دكان ود الصول

[Jamal Elmahi]

عالم ماتجي الاّ بالجكس النضيف ...أنا زمان ما قلته ليك أأأود الماذون الجردقه والحرجل والعطرون بطردن الزبائن...وقلته ليك بدل البلح جيب حلاوه نانسي ...أها هسي شوف الصفوف الزي صفوف السينما ديل....ناس الثقافي مافضل فيهم لا شفيف ولا رغيف كلو جاء ناقز بي جاي....وكان خاويناها بي جينيفر لوبيز الصف حدو حسن...حسن ...حسن شنو ...والله حدو القضارف....وكدي حدو كبوشيه....
والله يكفينا شر الجانجاويد....

ود الماحي

[عمك تنقو]

يعني ياود الماحي ناس الثقافي ديل بقدرو يمشو في دربكم المليان ( ضريسه ) ويسدروا يجيبوا العنكوليب والدّالي والفقوس وأمبنه وينضفوا البودة ويفطروا ملاح ورق باللقمة الحارة والملاحة جنبهم ( تقول لي صـــوص ) ويركبو الحمار بدون سرج ،،، عليك الله رجعهم وقول ليهم الدكان ده مافيهو طحنية ولا حلاوة حربة فيهو شوالات لالوب ونبق ولوبيا بيضة وعطرون

[Jamal Elmahi]

عمك تنقو دا كلو كوم وامبنّه دي كوم والماعارف يقول حمّيض...تديها ضحوه بالواسوق وتتحكر فوق الترس عرقك يتخرّت وتقوم تخمج العصيده الماخمج بمويه الترس بعد ماتفج خري القعونج و تفقش البصله وتمصر نص الليمونه وتكب حبة الزيت الكانت معنقله في نص العصيده وبرضو تقول لي أقاشيه وأبوظريفه.....
ود الماحي

[صلاح ودالطاهر]

الشمار حارقني الاخ ابوشوارب شنو الصوره دي وتحرمني منك وكده انت ماعرف انو عندك صوره عندي بواسط الجوال اعمل حسابك وادفع الاتعاب والا.............................................. ...... تحياتي للجميع بدون فرز

[ناصر الباشا]

ناس الدكان جيناكم تاني

الشي العارفينو ان ناس الدكان ديل اكرم ناس و الكرم هم اسيادو ، لكن شايفين زيارتنا دي قوبلت

و كاننا مولدين بالمهندسين ، و شايف عمك تنقو شاني على ناس الثقافي هجوم جميل و كتاحتو فوق

عشان كدة يا عمك تنقو وود الماحي السمح و كل ناس الدكان معزومين معانا في جروف الثقافي

(بني كربو ) كارب بملاح( كجيك )منشف في طرف المعية ، و العزومة دي فيها كل الاصناف الشهية

ويكاب ريحتو تجيب الرايح الداير من ويكاب السمسم متوفر و من ويكاب (الربعة ) برضو عندنا

بالاضافة للمحدقات بكل انواعها (الكول) و (ابو غازي) و طبعاً الوجبة حتكون اروع في شوال خيش

عليه شوية دقيق احسن صنية في العالم , رايك شنو يا عمك تنقو

[Jamal Elmahi]

حباب الباشا ود الباشا...
براكم أأأبوي خربانه...وأتا ما شاء الله عليك خاتف لونين (ثقافي +دكان ودالصول)...عزومتك مقبوله أأألعشاي وما تنسي الفنانين ناس عشه الفلاتيه ومرغني المامون واحمد حسن جمعه....وبالعدم ندي القلعه...
ماشي أقطع الجمار تحت قيف البحر وبجيكم صاد....
ود الماحي

[بشار]

هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا

[أبوبكرحامد]

هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا

البركة بالشوفة يامولانا الذى جانا ، احكى لينا عن مدنى والاجازة.

[Jamal Elmahi]

هلا بالجميع احبابنا ناس مدنى وناس المنتدى وخاصه اهل الدكان حفظكم الله جميعا

حباب مولانا...حباب قدم الخير...
ليك وحشه وسعلنا منك أأأبوي...أفو أأأمولانا تفوت البلد ودعتكم الله ساي ماتقولا لينا...المادارك ما لامك أأأبوي...
كوفرنا عديل من عدم كلام المدن...كدي احكي لينا عن البلد وناس البلد والعقاب (العين مفتوحه أأأبوي)..وضوّقنا حاجات البلد قنقليس..تسالي..نبق..لالوب..عرديب..حلومر..كركدي..حر جل...جردقه ترابيه..عطرون..محريب..قرنجال..
بس الساهل أأأبوي...

ود الماحي

[الزبير محمد عبدالفضيل]

لك التحيه ياود الماذون وكان ود الصول حكمه وفرفشه للجميع ولك جزيل الشكر علي الذكريات الجميله

[محمد حسين (المميز)]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
على العمووووووووووم

شكـــــــــــــــــــــــرااا,,,,,,,

[zoolfrda]

سلام يا ود المأذون
سلام عليكم يا أخوانا
كيف أصبحتوا إن شاء الله طيبين

[أبوبكرحامد]

الأعزاء : المميز - السفير - زول فردة ....... أهلاً حبابكم وسعيد اليوم الجابكم ، ابقوا قراب ، بروشنا مفروشة - وواطاتنا مرشوشة ، والدكان معاكم ، جنة بالفرح معروشة.

