كلام فى السر

[الخواض محمداحمد خواض]

تعرف السر انك بنيت حاجه وانا اتذكر كلامك عندما زرتك في المكتب ولحظتها بدأت كتابةهذا الموضوع والاجمل انه رساله بفهم عميق لكل من تابع البوست بوست يحمل في دواخله الكثير لو مرينا فيهو بتمعن لك التحية وانت تحاول جبر الاسرار........ وسر في بير حتسمع اخبار جميله بخصوص لقاء غداً لقد بذلنا جهد لجمع كل اطراف القبيله المدناويه وهمتكم بالداخل لرب الصدع من اجلها ومن اجل ابنائها تعلم من هي وهي تحتاج لتكاتفنا فادعٌ لنا في صلاة الفجر وعند كل حلقه لنكمل المشوار وكلام في السر اتصلت علي الاداره في الجمعية الاخري في الرياض وغداً بكل اركان حربها معنا في هذا اللقاء استجابة لصوت العقل

نعم اخى صلاح فقد تعمل او تكتب لتصل لشى معين او فهم معين او رساله معينه ولكن عند إدراج الفكره على الواقع تحدث متغيرات قد لا يكون هنالك حدود لتطورها إن كان هذا التطور سلبى او إيجابى وبالفعل فان كلام فى السر اخذ مسار إيجابى وتطور ليصل الى ما هو عليه الان وهذا التطور لم يكن ليحدث إلا لاهتمام اخوان واخوات لنا حملوا راية تطويره من البدايه .
حقيقه اليوم السبت ولم تصلنى ايه اخبار عن ماجرى فى لقاء اس الجمعه مناى ان يكون إخواننا قد توصلو لحل مرضى وهذا ما نأمله

[الخواض محمداحمد خواض]

أخينا الخواض ،،، طولنا ما شايفنك ،،،، وينك ،،،، لك الود والتحية

والله يا ابو جودى مشتاقين

عاوزك ترجع لى المداخلات شويه وتدينه رأيك فى موضوع الدبيل والحكومات القويه

يا ابو جودى ياخى شفت عليك الله اختى الزونيه وعتابها لك

وسماحة الرد والترحيب

بالله عليك فى اجمل من كده

[الخواض محمداحمد خواض]

عدنا.. شايلن الفرح.. نحلم بعالم ظاليهو ريد..سامعين أهازيج الغنى ..ريحة البخور حس الزغاريد..!!
ما أصلو ده كان المنى.. يفرِّهد السر في الدروب.. يملأ كل مساحات الغنا..

أنا شوية منفعل.. وما قادر أعبر..بس بقول شكراً على الروح الجمال.. ويا عمدة.. ربنا يعلِّي مقامك..

تعرف حسيت بمكانة هذا البوست الآن.. !! بعد أن قرأت به بعض المداخلات من شخصك .. ولاحظت الجديَّة .. والكلام الهادف.. حقيقة خفت..!!! فهذا هو النقاش .. والحديث المثمر.. وهذا هو الأسلوب الصريح .. والخالي من العصبية والتجريح.. لذا فأنت معلِّم.. تعرف كيف تنتقي .. أيّ أسلوب تختار.. إذاً فأنا لا أتعجَّب وليس من حقي أن احتار..!!

تحياتي لكل المتداخلين.. وخلوني شوية وبرجع ليكم.. (يا اخوان الصفاء.. وخلان والوفاء..).. عاجاباني من أ/ عواطف سر الختم..

يا ابو حمزه الحاصل شنو سمعتو ( قريتو ) وله جابوه ليك

يالزونيه احضرينا

اخوه يتزوج وما يخبرنا

الشغلانه باين عايزه مراجعه

ورونى رايكم

[أبو جودي]

ما..سلمت علينا يعني
لك التحية أبو جودي..
ونيابة عن الخواض
مرحبتين حبابك
وسعدنا بوجودك
وماتطوّل الغيبة

الأخت الغالية الزونية ،،،، أكرر اعتزاري على عدم السلام ،،،، "ومعليش يا بت أمي" طبعاً دي ليها وقع خاص في النفس ،،،
والله أنتي والخواض الواحد لم يشوف طلتكم بس كدى يحس بي راحة ،،، من كلماتكم الطيبة التي تنم عن ود صادق وخوة طيبة ،،،، لكي مني ألف تحية أختي ،،،، وبعدين أخونا الخواض بجيك صادي

