النتائج 51 إلى 75 من 102

الموضوع: رمضان كريم...مدنيّة...تتربع اليوم ضيفة عزيزة على الكرسي السااااااااخن .

أدوات الموضوع
- مشاهدة صفحة طباعة الموضوع


	25-09-2006 01:59 AM #51 التيمان الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Jun 2005 الدولة مدنى شندى فوق المشاركات 4,171 نحنا ناس سلام ساكت ورمضان كريم وربنا يعينك أبكي انا .. عاصي انا لمنو انا اشكي .. أفتح لي بابك يا كريم واقبل دعائي كل ما .. امد اليك كفي .. الله .. مرر الماوس وادعي التيمان .. َ!


	25-09-2006 02:12 AM #52 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة hamad2 مدنيه علاقتك بي مدني ومن ولومن مدني من ياتو حي واجمل حاجه لاقتك في مدني وسر التسميه (مدنيه) واديك الف عافيه هلا وغلا فيك حمدتو علاقتي بمدني علاقة البت بامها بما تحمل هذه العلاقة من معان اجمل حاجة في مدني هي مدني زاتها بطيبة اهلها بسماحتهم بحنيتهم بلطفهم برقتهم بشهامتهم برجولتهم سر التسمية هو عشقي لمدني


	25-09-2006 02:16 AM #53 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة ابوالنور ليه نحنا ما محسوبين من المنتدي ولا شنو ما بردو لينا ولا نجي الخرطوم عشان نسمع رد؟؟ اظهر انو الكرسي دا حاسخنو لانو الساخن في رمضان كويس مع المعده هلا وغلا فيك اخووووووي ابو النور لك العتبي اخووووووي حتي ترضي وفعلا بعتذر عن تاخري لظرف خارج والله عن يدي ويادوب الدخلة للمكتب ولسة مافتحت اي حاجة من اوراق المكتب وقلت لازم اصلكم وارد ليكم انتو اهلي وناسي يا ابو النور وماتزعل من تاخري عليكم ولك العتبي حتي ترضي وبعدين شنو حكاية الكرسي الساخن دي قلت ياخوانا كرسي جلوس فااااااااااااااخر اهلا بيك ابو النور واسال ما بدا لك وانا تحت الامر


	25-09-2006 02:19 AM #54 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة ابوالنور وبعدين حكاية الفيل دي شنو ؟؟ شنو يا ابو النور ياخوي يعني بعد نسينا جيت تذكرنا تااااااااااااااااني الفيل دا عشان جزيرة الفيل وطبعا قبل يومين هزمت المريخ اتنين وانا مريخابية عرفت حكاية الفيل شنووووو !!!


	25-09-2006 02:19 AM #55 محمد حسين (المميز) الملف الشخصي مشاهدة المشاركات عضو ذهبي Array تاريخ التسجيل May 2006 الدولة الدرجه المشاركات 3,528 ماما مدنيــّـــة كيف مع الصيام الليله يلا ندردش شويه كده ونتعرف على شخصيتك اكتر يوم تمنيتي انه لا ينتهي يوم سيء مرّ عليك صفه تتمني انك تتخلصي منها أكله تحبيها جدا جدا أجمل لون تعشقينه لازمه ترافقك في شخصيتك وحركاتك أجمل مراحل فترات حياتك لو صحيتي ولقيتي نفسك زي الصوره دي تعملي شنو؟؟ لي عوده تاني..,, ************* كيـف لا أعشــق جمـالك •• ما رأت عينــاي مثــالك


	25-09-2006 02:21 AM #56 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة sambaaa الأخت العزيزة / مدنية الأخوان الأعزاء رمضان كريم يا شباب انا جيت زائر ساااااااااكت الليلة ... عشان استمتع بالقراءة الرمضانية الحلوة دي اها .. بكرة بعد فنجان القهوة بقعد ليكم بمزااااااااج رايق شديد هلا وغلا فيك سامبااااا قبل القهوة وبعد القهوة منتظرين جيتك مرة تانية ويارب دوما مزاجك رايق وماتنسي خت في بالك انه دا كرسي جلوس فاااااااااااخر ما كرسي ساااااااااااخن