[معتز حمدتو]

سلام اهلنا الحلوين كيف اصبحتوا
عاجبني الدكان لكن بالجد عاجبني اولاد البلد الفيهم ريحة البلد
[size=1]5

[zoolfrda]

دكانا بالخير عمرااااااااان
وبالناس الشهامة عمرااان

[Jamal Elmahi]

ود الماذون أأأبوي ودهاشم قالو متألم شويه...فدحين أأألعشاي جهّز الاندروبل وكان مالقيت ليهو بنزين كب ليهو نص قزازه من الكمبو وتعال غاشينا
بنرجاك أنا وأبشوارب والخواجه وودالصادق في الكرنتينه قلنا نشيل ليهو كسره بدل البرتكان كان عكّروها ليهو ولاّ شربا موص بتنفعو...
ما تتأخر أأأبوي...
ود الماحي

[zoolfrda]

معاكم سوا يا حبايبنا ما تفوتوني

[صالح ابوشوارب]

سلام اهل الدكان .. والله مشتاقين .. فعلا انقطعنا منكم .. لكن معليش .. القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم

[عماد الصادق]

ود الماذون أأأبوي ودهاشم قالو متألم شويه...فدحين أأألعشاي جهّز الاندروبل وكان مالقيت ليهو بنزين كب ليهو نص قزازه من الكمبو وتعال غاشينا
بنرجاك أنا وأبشوارب والخواجه وودالصادق في الكرنتينه قلنا نشيل ليهو كسره بدل البرتكان كان عكّروها ليهو ولاّ شربا موص بتنفعو...
ما تتأخر أأأبوي...
ود الماحي

[SIZE=5]ظنيت اللاندروبل ما دَور ليكم بالهينة!!
أصلكم المرة الفاتت نسيتو البنفلة عندنا...
أنا مشيت قدامكم والحمد لله لقيتو طاشي كمان..
يعني حسه بالعافية... وأحر وعافية إن شاء الله..
تعالو غاشين .. مجهز ليكم قدقدو مستورد..
مخلوط بلبن المراعي.. ونكهة الموسى..
حبة اسبرين .... عشان الرغوة!!!![/SIZE]

[عماد الصادق]

سلام اهل الدكان .. والله مشتاقين .. فعلا انقطعنا منكم .. لكن معليش .. القندراني كان قاطر ليهو ترلة .. و جيتك يا ود الماحي فكيت الترلة في ميدان بانت .. يللاكم نمشي لابو هاشم .. لكن القندراني شاحن ليهو حصحاص .. شوف لينا كم ترابي ( فتح التاء ) ينزلوا لينا الحصحاص وياريت .. تعزل لى الترابي عزيز .. الترابي ودالماذون الترابي ود العمدة الترابى صلاح ود الطاهر ( انت يا الطاهر ما عجباك صورتى ولا شنو ) وشوف لينا معاك كم بنجوس اما ناصر الباشا الداير يسوى لينا بنى كربو في خيش قول ليهو تعال نزل معانا الحصحاص وبعدين سوى لينا بنى كربو بام بق بق وبعدين كلم لي الترابة ديل ما في زول يشرب لي عبار بغو .. نحن اصلنا ماشين لابو هاشم

أبوشوارب أخوي..
فهَمنا بالله بشويش أصلو الحصحاص الشاحنو ده حَيَرنا..
القندراني لمن يفك الترلة .. ببقى راس ساي...
أها الحصحاص ده شاحنو وين!!!!
وبالله تأمل معي العلاقة بين الترلة ... والقندراني..
وقولهم ... كده كده يا الترلة ... وهلمجرا...

[أبوبكرحامد]

ها ناس أنَّبشركم بالخير .. ود هاشم نِصِح وراح الشغل كمان ، بس المشية لازمانا ، بندورلنا حميل بِج عشان نضبحو للكرامة ، الله إختّينا الخواجة ونعاجو ، آخر مرة جابلوا نعجة قال اضبحوها ، أها ياناس انا ماشى أدوّر الأندروبل واجيكم ، دحين بطّلوا المحركة وابقوا مارقين .

[Jamal Elmahi]

أبشوارب بعد ما فكيت الترله برضو شاحن حصحاص؟؟؟
غايتو أأأبوي الله يفك ساجورك...والحمدلله الما بقيت شاحن رقيطه....

ود الصادق أأأبوي حصّل أخونا أبشوارب بعد ما فكّه الترله لسه شاحن ...غايتو ألاّ يكون كربوهو عند ناس أبحراز يلحقوني وينجدوني يا يمّه...

ود الماذون أتا جهز الاندروبل وبدل الحميل أنا علي الحاشي(الجمل الصغيّر) لزوم كبدة الابل والذي منو...وكرامه وسلامه لي ود هاشم ....
أهو حليناكم من نعاج الخواجه....

ود الماحي

[admin]

ودالماحي وعزيز عيسى وناس امريكا بدون فرز .. انا جاييكم يوم الاحد 16/7/2006م ان شاءالله .. ما دايرين حاجة من جدة معاي.. ما تخجلوا اي حاجة انا جاهز ان شاءالله كبدة ابل ماعندكم مشكلة

[zoolfrda]

بالسلامة يا ريس ويا ود الماحي وعزيز عيسى ألحقوا الكشة جاياكم

[بشار]

الاخوان فى الدكان كان ما عزيزين وغاليين ما كان جيناكم تانى زعلان من ود المأذون شديد المهم يا ناس ام المدائن بتسال عنكم ودايره تشوف وليداتها خاصه الطولوا منها شديد وحقيقه احلى مدينه واحلى ام مدنى وتحياتى للجميع .