دكان ود الصول

[sambaaa]

[عماد الصادق]

سامبا المبدع ..
إنت الحركات دي بتعملها كيف!

ودالمأذون اللخو.. مابتقصر تب
وإن شاء الله زيارتك في البحرين نخليها على البال

ويا حبيبنا ود الماحي
الحكاية ما حرفنة وفك بايظ

الحكاية أبوي خرخرة ودك وشتيت ورق..
تجبيو قوي أخوي..

[السلامى]

حباب السلامي ...وسلام عليك أأألسلامي...
غايتو كان سمعته كلامي أأأبوي من دربك دا تمش تاخد ليك حمار ضكر حمامي وسرجين ...السرج التاني دا أمكن تلقي ليك موظفه غلبانه تردفا وتاخد فيها الاجر..أهو منها تونسك ومنها تحس انك دفعته ليك لي زول...والحمار أأبوي بوفر عليك سحك المركوب والنعلات من الكسحي الكداري...أها قصرته معاك...والعلوق علي أنا...
ود الماحي

أقول ليك شنو أخوى جمال الثقة البتردف فيها المره فى ضهرك راحت يعنى شافع صغير لو لقاك سايقها يقول ليك أختشى وبعدين أنا داير حمار بشتغل بالغاز لزوم التوفير

[أبوبكرحامد]

الحاجه قالت لي أأأولدي واقعه عليك حكاية الراقد في الواطه ويرفس في السما..

ود الماحي

إنَّ كيدهن عظيم .... قطعوا ليك المشاققة فى راسك ههههههه ، انا اقترح نجيب الحاجة دى مشرف عام

[عماد الصادق]

عاجل

(((((الحكاية أبوي خرخرة ودك وشتيت ورق..)))))

حبيبنا ود الماحي

صراحة ردي اللي فوق ده ماريحني
وخايف من التأويل ..

لذا فإني أحذف ما بعد الخرخرة

خليها خرخرة ساي
وخلينا من دك الورق وشتيته !!!!

[Jamal Elmahi]

عاجل

(((((الحكاية أبوي خرخرة ودك وشتيت ورق..)))))

حبيبنا ود الماحي

صراحة ردي اللي فوق ده ماريحني
وخايف من التأويل ..

لذا فإني أحذف ما بعد الخرخرة

خليها خرخرة ساي
وخلينا من دك الورق وشتيته !!!!

ود الصادق أأبوي أها بعد ما الواحد يفك البايظ ...يفك تيكه كيق ؟؟؟ ما تقول لي الكرنتينه ...الاداره بجينا ناطي هسه...بالله سيرة الكشه ساي تخلي الواحد شعرة جلدو تكلّب....

ود الماحي

[عماد الصادق]

[ود الصادق أأبوي أها بعد ما الواحد يفك البايظ ...يفك تيكه كيق ؟؟؟ ما تقول لي الكرنتينه ...الاداره بجينا ناطي هسه...بالله سيرة الكشه ساي تخلي الواحد شعرة جلدو تكلّب....

ود الماحي

ودالماحي بعد فك البايظ بس تتفرج!!!
والجرجرة أخوي بتجيب لينا الهوى
وديجانقو على الهبشة
والكرنتينة مافي سبب يودينا هناك!
علا موية ود هاشم

[عزيز عيسى]

إزيكم يا ناس الدكان.. ما عندكم جردقة وكبريت؟

[نزار حسن محمد]

والله ياخوى عزيز من ماجبت الجنا دى من الضهارى كان كويس فى الاول لكن اتخرب من بنات الجامعه قال الجكس بدور اسكريم وبرغر والله ياحليل ايامك تقول جردقه وكبريت اوع تقول لى كمان الحاكم البلد الرئيس عبــــــــود .... الله استرنا من الخرف ..

[Jamal Elmahi]

إزيكم يا ناس الدكان.. ما عندكم جردقة وكبريت؟

يا خواجه أتا الجردقه داير تكتل بيها شنو؟ كان ملاح أم بقبق أخير ليك الجردقه الترابيه وكان كمان جديله بدل الكربونات شيل ليك جردقه حجر..والباكمبودر اختاهو بدودر بيك...بنات الجامعه جايات شيل جردقتك وأتراوح أهلك كان شافن الجردقه بجردقنها علينا...زح النطع والكسيده من الدرب أأأود حسن...

ود الماحي

[sambaaa]

سامبا المبدع ..
إنت الحركات دي بتعملها كيف!
..