	25-09-2006 02:24 AM #57 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة نور العيون حباب مدنيهأختي و حبيبتي و ان شاء الله يكون كرسي مرطب بيك في رمضان .. و الله جيت ارحب بيك و لي رجعه تانيه معاكي .... و الشعر د مهداه ليكي يا حبيبتي .... هلا وغلا فيك يانورنا تسلمي يالغالية كتيير كتيير علي الترحيب ومنتظرة جيتك بفارغ الصبر انا بس خليك حنينة علي وبالنسبة للشعر دا والله نفس الشعور يانورنا الله يخليك يانور العيون وبالجد نور العيون انتي الله يديك الصحة والعافية


	25-09-2006 02:28 AM #58 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة امل حياتى رمضان كريم يا مدنية وبعدين المميز ده لاعب ليك باك مالوا قول ليه الدنيا رمضان والجو حار والعطش حاصل وبراحة عليا هل بتعرفى عواسة عصيدة + كسرة ولا مرت كمبيوتر سسسسسسسسسسسسسسسسساى هلا وغلا فيك امل حياتي ورمضان مبارك عليك وعلي كل اسرتك يارب المميز دا بس قاعد لي علي الوحدة التقول في زول عينه مراقب والله كلمتهم كلهم قلت ليهم دا كرسي جلوس فااااخر ما كرسي ساااخن - لكن بيني وبينك كدا لحدي الان والحمد لله فعلا كرسي جلوس وفااااااااااااااااااااااخر كمان انت هسي في داعي للاسئلة التعسفية دي !!! بالنسبة للعصيدة بعرف اعملها والحمد لله لكن والله الصراحة يعني الكسرة دي ماحصل اتشرفت بيها واحنا ناس الخرتوم ديل اي حاجة عندنا جااااااااهزة والله لو كنا عايزين كسرة قبل ماتصل البيت في السكة وانت ماشي بتتناولها من اقرب محل وكان الله يحب المحسنين


	25-09-2006 02:31 AM #59 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة التيمان نحنا ناس سلام ساكت ورمضان كريم وربنا يعينك وعليكم السلام ورحمة الله تعالي وبركاته والبحبه كله كريم الله يعين الجميع لكن مالكم يالتيمان ناس سلام ساااااااااكت !!! ولا بس بتعرفوا للسجن !! اهلا بيكم وشكرا ليكم علي تشريفكم وسلامكم


	25-09-2006 02:39 AM #60 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 ماما مدنيــّـــة كيف مع الصيام الليله والله يالمميز اخوي الليلة اول مرة اعرف انه رمضان حاااااااااااااااااار ومسخن ربك يتقبل بس يلا ندردش شويه كده ونتعرف على شخصيتك اكتر يلا يوم تمنيتي انه لا ينتهي يوم 27 رمضان يوم سيء مرّ عليك يوم وفاة ابي صفه تتمني انك تتخلصي منها الطيبة الشديدة أكله تحبيها جدا جدا الصراحة الاكل دا ماعندي بيه علاقة شديدة وكل الاكلات عندي تتساوي أجمل لون تعشقينه الابيض أجمل مراحل فترات حياتك فترة الطفولة لانها خالية من اي هموم والانسان بعيشها لحظة بلحظة من غير اي هم ** لو صحيتي ولقيتي نفسك زي الصوره دي تعملي شنو؟؟ يعني هسي مابالغت يالمميز !!!! غايتو الله يسامحك لي عوده تاني..,, في انتظار عودتك


