قناة النزير للكلام الكتير

[النزير محمد شريف]

والله عال يتعزز الليمون عشان بالغنا في ريدو
انتو لاقين بدرينا بي جلالة قدرو يكون ليكم معزيع ويرفضو كمان اها نشوف قناتكم دي اللي هسة ما جابت لينا مسلسل ولا شفنا مزيعكم ابو حسن خمير جا قدم ليهو برنامج وبدرينا جوني ناس ميلودي قالوا لي شوف لينا صحبك دا نعينو معانا وانا رفضتة عشانكم عايزين تتعززو كمان والله حكم

تشكر عارفنك ما بتقصر لكن ما ترفع صوتك علينا هو بدرينا شغال ببلاش

[بدرينا]

حكايااااات المدينة مع بدرييينا

حلقة اليوم .. بعد قليل..

..

جلسة سمر مع نفيسة ست الكوارع

[بدرينا]

- وزي ما قلنا أعزائي المشاهدين في الحلقة الفاتت ما في داعي لكلام الترحيب.. الأصلا ما منو فائدة.. وزي ما عارفين ضيف حلقتنا الليلة ما بحب الكلام الكتير وكان معترض بشدة على اسم القناة ودا طبيعي جداً عشان الشغل بتاعو كتير.. وخلينا الكلام بس لأصوات الحلل والصحون والجرادل البططاقش عند زبائن ضيفنا..
..
- فاصل إعلاني.. دعاية لأنواع الابقار الجيدة.. صورة لبقرتين بتناطحو واحدة سمينة.. والتانية ما سمينة.. في البداية الما سمينة بتنطح السمينة.. بعد شوية السمينة بتمشي تأكل شوية برسيم محسّن وتجي راجعة وتقع نطح في البقرة الماسمينة.. بعد شوية يجو عجلين كبار يمسكوا ليك البقرة السمينة من أيدينا ويرفعوها فوووق دلالة على الفوز.. مع مقطع موسيقي: بقرنا نطح بقركم يقدر بقركم ينطح بقرنا زي ما بقرنا نطح بقركم.. ترن ترن ترن..
الدعاية دي كلها بإعتبار أنو البقرة السمينة دي حتكون مادة دسمة لحلة الكوارع..
سيرة الضيف الذاتية:
- نفيسة بت الريح السيد همشري ود الفاتح..
- من مواليد الحي الجديد جنوب شارع الزلط..
- قرت لحدي تالتة ابتدائي في مدارس ام حمر بالحي الجديد..
- متزوجة حاليا وقبلها مطلقة 329 مرة ..
- رئيسة الجمعية الخيرية بالحي..
- تعمل في بعض الأحيان مترجمة للبعثات الزائرة في الحي وبعض الأحياء المجاورة ..
- داية متقاعدة
- عضو نشط في جمعية الاهتمام بحيوان المنطقة وخصوصا البقر والتيوس الكبيرة في بعض الأحيان..
- تحمل العديد من الأوسمة. الجدارة .الانجاز . الشرف. المهارة. الخلق . الأدب . الشجاعة . الشهامة. البطولة. رعاية الشباب . الخدمة الطويلة الشاقة. الخدمة الطويلة الممتازة. بطولة الجمهورية في فن الطهي.

-طيب بسم الله نبدأ حلقتنا اليوم مع الحاجة نفيسة ونتمنى أنو نكون خفيفين على المستمعين وعلى نفيسة ذاتا..
- حاجة نفيسة مرحب بيك في برنامجنا وعايزنك ترحبي بالمشاهدين؟

- يا كافي البلا إتو ما لقيتو ليكن وكت تجو فيهو غير وكت الشغل دا؟ المشاهدين أنا بستفيد منهن شنو.. يوم واحد في مشاهد جا اتعشى عندي هنا..

- معذرة يا حاجة بس نحن استفسرنا وعرفنا إنو دا أحسن زمن ما فيهو زحمة وحرج بالنسبة ليك.. بعدين إن شاء الله الزمن ما حيكون طويل لو سمحتي بالكتير كدا عشرة خمستاشر دقيقة..
- سمح..
- طيب نتعرف عليك أكتر؟
- إتو مطرطشين في زول ما بعرف نفيسة..
- ماشاء الله عليك ياحاجة.. نحن قرينا السيرة بتاعتك المعلقة هناك..

- الحمدي للهِ آولدي أنا صبرت وكافحت لحدي ما عملت لي جمهور.. وبي دون فخُر علمتا وليداتي وبياتي كلللهن واحمد الله..