يا عمدة والله سهر ليالي وحاجات كده من طرف الدولاب
ولو ما اخونا الكبير ودالماذون كنت قلبتها ليك سينما عديل كده
عيلا خائف من النبيشة وكشف الحال ..
وقالو الفلاش بيجيب الكلاش والكلاش بيجيب وجع الاضراس
اها انشاءالله نتلاقى فوق الرملة الدقاقة

[عزيز عيسى]

والله ياخوى عزيز من ماجبت الجنا دى من الضهارى كان كويس فى الاول لكن اتخرب من بنات الجامعه قال الجكس بدور اسكريم وبرغر والله ياحليل ايامك تقول جردقه وكبريت اوع تقول لى كمان الحاكم البلد الرئيس عبــــــــود .... الله استرنا من الخرف ..

هو عبود مات؟.. لا إله إلا الله.. الدنيا دي ما فيها خير أبدا..
بطارية الرادي الكبيرة الظاهر عليها نزلت وبقي يشخشخ..
عشان كدا ما سمعت الخبر..
أها أرمي البطارية ولا أرمي الرادي؟
كدي قول لي مين المسك الحيكومة بدل عبود؟
والله يا أخوي نزار الجنى دا بنات الجامعة خربن طبعه شديد..
زمان كان بيقالعنا في اللالوب والنبق والدوم..
هسع سواها لينا عسكريم والداهية اللي إسمو البرغر دا..
شن نسوي ناس البندر ديل الله يكفينا شرهم..
خربوا لينا طبع وليدتانا كلهم..
الجردقة بدور عليها عندي لواية في بطني..
سألت أبوالمهتدي قال لي أعصر فيها ليمونه بتفك ليك اللواية..
والكبريت.. شلت كراعي وفزعت علي السوق ما لقيت فحم
اشتريت بدلو طنضب وعايز أولعو لأم العيال تسوي لينا
جبنة مظبوطة بالجنزبيل والقرمبهان باقيلك متقريف خلاص..
وجبنة الدكان ما فكتها لي.

[عزيز عيسى]

يا خواجه أتا الجردقه داير تكتل بيها شنو؟ كان ملاح أم بقبق أخير ليك الجردقه الترابيه وكان كمان جديله بدل الكربونات شيل ليك جردقه حجر..والباكمبودر اختاهو بدودر بيك...بنات الجامعه جايات شيل جردقتك وأتراوح أهلك كان شافن الجردقه بجردقنها علينا...زح النطع والكسيده من الدرب أأأود حسن...

ود الماحي

إتا يا ودالماحي وقت ما عندك جردقة مالك بتتريق على..
كدي خليني النفك اللواية في اللول وبعدين نسعلكم عن الملحات..
أنا جردقتي بشيلها وبروح بها لكن
باقيلك بنات الجامعة ديل نظرهن مجلي؟
ودحسن الناس ديل أنصحم وقول ليهم
خليكم في دكانكم وتمباكم أخير ليكم..

[عزيز عيسى]

إنت يا سامبا السعودي الفي الصورة دا منو؟

[السلامى]

أعزائى الكرام شنو دكانكم بقت بضاعتو بسيطه فى واحد ما دفع حق الجروره ولاشنو كدى قولوا لى أول حرف منو بس وما فى داعى للفضائح وتكشفوا أسمو

[Jamal Elmahi]

إتا يا ودالماحي وقت ما عندك جردقة مالك بتتريق على..
كدي خليني النفك اللواية في اللول وبعدين نسعلكم عن الملحات..
أنا جردقتي بشيلها وبروح بها لكن
باقيلك بنات الجامعة ديل نظرهن مجلي؟
ودحسن الناس ديل أنصحم وقول ليهم
خليكم في دكانكم وتمباكم أخير ليكم..

الخواجه أأأبوي اللوايه بشربوا ليها الحرجل..ولاّ موية النال لكن أم زقيفيته الزي الرشوشه بموصو ليها الجردقه الترابيه...هو يعني الصيدلي دا الاّ يلبس ليهو بالطو أبيض....

ود الماحي

[sambaaa]

إنت يا سامبا السعودي الفي الصورة دا منو؟

ههههههههههههههههههه
ده الكفيل ايامو الكان صغير .. يا حليلو والله
هسه لو شفتو بقى يتلفت ساي حتى الكلام غلبو ..ههههه
الدنيا دي ما فيها خير يا عزيز
كل اول ليهو آآآآآآخر

مشاققة كده ..