	25-09-2006 05:56 AM #61 waheeb الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Dec 2003 الدولة أبوعشر المشاركات 1,073 الاخت مدنيه اولاً رمضان كريم وكل سنه واتنم طيبين.. الأخت مدنيه تشرفنا بمعرفتك عن قرب بعد جلوسك في الكرسي الساخن الذي اصبح بردا بجلوسك عليه ... مرورانا هنا للاستمتاع بردودك الجميله .. وان شاء الله لينا عوده لكن قبال افوت بسأل الامومه .. واجبات الزوجيه .. العلاقات الاجتماعيه كيف توفقين بين الثلاثه؟ اخوك ابو اشرف التعديل الأخير تم بواسطة waheeb ; 25-09-2006 الساعة 05:59 AM [كفى بالموتِ واعظاً يا عبِاد]


	25-09-2006 11:18 AM #62 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 الله يديك العافيه انشاءالله وتردي لكل احبابك المستنينك يا مدنيه


	25-09-2006 11:46 AM #63 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 مدنيّه أتي أتاريكي في السودان وتابي ترسلي الابري...أها كيتاَ عليك الليله علا أهريك سعالات... أتي ياختي لغاية هسه تلفي وتدوري وما جاوبتي علي أي سعال....شابكانا هلا وغلا...سلامنا في السودان بعد العولمه بقي كدا؟؟ ولاّ الكلام دا جبتيهو من وين؟ سعالي أتي الحيكومه بتبقي ليك شنو؟ مابراك قلتي أتي والحيكومه زيتكم في بيتكم ...السياسه يابت أمي تطير ...كدي خلينا في الابري بترسليهو ولاّ أبل لي طرقة كسره... أبو البنيات لوقال مدنيّه النقناقه دي علا أدبّل فيها ...بترضي بالضرّه ولاّ بتبطلي النقّه.... ماهو الحل في رأيك للبنات البايركس؟ وماهو العمر البتعتبر بعدو البت بايركس...أصلي شايل هم بت أخوي سوار الياسمين... راجل المرا في السودان لسه مازال حلو حلا وسوقو حار ولاّ أسهمو دقّت الدلجه... أنا غايتو طوالي رمضان بطلع لي في راسي ...وبالزات لوالراس ما شارب أبري... بجيك صاد أأأبت امي.. ود الماحي التعديل الأخير تم بواسطة Jamal Elmahi ; 25-09-2006 الساعة 12:24 PM الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول)


	25-09-2006 10:01 PM #64 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 حبابك مدنيه حبيبتي رايك شنو لو تجي الامارات و تقضي معاي شهر زي العسل .... مات الامل محترقا بنار انتظاري و ذبلت على شاطئ النسيان اجمل ورودي


	25-09-2006 10:13 PM #65 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 الاخت مدنيه اولاً رمضان كريم وكل سنه واتنم طيبين.. هلا وغلا فيك اخوووي ابو اشرف وكل لحظة انت بالف خير يارب الأخت مدنيه تشرفنا بمعرفتك عن قرب بعد جلوسك في الكرسي الساخن الذي اصبح بردا بجلوسك عليه ... الشرف لي انا اخوي اني استقطعت جزء من وقتكم عشان تجوني في كرسي الجلوس الفاخر دا مرورانا هنا للاستمتاع بردودك الجميله .. وان شاء الله لينا عوده لكن قبال افوت بسأل الاستماع لي انا بجلوسي وسطكم اخواني والاستفادة منكم ومحاولة تقديم ما يمكن ان يفيدكم الامومه .. واجبات الزوجيه .. العلاقات الاجتماعيه كيف توفقين بين الثلاثه؟ والله في زمنا دا يا ابواشرف التوفيق بين الاشئاء الثلاثة دي صعب جدا يعني الواحد الا يكون عنده عصا موسي عشان يقدر يوفق بينهم وكمان تزيد عليهم العمل بالجد المعادلة بتبقي صعبة جدا وبالتاكيد في واحد من الاربعة دي بغطي علي الباقين بس الواحد بيحاول جهده لمحاولة التوفيق بيهم وربنا كريم