- طيب ياحاجة عايزنك تورينا بالتفصيل كيف بتعملي حلة الكوارع؟
- قوم من وشي آ جنا قسمتا بي الله اديك بالكمشة دي واحدة في نص راسك علا تقول لطشني جان .. عايز تقطع عيشي ماالك؟؟ هسع أنا كان وريتك والناس دي كلها متلمة خليك من ناس التفيلزيون الشايفين وسامعين في تاني زول بجي يشتري مني حاجة؟؟ في زول بوري سر مهنتو؟؟شوف ليك سعال غير دا آ جنا..

- معايش يا حاجة.. خلاص إنتي ما تزعلي.. طيب نحن قرينا في سيرتك الذاتية إنك الحمد لله متزوجة وبي أولادك.. لكن عرفنا إنك قبك كد اطلقت 329 مرة عايزين نعرف السبب؟
- هو عليك الله ديل رجال ديل.. أنا والله ديل كلهم بي الهسع معاي دا ما شايفة لي فيهن واحد نافع.. إلا أبو الطيب الله يبرد تُربَتو ويوسع مرقدو.. خلاف دا ما شايفا لي راجل.. أي واحد فيهم من أول يوم يدخل علي فيهو يقول لي تخلي بيع الكوارع.. وإنتو عارفين الكوارع بالنسبة لي زي النفس الطالع دا.. أها من ليلو داك بحرم علي.. وقسمت بي الله ما بخليه لي الصباح في ليلو داك يتراوح على أهلو.. آآآآهـ..

- أسفين ياحاجة لو أثرنا فيك زكريات موجعة..

- يعني شنو؟

- لا ياحاجة بس كنا عايزنك تحكي لينا عن أبو الطيب دا شوية وشنو الخلاك تفضليه على الباقين؟

- أبو الطيب. دا تب أنا ما بشوف متلو.. وحات أبوي دا من أول يوم اخد لي تلطاشر تور عشان الكوارع.. وقال لي حرم تبيعى الكوارع وتقسمي اللحمة على ناس الحلة.. وأنا أمك يا الطيب قمت لميت ليك الكوارع كلها في بيتي.. وقسمت اللحم على الناس.. وبعد إطناشر صباح نجضت الكوارع وبعتها.. أها أبو الطيب رايكم فيهو شنو.. في راجل بيعملا؟؟

- أبداً والله ياحاجة.. الله يرحمو.. بنسأل يا حاجة عن الأوسمة والأنواط بتاعتك دي أخدتيها كيف؟؟

- أبداً وحات أولادي دي كلها بي جاه أبو الطيب..

- طيب يا حاجة برضو عرفنا إنك كنت داية ممتازة في الحي دا وبعض الأحياء.. ما هي الأسباب التي دعت الحاجة نفيسة للتقاعد عن هذه المهنة العظيمة؟؟
- مافهمت.. بتقصد شنو يعني؟

- بنقول عرفنا إنك داية خليتي الشغلة دي مالك؟؟

- أيواااا .. أنا بشتغل هنا من العصر وقبال الوكت داك بكون في البيت بنجض في حلل الكوارع وبكون قاعدة هنا لحدي الناس ما تنقطع إمكن بعد الساعة واحدة.. عشان كدا مرات بتجيني حالات ولادة في الزمن دا أنا أعمل ليها شنو؟ أخلي شغلي وأمش ولا أولدا هنا؟ .. وبعدين هن ذاااتن ما بدفعن لي قروش زي الناس.. الواحدة أجيب ليها تيمان ولدين وتدفع شيء أقل من الطلبين كوارع.. عشان كدا خليت الشغلا دي..

- والله يا حاجة معاك حق.. أقصد إنو دي مهنة إنسانية بغض النظر عن الجانب المادي وما شابه ذلك والمفترض إنك تكوني..
حاجة نفيسة مقاطقة:

- اتا بتقول في شنو؟؟

- لا بقول ياحاجة والله قضينا معاك وقت حلو جدا واسمتنعنا بي ونستك.. وحقو نخليك تشتغلي شايف الزبائن مستعجلين شوية..
- ودعتكن الله ..

- الأعزاء المشاهدين الكلام كتير مع حاجة نفيسة لكن الزمن ما حيساعدنا لكن نوعدكم بي حلقة تانية وحتى نلتقيكم في حلقة أخرى دمتم في رعاية الله وحفظه..
كان معكم في الإعداد والتقديم والاخراج نفس الجاعة الفاتو..

