل، ونقيف لغاية هنا عشان باقي ثواني لنهاية المهلة..

[عزيز عيسى]

الاخ العزيز وهيب
كتر االله خيرك انت طبعا دايما فى الخاطر ونحن هنا حيث الادغال والبترول نفتقد كل شئ
الا صوركم فهى دايما معنا
الاخ العزيز عزيز شكر ليك وانت تسأل من الشباب والواحد جد بشوف اسمو خلال الاخوة نحن
شاكرين ومقدرين
وهذه بشري لكم بان منطقة فلوج سوف تبدأ قريبا جدا بضخ البترول الى ميناء بشائر 2
وبعدييييييييييييييييييييييييين ياناسسسسسسسسسسس مدنى مشتاقييين

استاذنا العزيز أدروب،

ليك وحشة يا راجل.. وأنحنا مقدرين ظروف عملك وبنعذرك بس ما تبخل علينا وتدينا طلة كلما سنحت لك الفرصة..
ونأمل أن لا تطول فترة غيابك..
نائب محامي الدفاع الاستاذ أبوشوراب راجع ظروفك وقال متأكد من براءتك.. وبقول ليك (نوم قفا)..
وشكرا كثير علي اخبار البترول السارة.. وربنا يزيد الخير ويعم البلد الأمن والآستقرار..

ولك كل الود،

عزيز

[عزيز عيسى]

أحبتي أعضاء المنتدى.. تحياتي اليكم..

إسفه على غيابي عنكم بسبب الدراسه والجامعه إلا انني كنت اتصفح المنتدى طوال هذه المده عن طريق الموبايل.. بس مافي طريقه مشاركه أو تعليق.. بس لمن شفت الموضوع جداي وفيه محاكمه قلت أحسن الحق روحي بدل السجن والغرامه والعقوبه..

استميحكم العذر في الغياب.. وانشالله بحاول أظهر معاكم كل فتره..

أختكم..
ســــــــــــــــــاندرا..

الغالية ساندرا،

سعدنا جدا بطلتك واستجابتك لدعوتنا.. وبنعذرك لغيابك بسبب ظروف الدراسة والجامعة..
ربنا يوفقك وتتخرجي لينا بدرجة الشرف ونفرح بيكم كلكم.. آمين يارب..
أما مسألة تصفح المنتدى عن طريق الموبايل سأرفع الموضوع لنائب محامي الدفاع استاذنا أبوشوارب للأستشارة القانونية ومعرفة رأية..
خائف انو يطالبك بأتعاب مقابل المرافعة.. لكن أطمئني حنطلعك براءة.

مع خالص الود والتقدير،

عزيز

[عزيز عيسى]

ولنا عـــــــــــــــــــــــودة..........
احبااااااااااااااااااااااااااااااااااااائى واصدقائى الاعزاء:
كيف اخباركم وكل الناس الطيبة
صراحة انا ما عندى حاجة اقولا الا انو انا جد افتقدت المنتدى وناس المنتدى(الجافيين) والمهمين عندى لحد الثمالة...
اتمنى اسمع عن كل واحد فيكم احلى اخبار...
وبس...
وانا اتمنى انو الاقى بعض من رحيق مدني...
وانا فى انتظار الوعد القديم يا .......
احلى نااااااااااااااااااااااااااااااااااااااااااااااس.
ودمتم لنا احبة أمد الدهر...

استاذتنا الغالية فدوي الحسن،

مرحب بعودتك وبنقول البركة بالشوفة،

سعدنا بطلتك البهية والحمد لله أطمأنينا علي معرفة أخبارك وبنشكرك كثير علي تلبية الاستجابة..

