عاجل: شبارقة يعتذر عن زواجه من بت الحاج

[المسافر]

مإختلفنا , عِِلا لو علوية ولدت خلال السنة وحبة الرمان
قال مادايرها مابتبقى ميتة وخراب ديار , شينة وعندها ولد
أها البعرّسها منو ؟

صدق دي فاتت عليّ . . . بس لازم حبة الرمان يأخذ ولده معاهو . . . ولا رأيك شنو يكون في شرط جزائي إنه في حالة وجود أطفال لا يجوز لحبة الرمان الطلاق نهائياً .

أنا عارفك بتعمل كده عشان أخت علوية الكبيرة . . . الظاهر حامياك النوم !!!!

[شبارقة]

يا شباب ، والله والله والله وعلي الطلاق بالتلاتة علوية ما بقربا ولو أديتوني وزني دهب،،،
***
لكم خالص ودي

[ابورجاء]

الغالي شبارقة
لا حول ولا قوة الله بالله يا زول كده ما طلقته علويه
الله يهديك بس ده شنو السويتو ده اها يا مسافر لا
ولد ولا شايب ده جاب ليكم الجوكر عدييييييييييييل
وطلقها اها تاني الكواريك فوق شنو عله الكبيره
معلقه فوقك معلقه اها نبقى لي جنس ده زول
استاذ كبير وفاهم القانون يطلق المره قبل ما
يستلمها عايزين نص قانوني يبرر موقفك يا شبارقة
والا ارجا الراجيك نحن بننسحب وما قدر المشاكل
اخوانها راجنك بي هناك خم وصر ...
وعيونهم تقول كاشحنها وضاربنها والسكاكين
تقول شغالين في مسلخ الليله ما وقع راجل...
ودوما في رعاية الله وحفظه...
مع كل الود باقة ورد.....

[ود المطامير]

صدق دي فاتت عليّ . . . بس لازم حبة الرمان يأخذ ولده معاهو . . . ولا رأيك شنو يكون في شرط جزائي إنه في حالة وجود أطفال لا يجوز لحبة الرمان الطلاق نهائياً .

أنا عارفك بتعمل كده عشان أخت علوية الكبيرة . . . الظاهر حامياك النوم !!!!

اللى حامينى النوم من أمس فاتح لى
من يوم عرفنى معرّس قال على
( اللّة يقطعو ويقطع يوموا ) صاح
يا.... ت...................؟

[ود المطامير]

الغالي شبارقة
لا حول ولا قوة الله بالله يا زول كده ما طلقته علويه
الله يهديك بس ده شنو السويتو ده اها يا مسافر لا
ولد ولا شايب ده جاب ليكم الجوكر عدييييييييييييل
وطلقها اها تاني الكواريك فوق شنو عله الكبيره
معلقه فوقك معلقه اها نبقى لي جنس ده زول
استاذ كبير وفاهم القانون يطلق المره قبل ما
يستلمها عايزين نص قانوني يبرر موقفك يا شبارقة
والا ارجا الراجيك نحن بننسحب وما قدر المشاكل
اخوانها راجنك بي هناك خم وصر ...
وعيونهم تقول كاشحنها وضاربنها والسكاكين
تقول شغالين في مسلخ الليله ما وقع راجل...
ودوما في رعاية الله وحفظه...
مع كل الود باقة ورد.....

كدى خليك منى قوم ولّع النار للجنا دا
دخان الشيشة قطع

[شبارقة]

كدى خليك منى قوم ولّع النار للجنا دا
دخان الشيشة قطع

هنا ممنوع التدخين ، في الحلة معليش،، وأعمل حسابك من أبوي العمدة اليومين ديل جاتو مراهقة جديدة.
**
لك خالص ودي

[ود المطامير]

هنا ممنوع التدخين ، في الحلة معليش،، وأعمل حسابك من أبوي العمدة اليومين ديل جاتو مراهقة جديدة.

**

لك خالص ودي

عشان كدا مجننى بالطلبات , رسل لى عِمة
ومرة جلابية وهسى داير ليهو طقم أسنان
ما تشيل معاى شوية آشبارقة آخوى

[شبارقة]

عشان كدا مجننى بالطلبات , رسل لى عِمة
ومرة جلابية وهسى داير ليهو طقم أسنان
ما تشيل معاى شوية آشبارقة آخوى

العمدة يا خوي داير بنطلون جينز وجزمة ايطالي وقميص كط .. انت قايلو هين!!
***
لك خالص الود

[المسافر]

يا هوي خلو عمار في حالو نجهتو لينا هسي . . .

حتجونا متين عشان نتكلم في موضوع العرس ( علوية ) قربت تبور !!! وأعملوا حسابكم ما تجيبوا لينا العمدة المراهق بتاعكم ده !!! عندنا بنات صغار وحلوات زي علوية كده .

[Madanawi]

العمدة يا خوي داير بنطلون جينز وجزمة ايطالي وقميص كط .. انت قايلو هين!!
***
لك خالص الود

ههههههههههههههههههههههههه

انت يا شبارقة العمدة دا حق المطامير ولا عمدة نيويورك؟

[ود المطامير]

ههههههههههههههههههههههههه

انت يا شبارقة العمدة دا حق المطامير ولا عمدة نيويورك؟

العمدة النيويوركى داك بليد الأمير الوليد أداهو
عشرة مليون جنية ورفضها قال , قال الوليد
قال إسراييل وفلسطين لكن العمدة حقنا لو
أديتو سجارة ببقى حبيب حبيبك .

[خالد علونى]

إنتو يا جماعة شبارقة دا الحصل عليهو شنو

بت الحاج دي شكلها كدا ودتو مجلس الأمن

شبارقة متعك الله بالصحة والعافية



كن دوماً بكل الخير ورمضان كريم

[محمد النويري-الفقراء]

تحياتي اخونا شبارقة وبقية الاحبة المتداخلين .. ياشبارقة مالك نطيت من بت الحاج لقيتها مرة ما نقاطة ولا شنو ؟ هههههههههه اصلو زمنا دا الواحد لو قالو ليهو عرس فلانة ديك بت محترمة ومهذبة ، اقول ليك شغالة وين ؟ وساكنة وين ؟ وعندها شنو ؟ أسئلة كلها ترمي لمعني واحد ( المرة النقاطة ) ..

[عاطف عولي]

شبارقة وعلوية بت الحاج