( ربنا يديك الصحة وطولة العمر )

[نزار حسن محمد]

ود الماحى اجزى محنك والله النطع ده عرفته مش يهو بتاع الدخان المخروم من النص لكن قدر ماصنقعته ..ودنقرته انت يا الكسيده دى حرم تب ماعرفته . فى النهايه قلته اتصل بصديق ... الو ...اخوى عزيز عيسى باقى انت ود جيرانه كدى ساعدنى فى محن ودالماحى دى الكسيده دى شنو معك دقيقه من بداية المحادثه ..

[sambaaa]

يا جماعة انتو مسعولين من الخير
ودالماذون مشى وين ؟؟
الزول ده خلى الدكان فاتح ساي كده
( هي لكن دكانو ده فاضي مافيهو التكتح )
غايتو شايف لي كيس تمباك فاضي تحت العنقريب بتاعو داك ..
يا زول تعال على دكانك ده .. ناس الكشة هسه جايين بيجاي

[أبوبكرحامد]

[QUOTE=عزيز عيسى]وعايز أولعو لأم العيال تسوي لينا
جبنة مظبوطة بالجنزبيل والقرمبهان باقيلك متقريف خلاص..
.[/QUOTE

القرمبهان ده شنو ياخواجة ... إطرشنا ماسمعنا بيهو ، بنعرف القرنجان ، وبنعرف الهبهان أو الحبهان أو الهيل بلغة أهل الخليج ، ياخوى تعال راجع ان بقيت تودر فى الكلام ، حالتى معتمد عليك تعلم الجنيات كلامنا السمح ، اتاريك انتا ذاتك دايرلك سودنة

[أبوبكرحامد]

أعزائى الكرام شنو دكانكم بقت بضاعتو بسيطه فى واحد ما دفع حق الجروره ولاشنو كدى قولوا لى أول حرف منو بس وما فى داعى للفضائح وتكشفوا أسمو

الجرورة هينة وماها مشكلة - المشكلة يا السلامى فى النساوين العجايز ، مرة فى واحدة جات قالت بتدورلها دوا ملاح ودوا شاى ،الولد الشغال فى الدكان ماقصر معاها وعمل ليها تخفيض وقال ليها حسابك الفين جنيه ، قومى يا الحاجة اديهو خمسمية جنيه ، الولد افتكرا غلطانة فى الحساب قالها ياحاجة القريشات دى ناقصة ، قومى يا الحاجة طقى الكواريك ، قالت انتوا ناس حرامية بتدورو تسرقونى ، وانا عندى تأمين صحى كل الدويات بشتريها بى ربع القيمة ، هى لكن ياحاجة شن دخَّل دوا الملاح ودوا الشاى فى التأمين الصحى ، غايتو جنس محن

[خالد هاشم علي]

القرمبهان ده ياود المأذون يبقي ود عم أبو الجعران لزم.....

ياحليل أبو الجعران... إنتوا ملاحظين ياخوانا ابو الجعران ده إختفي !!!! ياربي يكون إنغرض ولا هاجر لي دولة تانية؟؟؟؟

[أبوبكرحامد]

لكن قدر ماصنقعته ..ودنقرته انت يا الكسيده دى حرم تب ماعرفته . ..

غايتو ياود حسن الكسيدة دى كلنا ماعرفناها ، وان داير تشاور اسال ابوشوارب او ابو المهتدى او عمك تنقو او عماد الصادق ، ان ديل كلهم ماعرفوها اكون ود الماحى ده ناجرا من راسو ساكت

[أبوبكرحامد]

يا جماعة انتو مسعولين من الخير
ودالماذون مشى وين ؟؟
الزول ده خلى الدكان فاتح ساي كده
( هي لكن دكانو ده فاضي مافيهو التكتح )
غايتو شايف لي كيس تمباك فاضي تحت العنقريب بتاعو داك ..
يا زول تعال على دكانك ده .. ناس الكشة هسه جايين بيجاي

هى لكن ياسامبا تدقوسنى وتخلونى مصنقر بى جاى ، وانتوا بى هناك " منورين " ياعينى

[أبوبكرحامد]

القرمبهان ده ياود المأذون يبقي ود عم أبو الجعران لزم.....

ياحليل أبو الجعران... إنتوا ملاحظين ياخوانا ابو الجعران ده إختفي !!!! ياربي يكون إنغرض ولا هاجر لي دولة تانية؟؟؟؟

الله استر ما اكونوا الجماعة ركبوهو الطيارة