كل الاخوان في المنتدى بخير.. افتقدناك وقلنا نسأل عن أخبار كل الناس الطيبين الغالين من أمثالك في هذا المنتدى الذي جمعنا أخوة أحبة ولا بد أن نسأل عن أحوال بعضنا البعض..
وأنا بوافقك الرأي في مسألة (الجفاف) والكل لاحظ مدى الركود والرتابة الذين سادا المنتدى في الفترات السابقة.. لكن احتمال ظروف العمل والدراسة حتمت علي العديد من الاخوة الاعضاء الغياب.. ولا بد أن نعذرهم..
كويس إنك ظهرتي قبل المهلة المحددة.. ونبشرك بأنك حتكوني براءة.. بس توعدينا انك ما تختفي تاني..

ودمتي لنا ذخرا.. مع فائق التحية والتقدير،

عزيز

[عزيز عيسى]

أخونا العزيز الدفعة أبوعيسى
تحياتي والسلام ليك ولكم ولهم وكل الأحبة ..
أناجايييكم جاهز للسجن وشايل معاي الغيار .. والصعوط الناشف والممطر
يعني ما داير زول يدافع لي عديل كده ..
وصراحة السجن أرحم .. وأرحم ..والرحمة يا رب
أها طبعا حتقولي لي براءة وأرجع لسجمك ..

وينك يا عمدتنا يادفعة والله ليك وحشة.. ما فضل لي إلا أسأل عنك جلال..

انت عارف يا عمدة باين عليك انت راجل محظوظ جدا لأنك ظهرت قبل الموعد المحدد للمحاكمة..
ولو تأخرت يوم واحد في الظهور لا أنا ولا المحامي أبوشوراب ما كنا حندافع عنك ونخلي القاضي مولانا ودهاشم يديك مؤبد بدون تقديم أي استرحام من أي جهة.. وكمان نطالب بسجنك وعدم تزويدك بالصعوط ولو سفة واحدة.. وزي ما قلت ليك حظك كويس وإن شاء الله حتطلع براءة.. لكن علي شرط ما تطول الغيبة.. ولو كررت الغياب بدون ذكر أسباب واضحة.. ما حنقبل منك أي عذر.. وبدل ما ندافعك عنك حنقلب عليك وننضم لهيئة الاتهام..

وبعدين انت الموديك تتفرج علي الكورة في تلفزيون السودان شنو.. نصيحة قالها لي طبيب مسطول علشان زيتك ورزك ما يتحرق وتجيك مغصة ووجع كلاوي وزغللة عيون ما تشاهد تلفزيون السودان.. احسن ليك تشاهد الدوري الاوروبي واستمتع بالمباريات لأنها أكثر حماسة وإثارة..
أنحنا اليومين ديل عندنا كرة القدم وكرة السلة الامريكية مسخنات وبنشاهد معظم المباريات..

عزيز

[عزيز عيسى]

يبدو لي إني لحقت المهلة المحددة في آخر لحظة، وما حأقدر اكتب كتير لأني خايف اللحظة الأخيرة في المهلة تعدي وانا لسه قاعد اكتب
عموما يسأل منك الخير يا عزيز (امريكا) على وزن عزيز مصر الشهير، بس أوعى إمرأة العزيز (قنقليسه بت الريس) تقد قميصك من دبر، إعمل حسابك من كيدهن (خاصة بنات جون) إن كيدهن عظيم..
ويبدو إنك قاضي محنك، وبعدين بعدما شربت القضاء بقيت محامي بارع، لأنو الشغل ده شغل زول لامي الاتنين مع بعض..

ويا أبو روان عمر حسن غلام الله 114 ( بتاع لبدات تقيلة تلقاهو لابد فترة طويلة وفجاءة يظهر الايام دي شايفو ظاهر) شكرا ليك لتقصي اخبار المنتدين وإفادة جمهور المحاكمات بأماكن تواجدهم وظروف جريمة كل واحد منهم، عشت يا باشا، وعاش ابناء وبنات المنتدى، وأبناء وبنات المدينة التي يحمل المنتدى اسمها، وعاش الوطن الواحد، ما يكون وما قد كان
بعدين نواصل، ونقيف لغاية هنا عشان باقي ثواني لنهاية المهلة..