[الزونية]

يا ابو حمزه الحاصل شنو سمعتو ( قريتو ) وله جابوه ليك

يالزونيه احضرينا

اخوه يتزوج وما يخبرنا

الشغلانه باين عايزه مراجعه

ورونى رايكم

عاد ده كلام في السر
أقول فيهو شنو ياخواض..
غايتوالحمد لله.
أها مشيت السودان حضرت العرس
ياأبا حمزة!!!؟؟؟

وياأبا حمزة سرك باتع

[الزونية]

الأخت الغالية الزونية ،،،، أكرر اعتزاري على عدم السلام ،،،، "ومعليش يا بت أمي" طبعاً دي ليها وقع خاص في النفس ،،،


والله أنتي والخواض الواحد لم يشوف طلتكم بس كدى يحس بي راحة ،،، من كلماتكم الطيبة التي تنم عن ود صادق وخوة طيبة ،،،، لكي مني ألف تحية أختي ،،،، وبعدين أخونا الخواض بجيك صادي

نحنا مابنزعل أبداً
حبابك أبو جودي
وحضورك الأنيق
عطر مساحات سرنا
وان شاء الله تجد دوماً عندنا مايسعد

وينشر الفرح والراحة
وسرك في بير

[الزونية]

والله يا ابو جودى مشتاقين

عاوزك ترجع لى المداخلات شويه وتدينه رأيك فى موضوع الدبيل والحكومات القويه

يا ابو جودى ياخى شفت عليك الله اختى الزونيه وعتابها لك

وسماحة الرد والترحيب

بالله عليك فى اجمل من كده

خواض
من سماحتك
وفضل تعاملك النبيل
سلكنا طريقاً أنت من
أوجد إشارات المرور فيه ذوقاّ
وإحترامًا وسلوكاً قويم

[الملكة اسماء ( ام محمد )]

وشوشة :
لاخير فينا ان لم نقلها
ولا خير فيهم ان لم يسمعوها

[أبو حمزة]

في البدء احيي البرنامج الناجح ملتقى الأصدقاء... والأستاذة الفاضلة عواطف سر الختم.. والسادة الحضور الأستاذ / خالد هاشم
خالد الصول
المهندس نبيل حمدتو
مصطفي هاترك
أبو بكر فاروق
آمال مالك
أسامة الرشيد


وبقول لكل أخواني في المنتدى كل عام وأنتم طيبين وفي خدمة ست المدائن متحدين..

كما أهدي التحايا لأهلي بمدني في جميع الأحياء وخاصة أسرتي بحي ناصر والزوجة بشندي فوق

وأبارك لأخي الأصغر عمر عثمان حسين - والذي سوف يتم زواجه يوم الجمعة القادمة- ..وبقول له : ربنا يتم على خير.. وعقبال البكاري.
ودمتم بخير

[color="red"][color="red"][color="magenta"][color="magenta"][size="6"]

[font="comic sans ms

"](هذه يا أخي الخوَّاض كانت مشاركتي في البرنامج الذي عُمل في مدني)

(ملتقى الأصدقاء..) بعدين أُذيع عبر المذياع...

ابا حمزه البكاء ليك شنو خلاص يا بهناك يا بهناء الحل عندك


مشاققه
لون الكتابه ابعد يا كلك حلو

( وهذا كان رد أستاذنا صلاح ود الطاهر..!!)

مساءك ورد يا الزونيه
باين هنالك اسرار بالطريق
اعجبتنى كلمة مناوره
واخونا ابوحمزه بيرسل سلام
وود الطاهر عندو فهم
شندى فوق حى بمدنى غرب المذاد
همسه : إتصلت با ابو حمزه تلفونياً باين الإلتهاب والكحه تاعباه شويه ربنا يشفيه

( وهذا كان ردُّك أنت..في مداخلة مع الزونية)

إذاً فالجيمع كان على علم ... ولا شنو؟؟؟

لكنني أظنكم لم تتنبَّهوا.. وإلَّا لكنتم أنتم من رسم بوست التنهئة.. أنا على ثقة من قلوبكم البيضاء.. والنقية..

وعلى كلٍ أنا غلطان.. ولكم العتبى حتى ترضوا..

وبصراحة .. أنتم أدرى الناس بأن الخميس والجمعة عندي راحة من العمل ..

وأنا كنت بعاني من آلام . . الله وحده يعلم كيف كانت حالتي.. لقد ذهدتُ الدنيا.. وكدتُ أن أكتب وصيتي.. الله لا جاب الإلتهابات..وضيق النفس... و الهلاويس لحبيب.. اللَّهمَّ آميـــــــــــــــن..!!

[أبو حمزة]

عاد ده كلام في السر
أقول فيهو شنو ياخواض..
غايتوالحمد لله.
أها مشيت السودان حضرت العرس
ياأبا حمزة!!!؟؟؟

وياأبا حمزة سرك باتع

ليه الألم والوجع ده.. ما أنتم عارفين عذابات الغربة ونيران البعاد....
طبعاً يا أختي الزونية كان كل همي احضر الزفاف .. أو على الأقل اشارك الفرحة..

بس أخي: عمر .. كان في عجلة من أمره..!! لا أدري (الظاهر كان تحدِّي مع نفسه أن يعرِّس)..!@!@
كنا في محاولة معه على أساس أن يأجل الزواج فقط لعيد الأضحى..!! ( لكن البنت كمان كانت في عجلة من أمرها..) وهنا ما عارف أقول شنو..!!

والزمن ده.. يا بنات هوووي أخير ليكم فتِّشوا لزولكم .. والله ما عيب.. ولا خطأ.. ألم تسمعن بأغنية :
( يمة الزول .. أنا وبراي بجيب الزول..!!)

بعدين الحياة مشاركة.. لازم تكملي تعليمك..!! ويا ريت لو كمان تنتهي من الخدمة الإلزامية ..!! يعني لزوم أنا جاهزة.. وكدة..!!

والعصر أصبح الأولوية للمرأة العاملة.. والمتعلِّمة.. والتي تعرف كل الأمور.. ( وليس الضروري أن تكون ممارسة.. ) ولكنه من المهم أن تكون ملمَّة..!!
وأكثر من كدة .. ما بوضح ..!! والأمر لا يحتاج لزيادة قول..!!

وأنتن أساس المجتمع .. ودوركن في التربية يسمو على أي دور.. و التربية صارت تكنولوجيا وعولمة..
فزمن النهي .. والأمر انتهى ..!! صار الزمن زمن الإقناع .. والحوار..
ولا بد من ممارسة الديمقراطية حتى في البيت .. أعني مع ( البنت والإبن والزوج والحبوبة...)

)

[الزونية]

وشوشة :

لاخير فينا ان لم نقلها

ولا خير فيهم ان لم يسمعوها

أسماء لك التحية وأهديك



يا قمر دورين أنا شفتك وين
طبعا في الليل و في ضفاير النيل
في رمال سهرانه وراجياك تسيل
في دموع الساقية يرنو ليها نخيل
في قلوب فرحانة عامرة بالتهليل
في عيون نعسانه غارقة في التكحيل
و كل ديل في وطني بريدك يا وطني

شمس الصباح و الصباح رباح
شمسك يا وطني
طعم النجاح الزانو كفاح
طعمك يا وطني
حتى الجراح الزمانن راح
مهرك يا وطني
أهلي الفصاح أسياد الصلاح
درعك ياوطني
كل الملاح الجمالن فاح
زينتك ياوطني
إنت عندي كبير وحبي ليك كتير
القوما ليك ياوطني
شيدوهو و زينوهو وطن الجمال
علوهو و خلوهو في عين المحال
وأفدوهو و أهدوهو الروح و العيال
و ارعوهو و ابنوهو بعزم الرجال
بأملنا بعملنا بالمحنة بوفانى الفي دمانا
نبني جنة
و نبتهج لحن وصغارنا تتغنى
يا أصلنا ومبتدانا ياحلاة مسرح صبانا
و ذكرياتنا و مشتهانا
إنت فينا كبير و ريدنا ليك كتير
القوما ليك يا وطني

[بت أم درمان]

كلام في السر ... السودان حلو حلا . ناسو كتااار . وكله غبااار . وعايز قروش بالشوالاااات . وباعوووض . وسخااانة شديدة .

[الزونية]

كذا فليجلُّ الخطبُ وليفدح الأمر *** فليس لعين لم يفض ماؤها عذر
في كل مدرسة وفي كل سنه وفي كل فصل يكاد هذا الحوار يتردد بمعناه بيني وبين التلاميذ.......
اخرجوا كتاب المطالعة !!!!وهذا ما تقوله أنفسهم لكن في صمت
أوه!!!!!!!!!! لقد قرأناه ثم قرأناه حتي مللنا ألا يوجد كتاب غيره
وارد في سري هذا الكتاب المقرر وسنقرأه مره أخري !!!!!!!!علي نمط آخر فيفتحونه متثاقلين ويقرأون متكاسلين وكلما تكررت : وكيف كان ذلك ؟ زعموا ..جرت علي شفاهم بسمة خبيثة !!!!!!!

اليوم يوم القواعد! ولسان حالهم يقول:-
صداع الرأس وغثيان النفس وكظًةُ الحافظة بما لا خير فيه ولاعودة منه !!!!!!!!!!
هل في العالم لسان صحيح من غير نحو وكتابة فنية من غير قواعد ؟!!!!
للغات الاخري نحو بسيط معقول وليس فيه مافي نحو اللغة العربية من وجوه وشروط وأوزان وأبواب وإعراب ,إعلال و إبدال مما يجعله اقرب الي الرياضيات من الأدب!!!!!!! !
ولسان حالي يقول :_
ستعلمون أن هذا النحو أيسر مما تظنون!!!!! ثم أسير في الدرس وهم مستسلمون كأنما يسمعون شرأ لابد منه........
***
درس اليوم قطعة من المحفوظات !!!!!!!
لنستعد أولا للتحريري فإذا جزناه استعددنا للشفهي !!!!!
ليس الغرض من المحفوظات أن تكون مادة للامتحان الشفهي وإنما الغرض منها تجويد الإلقاء وتربية الملكة والوقوف علي معاني المفردات وخواص التراكيب
اكتبوا في هذا الموضوع
الله !! موضوع جميل واسع
إذن لماذا لم تبدأوا الكتابة؟
نتظر أن تتكلم لنا فيه فتملي علينا مقدمته وتنهج طريقه وتبين غرضه وتقسم أجزاءه!
وماذا يبقي لكم أنتم إذن ؟
حسبنا إن نكتب مانسمع بعد إن نمطه بالمترادفات والمبالغات ونحشوه بالأحاديث والآيات!!!!!!
ولكني افهم هذا وانتم صغار ناشئون فما عذركم اليوم وانتم شباب لكم فكر ورأي وعندكم علم ومحصول ؟!!!
هكذا عودنا معلمونا !!
تعودوا من غير هذا ففكروا بعقولكم وعبروا بألفاظكم فالذهن يقوي بالمعالجة ويخصب بالمران.فيحاولون أن يكتبوا ولكنهم يقضون الساعة في عصر الذهن وصك الجبين وشد الشعر وعض القلم حتي يدق الجرس وما كتبوا غير سطر او سطرين .
من هذا الحوار المتجدد فهمت شكاة التلاميذ وعلمت أسباب انصرافهم عن اللغة واستصعابهم لها واستخفافهم بها وزهادتهم في أدبها ومن أهم الأسباب.
1/الاقتصار علي كتاب واحد للمطالعة2/جفاف القواعد وعقمها بفصلها عن الأدب3/ سوء تعليم اللغة ورداءة الكتب 4/جهل التلميذ بالغرض مما يدرس5/ندرة الكتب التي تحبب القراءة الي التلاميذ 6/ قرب الغاية الصغري للنجاح في الامتحان
وقال القائل شكونا إليكم مجانيننا وشكوتم ألينا مجانينكم فكانا كهم وكانوا كنا ..

أخي ود الطاهر
المنهج المدرسي وماأدراك ماالمنهج المدرسي..
وضربت لنا مثلاً بكتاب المطالعة والمحفوظات...خير كتابين في زمان كنا نستقي فيه من الكتابين حرفاً ومعنىً..
كتاب المطالعة الأولية ...فيه من المعلومة التي تتناسب واعمارنا ..في كل درس نجد زيادة لحصيلتنا اللغوية..يستنطقنا الأستاذ النطق الصحيح..وفي حصة الخط كنا نقوم برسم المفردة رسماً أنيقاً حتى نتقن رسمها في مخيلتنا لنضعها في مأمن لحين الحوجة إليها لنكتبها كما ينبغي ....