	25-09-2006 10:16 PM #66 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة ابوالنور الله يديك العافيه انشاءالله وتردي لكل احبابك المستنينك يا مدنيه الله يخليك اخوووووووووي ابو النور ومن حسن حظي وجودي معاكم هنا


	25-09-2006 10:48 PM #67 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 مدنيّه أتي أتاريكي في السودان وتابي ترسلي الابري...أها كيتاَ عليك الليله علا أهريك سعالات... وحاة الله الابري يا ود امي لو كنت عارفة ليك عنوان كان رسلت ليك الابري ولا يهمك اسال ما بدا لك أتي ياختي لغاية هسه تلفي وتدوري وما جاوبتي علي أي سعال....شابكانا هلا وغلا...سلامنا في السودان بعد العولمه بقي كدا؟؟ ولاّ الكلام دا جبتيهو من وين؟ هلا وغلا دي ياود امي قلت اكلمكم بلغتكم اللي بتعرفوها عشان كلكم مغتربين واصلا كلهم ياو ود الماحي بجوا يسلموا ويقولوا ح يرجعوا بس واحد فيهم رجع مافي غايتو مافي زول سال غير المميز اخوي سعالي أتي الحيكومه بتبقي ليك شنو؟ مابراك قلتي أتي والحيكومه زيتكم في بيتكم ...السياسه يابت أمي تطير ... ود امي حكومة شنو !!!! ماعندي بيها اي صلة غير صلة المواطن بحكومته السياسة لو خلينها ود امي هي ما بتخلينا كدي خلينا في الابري بترسليهو ولاّ أبل لي طرقة كسره... ولا يهمك ود الماحي اخوووووووي وقدام الناس دي انت رسلت عنوانك وانا برسل ليك الابري اها قصرت معك ود امي أبو البنيات لوقال مدنيّه النقناقه دي علا أدبّل فيها ...بترضي بالضرّه ولاّ بتبطلي النقّه.... والله ياود امي الضرة دي امهاتنا - امهات المؤمنين رضي الله عنهن - ما رضن ولا اتقبلنها بصدر رحب اها عادي عايزنا احنا الهاملات ديل نقبلها !!!!! ماهو الحل في رأيك للبنات البايركس؟ وماهو العمر البتعتبر بعدو البت بايركس...أصلي شايل هم بت أخوي سوار الياسمين... غايو البنات البايركس ديل يشيلن الصبر ساااااااااااااااااااااااااااااااااااااااااااي وما يعملن لينا زحمة سمعتي يابت ياسواااااااااااااااار :mad: راجل المرا في السودان لسه مازال حلو حلا وسوقو حار ولاّ أسهمو دقّت الدلجه... بالجد كلامي دا ياود الماحي فعلا صدق حمادة بت انه راجل المرا حلو حلا لانه واقع الحال بقول كدا انا خلال شهرين بعرف رجال متزوجين اتزوجوا علي زوجاتهم بنات لم يسبق لهن الزواج من قبل وفعلا بقت حاجة تدعو للتفكير لماذ؟؟؟؟ تقبل البت براجل المرا !!!! خلينا نناقش الموضوع دا في بوست منفصل أنا غايتو طوالي رمضان بطلع لي في راسي ...وبالزات لوالراس ما شارب أبري... يكون من شراب القهوة الكتير بجيك صاد أأأبت امي.. في انتظراك ود امي بس ما تبقي زي باقي الناس تقول بجي و ما تجي


	25-09-2006 10:53 PM #68 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة نور العيون حبابك مدنيه حبيبتي رايك شنو لو تجي الامارات و تقضي معاي شهر زي العسل .... لو ساعة بس معك ياعسل بتبقي احلي من العسل يلا انتي بس رسلي التاشيرة والتذكرة لقيتني داخلة علي طمع صح يديك الف عافية يانورنا