[الطويل]

والله لا حولة الله منكم انتو ياابو رانيا اللي ماعايزين ترسلوا لي الفيزا

ههههههههههههههههههههههههههههههههههههههههه

خلاص المشكله مع مكتب العمل اتحلت الحمد الله

بس انتى رسلى لى صورة جوازك وخلى الباقى على يامدنيه

[الطويل]

والله عال ما بتنفع معانا قناتكم دي عارف لية قال ابو رانيا مزيع يا جنا ها انتة عايز تضحك فينا العالم حسو الخمير دا يزيع شنو

ههههههههههههههههههههههههه

ليه مخو انته قايلنى جيل السبعينات أنا يافردتى جيل الثمنينات

[مختار بازى]

ههههههههههههههههههههههههه

ليه مخو انته قايلنى جيل السبعينات أنا يافردتى جيل الثمنينات

ثما كم انتة وبسطاوي الواحد لما يزكر اسماءكم لنا بيطلع من خشمو غبار من شدة ما قدام

[النزير محمد شريف]

- وزي ما قلنا أعزائي المشاهدين في الحلقة الفاتت ما في داعي لكلام الترحيب.. الأصلا ما منو فائدة.. وزي ما عارفين ضيف حلقتنا الليلة ما بحب الكلام الكتير وكان معترض بشدة على اسم القناة ودا طبيعي جداً عشان الشغل بتاعو كتير.. وخلينا الكلام بس لأصوات الحلل والصحون والجرادل البططاقش عند زبائن ضيفنا..
..
- فاصل إعلاني.. دعاية لأنواع الابقار الجيدة.. صورة لبقرتين بتناطحو واحدة سمينة.. والتانية ما سمينة.. في البداية الما سمينة بتنطح السمينة.. بعد شوية السمينة بتمشي تأكل شوية برسيم محسّن وتجي راجعة وتقع نطح في البقرة الماسمينة.. بعد شوية يجو عجلين كبار يمسكوا ليك البقرة السمينة من أيدينا ويرفعوها فوووق دلالة على الفوز.. مع مقطع موسيقي: بقرنا نطح بقركم يقدر بقركم ينطح بقرنا زي ما بقرنا نطح بقركم.. ترن ترن ترن..
الدعاية دي كلها بإعتبار أنو البقرة السمينة دي حتكون مادة دسمة لحلة الكوارع..
سيرة الضيف الذاتية:
- نفيسة بت الريح السيد همشري ود الفاتح..
- من مواليد الحي الجديد جنوب شارع الزلط..
- قرت لحدي تالتة ابتدائي في مدارس ام حمر بالحي الجديد..
- متزوجة حاليا وقبلها مطلقة 329 مرة ..
- رئيسة الجمعية الخيرية بالحي..
- تعمل في بعض الأحيان مترجمة للبعثات الزائرة في الحي وبعض الأحياء المجاورة ..
- داية متقاعدة
- عضو نشط في جمعية الاهتمام بحيوان المنطقة وخصوصا البقر والتيوس الكبيرة في بعض الأحيان..
- تحمل العديد من الأوسمة. الجدارة .الانجاز . الشرف. المهارة. الخلق . الأدب . الشجاعة . الشهامة. البطولة. رعاية الشباب . الخدمة الطويلة الشاقة. الخدمة الطويلة الممتازة. بطولة الجمهورية في فن الطهي.

-طيب بسم الله نبدأ حلقتنا اليوم مع الحاجة نفيسة ونتمنى أنو نكون خفيفين على المستمعين وعلى نفيسة ذاتا..
- حاجة نفيسة مرحب بيك في برنامجنا وعايزنك ترحبي بالمشاهدين؟

- يا كافي البلا إتو ما لقيتو ليكن وكت تجو فيهو غير وكت الشغل دا؟ المشاهدين أنا بستفيد منهن شنو.. يوم واحد في مشاهد جا اتعشى عندي هنا..

- معذرة يا حاجة بس نحن استفسرنا وعرفنا إنو دا أحسن زمن ما فيهو زحمة وحرج بالنسبة ليك.. بعدين إن شاء الله الزمن ما حيكون طويل لو سمحتي بالكتير كدا عشرة خمستاشر دقيقة..
- سمح..
- طيب نتعرف عليك أكتر؟
- إتو مطرطشين في زول ما بعرف نفيسة..
- ماشاء الله عليك ياحاجة.. نحن قرينا السيرة بتاعتك المعلقة هناك..

- الحمدي للهِ آولدي أنا صبرت وكافحت لحدي ما عملت لي جمهور.. وبي دون فخُر علمتا وليداتي وبياتي كلللهن واحمد الله..

- طيب ياحاجة عايزنك تورينا بالتفصيل كيف بتعملي حلة الكوارع؟
- قوم من وشي آ جنا قسمتا بي الله اديك بالكمشة دي واحدة في نص راسك علا تقول لطشني جان .. عايز تقطع عيشي ماالك؟؟ هسع أنا كان وريتك والناس دي كلها متلمة خليك من ناس التفيلزيون الشايفين وسامعين في تاني زول بجي يشتري مني حاجة؟؟ في زول بوري سر مهنتو؟؟شوف ليك سعال غير دا آ جنا..

- معايش يا حاجة.. خلاص إنتي ما تزعلي.. طيب نحن قرينا في سيرتك الذاتية إنك الحمد لله متزوجة وبي أولادك.. لكن عرفنا إنك قبك كد اطلقت 329 مرة عايزين نعرف السبب؟
- هو عليك الله ديل رجال ديل.. أنا والله ديل كلهم بي الهسع معاي دا ما شايفة لي فيهن واحد نافع.. إلا أبو الطيب الله يبرد تُربَتو ويوسع مرقدو.. خلاف دا ما شايفا لي راجل.. أي واحد فيهم من أول يوم يدخل علي فيهو يقول لي تخلي بيع الكوارع.. وإنتو عارفين الكوارع بالنسبة لي زي النفس الطالع دا.. أها من ليلو داك بحرم علي.. وقسمت بي الله ما بخليه لي الصباح في ليلو داك يتراوح على أهلو.. آآآآهـ..

- أسفين ياحاجة لو أثرنا فيك زكريات موجعة..

- يعني شنو؟

- لا ياحاجة بس كنا عايزنك تحكي لينا عن أبو الطيب دا شوية وشنو الخلاك تفضليه على الباقين؟

- أبو الطيب. دا تب أنا ما بشوف متلو.. وحات أبوي دا من أول يوم اخد لي تلطاشر تور عشان الكوارع.. وقال لي حرم تبيعى الكوارع وتقسمي اللحمة على ناس الحلة.. وأنا أمك يا الطيب قمت لميت ليك الكوارع كلها في بيتي.. وقسمت اللحم على الناس.. وبعد إطناشر صباح نجضت الكوارع وبعتها.. أها أبو الطيب رايكم فيهو شنو.. في راجل بيعملا؟؟

- أبداً والله ياحاجة.. الله يرحمو.. بنسأل يا حاجة عن الأوسمة والأنواط بتاعتك دي أخدتيها كيف؟؟

- أبداً وحات أولادي دي كلها بي جاه أبو الطيب..

- طيب يا حاجة برضو عرفنا إنك كنت داية ممتازة في الحي دا وبعض الأحياء.. ما هي الأسباب التي دعت الحاجة نفيسة للتقاعد عن هذه المهنة العظيمة؟؟
- مافهمت.. بتقصد شنو يعني؟

- بنقول عرفنا إنك داية خليتي الشغلة دي مالك؟؟

- أيواااا .. أنا بشتغل هنا من العصر وقبال الوكت داك بكون في البيت بنجض في حلل الكوارع وبكون قاعدة هنا لحدي الناس ما تنقطع إمكن بعد الساعة واحدة.. عشان كدا مرات بتجيني حالات ولادة في الزمن دا أنا أعمل ليها شنو؟ أخلي شغلي وأمش ولا أولدا هنا؟ .. وبعدين هن ذاااتن ما بدفعن لي قروش زي الناس.. الواحدة أجيب ليها تيمان ولدين وتدفع شيء أقل من الطلبين كوارع.. عشان كدا خليت الشغلا دي..

- والله يا حاجة معاك حق.. أقصد إنو دي مهنة إنسانية بغض النظر عن الجانب المادي وما شابه ذلك والمفترض إنك تكوني..
حاجة نفيسة مقاطقة:

- اتا بتقول في شنو؟؟

- لا بقول ياحاجة والله قضينا معاك وقت حلو جدا واسمتنعنا بي ونستك.. وحقو نخليك تشتغلي شايف الزبائن مستعجلين شوية..
- ودعتكن الله ..

- الأعزاء المشاهدين الكلام كتير مع حاجة نفيسة لكن الزمن ما حيساعدنا لكن نوعدكم بي حلقة تانية وحتى نلتقيكم في حلقة أخرى دمتم في رعاية الله وحفظه..
كان معكم في الإعداد والتقديم والاخراج نفس الجاعة الفاتو..

روعه الروعه بدرينا

وكفي

[النزير محمد شريف]

انشاء الله اليوم سوف تشاهدون

البرنامج الذي طال انتظاره





"كيف تساعد المدام في غسل العده والهندام"

مع ود المطامير

ابقو معنا

[صلاح ودالطاهر]

انشاء الله اليوم سوف تشاهدون

البرنامج الذي طال انتظاره





"كيف تساعد المدام في غسل العده والهندام"

مع ود المطامير

ابقو معنا

انت ياالنزير مالك زي قناة LBC في توقيعك

[ود المطامير]

معزره على التأخير عشان كنت بجهز فى المطبخ
بجيكم راجع بعد شويه كدا .

[صلاح ودالطاهر]

معزره على التأخير عشان كنت بجهز فى المطبخ
بجيكم راجع بعد شويه كدا .

اها ده القدرته عليهو

[بدرينا]

أبقوا معنا..
في برنامج
حكايااااات المدينة مع بدرينا
الحلقة الجاية..
وقفة بجانب الكرسي الساخن....

مقتطفات من الحلقة القادمة:


- علييييكم الله ما شايلين معاكم حاجة باردة..
..
- أنا عايز اسئلة ناعمة من ناس ناعمين زي: ساكن وين؟ مرتبط ولا ما مرتط؟ تلفونك كم؟
..
- أنا خلاص نفسي قفلت..

.. كريستال الموية دا كلو أنا شربتو..

[زيزي]

حتكون قناة جميلة كترو من المسلسلات

[النزير محمد شريف]

أبقوا معنا..
في برنامج
حكايااااات المدينة مع بدرينا
الحلقة الجاية..
وقفة بجانب الكرسي الساخن....

مقتطفات من الحلقة القادمة:


- علييييكم الله ما شايلين معاكم حاجة باردة..
..
- أنا عايز اسئلة ناعمة من ناس ناعمين زي: ساكن وين؟ مرتبط ولا ما مرتط؟ تلفونك كم؟
..
- أنا خلاص نفسي قفلت..

.. كريستال الموية دا كلو أنا شربتو..

تسلم بدرينا
وكفي

[بدرينا]

تسلم بدرينا
وكفي

الحلقة لسة يا نزير

[ود المطامير]

الحلقة لسة يا نزير

حبيبنا .. الرائع .. بدرينا
ما قصده أخونا النزير بقوله .. تسلم يا بدرينا وكفى ..
يعنى إختزل كل المدح فى كلمتين ..
وكلمة كفى فى حد زاتها مدح لشخصك المحبوب .
واصل وكلنا متابعين بلهفه وشوق .

[المكاشفى]

الغالى ود امى النزير الفكره جهنميه
مووووووووووت احمر وبدرينا نشاط وابداع
بس نصيحه كان داير القناه دى تشتغل ابعد
منها ابورانيا وبازى بغطسوا ليك حجرها
غطيست سينما غيداء (قطعوا عيشنا)
انا كلمتك غايتو

[النزير محمد شريف]

الغالى ود امى النزير الفكره جهنميه
مووووووووووت احمر وبدرينا نشاط وابداع
بس نصيحه كان داير القناه دى تشتغل ابعد
منها ابورانيا وبازى بغطسوا ليك حجرها
غطيست سينما غيداء (قطعوا عيشنا)
انا كلمتك غايتو

وينك انت

ليك شوق ولهفه

وكمان معاي صاحبي هنا اسمو محمد التاج السماني

كلامك عجبو تب

لكن ابو رانيا
دا تب الواحد ما بتلوم معاهو

مع مودتي

[النزير محمد شريف]

حبيبنا .. الرائع .. بدرينا
ما قصده أخونا النزير بقوله .. تسلم يا بدرينا وكفى ..
يعنى إختزل كل المدح فى كلمتين ..
وكلمة كفى فى حد زاتها مدح لشخصك المحبوب .
واصل وكلنا متابعين بلهفه وشوق .

تسلم ود المطامير

مع مودتي

[بدرينا]

حكايات المدينة مع بدرينا
وقفة مع الكرسي الساخن

في أثناء تجوال كاميرا التلفزيون داخل أقسام المنتدي ومن خلال تصويرها لبعض لقطات الفيديو استوقفنا مشهد دراماتيكي جدا .. فكان لابد من الوقوف عنده كثيرا ..

فلاش باك: صورة شخص يجلس على كرسي وثير وبالقرب منه وعلى الأرض العديد من زجاجات العصير الفارغة وبعض زجاجات موية كريستال سوبا ..تتساقط من تحته قطرات ماء لا ندري طبيعتها.. وبعد الاقتراب شيئاً فشيئا اتضح أنها قطرات عرق تساقطت من جسده..رغم وجود تكييف مركزي بالغرفة..
موسيقى تصويرية: أغالب عرق واتصبر واقول يا ربي رطبني..
فاصل إعلاني : شرائح بوربوينت مكتوب عليها:
منتجات سوفت كلر للترطيب..
تمتع بصيف رطب
مع كريم أو أند إن المرطب والمنعم والمضاد للعرق في نفس الوقت..
الآن بالأسواق..
صنع خصيصاً لمنتديات ودمدني..
المنتدي العام..
الكرسي الساخن..
- الإعلان انتهى...
- الشمار كتلنا وقلنا نشوف الزول دا مالو ونعمل معاو لقاء يمكن يخفف عليو شوية..
- السلام عليكم..

- أهلاً (بي زعل)..
- الحاصل شنو؟؟
- إنتو شايفين شنو؟ ما زول وقاعد في الكرسي الساخن.. في حاجة غريبة؟؟

- لا أبداً .. بس القعدك نا منو؟؟

- والله ما عارف ..فجأة كدا لقيت نفسي قاعد هنا .. والناس دي كلها شغالة فيني أسئلة تقيلة.. كرسي هو ولا محكمة دولية ..؟؟

- الحاجة العارفنها أنو الناس دي لو ما بتريدك ما بتعمل فيك كدا ..

- يريدو شنو ياخ؟؟ اسي شايف كريستال الموية المجدع دا.. كلو مشتريو براي .. لو في زول واحد بريدني كان جاب لي عصير ولا بارد ولا حتى إن شاء الله يجي يقعد لي حبة ..

- طيب يا أخينا ممكن نعرف طبيعة الأسئلة المسخنة بيك دي ؟؟

- أنا ما بسخن بي إلا الزيكم دا .. بعدين كدي خلوني من الأسئلة .. ما شايلين ليكم حاجة بشربوها ؟؟
- ما مشكلة بنجيب ليك حاجة باردة .. بس إنت ورينا الأسئلة المعطشاك دي ؟؟

- كويس .. مثلا واحد يقوم يقول ليك : حبيبتك منو ؟؟

- سؤال كويس .. مالو وريهم ..

- أنا والله زول وااااضح وما بعرف اللف والدوران وعمري ما كضبت علي زول .. وزي الأسئلة دي بتعمل لي مشاكل ..

- مشاكل زي شنو مثلاً ؟؟

- طيب أنا حا أوريكم .. أول حاجة وقفوا التصوير ..

- طيب .. أها وقفناو ..

- أنا أقل حاجة عندي سبعة حبيبات .. ولما أقول ليهم حبيبتي فلانة مثلاً .. طبيعي حا آخد ستة شواكيش .. وأنا والله ما ناقص.. برضو واحد يقوم يجيب ليك سؤال غبي ويقول ليك تتمنى شنو؟؟ .. وهم سلفا عارفين إنو أنا بتمنى أقوم من الحتة دي .. بس هم دايرني أقولا براي عشان يشمتو فيني ..

- طيب ياخ عايزين نعرف شعورك الآن وإنت قاعد على الكرسي الساخن ؟؟

- هو في الحقيقة إنتو ما عارفين حاجة.. الكرسي دا حسب الظروف.. مرات بيكون ساخن ومرات بيكون بارد ..

- ممكن نعرف بيكون مسخن متين ؟؟

- أيوااا .. بيكون مسخن في حالة تجوني إنتو والزيكم ديل وتسألوا أسئلتكم المهببة دي ..

- وبيكون بارد متيين ؟؟

- ياخ إنتو أصلو ما بتفوتو حاجة .. ما قلنا بارد وخلاص ..

- طيب بارد دي خليناها .. بيكون خلاص كيف ؟؟

- دا بيكون لما الأسئة تكون بعبارات حلوة ونااااعمة ومن ناس ناعمين .. مثلا : إنت ساكن وين ؟؟ ولونك المفضل شنو؟؟ ومرتبط ولا لأ ؟؟ ورقم تلفونك كم ؟؟ زي الأسئلة دي بتريح الواحد وما بحس بي سخانة وبيكون عندو حماس لكرسي جديد إن شاء الله مولع نار .. وبكون مترقب الزول الجاي عشان كدا إنتو مما جيتو نفسي قفلت وحسيت بي كآبة .. الحاجة الوحيدة الريحتني إنكم شايلين بارد .. خلاص إتخارجو إمكن يجي زول غيركم كويس ..

- طيب قبل ما نتخارج عايزين نسألك سؤال سقير كدا ..
- كويس ..

- شنو السؤال الكنت بتتمناه من البداية ولم يأتي بعد ؟؟

- كنت بتمنى يجي واحد يسألني : تشرب شنو ؟؟


- ياخ إنت جنك شراب ؟؟

- إنتو في موية الله دي حاسدني ؟

- طيب عندنا سؤال تاني ..

- أها قولو ريحونا ..

- زي ما إنت قلت عايزين نسألك سؤال غبي.. بتتمنو شنو؟

- سؤال جميل .. زمااان لمن كنا صغار .. أمي كانت لمن تجي تحمينا الصابون بخش لينا في عيونا والواحد بيكون مخنوق وبكورك ومنتظر اللحظة البتخلص فيها من الشغلانة دي .. نفس الإحساس أسي وأنا قاعد هنا في الكرسي دا ..

- يا راجل ..

- دي الحقيقة..

- طيب عايزنك في نهاية هذا اللقاء تقول للمشاهدين كلمة أخيرة ..

- بقول ليهم إن شاء الله تجي مطرة ..

[النزير محمد شريف]

حكايات المدينة مع بدرينا
وقفة مع الكرسي الساخن

في أثناء تجوال كاميرا التلفزيون داخل أقسام المنتدي ومن خلال تصويرها لبعض لقطات الفيديو استوقفنا مشهد دراماتيكي جدا .. فكان لابد من الوقوف عنده كثيرا ..

فلاش باك: صورة شخص يجلس على كرسي وثير وبالقرب منه وعلى الأرض العديد من زجاجات العصير الفارغة وبعض زجاجات موية كريستال سوبا ..تتساقط من تحته قطرات ماء لا ندري طبيعتها.. وبعد الاقتراب شيئاً فشيئا اتضح أنها قطرات عرق تساقطت من جسده..رغم وجود تكييف مركزي بالغرفة..
موسيقى تصويرية: أغالب عرق واتصبر واقول يا ربي رطبني..
فاصل إعلاني : شرائح بوربوينت مكتوب عليها:
منتجات سوفت كلر للترطيب..
تمتع بصيف رطب
مع كريم أو أند إن المرطب والمنعم والمضاد للعرق في نفس الوقت..
الآن بالأسواق..
صنع خصيصاً لمنتديات ودمدني..
المنتدي العام..
الكرسي الساخن..
- الإعلان انتهى...
- الشمار كتلنا وقلنا نشوف الزول دا مالو ونعمل معاو لقاء يمكن يخفف عليو شوية..
- السلام عليكم..

- أهلاً (بي زعل)..
- الحاصل شنو؟؟
- إنتو شايفين شنو؟ ما زول وقاعد في الكرسي الساخن.. في حاجة غريبة؟؟

- لا أبداً .. بس القعدك نا منو؟؟

- والله ما عارف ..فجأة كدا لقيت نفسي قاعد هنا .. والناس دي كلها شغالة فيني أسئلة تقيلة.. كرسي هو ولا محكمة دولية ..؟؟

- الحاجة العارفنها أنو الناس دي لو ما بتريدك ما بتعمل فيك كدا ..

- يريدو شنو ياخ؟؟ اسي شايف كريستال الموية المجدع دا.. كلو مشتريو براي .. لو في زول واحد بريدني كان جاب لي عصير ولا بارد ولا حتى إن شاء الله يجي يقعد لي حبة ..

- طيب يا أخينا ممكن نعرف طبيعة الأسئلة المسخنة بيك دي ؟؟

- أنا ما بسخن بي إلا الزيكم دا .. بعدين كدي خلوني من الأسئلة .. ما شايلين ليكم حاجة بشربوها ؟؟
- ما مشكلة بنجيب ليك حاجة باردة .. بس إنت ورينا الأسئلة المعطشاك دي ؟؟

- كويس .. مثلا واحد يقوم يقول ليك : حبيبتك منو ؟؟

- سؤال كويس .. مالو وريهم ..

- أنا والله زول وااااضح وما بعرف اللف والدوران وعمري ما كضبت علي زول .. وزي الأسئلة دي بتعمل لي مشاكل ..

- مشاكل زي شنو مثلاً ؟؟

- طيب أنا حا أوريكم .. أول حاجة وقفوا التصوير ..

- طيب .. أها وقفناو ..

- أنا أقل حاجة عندي سبعة حبيبات .. ولما أقول ليهم حبيبتي فلانة مثلاً .. طبيعي حا آخد ستة شواكيش .. وأنا والله ما ناقص.. برضو واحد يقوم يجيب ليك سؤال غبي ويقول ليك تتمنى شنو؟؟ .. وهم سلفا عارفين إنو أنا بتمنى أقوم من الحتة دي .. بس هم دايرني أقولا براي عشان يشمتو فيني ..

- طيب ياخ عايزين نعرف شعورك الآن وإنت قاعد على الكرسي الساخن ؟؟

- هو في الحقيقة إنتو ما عارفين حاجة.. الكرسي دا حسب الظروف.. مرات بيكون ساخن ومرات بيكون بارد ..

- ممكن نعرف بيكون مسخن متين ؟؟

- أيوااا .. بيكون مسخن في حالة تجوني إنتو والزيكم ديل وتسألوا أسئلتكم المهببة دي ..

- وبيكون بارد متيين ؟؟

- ياخ إنتو أصلو ما بتفوتو حاجة .. ما قلنا بارد وخلاص ..

- طيب بارد دي خليناها .. بيكون خلاص كيف ؟؟

- دا بيكون لما الأسئة تكون بعبارات حلوة ونااااعمة ومن ناس ناعمين .. مثلا : إنت ساكن وين ؟؟ ولونك المفضل شنو؟؟ ومرتبط ولا لأ ؟؟ ورقم تلفونك كم ؟؟ زي الأسئلة دي بتريح الواحد وما بحس بي سخانة وبيكون عندو حماس لكرسي جديد إن شاء الله مولع نار .. وبكون مترقب الزول الجاي عشان كدا إنتو مما جيتو نفسي قفلت وحسيت بي كآبة .. الحاجة الوحيدة الريحتني إنكم شايلين بارد .. خلاص إتخارجو إمكن يجي زول غيركم كويس ..

- طيب قبل ما نتخارج عايزين نسألك سؤال سقير كدا ..
- كويس ..

- شنو السؤال الكنت بتتمناه من البداية ولم يأتي بعد ؟؟

- كنت بتمنى يجي واحد يسألني : تشرب شنو ؟؟


- ياخ إنت جنك شراب ؟؟

- إنتو في موية الله دي حاسدني ؟

- طيب عندنا سؤال تاني ..

- أها قولو ريحونا ..

- زي ما إنت قلت عايزين نسألك سؤال غبي.. بتتمنو شنو؟

- سؤال جميل .. زمااان لمن كنا صغار .. أمي كانت لمن تجي تحمينا الصابون بخش لينا في عيونا والواحد بيكون مخنوق وبكورك ومنتظر اللحظة البتخلص فيها من الشغلانة دي .. نفس الإحساس أسي وأنا قاعد هنا في الكرسي دا ..

- يا راجل ..

- دي الحقيقة..

- طيب عايزنك في نهاية هذا اللقاء تقول للمشاهدين كلمة أخيرة ..

- بقول ليهم إن شاء الله تجي مطرة ..

بدرينا يا ابداع

والله رفعت اسهم القناة في السوق

ولي عودة كبيره

مع مودتي

[صلاح ودالطاهر]

شكيت محنك يابدرينا ماقطعت مصاريني من الضحك وحاتك انت لو مافي النزيرده كان باع قناتو للشيخ مختار بازي

[المكاشفى]

هههههههههههههههههههههه
وااااااااااااااااااااااااااااااااااااااااااااااااا اااى
بدرينا عليييييييييك الله دى بى كم كرت؟؟؟؟

[بسطاوى]

هههههههههههههههههههههه
وااااااااااااااااااااااااااااااااااااااااااااااااا اااى
بدرينا عليييييييييك الله دى بى كم كرت؟؟؟؟

لكن مابالغتة يابدرينا انا كنت عاوز ارفدك واحولك لقناة الجزيرة ( طبعا عضو مجلس ادارة)
لكن بالعملتوا مع بازى دا بقيت اريدك عديل اها كتر من زى دا - كدى رد على المكاشفى دا

[مختار بازى]

الغالى ود امى النزير الفكره جهنميه
مووووووووووت احمر وبدرينا نشاط وابداع
بس نصيحه كان داير القناه دى تشتغل ابعد
منها ابورانيا وبازى بغطسوا ليك حجرها
غطيست سينما غيداء (قطعوا عيشنا)
انا كلمتك غايتو

ههههههههههههههههههههههههههههه
برضو نحنا يا كشة الوقفنا حال السينما ولا انتة الوقتة بالقروش حقت الافلام