استاذنا العزيز عمر،

ألف حمدلله علي سلامة الشوفة.. وكويس انك ظهرت في الوقت المناسب قبل المحاكمة ولو لحقت وكتبت سطرين بس كان دخلت المحاكمة.. (الله مرقك من القاضي ود هاشم)..
والله يا استاذ عمر لاحظنا غيبة الاخوان عن المنتدى وقلنا نسأل عنهم..
المرة قنقليسة رايس دي مرة شاطرة خلاص وبنريدها شديد.. لما زارت السودان (وقلدت) النسوان بالسلام أهلنا قالوا البنية دي حقتنا سودانية.. وأنا هسع عايز أفرد لي بوست عنها علشان أشوف مين اللي حيتقدم ليها يعرسها لأنها لحدي الآن عزابية.. وقالت عايزه عريس سوداني وبس..

أبوروان أدنا أخبارك وقال انك لابد وتظهر مره مره تكشف وتزوغ تاني.. لكن عرفت انك مشغول بالماجستير.. ربنا يوفقك في أي سبيل تطرقه من أجل العلم.. وبنقول ليك عذرك مقبول.. ونائب المحامي أبوشوارب ما حيقصر معاك في الحتة دي.. بس لازم تديه (رشوة) علشان يترافع عنك بكل همة ويطلعك براءة.

وتقبل فائق تحياتي وتقديري،

المحامي أبو عيسى

[عزيز عيسى]

انذار


وافقت المحكمة العليا للمنتدى علي مد فترة المهلة الرسمية المحددة التي تنتهي صلاحيتها بتاريخ اليوم وذلك لمدة اسبوع آخر تنتهي بنهاية يوم الجمعة الموافق 23 ديسمبر من عام 2005 وعلي الغائبون المذكورة اسماؤهم ادناه تقديم عذر واضح أو الافادة في حالة عدم تمكنهم من الظهور للمثول أمام قاضي محكمة عدل المنتدى مولانا القاضي ود هاشم في هذا المكان والزمان المحدد أعلاه.. وفي حالة استمرار غيابهم بدون عذر سيتم اصدار أمر بالبحث عنهم حتى يتم معرفة وجودهم ومخابئهم واحالتهم للقضاء العام لاجراء محاكمات فورية قد تصل الى السجن والغرامة و المؤبد أو الثلاثة مع بعض..

علي الاعضاء الغائبون انتهاز هذه الفرصة والظهور فورا أو افادة محامي الدفاع الاستاذ أبو عيسى والاستاذ أبوشوارب تفاديا لتطبييق الاجراءات القانونية بحقهم.

ود المأذون
أبومرام
الزمن المريح
أمير عبدالباقي
الأبنوسي
نبيل حمدتو
ضياء الدين أحمد
الشايقي
أمينو
فادي الماحي
جمال الماحي
محمد صلاح
أبوقيس
مهيرة
ياسر فقيري
صائغ الحروف
هناد
اللمسة الساحرة
ود أبكرش
خطاب العبيد
الدبلوماسي
بوتشي
طارق التوم
طير الورور
عزت الهادي
مازن سواح

[خطاب العبيد]

سيدى القاضى حضارات المستشارين .

ارجو الرأفة والرحمة فإنى أعترف بما إغترت من جرائم ضد المنتدى وهى البعد عنه .


ولكن عزائى ان اجد من قبلكم الرافة والرحمة .


وعذرى هوا ان ظروف عملى لا تتيح لى الفرصة فى الولوج الى الانترنت ولكم العتبى حتى ترضو

واقدم اعتذارى للمرة الثنية واتمنى لكم التقدم والازدهار فى شتى المجالات ز


اخوكم الزول الشين

خطاب العبيد

[عزيز عيسى]

سيدى القاضى حضارات المستشارين .

ارجو الرأفة والرحمة فإنى أعترف بما إغترت من جرائم ضد المنتدى وهى البعد عنه .


ولكن عزائى ان اجد من قبلكم الرافة والرحمة .


وعذرى هوا ان ظروف عملى لا تتيح لى الفرصة فى الولوج الى الانترنت ولكم العتبى حتى ترضو

واقدم اعتذارى للمرة الثنية واتمنى لكم التقدم والازدهار فى شتى المجالات ز


اخوكم الزول الشين

خطاب العبيد

أخيرا الزول الشين ظهر.. دا يوم السعد.. ألف حمدلله علي السلامة.. والبركة بالشوفة..
انت عارف يا خطاب أنا وصيت ليك واحد من أقاربي في ابوظبي يبحث عنك ويدينا أخبارك..
لأنك انقطعت خالص من المنتدى وحرمتنا من الشوفة.. لكن الحمد لله اللى عرفنا انك بخير..
مقدرين ظروفك بس ما تبخل علينا وتدينا طلة من وقت لآخر لأننا والله مشتاقين..
وكان علينا أنحنا عايزنك بلحمك وشحمك..
المحامي ود ابوشوارب مجهز ليك محضر كبير وعريض ومصر يكتبك اقرار بعدم تكرار الغياب لأكثر من اسبوع علشان يقدمه للمحكمة لأنه متولي القضية بتاعتك ليترافع بالنيابة عنك.. بس الله يعينك وإن شاء الله القاضي أبو هاشم يوافق علي الاسبوع وما يأمر بحبسك أو فرض غرامة عليك..
سمعت انه في حالات زي دي ما بيرحم أي متهم تثبت ادانته..

ولك كل الود والتقدير،

المحامي أبو عيسى

[خالد هاشم علي]

محكككككككككككككككككككككككككككككككككككمة:
بسم الله الرحمن الرحيم
فتحت الجلسة...
القضية رقم 1 والمتهم فيها ثلة من اعضاء منتديات ودمدني.. حيث ان المذكورين تغيبوا عن الظهور دون ابداء اي اعذار واضحة لاخوانهم بالمنتديات.

المدعي : اسرة المنتديات
المدعي عليهم : المتغيبون عن الظهور
هيئة الدفاع: الاستاذ عزيز عيسي والاستاذ صالح ابو شوارب
النيابة ( جهة الاتهام ) : الاستاذة سالي والاستاذة اميمة عشرية
بسم الله نبدأ
هوووووووووووووووووووووووووووووي احسن تفتحوا عينكم زي الريال ابو عشرين..
كلام كتير لف ودوران ماداير ...
اي انكبة اي شنكبة ... بتتعبوا معاي...
ترفع الجلسة علي ان تحدد جلسة يوم السبت لسماع شهود الدفاع.


محككككككككككككككككككككككككككككككمة

[عزيز عيسى]

الاخوة المتهمين الكرام شايفين مولانا القاضي الفكي ود هاشم دا صعب كيف..
ما بيعرف اللف والدوران وكمان ما برضى الحقارة..
بيحكم من طرف وعلي حسب مزاجو.. ولو مزاجو عكران وكترتوا معاهو بيصدر حكم اعدام طوالي..
احسن تسمعوا كلامي وما تقعوا مع القاضي دا لأنه ما بيرحم.. نعم ما بيرحم.. وعلي رأي المثل:
اسمع كلام محامي مجنون ولا تسمع كلام قاضي مسطول.

[Jamal Elmahi]

ياالشيخ حسن دافرني في السقط دا موديني وين؟؟؟
يا بو عيسي ....يا حنك الغلابة من هيوستن للحصاحيصا...
يا ابو شوارب بعد البراءه ..حفله بي نانسي عجرم و بالعدم جاز العقارب
يابو هاشم...صاحي بي عين واحده ومانقدر نقول طاشم..
جاطت ولما أتلخبطت كيمانها طرشت وكنت أظنها لا تطرش..