	25-09-2006 11:40 PM #69 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 الناس دي وينها !!! شكلكم بالجد صايمين المهم انا باخد لي طلعة وبجي باذن الله العنده اي سعال يخته لما ارجع بجاوب عليه


	25-09-2006 11:56 PM #70 اللمسة الساحرة الملف الشخصي مشاهدة المشاركات زيارة الصفحة الرئيسية عضو فعال Array تاريخ التسجيل Apr 2005 الدولة مدني_حي المنيرة المشاركات 282 الغالية جدا مدنية لك التحية وانت صامدة حتى الان فةق الكرسي الساخن ،،، بس الله يستر ماتقعي مع رمضان والصيام... بهنائك برمضان تصومي وتفطري على خير وعايزة اسئلك سوؤالين كدة ماحازيد وليا عودة معاكي ياعسل.... طبعا انا انقطعت من المنتدى فترة ولما جيت المنتدى لقيتك قابضة الجو فماعارفة بتعتقدي السبب شنو ؟ وماعارفة برضو كيف قادرة توفقي بين شغل رمضان وبناتك والمنتدى احنا البنشتغل مع امهاتنا بس وماعندنا بنوتات امورات زيك شايفين انو مافي زمن لي نت انتي بتلقي زمن لي دة كلو وين؟ وبرضو عاوزة اعرف الحاجة الاعجبتك في منتدى ود مدني شنو؟؟؟ وهل زوجك راضي كل الرضى عن قاعدك في النت ؟؟؟ ارجو انو اكون ماتقلت دمي عليك ,,, وراجعة ليكي تاني.... مع تحياتي: اللمســـــــــــــــــــــــــــــــــــــــــــــ ـــــــــــــــــة الساحرة اذا ماغبت عن عيني...فلن تغيب عن قلبي...اراك بكل ماحولي...خيالا سابحا يسري...اراك وانت لا تدري...ولا ادري متــــــــــــــــــــــــــــــــــــــــى تدري


	26-09-2006 01:00 AM #71 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 الغالية جدا مدنية لك التحية وانت صامدة حتى الان فةق الكرسي الساخن ،،، بس الله يستر ماتقعي مع رمضان والصيام... بهنائك برمضان تصومي وتفطري على خير وعايزة اسئلك سوؤالين كدة ماحازيد وليا عودة معاكي ياعسل.... هلا وغلا فيك اللمسة الساحرة وانتي فعلا لمسة وساحرة كمان ورمضان مبارك وكل لحظة وانتي طيبة وكل الاسرة يارب واسالي ما بدا لكي وادللي ياعسل وانا تحت الامر والطوع طبعا انا انقطعت من المنتدى فترة ولما جيت المنتدى لقيتك قابضة الجو فماعارفة بتعتقدي السبب شنو ؟ بقولوا بلدا ما فيها التمساح بقدل فيها الورل انا لقيتكم مافي قلت احاول ابقي زيكم كان اقدر واحاول اضع لي لمسة في المنتدي بس برضو ماقدرت ولما رجعتي انتي ياداب كدا اللمسة ظهرت في المنتدي وماعارفة برضو كيف قادرة توفقي بين شغل رمضان وبناتك والمنتدى احنا البنشتغل مع امهاتنا بس وماعندنا بنوتات امورات زيك شايفين انو مافي زمن لي نت انتي بتلقي زمن لي دة كلو وين؟ شغل رمضان احنا الحمد لله ماعندنا ضيوف كتار بحكم اننا في الخرطوم لانها البلد دي صعبة خلا والناس ممكن تكون جيران بس ما في زول جايب خبر زول يعني ما زي مدني كلها ضيوف ودا داخل ودا مارق لذلك شغله ما كتير اما بالنسبة للمنتدي انا بدخل الصباح من المكتب شوية شغل وشوية منتدي بس الكلام بينا ما يصل لمديري البنات بعد ارجع من البيت هم بكونوا رجعوا من الروضة وكل الوقت ليهم لغاية لما انومهم وبرضو عاوزة اعرف الحاجة الاعجبتك في منتدى ود مدني شنو؟؟؟ منتدي ود مدني بالنسبة لي متنفسح بحس من خلاله اني مع اهلي وناسي وزي ما المغتربين بدخلوا لانهم حاسين بغربة انا كمان حاسة بغربة لاني بعيدة من مدني الحنينة وهل زوجك راضي كل الرضى عن قاعدك في النت ؟؟؟ عادي جدا وهو زاتو لو لقي ليه وقت بدخل بس لانه مشغول جدا وما بلقي زمن ولما يلقي زمن بفضل انه يقضيه مع بناته ارجو انو اكون ماتقلت دمي عليك ,,, وراجعة ليكي تاني.... انتي اسعدتيني جدا بمرورك علي وكنت في قمة السعادة وانا بحاورك ويارب انا اكون اوفيت في استفساراتك ولو في اي سؤال او استفسار انا حاااااضرة لو بقيت حية ومنتظرة رجعتك بكل شوق