طلبت يوما من سكرتيراً لوزير دولة حالي أن يكتب لي بخط يده طلباً كان لوزيرنا ...حقيقة راعني مارأيت ..
لم استطع أن أقرأ شيئاً مما كتب ..والحمد لله..
هو خريج..!! يحمل درجة بكالوريوس....
كيف تدرج هذا بالله عليكم ..ليجلس في كرسي وظيفة لايستحقها...
العيب في نظام تعليمي كامل منهجاً وأستاذاً ...وطالباً و وأسرة لاتهتم...
حصة القواعد بالرغم من كل شئ كنا ننعم والله بأساتذة حببونا فيها ..
القواعد هي القواعد والنحو هو النحو ..إنما المنهج المربوك يبعد عن ذهنك المعلومة..
فلتصحي يابلد

الآتي أمر
جامعاتنا للإنهيار الأكبر
إحالة أساتذة الجامعة للمعاش ..
في أي عصر نحن ؟؟أجيبوني...

أعرف استاذاً جامعياً بجامعة لندن في الثمانين من عمره
هو موسوعة..
ويلاقي الإحترام والتقدير من الدولة والجامعة..

والسر أكبر

[الزونية]

كلام في السر ... السودان حلو حلا . ناسو كتااار . وكله غبااار . وعايز قروش بالشوالاااات . وباعوووض . وسخااانة شديدة .

بت أمدرمان ياحبيبة .لك التحية
وين إنتي
مرحب بيك معانا في السر

والسودان أبداً ماحلوووووووو

ناسو كتار دي ماعندنا فيها يد..لكن ماأكتر من الصين ...

بإ ختلاف النوعية والكيف ..

كله غبار دي ماعندنا فيها يد...

عايز قروش.. ده حسب نوع المعيشة الإنتا عايز تعيشا...

الباعوض... دي حالة بلد ماعندها وجيع ودولة غائبة...

السخانة الشديدة دي إلا نشيلو نوديه بعد البحر المتوسط..

لكن ممكن بقروشك الشمس دي ماتشوفا....

والسر في بير

[الخواض محمداحمد خواض]

كلام في السر ... السودان حلو حلا . ناسو كتااار . وكله غبااار . وعايز قروش بالشوالاااات . وباعوووض . وسخااانة شديدة .

اختنا بت ام درمان

كدى اول حاجه عاوزين نعرف قصة ::::: الحصاحيصا ::::: والمانجو

وإيه السر المخبيهو ود الطاهر :::::وبعدين نجى نشوف حلاوة بلدنا ::::: وناس بلدنا ::::: وغبار بلدنا

والقروش و الباعوضه ده موضوع تانى نخليهو بعدين

[الزونية]

اختنا بت ام درمان

كدى اول حاجه عاوزين نعرف قصة ::::: الحصاحيصا ::::: والمانجو

وإيه السر المخبيهو ود الطاهر :::::وبعدين نجى نشوف حلاوة بلدنا ::::: وناس بلدنا ::::: وغبار بلدنا

والقروش و الباعوضه ده موضوع تانى نخليهو بعدين

ياخواض
كيف أخبارك
انا غايتو حأمشي أنادي أبو حمزة عشان إشوف اللخبطة الحاصلة ليك دي من شنو...
ياخوااااااااااض دي بت أمدرمان مابت مارنجان..

ومابكلم زول
وسرك في بير

[محمد الواثق]

امل ضائع



فوق جبين القمر
على وشاح السحاب
قلوب متكسرة
ارواح متمردة
كلمات متقطعة
واحرف بعثرتها الايام
احلام بددها الواقع
















وجاي للنهاية

[الزونية]

امل ضائع

فوق جبين القمر
على وشاح السحاب
قلوب متكسرة
ارواح متمردة
كلمات متقطعة
واحرف بعثرتها الايام
احلام بددها الواقع

وجاي للنهاية

واثق
نحن معك منتظرون


لنجمع المكسور
ونرصو من جديد
ونروض المتمرد
ونرتب المتقطع
والمبعثر نلمو
بس أدينا إيدك
وسرك...
وانت آمن
وسرك في بير

[الخواض محمداحمد خواض]

ياخواض
كيف أخبارك
انا غايتو حأمشي أنادي أبو حمزة عشان إشوف اللخبطة الحاصلة ليك دي من شنو...
ياخوااااااااااض دي بت أمدرمان مابت مارنجان..

ومابكلم زول
وسرك في بير

معليش إعتزر والله خجلتينا يا الزونيه

اختنا بت ام درمان لك العتبى حتى ترضى (لكن موضوع القروش والباعوضه ما زال مطروح )

اختى بت مارنجان انا مصر اعرف سر المانجو والحصاحيصا لو ما منك من ود الطاهر
اها يا الزونيه اوعى اكون طشيت تانى ( ده الكبر الماعندو علاج )

[محمد الواثق]

واثق
نحن معك منتظرون


لنجمع المكسور
ونرصو من جديد
ونروض المتمرد
ونرتب المتقطع
والمبعثر نلمو
بس أدينا إيدك
وسرك...
وانت آمن
وسرك في بير

جاي انا وسايق براحة براحة

[الخواض محمداحمد خواض]

امل ضائع



فوق جبين القمر
على وشاح السحاب
قلوب متكسرة
ارواح متمردة
كلمات متقطعة
واحرف بعثرتها الايام
احلام بددها الواقع
















وجاي للنهاية

يا راجل انت لسه شباب

طيب العوجز الزينا يقولوا شنو

إنشاء الله النهايه سعيده

[الزونية]

معليش إعتزر والله خجلتينا يا الزونيه

اختنا بت ام درمان لك العتبى حتى ترضى (لكن موضوع القروش والباعوضه ما زال مطروح )

اختى بت مارنجان انا مصر اعرف سر المانجو والحصاحيصا لو ما منك من ود الطاهر
اها يا الزونيه اوعى اكون طشيت تانى ( ده الكبر الماعندو علاج )

ياخواض
لالاكده كلو تمام..

[أبو حمزة]

ياخواض
كيف أخبارك
انا غايتو حأمشي أنادي أبو حمزة عشان إشوف اللخبطة الحاصلة ليك دي من شنو...
ياخوااااااااااض دي بت أمدرمان مابت مارنجان..

ومابكلم زول
وسرك في بير

يا جماعة : صاحبي الخوَّاض ما تلوموه.. يا الزونية: يا أخت البنات.. وعشا البايتات ... خليهو الخوَّاض.. أصلو بعاين لبعيد.. وأنا خائف عليهو من الحفر..!!

دائماً ساعي في لم الشمل.. ونقول ليهو يا أبا بودي.. الدنيا حلوة.. وكلو بكرة بيبقى ذكرى..

والمهلة قرَّبت تتم.. يا رب نتلم .. والجرح يلتئم.. نبقى أيد واحدة للبناء و التعمير..

[الزونية]

جاي انا وسايق براحة براحة

آييي الحذر واجب
خاصة لو سايق في طريق مدني الخرطوم...

[أبو حمزة]

كلام في السر ... السودان حلو حلا . ناسو كتااار . وكله غبااار . وعايز قروش بالشوالاااات . وباعوووض . وسخااانة شديدة .

الغالية بت أم درمان: تحياتي .. وسرِّك في بير.. بس عليك الله سودانا ما حلو.!؟ طبعاً أنا ما حصل خرجتَ من مدني إلا للجامعة ( أم درمان) + الجنوب ( حرب ودواس) + جبل أولياء (عمل وكدة) + السعودية..( كاميرا خفية ) ..
وشائف أحب منطقة مدني وفي مدني حيينا وفي حيينا بيتنا وفي بيتنا المطبخ..!!
وما كنت مفتكر إنو بيجي يوم وأفارق بلدي..( وطني شديد..!!) بس تخيلي أول سفرة للسعودية جلست (6 سنوات ونص) وبعدها جيت وتزوجتُ..!!
يعني لكل زول قناعاتو.. وأنا ما شائف ذي بلدي رغم غبارو ..( بس طبعاً غبارنا ما ذي غباركم).. وضيق العيش..!!

وكلام في السر: بلدي الآن أفضل من زمان..!!