جمال الماحي

[التيمان]

انا جاهز والله للسجن



متين عشان السجن واحشنى والله

[صالح ابوشوارب]

سيدى القاضي ابو هاشم

حتى الآن هذه المحكمة غير معترف بها وذلك للصفة الغير قانونية التى تشكلت بها المحكمة تحت اسم المحكمة الجنائية تحت المادة 114 من قانون العقوبات ولذا اطلب تحويل كل القضايا الى محكمة العمــــد

وحتى الاستماع لشهود الدفاع أرجو براءة موكلينا الآتية أسماؤهم
فدوى الحسن ــــــ عماد الصادق ـــــ عمر غلام الله ـــ خطاب العبيد ــ التيمان
اما المتهمة رقم ( 5 ) ساندرا أرجو الإفراج عنها مع تعويضها موبايل ( الشيطان )
اما المتهم رقم ( 6 ) جمال الماحي نطلب له من المحكمة البراءة والسماح له بقضاء إجازة العيد بعشش فلاته وسط أنغام الكيتا ( بدلا من نانسى عجرم )

وفي الختام نرجو النظر بعين العطف لموكلينا وذلك لحضورهم وتسليم أنفسهم للمنتدى في الوقت المحدد

[عماد الصادق]

أبو منار
تخيلت نفسي ورا القضبان .. والجماعة إياهم بقيادة قاضيهم
وبعد المرافعة
وبصوت عالي .. الله ينصر دينك ..
وما تنسى بالله تشوف لينا النقطة الحمراء الختوها لينا تحت الإسم ..
ما يهمك .. دي أتعابها لحالها..
وحتى النطق بالحكم .. لكم التحية

[خالد هاشم علي]

بسم الله الرحمن الرحيم

فتحت الجلسة...
بحضور كل من المدعي وهيئة الدغاع والمدعي عليهم...
بخصوص طلب محامي الدفاع صالح ابو شوارب بعدم شرعية المحكمة وتحويلها الي محكمة العمد فقد تقرر الاتي
:
1/ احسن تفتح عينك وتشوف شغلك وتدافع عن المتهمين ولا حنديك 50 جلدة.
2/ توديها محكمة العمد توديها محكمة الجن برضه تلقاني قاعد ليك.. يعني سيك سيك معلق فيك عشان كده ابدا بالمرافعة ساااااااااااااي وشوف ليك واسطة ولا رشوة للقاضي.
3/ بخصوص طلب رفع التهم عن المتهمين الذين تم ذكرهم فلا مانع لدينا من رفع التهم عن المذكورين باستثناء التيمان حيث ان المذكورين افادوا بأنهم جاهزين للسجن ومشتاقين لللسجنة.... والظاهر عليهم رد سجوووووووووووووون عليه فاننا نقرر حبسهم ستين يوم علي ذمة القضية.

رفعت الجلسة...

[التيمان]

وانحنا موافقين
\



يلا نمشى اعدام عديل

[عزيز عيسى]

ياالشيخ حسن دافرني في السقط دا موديني وين؟؟؟
يا بو عيسي ....يا حنك الغلابة من هيوستن للحصاحيصا...
يا ابو شوارب بعد البراءه ..حفله بي نانسي عجرم و بالعدم جاز العقارب
يابو هاشم...صاحي بي عين واحده ومانقدر نقول طاشم..
جاطت ولما أتلخبطت كيمانها طرشت وكنت أظنها لا تطرش..