	26-09-2006 02:30 AM #72 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 اها يا اخوانا قعدت وقعدت وقعدت وقعدت انتظرتكم مافي زولا جاني يلا بالاذن وبجيكم تاني لو بقيت حية العنده سعال يخته لما اجي برد عليه باذن الواحد الاحد


	26-09-2006 09:03 AM #73 bakri الملف الشخصي مشاهدة المشاركات عضو فعال Array تاريخ التسجيل Nov 2005 الدولة المناقل السانيه / السكن جبرة مربع 18 المشاركات 262 مدنيه رمضان كريم قلت اسلم عليك اول واجيك راجع


	26-09-2006 09:10 AM #74 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 هديه الي مدنيه!! أفضل لي أن اعود للمريخ بالمجان من أن اخذل الوالي فجر نجم المريخ علاء الدين يوسف مفاجأة من العيار الثقيل في حوار مطول اجرته معه الصدى في الساعات الاولى من صباح اليوم بمطار الخرطوم لحظة تواجده مع بعثة منتخبنا الوطني المغادرة الى ليبيا وابان علاء الدين يوسف انه لم ولن يجلس مع الهلال مشيراً الى ان أي مفاوضات يقوم بها الهلال مع اسرته لا علاقة له بها وأنه صاحب الكلمة الاولى والاخيرة في تحديد النادي الذي يلعب له مؤكداً انه باق بالمريخ ولن يتركه الا اذا تلقى ما يفيد من نادي المريخ بعدم الرغبة في خدماته.. واضاف: لن اجلس مع الهلال لمجرد التفاوض مهما كانت المغريات ولن اخون الوالي ولن اخذله لانني اثق فيه وقد منحته وعداً قاطعاً باعادة تسجيلي للمريخ وسأظل على هذا العهد مهما كان حجم العرض المقدم من الهلال وتابع قائلاً: أحب ان اطمئن جماهير المريخ ان عودتي للقلعة الحمراء مسألة وقت ليس الا وكل ما تردد عن جلوسي مع الهلال او دخولي في مفاوضات معه اشاعات الغرض منها خلق فجوة بيني والجماهير مؤكداً انه يثق كل الثقة في ان رئيس المريخ جمال الوالي سيقيمه التقييم الذي يتناسب مع ما قدمه للمريخ.. وكشف علاء عن اصابته بالملاريا ظهر اليوم ولكنه رغم ذلك أصر على السفر مع المنتخب الى ليبيا حتى لا يتخلف عن اداء ضريبة الوطن.. نص الحوار غداً


	26-09-2006 09:42 AM #75 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 و الله يا مدنيه حبيبتي الله يعينك و انت لغايه حسي صامده و انتي ما شاء الله عليكي و الله يديكي العافيه و سلمي على بناتك العسل مات الامل محترقا بنار انتظاري و ذبلت على شاطئ النسيان اجمل ورودي

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 06:49 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني