دكان ود الصول

[أبوبكرحامد]

هوى ياود الماذون ... والله انا لو مادخلت اول حاجه على الدكان .. لابقدر امشى العام ولا الثقافى..الخ ياخى البركه كلها فى دكان ود الصول

طول عمرك أصيل ياودحسن وبتعرف الواجب ، إلهى إحفظك

[أبوبكرحامد]

عوافي
يا ناس الدكان

وهاكم الجبنة دي
من جالوص

دى جبنة تعدل الخطوة .... شكراً ياجالوص.

[أبوبكرحامد]

لقيتلكم....



ود الماحي.............

..

ياود هاشم ود الماحى ده زول خلا وجنس الحاجات الفى الكوفى شوب دى مابيقدر عليها ... استنا لو ماشفتو جا راجع الدكان تانى ... أصلو العرجا لى مراحا

[أبوبكرحامد]

يا ابوهاشم انا كمان شايف ودالماحي قاعد ولا هارون الرشيد وحوله الجكس في الكوفي شوب ...
تعرف يا ابوهاشم يكون ود المأذون عاوز يجاري العولمة .......عشان كده ما نديهو فرصة وضمني معاك لحركة تحرير دكان ود الصول وماشي معاك للمتمرد ودالماحي بس ما عندي عكاز جهز لي واحد معاك...

صورة ود الماحى دى لقيتا وين يانبيل ، بس المصوراتى فنان ، ماعارف كيف قدر غير العراقى الأغبش ولبسوا الدلاقين السمحة دى كيفن؟؟؟؟

[تومى]

والله يا أبوبكر وخالد هاشم قالو النسى قديمو ضله وياخالد انت عارف الكلام ده ولا شنو عارف فى مدنى من عاطف الوجيه قفل دكانو والناس مشت آخر محطة عند ناس جعفر العوض السوبر ماركت الجديد وطبعاً كل الشباب رحل من جمال التوم مروراً بعمر جعفر وعثمان ومنير وكل الشلة حتى ابو الوفاء لمن يجى من الخرطوم على آخر محطة على طول (بالمناسبة ابو الوفاء وعصام كانو معانا فى قطر قبل شهرين) انا حرمت قعاد الدكاكين لانه القعده الزمان ياحليله .
وشوف لى منصب فى حركتك دى انشاء الله مشرف على لجان .......

[امير عبدالباقي]

الاخوه الاحباب
شايف شماراتكم كتيره اها هدي صنقيره مستنيكم

[السلامى]

أعملو حسابكم يا أعمامنا من الجيل البقى يدخل الدكان يوماتى أنا خايف يجى يوم يحولوه لمنتدى عام وبعد داك الا تشوف ليكم ضل تلعبو فيه سيجه

[أبوبكرحامد]

والله يا أبوبكر وخالد هاشم قالو النسى قديمو ضله وياخالد انت عارف الكلام ده ولا شنو عارف فى مدنى من عاطف الوجيه قفل دكانو والناس مشت آخر محطة عند ناس جعفر العوض السوبر ماركت الجديد وطبعاً كل الشباب رحل من جمال التوم مروراً بعمر جعفر وعثمان ومنير وكل الشلة حتى ابو الوفاء لمن يجى من الخرطوم على آخر محطة على طول (بالمناسبة ابو الوفاء وعصام كانو معانا فى قطر قبل شهرين) انا حرمت قعاد الدكاكين لانه القعده الزمان ياحليله .
وشوف لى منصب فى حركتك دى انشاء الله مشرف على لجان .......

الدكان ده يا التومى قصدنا منو نعيد ايام مدنى والضحكات البريئة .... والله ايام يازمان

[أبوبكرحامد]

الاخوه الاحباب
شايف شماراتكم كتيره اها هدي صنقيره مستنيكم

حباب قريبى أبو ريلان ، أمانة فى الذمة يا أمير تخلوا بالكم من منتدى ودمدنيات.

[أبوبكرحامد]

أعملو حسابكم يا أعمامنا من الجيل البقى يدخل الدكان يوماتى أنا خايف يجى يوم يحولوه لمنتدى عام وبعد داك الا تشوف ليكم ضل تلعبو فيه سيجه

البركة فيكم يا السلامى ، الدكان ومنتدى ودمدنيات أمانة فى ذمتكم

[zoolfrda]

الله يديكم العافية وعمارة ناصية

[Jamal Elmahi]

ها أأأناس دحين دا الدكان ولاّ أنا ضهبان...؟
العولمه تطير عيشتا ما خلّت حاجه ما هبشتا حتي الدكان....
عولمة الدكان قالوا جايبين بياعات أتنين هنود زي جميلة أبشوارب ...وأتنين حبشيات جكسا في خط سته....يعني الحمد لله التمباك ما محتاجين نسفو..عين في التمباك وعين في البزيقللي تكون أتكيفته أربعه وعشرين قيراط...دي العولمه ولاّ بلاش...

ود الماحي

[نزار حسن محمد]

سلام ياناس الدكان ... اسمعوا الحاضر احدث الغائب عندنا عرس فى المنتدى العام .. والعريس مفاجاه من عيار الاسود .. تعالوا ساكت .. ناس عقد

[امير عبدالباقي]

ود الماذون قريبي
لك التحيه ......... انشاءالله مابنقصر تب
لكن مادام الزيكم في مابتجي عوجه

[امير عبدالباقي]

ود حسن اخوي
امانه الشمار ماحرقني
الرسول كمافتيتو وتخبرنا
بالمفاجئه دي النبي عليك

[معتز حمدتو]

مفارق كيف تخلينا لشوقنا وذكري ماضينا وكيف بعدك يكون الحال وكيف تصبح ليالينا
انت موصي بشده كده مالك ياود حامد يعني خفسه في مدني لمدت ساعة تطمئن علي عيالك أن شاء الله كيفنكم
بنوصيك علي السكن جواك ما يطلع ...

[نزار حسن محمد]

ود حسن اخوي
امانه الشمار ماحرقني
الرسول كمافتيتو وتخبرنا
بالمفاجئه دي النبي عليك

اه يالاامير .. خصمتنى بالرسول .. اه المفاجاه تلقها معلقه فوق سقف المنتدى العام .. وفوقه اسد بضرع ساكت. تعال انت بس امانه ما وقع اسد

[بشار]

انا يا شباب بضمن ليكم الكوفى شوب لو ما فيهو حبش من القضيبيه او راس رمان اخوكم ود المأذون ما بشتغل بيهو وكمان اليومين ديل حا يدخل القفص الذهبى يعنى لسه موجود فى الدكان اطمئنوا وختوا فى بطنكم بطيخه شتوى كان تنفع .

[تومى]

وده السبب الجابنا أخ ابوبكر وتسلم وشكراً ليك كتير على اللمه الحلوة دى

[السلامى]

اه يالاامير .. خصمتنى بالرسول .. اه المفاجاه تلقها معلقه فوق سقف المنتدى العام .. وفوقه اسد بضرع ساكت. تعال انت بس امانه ما وقع اسد

مشينا هناك لكن لقينا مع الاسد ضابط أنتو دايرننا تانى مانجى المنتدى العام

[امير عبدالباقي]

ود حسن
فتشته المنتدي العام فوق تحت مالقيت شي
زي ماقال ليك سلامي في ضابط في كشه ولا شنو

[نزار حسن محمد]

السلامى والامير .. والله جنس حساده عليكم يعنى اسد قدر ده وكمان ضابط نجومه تسوى حى والليل وتقولوا مالقينا حاجه وكمان داير اقوليكم حاجه نحن جبنا الاسد والضابط عندنا عشان اليومين ديل عندنا حراميه حايمين فى فريقنا .. الله يستركم ..اه ابقه عشره على مدنيات وعلى الدكان.. فتكم بعافيه

[محمد حسين (المميز)]

والله لكن دكان ودالصول بقى صيوااااان
شمارات ساااااااي

يديكم العافيــــــــه
***********

[السلامى]

[quote=المميز]والله لكن دكان ودالصول بقى صيوااااان
شمارات
نحن ماصيوان شمارات نحن نحن الكبار البرانا ما حتعرفوا للدنيا حاجه تروحو ساكت مع العولمة لمن الواحد يبقى فيكم ذى أولاد جون الواحد فيهم لابعرف عمتو من خالتو
نحن دايرين ياأخوى المميز نرجعك للوراء لماضيك الجميل والمثل بقو ل الماعندو كبير يشترى ليه كبير

[نزار حسن محمد]

ياناس الدكان .. السلام جاكم .. شنو الحاصل المطر والا بحر مسكت الناس فى بيوتم ولا الحاصل شنوه... الجكس والشباب الظريف قعدين فى كوفى علاء طبعا ده ما فى شارع النيل لاطين ولا مطره بتمسك الشباب ... لكن يااخوانا من غير الدكان مابنبقى والله نخوج فى موية المطر ونجيكم.. بعدين الحقوه ود الماحى مشنط ببنطلون تريفيره وقميص دموريه طابعه بالبوهيه ومتحكر وسط الشباب ولما فى اخوانا ابوعلاء وعملوا الكوفى شوب خيمة دوبيت .. ودالماحى كل مره امروق لى بره واجى امسح فى خيشموه ... ظنته داسى ليه شيتن.. بره .. الحقوه ابوعلاء من مصائب ودالماحى...