جمال الماحي

الشيخ حسن دا دافرك موديك علي المحكمة.. ولو تأخرت شوية ابو عيسى وأبو شوارب ما كان حيترافعوا عنك حتى لو دفعت رشوة..
الظاهر عليك خفت من القاضي ود هاشم.. دا لو جيت شارب ليك محاية ما بخليك..
تقول علي القاضي ود هاشم بتاع جاز.. لوسمعك بوديك في داهية..
دا كان بتاع ريقي وتحول بقدرة قادر الى بريك دانس والان بتاع راب..
وشيل شيلتك معاهو في المحكمة..
لما يجي يصدر قراره بيكون رافع يدينو الاتنين فوق ويقول ليك وزززاب بدي..
وفي النهاية يقول ليك بيييس آم أوت أوف هير.
علي فكرة الزول دا من ما مسك المحكمة ولغاية الآن ما فيش ولا واحد طلع براءة.

[عزيز عيسى]

انا جاهز والله للسجن
متين عشان السجن واحشنى والله

التيمان.. مالك استسلمت للسجن.. ياخي اطمئن أنحنا محامية اتنين.. يمكن نقدر عليه.. وحنطلعك إن شاء الله براءة..
لكن دا بيتوقف علي مزاج مولانا القاضي.. بس خليك انسان متفائل.. أقرأ أية الكرسي وسورة ياسين والباقي خليه علي الله.. ولو جبت رشوة نكحل ليه عيونو بيها يكون كويس..
وبعدين انت ما سمعتنا قلنا شنو.. القاضي دا ما بيعرف غير حكم واحد مؤبد وحينطقها (مأبد.. مأبد).

[عزيز عيسى]

سيدى القاضي ابو هاشم

في الختام نرجو النظر بعين العطف لموكلينا وذلك لحضورهم وتسليم أنفسهم للمنتدى في الوقت المحدد

طيب يا نائب المحامي.. ماهي الاجراءات التي يجب اتخاذها بحق الاشخاص الذين مازالو مستمرين في الغياب دون عذر مسبق..
هل توافق في إننا نزيد رسوم الاتعاب للمرافعة علي المتهمين المتأخرين.. سمعت (تحت تحت كدا) بأن القاضي ود هاشم يقوم الآن بدراسة مشروع لفرض نوع جديد من أقصى العقوبات الصارمة علي المتهمين الغائبين وهي المؤبد مع الاشغال الشاقة.. وبقول بأنه لا يقبل أي ألتماس أو استرحام..

خليه علي.. دا رشوة واحدة بتغير رأيه..

[عزيز عيسى]

أبو منار
تخيلت نفسي ورا القضبان .. والجماعة إياهم بقيادة قاضيهم
وبعد المرافعة
وبصوت عالي .. الله ينصر دينك ..
وما تنسى بالله تشوف لينا النقطة الحمراء الختوها لينا تحت الإسم ..
ما يهمك .. دي أتعابها لحالها..
وحتى النطق بالحكم .. لكم التحية

انت يا عماد مالك عايز تجيب الشبك لنفسك.. هسع القاضي ود هاشم دا يقوم يسمع اسمك يقول جيبوا لي الزول دا (نهاكمو).. أنحنا ما صدقنا طلعناكم براءة بالجبادة منو

[عزيز عيسى]

بسم الله الرحمن الرحيم

فتحت الجلسة...
بحضور كل من المدعي وهيئة الدغاع والمدعي عليهم...
بخصوص طلب محامي الدفاع صالح ابو شوارب بعدم شرعية المحكمة وتحويلها الي محكمة العمد فقد تقرر الاتي
:
1/ احسن تفتح عينك وتشوف شغلك وتدافع عن المتهمين ولا حنديك 50 جلدة.
2/ توديها محكمة العمد توديها محكمة الجن برضه تلقاني قاعد ليك.. يعني سيك سيك معلق فيك عشان كده ابدا بالمرافعة ساااااااااااااي وشوف ليك واسطة ولا رشوة للقاضي.
3/ بخصوص طلب رفع التهم عن المتهمين الذين تم ذكرهم فلا مانع لدينا من رفع التهم عن المذكورين باستثناء التيمان حيث ان المذكورين افادوا بأنهم جاهزين للسجن ومشتاقين لللسجنة.... والظاهر عليهم رد سجوووووووووووووون عليه فاننا نقرر حبسهم ستين يوم علي ذمة القضية.

رفعت الجلسة...

الحكاية طالما فيها جلد أنحنا زاتنا الزول دا خوفنا.. شايفنو ما بيدينا أي فرصة علشان نقدر ندافع عن المتهمين..
القاضي دا قاعد في الواطة تحت شجرة.. الجو حار دمو فاير وما عندو وقت لأنه بتحول من ضل لي ضل.. علشان كدا بصدر احكام فورية..
قام ناداني بعد ما أصدر حكمة بحبس المتهمين.. وقال لي شوف ستين يوم حبس أو 25 قرش غرامة.!!
ويا التيمان ما عليك الا أن تختار الشيء المناسب.

[ابو الزعيم]

العزيز ود عيسى ... سلامات يا راجل يا زوق
والله محكمتكم دي ذكرتني محاكم العدالة الناجزه ...
والله المتهم ولا بتشهدو طوالي حكم فوري

اخي عزيز انا جاي اشتكي المره دي بعد ما طلعت من دائرة الاتهام ... والله يا اخوي في ناس ولا مهببنوا لينا نحن كجمهور لا شغالين بالمحكمة الموقرة

انا شكوتي في زول بي عينو كده ... يمكن سقط اسمه سهواً من قايمة المطلوبين
لكن والله انا بذكركم ليه لانو الزول ده ما ساهل ... ونحن راجين منو الكتير للمنتدى ولي مدني والسودان عموم
وهو الاخ الفنان ياسر مبيوع ... الزول ده حارب منتدانا ليه زمن ما ظاهر كان في الاول كويس كل يوم معانا وممتعنا بكتاباته الرئعة
ولكن اخد ليه صنه كده وبعد فترة ظهر واعتذر بانه مشغول ... وطبعاً هو راجل فنان كان مشغول باصدار الالبوم الاول ... ولقينى ليه العذر
لكن بعد داك تاني صهين
لذا سيدي المحامي انا دايرك ترفع لي قضية كبيره في زولنا ده وتديها لي سيادتو القاضي ده وخليه عليك الله ما يرحموا يحكم لينا عليه بالسجن المؤبد هنا في المنتدى مع الاشغال الشاقة ... وكمان خلي يغني لينا غنية ولا اتنين
اكرر الرجاء الاهتمام بهذا الموضوع ... ووالله لانو نحن اتضررنا جدا بسبب غياب هذا المبدع ...

هذا ما لزم توضيحه سيادة الافكاتو
وما تشيل هم حقك بره ..بدفع ليكم با ليورو ... وري ابو شوارب بالكلام ده وورونا همتكم
يعني انا دايركم بدل محامين دفاع عاوزكم تبقوا بتاعين هجوم عديل كده اتهام وكده

ولك حبي وتقديري

[عزيز عيسى]

العزيز ود عيسى ... سلامات يا راجل يا زوق
والله محكمتكم دي ذكرتني محاكم العدالة الناجزه ...
والله المتهم ولا بتشهدو طوالي حكم فوري

اخي عزيز انا جاي اشتكي المره دي بعد ما طلعت من دائرة الاتهام ... والله يا اخوي في ناس ولا مهببنوا لينا نحن كجمهور لا شغالين بالمحكمة الموقرة

انا شكوتي في زول بي عينو كده ... يمكن سقط اسمه سهواً من قايمة المطلوبين
لكن والله انا بذكركم ليه لانو الزول ده ما ساهل ... ونحن راجين منو الكتير للمنتدى ولي مدني والسودان عموم
وهو الاخ الفنان ياسر مبيوع ... الزول ده حارب منتدانا ليه زمن ما ظاهر كان في الاول كويس كل يوم معانا وممتعنا بكتاباته الرئعة
ولكن اخد ليه صنه كده وبعد فترة ظهر واعتذر بانه مشغول ... وطبعاً هو راجل فنان كان مشغول باصدار الالبوم الاول ... ولقينى ليه العذر
لكن بعد داك تاني صهين
لذا سيدي المحامي انا دايرك ترفع لي قضية كبيره في زولنا ده وتديها لي سيادتو القاضي ده وخليه عليك الله ما يرحموا يحكم لينا عليه بالسجن المؤبد هنا في المنتدى مع الاشغال الشاقة ... وكمان خلي يغني لينا غنية ولا اتنين
اكرر الرجاء الاهتمام بهذا الموضوع ... ووالله لانو نحن اتضررنا جدا بسبب غياب هذا المبدع ...

هذا ما لزم توضيحه سيادة الافكاتو
وما تشيل هم حقك بره ..بدفع ليكم با ليورو ... وري ابو شوارب بالكلام ده وورونا همتكم
يعني انا دايركم بدل محامين دفاع عاوزكم تبقوا بتاعين هجوم عديل كده اتهام وكده

ولك حبي وتقديري

الاخ العزيز أبو الزعيم،

القاضي بتاعنا دا ما عندو لا مكتب ولا محكمة يحاكم فيها الناس ديل.. دا دائما شايل قرجتو وبيحاكم الناس تحت ضل الشجر..
يعني لو عايز تبحث عنو لازم تفتش ليهو ضل الشجر كلو في السوق الكبير..
حتى المحامي ود أبوشوارب شايفو تعب من (الكواسة)..
وكل يوم راجع رجلينو مغبره من كترة المشي..
علشان كدا القاضي ود هاشم دا علي قدر حالو ومحاكماتو دائما بتكون فورية .. والمتهم حسب حظو..
وبنشكرك نيابة عن المحكمة بأنك دليتنا علي متهم (ناسينو) مطلوب للعدالة في كل الدوائر القضائية وسيتم تقديمه لمحاكمة عاجلة حال القبض عليه.

سعادة القاضي ود هاشم
الاستاذ المحامي ود أبوشوارب
السادة أعضاء المحكمة والحضور المحترمين..

بصفتي أنا المحامي أبو عيسى وبالنيابة عن هيئة الدفاع أعلن بأن المتهم الفنان ياسر مبيوع مسجل غياب دون عذر أو اذن مسبق من المنتدى.. وعلي الرغم من تجاوزه لفترة المهلة المحددة خلال الاسبوع الماضي إلا أنه لم يتقدم بأسترحام أو عذر واضح لأثبات براءته.. وبعد استشارة الاستاذ المحامي ود أبوشوارب تم الاتفاق علي أن يقوم المتهم ياسر مبيوع بالظهور (شخصانيا) خلال فترة أقصاها يوم الجمعة 23 ديسمبر للمثول أمام المحكمة.. وفي حالة تجاوزه للمدة المحددة سيتم اصدار قرار بالقبض عليه وتقديمه للمحاكمة الفورية لتنفيذ أقصى العقوبات قد تصل الى حد نزع رخصة قيادة السيارة وسحب الملكية.. ولن يتم إعفاؤه من أي تهم أخرى قد توجه إليه أو المرافعة عنه أمام المحكمة بعد انقضاء المدة الثانية المحددة.. كما أنه لن تقبل منه أي نوع من الرشوة يقوم بتقديمها أو موكله باليورو (دولار فقط).. علما بأن رسوم المرافعة سيتم تزويدها في حالة استمرار الغياب.. مع احتمال فرض جزية وزكاة وصدقات وخلافه.

صدر تحت توقيع وختم
المحامي أبو عيسى والمحامي ود أبوشوارب

أبو الزعيم،
أنحنا غايتو حاولنا نتساهل شوية مع المتهم ياسر مبيوع..
بس زي ما قلت ليك هو وحظو مع القاضي.. الله يستر ما يديه مؤبد وأشغال شاقه..